豆姨姨泰式廚房

Open Now

Now Closed

與朋友晚餐聚會，朋友帶我來到位於油麻地的豆姨姨。有別於平時的泰菜店，感覺這家店更有風味，見到有其他食客食泰式燒肉，與在泰國當地用的烤爐一樣，都是中間位置燒肉，鍋的邊邊位置可灼食物。我們兩個女生選擇點些小菜吃，椰奶雞湯，雞件份量足，肉質滑溜。淡淡椰奶香，味道溫和。串燒拼盤+蒜蓉包，蒜蓉包切成長方條狀，四邊塗抹上蒜蓉牛油，烤得微焦香脆，外脆內軟又充滿蒜蓉香。串燒有牛肉及豬肉各3串，肉質不會太乾身，由於要另外蘸醬料，牛肉不夠入味，惹味程度稍稍遜色。泰北酸豬肉炒飯，酸豬肉是泰北美食之一，醃製後發酵而成，微酸的豬肉用來炒飯，味道有趣。面頭鋪上流心蛋黃的煎蛋，蛋汁與炒飯拌勻，增添滋味。泰北燒牛肉沙律，燒牛肉仍帶點粉嫩，牛味濃。青木瓜沙律好夠辣！馬拉盞炒芥蘭，以鐵板盛載，上桌熱焫焫，芥蘭爽脆嫩綠，夠鑊氣又夠惹味。芒果沙冰，可能不是時令，略嫌芒果不夠香甜。小小的店，雖然沒有精緻裝潢，但菜式實際而不花巧，是滋味的地道泰北菜。

最初同豆姨同老闆仔結緣，係去鋪頭幫手派飯，裝飯，裝餸，派比老人家同有需要嘅人，每日兩百盒飯，風雨不改，依一份善心唔係靠吹就可以，祝豆姨生意興隆！朋友生日，懊惱緊食乜好，醒起好耐無去踩豆姨場，野食保持水準，老闆仔友善好客！感謝老闆仔熱情招待！咖哩五花腩精彩，忍唔住嗌碗白飯，汁都撈埋！沙嗲串燒拼蒜蓉包，蒜蓉包點咖哩，精彩到唔洗講野，串燒保持水準！冬陰公（細），啲材料多到不得之了，再辣啲就精神！臭草煎蛋配蝦醬，每次嚟到必叫，食過番唔到轉頭！龍眼冰，泰式奶茶，不一樣嘅驚喜！

泰國菜都經常食到🇹🇭但係心血來潮想食泰式嘅特色燒肉於是搵到呢間餐廳🤣原來主打地道嘅泰北菜菜色都幾有特色❤️雖然環境比較迫但係口味都唔錯有傳統家庭式嘅感覺💞泰式火鍋又幾有風味⭐️ 泰式燒肉 🥓份量都唔少主要係半肥瘦嘅豬肉🥩燒過帶點焦香🔥感覺調味有點甜🤪但係風味十足值得一試🫶🏻⭐️ 香茅炸魚 🐟呢度菜色平時泰國菜比較少食到😚魚肉炸到非常脆口調味辣中帶點甜酸🌶️整體好惹味⭐️ 泰北雞麵 🥘份量豐富雞肉夠嫩滑🐔如果咖喱湯底更濃稠更入味會更好😛⭐️ 泰式飛天炒通菜 🥬鑊氣十足充滿香辣嘅風味💥口味帶一點鹹香⭐️ 芒果糯米飯 🥭⭐️ 椰汁西米 🥥兩款甜品都好道地🩵椰汁嘅甜度唔算太膩🥹芒果用了新鮮特別一讚西米糕口味好清甜🍡⭐️ 龍眼冰 🧃 龍眼甜度好清甜消暑程度一流🏖️

其實最初係搵泰北青辣椒醬搵到呢間食店，今日去食午餐加問下有冇得買辣椒醬，佢好好，落單個男仔話可以，後尾佢呀媽(可能唔係佢媽😛)出嚟話呢啲舊，明天先返d新，叫我明天先買，青辣椒醬係鄉下做好寄來，又教我如何存放，我唯有下次再來買。至於食物方面，當然出色，絕對泰北風味，勾起我去清邁旅遊的回憶，一個字：正

泰國菜成日食，第一次食泰北菜，原來同平時九龍城食嗰啲係有少少分別，都幾得意，幾特式，好鍾意佢個蒜蓉包😋生蝦、咖喱蟹，同平時食嘅泰國菜，味道一樣，價錢都差唔多，但係喺呢間小店食有一個特別嘅感覺，仔仔喺店內幫媽媽手（SoSo王）大女放工之後再嚟店內幫手，成家人都好團結，好有人情味嘅小店，老闆係泰國人嫁來香港，自從佢先生過身之後，佢就開間泰北小店想回饋返區內，佢哋每個星期六都會免費派飯俾呢區嘅老人家，感覺自己幫襯呢間小店都好似有份出少少力幫區內老人家，喺能力範圍內除咗食嘢再支持少少$xxx泰國人嘅免費派飯比香港人身為香港人有點可以唔出少少力💪🏻食物價錢唔貴，合理！咖喱蟹$300/1隻（因應大細定價錢）覺得好抵食，咖喱蟹要提前訂，佢要即時去買，所以真係好新鮮！

上次食完豆姨媽之後覺得好好食，又忍唔住再黎，我地揀左餐牌上有星星符號（餐廳推介嘅菜式）嘅野食《沙爹串燒（雞）+蒜蓉包》$109一上菜已經比蒜蓉包吸引住，蒜蓉包切成長方體，每邊都擦滿左牛油蒜蓉，咬落系外脆內軟，蒜蓉味又岩岩好，唔會過多or過少，好好食。串燒方面我地全部揀曬雞，唔知系唔系泰北系內陸地區，接近緬甸印度嗰邊，啲串燒雞同印度燒雞一樣樣，而且偏乾身，一定要點沙爹醬食。《豆姨姨米線》$79開頭以為系米線，黎到原來系米粉，個樣同泰北雞麵有啲似，但味道系完全唔一樣，湯底都系充滿香料味，鮮甜而有微微嘅辣味，米粉索曬湯嘅味道，令人一啖接一啖。湯里面有雞腳、豬紅、肉碎，另外都有一碟豬皮、芽菜、雞蛋、辣椒油，配料好豐富，增加層次感。《芒果糯米飯》（細）$59上前黎到都有食芒果糯米，今次再叫，上檯嘅時候，依然熱辣辣，啲糯米飯仲有煙出，不過今次芒果有d酸，廚師應該知道，所以落左好多椰汁，味道依然唔錯。

上個月去完清邁玩，好掛住泰北咖哩麵（Khao soi），系openrice搵到呢間餐廳，性價比好似不錯，決定去試試。《泰式炒飯》$69黎到嘅時候好香，未影相已經食左幾啖，個炒飯炒到粒粒分明，帶有鑊氣，加埋啲蔬菜粒同雞肉粒，一啖食落去，正！不過調味就無其他泰國店咁濃，偏淡，食完唔會頸渴。《泰北雞麵》$79上檯嘅時候，見個樣已經好正宗，食落去都好正宗，個咖哩麵充滿全料嘅味道，炸麵浸淋左，吸曬湯嘅味道，再加少少辣油，惹味之餘，仲帶出香料獨特嘅香味，令人愈食愈開胃。而且呢碗麵好足料，有3隻雞髀，雞髀煮到好腍好入味，可以連軟骨食落肚！《芒果糯米飯》$59（細）糯米飯軟糯香甜，而且熱熱地，加埋椰漿同新鮮嘅甜甜嘅芒果，呢個椰香芒果嘅組合，真系一絕。不過就少左脆脆嘅綠豆粒，少左脆口嘅口感，美中不足。《椰汁西米》（送的）老闆送左椰汁西米糕比我地食，西米糕偏硬身，但椰香味好濃，底底再配埋西米同芋頭蓉，爽口又香甜。真系估唔到香港都有間咁正宗嘅泰北菜、佢哋嘅菜式味道好地道，好想encore 再去食！

今次一行兩人黎到呢間半隱世既泰北菜餐廳夜晚黎到既時候，附近所有舖頭已經關門😯泰國菜就食得多，泰北菜真係第一次食😂呢間餐廳每日都會派免費飯200個，長者優先，好有善心🥰留意返，佢地逢星期一休息座位大約二十個左右，不過成晚坐左個幾鐘都係得我地一檯客，真係包場😅一場黎到特色店，所以我地毫不猶豫全部點哂泰北特色小菜✌🏻==========🔹泰北生菜包 $69雖然都係生菜包，但原來泰北既香料係完全唔同架，同平時食開既味道唔一樣😛恕我唔識，我淨係食到有香茅，紅蔥頭，其他香料我真係講唔出🤣，不過泰北個味道係會偏濃味少少，入口之後d 辣味先會慢慢走出黎，味道好香😋整體黎講係好味既，份量適中，價錢算幾抵食🤩推介指數：8.5/10==========🔹泰北冬蔭雞湯（細） $79湯既份量大約有2飯碗，雞肉都有7~8件，份量幾足食得出同睇得到既有指天椒，車厘茄，薑片（同平時既薑唔同，上網睇先知原來係南薑），薄荷葉，紫洋蔥，至於仲用左咩食材同調味料就唔知了😆湯既味道幾鮮甜用濃味，冇平時飲既冬蔭功果種酸同辣，係另一種風味😉用既係冰鮮雞，所以雞肉冇咩味，但肉質算嫩滑👍🏻如果個湯加椰漿可能會更加香更好飲😛推介指數：7

《不負責任食評 — 豆姨姨廚房》評分：🌕🌕🌕🌕🌗總評：好耐之前已經mark低咗記得好似係果籽介紹過話一家人都係泰國人 味道好正宗🇹🇭舖頭位置係比較偏僻 但附近都多少數族裔嘅店舖佢哋除咗有啲好大路嘅泰國嘢亦都有啲係香港真係少見啲嘅例如泰式生豬肉、泰式雞麵個啲口味上亦都明顯地重口味😋酸同辣方面亦都比一般泰式餐廳高泰式生豬肉自己從來未食過原來係有少少似醃到冇晒肉嘅質感、彈牙嘅肉腸feel😳食嗰陣要小心啲辣椒，辣顛🥵冬陰功又酸又辣好惹味😋🌶湯頭明顯好有心機，一定要試！串燒仲係保留肉嘅質感🍢而且唔會好似大部份泰式餐廳咁所有串燒醃料味道一樣根據唔同肉類都有唔同嘅醃料而且燒得啱啱好🤩燒牛肉就稍為生咗少少不過都有一種焦香味 好食🤭Pad Thai睇顏色都知佢好濃味而且金邊粉唔會軟爛 好爽口但味道稍為鹹咗少少不過都係我喺香港食過覺得比較高分嘅pad thai👍🏻叫咗咁多嘢最後埋單每個人都係$200左右而且店主感覺好Nice嚟緊準備再去試吓其他嘢食🤭強烈推薦大家去🫶🏻🫶🏻

我先講價錢……我哋五哥男人，食到好飽……仲叫埋啤酒，每人都飲咗椰青，都係唔使$1000 ！抵食到不得了服務方面，年輕男士應……一口不純正的廣東話……會同你開玩笑……他們自己又會不斷地傾偈，一口純正的泰文……令整個氣氛，讓你好似去了泰國一樣！食物方面……比較濃味……那個冬陰功湯，我喝了一口，就咳到爆炸……比坊間一般的冬陰功，還要濃及辛辣！另外，他的小食拼盤，有醃製的酸生豬肉……也是一個特色！成餐飯，我最喜歡他的炒金邊粉……濕濕地，味道濃郁！值得去試吓

小店經營，大約二十多個座位，全部由泰國人主理，泰式燒烤分為大份及小份兩種，需要一天前預訂， 今次三個人要了一份大的，有飲品及甜品贈送。 這裏服務態度很好，如果吃小菜有蝦片贈送。

In short, delicious food, nice vibe, a local type restaurant.You need to try it, the waiter is also so kind.Not suitable for you if you are looking to eat in a fancy restaurant.Suitable for you if you want to have a good value for money and delicious meal

是日晚餐外賣自取叫左泰北雞麵$79，串燒拼盆（牛、豬）+蒜容包$99，青咖喱雞飯外賣包裝好精緻，湯同麵分開裝，湯兜仲包左保鮮紙以防倒瀉。脆蛋麵同蒜蓉包分開袋，整體望落整齊乾淨泰北雞麵有紫洋蔥，酸菜，脆蛋麵，雞蛋同三隻雞鎚配粗麵，湯底雖然好紅色，但唔算辣至於串燒拼盤有三串牛，三串豬+3件蒜蓉包，超級滿意。肉比較乾身，相反蒜蓉包外脆內軟，好味過d串燒青咖喱雞飯有好多配菜，有青豆角，茄子同六七件雞件，好入味仲送左兩件椰青糕比我哋做甜品Menu仲有好多野想試，會再encore

媽媽話大個：「有能力的時候要回饋社會！」派飯 + 生果係最直接受惠！感謝他們年輕時候為社會帶來貢獻！冬至再會！特別鳴謝 🙏🏼 #豆姨姨廚房 俾機會我哋參與！✅200盒飯盒 + 香蕉 🍌橙🍊豆姨姨每日免費派飯200盒！真係超級善心！除咗食飯支持，更加要有錢出錢再加出埋力！#略盡綿力 #區區派飯

聲稱以地道泰北菜作主打的小店，一貫泰式料理：芒果糯米飯、冬陰功、炒金邊粉及串燒等等。而上餐前會附上炸蝦片一碟。酸辣紅咖喱 ($188)• 配有蒜蓉包、白飯及椰汁糕一碟。• 紅咖喱配料以海鮮和蔬菜為主：青口、魷魚筒、蝦仁、西蘭花、紅蘿蔔片、炸麵團等等，食材普遍新鮮。• 咖喱汁味道溫和易入口、辣度輕微，而酸度可透過伴碟的檸檬片自行加減。香料混合得恰到好處，配合上述食材，令味道更有層次。• 炸麵團和蒜蓉包最為吸收咖喱汁，相當惹味。青檸梳打 (+$10)• 享用完一頓咖喱盛宴之後，來一杯酸甜清爽的青檸梳打，平衡一下味蕾。