Dr. Italian Pizza & Pasta (Closed)

平時食pizza黎黎去去都係去啲大型連鎖店，又貴又唔好食。今日行街比我見到呢到有間專賣pizza既鋪頭，小妹一於就決定試下佢！呢間Dr. Italian Pizza & Pasta，個logo好得意呀😍令我諗起以前玩啲online game，唔知大家有無共鳴呢？呢到啲pizza好多自創款式，唔會又係食黎食去個啲COMMON款 ，非常吸引！呢個海鮮至尊，好多料，蜆肉、蟹柳、魷魚圈、蝦樣樣齊，即意食海鮮既話一定要叫呢個！三文魚芝籽，上面係煙三文魚，下面係小妹最中意既千島醬，味道好濃郁！唔記得講呢到啲pizza全部都係薄批，就算外賣拎到返屋企成粒鐘都仲係好脆，好高質呀！西西厘肉醬燴意粉同蒜香肉絲意粉，意粉煮得非常好，唔太熟淋晒，又唔會硬，可以話完美呀，小妹真係要學下！脆薯寶、雞軟骨卜卜脆，唔會太咸，好好食！以後想買外賣返屋企食又多個選擇啦！好開心！

今晚去Go Go Mall晚餐，晚市真係越來越多人，Food court 的座位是爆滿的，行完一圈見到 Dr Italian Pizza & Pasta, 都多人等攞餐，味道應該不錯。先落單等叫號，選了2至3人餐。細批8吋，我們喜歡吃海鮮，點了海鮮至尊，要加$25, 味道非常好！加錢都值得。海鮮份量爆多，蝦、蟹柳、魷魚、蜆肉、帶子仔、粟米粒、青椒、芝士等，味道鮮甜得來又有芝士香，啖啖海鮮粒，口感好煙韌，加上焗完的pizza, 薄脆批底，脆脆的很有口感。黑松露卡邦尼意粉，味道很好！很有驚喜啊！意想不到的香味，除了黑松露香，還有芝士和煙肉的香，煙肉份量也多，還有什菌，所有食材都在散發著香氣，煮出來是一道非常濃郁的芝士意粉，見到旁邊的人也是點這個黑松露卡邦尼意粉呢！值得試試啊！奇妙雞軟骨$45, 份量不算少，二人邊吃邊談天。雞軟骨外層炸得鬆脆，裏面雞軟骨爽爽的很有口感，不錯呢！甜品選了一個草莓奶凍，和一個招牌提拉米蘇加$5。草莓奶凍的草莓味較淡，奶香多，挺滑的；提拉米蘇好好味，咖啡味和奶味很香濃，一層層的賣相不錯，不過雪得比較冰，要等解凍才吃口感好些。這個food court 都坐得舒服，食

屯門呢個位置，鄰近vcity等商場，但餐廳消費同種類選擇都多左好多，有別於出面嘅foodcourt，餐廳選擇非常之多，排列方式有啲似台灣啲夜市，行一行會行列花多眼亂(/ω＼)行左一圈俾呢間嘅香味吸引左.叫左2樣食物，分別係大pizza 啖啖肉，pasta西西里茄溶什菜意粉，大約等左15分鐘就有得食啦～.啖啖肉pizza 12吋 HKD$135薄底pizza 一直都係我至愛，但整得好味都唔容易，而呢一間嘅pizza真係做得好出色，餅底厚薄適中，可以承托到餡料，而薄餅邊仲做到脆邊，食落去好爽！！可能真係好少食到新鮮pizza，呢個pizza 夠晒熱，啲芝士拉到絲，仲勁過啲廣告相.Pasta 西西里茄溶什菜意粉 HKD $50一打開盒真係俾佢嚇親，啲料多個鋪滿晒，好欣賞佢用左好多新鮮蔬菜，茄子/翠玉瓜/西蘭花/三色椒/蕃茄仔等等，一啲都唔求其，平時出街好少揀素食意粉，今次真係好驚喜，完全無揀錯，推薦大家叫！.呢間鋪頭做埋外賣，有好多人會打電話去叫外賣，加試全部食物即叫即整，所以繁忙時間要等耐少少！

今日有朋友上黎屋企作客，緊係要搵好野食招呼佢啦！問左住係屯門既同事，佢地介紹左呢間Dr. Italian pizza，我放工即刻去買！呢間Dr. Italian係gogo mall，好近，一上電梯就見到。呢到啲pizza好多新奇款式，連芫茜pizza都有真係中西合壁，勁到我怕朋友唔岩食，如果唔係都好想試下！唯有下次再黎try try海鮮pizza，就咁望落去都好足料，真係好抵食！薄批食落卜卜脆，入口啖啖海鮮，好正！煙三文魚pizza，呢個我同fd都勁中意，上面三文魚夠咸，配上薄餅食好夾，底下係勁香既千島醬，食到唔停口肉醬意粉，蕃茄味好出，唔會得個咸字，酸酸咸咸咁，唔錯。肉絲意粉，呢個相對肉醬意粉就無咁濃味，岩晒啲口味無咁重既朋友仔。脆薯寶同雞軟骨，勁脆勁香，食落又唔覺得好多油，都隔油隔得幾好，食到變肥仔，正！

同朋友喺凱都睇完戲，見有啲肚餓，一於去隔離嘅雅都商場搵嘢食啦！行咗兩個圈，見到啲嘢食都平靚正，有間食pizza嘅，試吓先。好，睇吓有咩好食先。粟米煙肉忌廉湯，湯底好濃稠，飲落有濃濃嘅忌廉味。千島夏威夷薄餅，餅皮夠薄，食落都幾脆，咬落食到粟米嘅甜，菠蘿嘅汁，火腿嘅鹹，唔錯。蟹籽忌廉汁煙三文魚意粉，意大利粉沾滿忌廉汁，煙三文魚食落鹹鹹哋，蟹籽食落一粒粒，為意粉帶嚟更豐富嘅口感。奇妙雞軟骨，咬落喀喀聲，食落好香脆。提拉米蘇，作為飯後甜品一流

Pizza最啱happy share食，難得三人聚就去food court食pizza。決定唔理爆瘡，點咗地獄使者，挑戰自己。12寸再加份小食剛剛好。地獄使者材料好豐富，有鴨胸、意式腸、煙肉、青椒、紅椒同埋粟米，當然唔少得辣醬。批底係薄批，批邊脆口。第一個驚喜係，比想像中辣。原本以為係Tabasco ，原來係用自家製辣醬。辣到令我地都要再買飲品。辣得黎好惹味、刺激，有心理準備會食到條脷好㷫。第二個驚喜係拉絲！真的好興奮～～芝士中和返辣味。芝士控同埋好辣之人一定大愛。他他醬手指魚好脆，一啲都唔油。外層炸粉唔會太厚，食落去啖啖魚肉。

屯門新墟雅都商場開左個新food court好耐，一直都想搵機會去試試入面太多野想試，一次試唔哂。疫情嘅關係都唔係太想坐係food court 食，所以搵d 外賣帶番屋企再慢慢食。見到依張poster 比佢吸引左，之前食榮少喇沙果時都見到有依間pizza 睇落平平冇奇睇真d 原來個廚咁把炮， 咁就試試佢。menu 就盡量影哂比大家慢慢研究特濃芝士汁粟米帶子意粉 ~ $70見佢推介就試試佢。唔食芝士嘅朋友都可以試試，朋友唔食芝士試左一口都話個芝士好香，之後就冇停過口勁足料，出面西餐廳比幾粒蟹柳就話係海鮮意粉，依間係咁比帶子你，你未食都聞到好香同好濃嘅帶子味。最後主角，千島夏威夷大pizza ~ $135質素係可以問鼎所有pizza 店個批好薄，好脆，但夠實，唔會裂開上面d 料又鬼死咁多，芝士就拉絲，菠蘿火腿就好似唔洗錢咁，係咁落雖然唔太成日食有菠蘿嘅pizza,因為意大利人話正宗嘅pizza 係唔會有菠蘿，但佢都係推介依個pizza,所以就試試佢。

想食意粉,但又想平平地,就黎左Dr ltalian pizza &pasta。我叫左個外賣,係冬陰公海鮮蝦意粉。呢個味道幾創新,食到我中意既蝦,蝦已去腸,蟹柳切絲,而蝦同冬陰公既汁又幾夾。甜品就有士多啤梨奶凍。原味就食得多,呢隻味真係第一次試!我中意呢隻味多過原味。想方便快的話,呢間都係唔錯既選擇,下單不久就有食物啦!下次可能會試下PIZZA,因為價錢真心唔貴,種類多,加埋雞翼同湯都只係幾十蚊,抵食。

放工後很想吃西式美食，於是到屯門站附近gogo mall 覓食，見到有間新開的pizza 店，決定買外賣回家品嚐。pizza店的食物選擇多，pizza 以外還有各款意粉和小食。如果我有多一個胃，真的想多吃幾款。點了一個是日套餐，有兩隻雞翼和湯，加一客意粉。啖啖肉意粉採用自家製蕃茄醬，配料有辣肉腸，沙樂美腸，火腿，煙肉，意式肉腸，批底是薄批，上面鋪滿各式各樣的肉腸，茄味濃郁，有啖啖肉的效果。雞翼也炸得脆口甘香，吃得很滋味。芫茜醬雞肉雜菌意粉雞肉嫩滑，雜菌帶清新感覺，有濃濃的芫茜味。忌廉雞湯香滑又濃郁，有creamy 味道。

依間係屯門gogo mall food court入面，專賣pizza嘅小店鋪。除咗pizza，都有pasta同小食等等，而且價錢唔會好貴，有一人餐又有多人套餐，想幾時食都得。今次點咗四式芝士pizza 普通批($100)，普通批大約10”，適合2-3人享用，餅底係薄脆皮。四種芝士包括金文拔芝士、巴馬臣芝士、車打芝士、水牛芝士，係側面睇已經見到厚厚嘅芝士，唔同味道同口感嘅芝士充斥住整個pizza，非常適合中意食芝士嘅人，外面仲塗上自家製茄醬，酸酸甜甜。西西厘肉醬燴意粉($45)，肉醬係牛肉醬，味道唔會太重太鹹，而且份量好足，每口意粉都會沾得到肉醬。除咗food court設置嘅枱凳，店鋪隔離都有幾張枱，可以堂食，外賣亦都得。

來到屯門Go Go Mall上了一層，發覺有個food Court嘅地方，有很多不同的食店，這個主打買Pizza和pasta的小店，標榜餐廳老闆兼大廚曾於中環的法國餐廳Terroir Parisien與米芝蓮三星的法國名廚Yannick Alleno 學藝，擅長意大利和法國菜。今次試不到Pizza，叫了燒春雞，意粉和魚手指，外賣大約等了20分鐘，很快便可以拿了，如果不想外賣這裏也有很多座位，可以提供堂食。❤️冬陰功海鮮燴意粉 HKD 70 - 很惹味偏辣冬陰功嘅味，令這個意粉有fusion的感覺！意粉軟硬適中，乾身沒有很多汁，比較沒那麼負擔，是我愛吃的！配上海鮮，有蝦，帶子，蟹柳，加上紫洋蔥和蕃茄仔，增加了口感和味道的層次感！❤️秘制燒春雞 半隻/全隻 HKD 65/120 - 我今次叫了全隻，大隻足料，口感很嫩和Juicy 味道不會很鹹，也不會很油，惟一不好是味道不是十分鮮甜。❤️他他醬手指魚 HKD45 - 有四條，炸得很香脆，炸粉薄薄一層，是一款好吃的小吃，配上醬汁不錯！

今日要返屋企上zoom堂，係屯門放左工之後急急腳返屋企，野都無時間食，唯有外賣返屋企邊上堂邊食啦同事介紹左我黎gogo mall呢間dr italian，個logo又幾得意餐廳老闆仲同米芝蓮大廚學過藝，相信會有返咁上下水準睇下menu，呢到都好多野食，但主打都係意粉同pizza，價錢合理，而且睇到老闆好比心機打理間鋪頭，睇得出佢份人既認真今日叫左個海鮮至尊，一打開好surprise成個pizza面放足晒料，對比起啲pizza連鎖店啲pizza汁多過配料，呢到真係無得輸呀！呢到做既係薄批，個底好脆，就算買拎埋返屋企成個鐘，返到去都仲脆卜卜。上面啲海鮮配料又蜆又蝦又魷魚，勁正，而且味道好出色黑松露卡邦尼，一打開已經全屋黑松露味，意粉煮得岩岩好軟硬適中，食落卡邦尼味亦好出，要讚！一定會有下次！推薦！

消費卷一出梗系去食、食、食2年冇得外遊連雅都商場翻新了5萬呎地方變身成22間美食小店GO GO Mall，以前去雅都商埸多數是報國內遊，現在變成美食天地屯門牛又多一個食之所👏🏻朋友話想食Pizza我地就叫左個2人餐有細意式風情、黑松路卡邦尼忌廉意粉、細雞軟骨、士多啤梨奶凍+可樂，個Pizza不太大雖然是小店個topping都很豐富有幾片巴馬火煺、蕃茄、芝士、檻欖、蔬菜即叫即做要等20分鐘，由於坐食地方吾多我地選擇外賣，當你打開個盒香氣四溢芝士份量適中吾會太油膩，咸香鬆脆新鮮食完好想再食。黑松路卡邦尼忌廉意粉藉得稱讚師父煮D意粉掛汁一流👍🏻，稀稠適中吾會水汪汪，海鮮料用左黑松露油去炒超香咸味剛好很清新。雞軟骨正正常常新鮮炸得鬆脆，配上一啖可樂感覺超爽暑氣全消，有點可惜係個士多啤梨奶凍熱到溶化了，要放進冰櫃再凍才食得，味道比較甜，小朋友至愛！

屯門呢gogomall 都開左一段時間，都未去試過，今次就去試下有咩食。上到一層一入去右手邊就見到呢間食意大利菜既小店。佢環境都幾乾淨，不過佢食野既位置得1至2張枱，我諗全要都係外賣為主。我今次就試左佢個大啖啖肉pizza L size ，呢個pizza都係百零蚊，正常價錢，睇落個樣都幾吸引，呢個pizza,基本上全都係肉類，有自家製既茄醬，沙樂美腸，煙肉，辣肉腸，意式肉腸，火腿，岩哂食肉獸，佢個皮9少薄皮，食落好脆口，我本身都幾鍾意食薄皮pizza ，佢呢個做得好脆口，夠哂薄，配合左唔同既肉類，好多種味道同口感，對食肉獸黎講係大滿足。另外就叫左個雞中翼配黑松露醬 ，8隻$65，雞翼都唔係細隻，煎到好香，肉汁都鎖住，味道好夠，配埋黑松露醬感覺比較新鮮，黑松露味都幾出，不過就會飽左d,呢到我諗加埋pizza ，可以2至3個人食，價錢都唔貴，黎開gogomall一定要試下 ，佢仲有芫荽意粉，因為太飽關係都係留翻下次再試。gogomall屯門dr.italian pizza & pasta

最近好鍾意去Gogo mall food court 食嘢，因為有好多的小食店，同各樣嘅美食選擇，例如章魚燒， 皺皮腸粉， burger，肉骨頭等，每間小店都各有特色同招牌菜式。 今次來試下呢間在7月份新開張良心小店，主打既pizza同意粉。點完餐等左10分鐘就有得食，好快手。2-3人餐 $150啖啖肉細批 Pizza 8吋大，餅底好脆，非常足料，有粟米，火腿，辣肉腸，肉粒，芝士。 果然啖啖肉，哈。即叫即整，熱辣辣，芝士味又香濃。特濃芝士汁粟米帶子意粉絕對值得一試，意粉軟硬度適中，唔會過淋。而個芝士醬好creamy好香濃，又唔會蓋過帶子嘅鮮甜味。細雞軟骨粒粒香脆惹味，有少少椒鹽七味粉，炸粉唔厚， 可以一試小食。提拉米蘇用Cream cheese整，中間嗰層係栗子蓉，咖啡味唔算太濃。奶凍士多啤梨味奶凍不過不失， 飯後甜甜嘴。