瀛喜日本料理 (Closed)

本身食開放題都可以食到好開心，但元朗呢間瀛喜係唯一一間令我食唔飽之餘又嬲住咁走人！是咁的，琴晚同個朋友訂左 2130 時段食兩個鐘，點知去到個環境已經唔係咁好兩個人坐得非常之迫，呢樣都算啦…叫 d 刺身黎 第一 round 都還可以但第二 round 個 d 刺身就愈切愈細片兼薄身，而且同我想 order 既數量就愈來愈少…仲要 d 刺身食落去真係無乜味之後叫 d 熟食，交左大概五六張單出去但就不停漏單，叫個樣無個樣…我仲聽到隔離幾枱都係咁追單，結果都係無野食出來…之後等左一個鐘先有少少野食來個 d 熟食好多都好唔新鮮，個羊扒好難咬到仲有有唔少野食 d 汁太多炸物則完全漏單無來過最後食到 2245 已經比人叫埋單，仲好意思問有咩食物未到…一間狂漏單，又難食既放題，真係無下次，No next time！！下次食放題真係寧願比貴少少，出返旺角同尖沙咀食算，始終食開個幾間（番本、大喜屋/滿屋系列等）比較有保證

今次黎到元朗既瀛喜，位於交通廣場地下，呢間我已經食左不下於3次有多，以佢既質素同價錢都ok。而且近年佢亦係荃灣開左間分店同會以唔同既優惠作招徠! 逢星期一至三1730 至1930 入坐仲有其中一位$88 添! 今次我地黎就book 1830 ,都有88折。首先黎左炸物先，叫左炸蠔，夠香脆同夠熱天婦羅都好味 到魚生，三文魚較淡味，剌生質素較差，冇咩味，但螺片同蚌類反而有驚喜，好好食! 反卷都好食，但可以見到其中一舊既三文魚冇左一半 新出既燒菠蘿，正，酸甜味岩岩好 必點! 燒鯖魚，好香，冇骨，啖啖肉 煮蜆，較辣加埋粉絲好食但肉量較少同有沙燒日本蕃薯仔，好好甜，當甜品一流 燒羊排，好大陣騷味又難咬，唔好食，下次唔洗叫 新出既燒蝦，都幾野味，但肉質食得出唔係新鮮既蝦。總括而言，覺得今次魚生既質素比之前黎食果時較差，但以價錢黎講，都抵食既。

行完山又餓都爆大家想食日本野當然諗住食放題啦，咁米Openrice找放題，見到灜喜原來元朗都有就試下有冇開啦，原來初三已開，二百頭一位第二位半價，所以我地食最早的5點半…去到大部份都坐滿，黎野食都超快同熱，食野品質都keep到吾錯水平，刺身正常又未至於好靚但起碼冇梅。牛肉和蟹粥講真吾好食，蟹粥冇蟹味似係粟米粥仲要超杰身。壽司細細粒一口食晒都吾錯。羊架太蘇朋友吾鐘意食，炸蠔比心目中好味有蠔味，而甜品任叫都係雪糕雪條和糯米糍吾叫貴的選擇，但以新年黎講，5個人去食$202全包都叫好抵食。

逢星期一至三5:30前或9:30後二人同行一人$88。由於訂左位所以直接入得。一坐底即order左一堆刺身，上得好快，我覺得啲刺身一般，普普通通唔會話好好食想再叫咁，但不過不失啦。反而啲壽司仲好味，細細粒咁，唔會話食幾舊就飽仲可以試多幾款，尤其係花之戀同個生八爪魚壽司😂好好味黎食放題緊係唔飲汽水啦，廢事咁快飽所以叫左杯熱蘋果茶，入邊有啲蘋果粒粒，感覺好潤喉，一路飲都覺得好似食緊我枝蘋果味唇膏咁，哈哈。再黎必食既炸物，芝士焗蠔真係無得輸👍🏻叫左2 Round😂，仲有焗甜薯，芝士年糕同薯餅我都好鐘意食，我地2個人每樣叫一客個份量已經夠食。串燒叫左燒雞皮同雞串，無唸過啲雞皮係咁，細到痴住條籤咬唔甩。食左一個鐘到已經開始飽，因為真係無停過😂😂11點last order ，臨尾叫多轉小食同甜品都差不多，反而無叫過啲鍋物，因為真係食唔落。9:30～11:30星期三，我地2個埋單包加一總共$299，算平！

睇到最近有食評講坐到好逼畢竟我兩個月前去食我果日食八點半.我同bf兩個人坐佐張六人枱對住坐另一pair人就坐佐另一邊.中間可以擺野食.我就覺唔太逼刺身幾好味三文魚同貝柱order佐兩次甜蝦都好好食..但佢個切法好奇怪 尾果度好多無切出黎.得反好少肉食壽司兩個人既份量.bf見到張紙瘋狂咁點好彩黎到飯既份量都唔太多松露三文魚既松露都幾多花之戀包得好靚.無散開炸物既粉都唔厚又脆蝦多士呢樣野好多放題會見到佢又整得幾好味.可惜之前我地食佐太多壽司結尾有個3.6牛乳布甸! 無影到相!

朋友生日，諗住請佢食餐好，瀛喜我同佢都未去過，見食評唔差就去試一試，一入到去已經感覺環境麻麻(嚟到就試下)，好快愈來愈多客，客人安排坐得好迫(旁邊唔識嘅客人膀頭經常碰到我)，食物質素低，魚生唔新鮮冇味，炸物唔乾身好油，燒物有燶嘅，全場最好味嘅應該係雪糕及汽水。 我咁鬼懶寫食評都要寫，可想而之係幾咁難頂，如果食物難接受服務搭救都好，可惜唔係。。。講明放題2小時，但夠鐘前45分鐘就話Last order,之後仲有25分鐘就同你講：就夠鐘，食快啲啦!! 夠鐘前5分鐘就好冇禮貌講：夠鐘喎!! 對於呢間嘢，除咗粗口，我只諗到"不知所謂"嚟形容

很久沒有寫食評了，忍不住還是要發表一下，因為我是看了食評才來幫襯的，然而食完後我不禁要問“哪裡來的好評？！”環境：坐位擠迫得要命，簡直寸步難行，而且我們坐的位置還有滴水問題，侍應生態度完全沒禮貌可言，茶水沒有供應，只有汽水啤酒這飽肚飲品！食物：除了魚生還算新鮮外，羊架味道也可以，其它的熟食真的有點不知所謂！串燒：雞腎，雞皮，雞軟骨全都又乾又硬，還有那雞脾菇大件得足以令人梗死，但又咬不開，蒜心更是又老又乾！蒜片牛柳粒，不知用什麼“乸”到好“梅”，而且超甜，又成攤水，好多食物的味道都用了這個汁，只是換上的是蜆，魷魚，7味牛肉……好難食！7：30入場，8：40埋單離開，絕無下次！講完！

聽朋友介紹說元朗的這間放題很有質素，於是決定今晚一試，地點並不難找，元朗西鐵站走約10分鐘就到了。來到門口，店子小小的，但感覺不錯。進去後客人坐得滿滿的，看來今晚是選對了。看見別人的刺身盤都很大很漂亮，不過我平日不吃生冷食物，也只能欣賞一下而已。不過除了刺身外，還有很多食物可供選擇。我和友人點了一堆煮物，其中以蟹粥最為美味，十分鮮甜，熱辣辣的，粥也綿綿的，很不錯。另外，我們也點了韓式泡菜炒雞柳，泡菜醃得剛剛好，酸辣味很夠，但味道也不會蓋過雞柳的味道，雞柳肉嫩嫩的，醬汁好吃，兩種食物相互配合，很美味。天婦羅也點了不少，其中以海蝦天婦羅及芝士魚餅天婦羅最美味，很鮮甜，又香口，不過其實全部都炸得十分香脆，粉漿又唔厚，熱辣辣的很好吃。還有串燒，有很多種類，即叫即燒，分外美味，最愛香草腸，皮脆脆的，吃起來帶有淡淡香草味，胃容量不太大的我也吃了不少串。鹽燒鮪魚也點了一客，一上桌就覺得份量好大，燒得有點兒焦，不過魚肉吃起來很鮮味，也很嫩，撒上檸檬汁後更帶出本身的鮮。當夜還吃了其他不少食物，很滿足，一定有下次的！

見二人做緊半價咁抵，梗係約埋班同事黎食下，放工黎食九半時段，book左枱唔使等，都幾犀利，平日都全場爆滿。好肚餓，一坐低就劃劃劃，食物唔算太多款，都係一般放題有嘅，唔理咁多咩都寫啲先。食物好快黎，刺身，幾肥美。各式反卷，味道唔錯，細細粒可以食多幾款。各式壽司，火灸好味，花之戀都好正，同樣細細件，一啖一舊，唔覺唔覺食左好多件。串燒，鹽落得重收左少少，有啲鹹，燒雞脾菇好味，encore！其貌不揚但好好味嘅芝士焗廣島蠔，有少少薯容圍邊，加少少酸酸地嘅沙律醬一齊焗，蠔肥美。各式炸物，熱辣辣新鮮炸，唔油好脆口。魷魚，辣辣地幾開胃。燒三文魚頭，鹽燒青魚，無諗到係成條上，嘩，出面食定食都無咁大份，燒得香口好好味，一啲都唔乾，落少少檸檬汁贏哂。燒羊架，好肥美，但可以熟多少少添，唔係好慣食太生。甜品有雪糕杯，雪米滋，同雪條揀，要左咕咕力雪條，朱古力味正。呢個價錢真係好抵食！

上個星期同屋企人慶祝生日，去左元朗呢間瀛喜放題，味道唔錯兼非常抵食，仲有優惠二人同行一人半價。 而且交通非常方便，係元朗西鐵站落車再行天橋幾分鐘就到。我７點半去到已經非常多人排緊隊，所以一定一定要記得ｂｏｏｋ位，而且ｂｏｏｋ位仲會有野送！由於屋企人唔多鍾意食生冷野，所以主要都係食壽司 天婦羅 燒物 煮物。呢間放題既雞翼值得推介，一方面有多種款式（有炸有烤），另一方面即使係油炸，都唔會覺得油膩，非常香口好味。雞軟骨亦都唔錯，卜卜脆，可以一試。而天婦羅同其他放題/日本餐廳差唔多，算係有幾多選擇，無咩特別。至於串燒，款式都幾多，味道亦都非常唔錯，推介墨魚丸，入口爽脆彈牙！另外呢間放題亦都有羊架，平時無食開羊既朋友都可以試下，因為味道真係唔錯同埋唔覺羊的騷味。仲有非常特別既燒菠蘿，味道出奇地夾！呢個就係要提早訂位既原因！因為預早訂位係會有鮑魚刺身同海膽刺身送咖！至於壽司，呢間放題都有非常多款，其中火炙壽司都唔錯。最尾最尾，食左咁多油炸野緊係要食返個沙律啦！蟹籽沙律非常多蟹籽，非常足料，份量亦夠大，兩個人share一份就岩岩好啦。整體泥講，呢間放題抵食！員工服務亦非常好，上菜快。美中不足係入面太

之前產檢常經過荃灣沙咀道，收過傳單見價錢抵到笑，誰知原來元朗交通廣場有分店，立即call齊元天屯之友一試！放題分三個時段，我們食最夜一場，閒日來到，想不到都幾多人呢。點菜紙不少，菜式都是一般放題吃到的款色。刺身壽司軍艦手卷。燒物炸物串燒。其中以燒靖魚最為出色！encore之作！食物質素和服務未見驚喜，但這個價錢，實在不能要求更多。正所謂，食得都預左。但求衛生，上菜快又不漏單，於願足矣。一大伙人最重要食得暢快開心，值得好評一個！

前排去左元朗搵朋友果晚佢帶左我去食放題初初都怕中伏因為平時食放題都係旺角尖沙咀食開不過見朋友話佢訂位有二人同行 一人半價咁就試下啦！去到大概6點鐘 人未算多,所以坐得幾舒服佢地都有幾多選擇 所以叫左好多野食，其中放題一定會叫既 三文魚 又真係幾好味喎另外牛柳粒炒得岩岩好 好爽口 唔會話好似食香口膠咁每人埋單都係一百五 抵呀！

放工最好就緊係happy hour la... 由於大家都係糧尾既關係,有朋友拍板提議試下呢間位於元朗區既放題,入到餐廳大部分都坐滿人, 相信呢度應該元朗人既蒲點之一??Hehehe~待應安排左比較闊既位置俾我地啊又可以舒舒服服咁大食特食喇門面一坐低,就車輪轉咁喪剔野食紙...食物如下：燒物1:雞脾菇(下面), 燒得好入味...又唔痴牙,"安哥"之選串燒蒜心(上面)燒物2:有我最最最中意食既"鹽燒鯖魚"(左起), 有次係「大X屋」食過就一試愛上了, 係呢度成隻手掌咁大塊, 重點係冇骨, 岩曬我呢啲唔識lun骨既我^^係呢度用$88就可以食到「大X屋」燒既質素抵到爛呀燒茄子(中間); 燒三文魚頭(右邊)朋友大讚佢大件夾抵食, 擠少少檸檬汁令到魚頭更加鮮味, 油而不膩, 佢同鯖魚一同加入"安哥"之選辛辣魷魚鬚:很韓國風...岩曬我呢個崇韓人, 味道有點辣, 拌飯一流揚物1--天婦羅:黎到呢度...有驚喜其他蔬菜天婦羅好正常的好吃...唯獨是多春魚天婦羅!炸漿太厚了, 食唔到多春魚味同太好油...令到我中意多春魚既人都食一條就算了揚物2--(上至下)炸吉列蠔, 芝士年糕, 炸蝦, 炸雞翼:很

公司同私人事近期都非常忙，難得約左三個朋友出嚟開懷暢「食」，嚟到放題當然係食刺身，新鮮好味唔在講，最緊要夠快螺肉間間都差不多，但呢間勝左夠均勻虎蝦，北寄貝壽司夠新鮮手卷係指定動作，我就點左鰻魚，汁就均勻唔太濃二個朋友叫左鯖魚同三文魚魚頭，個魚都幾大夠味道，鹽份岩岩好，鯖魚就肉質結實入口唔會散羊架火候岩岩好，有肉汁流出嚟飲飽食醉就到甜品時間，佢有雪米磁、雪條同迷你雪糕杯，我就揀左我至愛迷你雪糕杯，入口唔會太硬，温度岩岩好，又難得同朋友歡聚呢到都係元朗首選

呢日想食刺身,,由體育館行返去天橋先發覺,,交通廣場地下有間放題,,見到價錢又幾抵咁,,就入去試試。好似我呢D刺身愛好者,,坐低二話不說都係狂叫刺身,,呢間食物種類唔算多,,刺身紙得十樣多少少,,而普偏嘅都有,,例如三文魚吞拿魚鮑片甜蝦等等,,刺身都幾FRESH,,尤其佢嘅三文魚同甜蝦好新鮮!!三文魚脂肪層厚，加上佢厚切之餘雪得又夠凍，食落鮮同滑口，令我印象深刻係佢啲象拔"旁" 唔腥之餘都幾鮮甜除左刺身，佢D炸物同天婦羅都幾好味,,食天婦羅最忌一樣野係太過厚粉,,而呢度嘅天婦羅個炸皮唔算厚,不過有D唔LIKE嘅係佢天婦羅竟然無醬油點,感覺差咁D野咁以放題價錢咁平黎講都幾抵食,因為食果日係星期六黎。