龍城冰室

Open Now

Now Closed

龍城冰室．有鑊氣的茶餐廳拿，香港人最中意食咩呢一定係茶餐廳隨時搵間入去都可以有驚喜架今次行尖沙咀要隨行隨食點指兵兵就去了龍城冰室裝修寬敞，坐等舒服埋邊有卡位，於是就座吃飯中西合BIG 是港式茶餐廳特色要小菜、小炒、食埋牛扒都仲得！於是點2個小菜，加個皇牌鐵板餐吃一場港式風花雪先來餐湯，套餐包埋，中西湯任選我們點了羅宋湯，足料到呢滿滿的蘿蔔、番茄、菜菜香濃到一個點，配多士，勁好食熱奶茶，識飲一定係茶走夠滑夠香濃，港式味道熱檸茶，足料茶膽正檸檬夠香，入口沒有澀味，正！西蘭花龍躉球份量好多，味道香口熱辣龍躉球油爆處理勁香肉質彈牙爽甜，好好食西蘭花調味很好，保持脆身又夠清甜，配住白飯味道一流！菠羅咕嚕肉脆脆脆脆即製的香氣，入口脆卜卜味道酸甜可口，極其開胃每口都是鑊氣與滋味呢道菜一定要即點即食先夠正！皇牌鐵板餐—招牌黑椒牛柳 配薯菜鐵板上台，滋滋聲！目測份量極巨！2大塊牛柳，嫩滑多汁點一些靈魂醬汁——黑椒汁又帶來多一份刺激這就是港式茶餐廳獨有的風味龍城冰室的出品確有質素！下次行過，不能錯過！龍城冰室尖沙咀金馬倫道23-25號地舖電話號碼 21111320 / 69019066hastag#yum

相信大家多多少少都有聽過呢間茶記，九龍港島新界都有分店，出名平靚正，食物方面除咗有港式小食之外亦提供多款多國菜料理，一定有款啱你心水，夜晚去都幾多人，如果怕嘈/熱鬧嘅話建議唔好喺peak hour去食啦😂呢度嘅下午茶做到六點，好佛系🥹 可以按個人喜好自由選擇套餐搭配，雞髀有瑞士同脆炸，個人更喜歡前者，香濃入味，鹹度適中，雞肉嫩滑又多汁，十分美味、後者外層金黃色，炸至脆身，感覺唔油膩，各有千秋，性價比高！小食方面有好多選擇，蝦多士有四小件，外脆內彈牙、春捲有三小條，同樣炸至酥脆可口，內餡飽滿，有越南風味、炒蘿蔔糕都唔錯，加埋XO醬令到整體味道昇華咗！想食得健康啲嘅有煙三文魚沙律，三文魚有三大條，鹹鹹地配上新鮮嘅沙律都幾夾！牛角酥塗上少少牛油，微脆，唔油膩，中間夾埋芝士同火腿，作為下午茶都幾唔錯👍🏻主食方面叫咗個龍城炒米粉，如無意外係呢度嘅招牌菜之一，平時唔鍾意食米粉嘅都大讚好食，米粉炒至乾身，條條分明，配料有齊炒蛋、洋蔥、蔥、蝦仁、芽菜、蘿蔔、芝麻等等，口感豐富，十分美味，值得一試😋

我同媽咪兩個人入去食，冇望到有寫一個人最低消費就叫左一個餐，因為兩個餐會食唔晒，唔想浪費。張單好快到左，然後有個阿姐拎咗一杯水過黎，我就問佢可唔可以俾多杯，個阿姐大大聲同個同事講「都冇錢收架啦，仲俾人問攞水」，然後個餐到左，個碟細到我冇可能喺上面切嘢，考慮左好耐，我都係鼓起勇氣開口問左另一位男侍應可唔可以俾個碗仔我，個男侍應個樣勁惡咁望左我好耐先行開去拎碗。最後我地好快咁求其食飽就走。嘢食唔難食，環境都唔錯，不過冇下次。

香港冰室以其懷舊的氛圍和獨特的食物而聞名。龍城冰室環境系新派設計，食物都比傳統冰室多款。三人行，食物自然多選擇。醒神早餐沙爹牛肉通粉配腸炒丹麥沙爹牛肉的香氣搭配通粉更香滑，丹麥麵包則增加了整體口感的層次感。朋友盛讚沙爹牛肉通粉勝過其他餐廳。龍城炒米粉米粉的質感融合了各種新鮮的蔬菜，肉類，更有蝦肉，每一口都充滿了香氣和口感。這道菜不僅美味，而且份量十足，絕對能讓你滿足飢餓。板燒和風嫩牛柳飯牛柳的質感極其嫩滑，板燒的烤香味讓人垂涎欲滴。配上香噴的飯和一些清爽的蔬菜，這道菜提供了均衡的口感和味道。作為面包控，唔少得花生醬西多士。花生醬西多士有著香脆的外殼和濃郁的花生醬內餡，每一口都讓人愛不釋手。簡單而言，食物多樣豐富，性價比高，座位舒服，不錯的選擇。

見到菜單圖片既滑蛋叉燒蝦球飯都算正正常常，出到來勁水，睇落廚房應該無雞蛋，溝左好多水同韭黃，好難食。真係不可一不可再。比錢時好客氣咁反映意見，話個飯麻麻地，好水，唔夠蛋，收銀姐姐"嗯嗯嗯"就完左。睇來完全無打算接受消費者意見，hea住回覆。好失望，被逼減肥，愈食愈無胃口，蝦球都食唔曬。建議大家睇左評論先，要食都唔好食個滑蛋叉燒蝦球飯。其他野未食過，但我都唔會再試，怕左。希望大家睇完呢篇食評覺得有用。

【油尖旺區】【龍城冰室】又係去尖東呢個競爭激烈嘅地方食飯，疫情期間促使咗多一間茶餐廳嚟呢度插旗，就係之前都同大家食過其他分店嘅龍城冰室。不過搵返舊 post 好難，都真係好耐歷史，搵得返一個 post 已經算係咁。茶記，我估都唔太重視。我第一次去係食 $69 嘅「焗芝士牛脷意粉」，又幾正，夠晒肥仔，加 $6 飲「凍檸茶」走甜，埋單都係 $75。喺得嗰頭食飯，呢個價錢都真係差唔多喇。而今次都會入 1am紅館 系列，所以我點都會食多次先寫，認真啲㗎嘛。今次就同複姓哥去，佢叫咗個 $78 嘅「晚餐E」，即係「招牌酸菜魚飯」，加 $3 飲「凍檸水」少甜少冰，都幾大份喎，佢話味道都可以嘅。而我就食個 $108 嘅「美式雜扒」，主食有齊豬扒、牛扒、雞扒、紐倫堡腸同煙肉。跟「燒汁」同配「薯菜」，仲有「丹麥多士」同「中湯」。總體而言所有嘢偏鹹，加 $3 嘅「凍杏霜」好快飲晒，另外用 $18 叫多罐「無糖可樂」先算好啲。呢餐仲要係複姓哥請，我叫咁多嘢攪到鬼咁唔好意思呀，真係吖。。。呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：觀塘區分店（九龍灣

我平日打去落單、佢話太忙 要我WhatsApp,每次WhatsApp落完單 ，一定會錯漏百出。今日我再次你用WhatsApp落單，不單止錯漏百出，而且仲落少左野，我打去舖頭同服務員講，佢講咗唔好意思之後，我再同佢講每次我打來落單，都叫我WhatsApp落，但一定會出錯，服務員同我講「我而家咪同你道歉囉」態度惡劣，語氣極差，仲同我講下次你落單講號碼咪唔會錯囉。

約咗朋友去尖沙咀食飯，跟住喺金馬倫道較為出名嘅，就係龍城冰室，一向都出名平價好食，入到去，睇餐牌見到好多野食，all day breakfast, 粉面，焗飯， 鋸扒 ，炒野，乜都有，而佢啲咖喱都係好出名，所以就揀左個咖喱牛腩飯試試。嚟到好大碟，咖哩汁又多，另外啲牛腩啖啖肉又新鮮，咬落去又有牛肉味！咖喱唔會太辣又夠香濃。分量又夠多，大食嘅朋友都食完之後絕對夠飽。另外又包餐飲，加多三蚊又有大大杯凍嘢飲！喺尖沙咀仲要晚市嚟講，真係超級抵食又好味，值得推介！

今日去左尖沙咀龍城冰室度食晚餐，大大間，坐位都舒服，見menu都好多野食，價錢都好合理，晚餐在尖沙咀都已經叫平了，嗌左個雜扒餐，包左湯，包多士，飲品，先108元，仲吾洗加一！真超值。等左一陣就有得食，勁大碟啊，有豬扒雞扒牛扒腸煙肉，每塊都成隻手咁大，放到勁高，好誇張，我揀左要食意粉，都好多，喜歡佢可以另上醬汁，咁就可以自己調教份量了。味道都吾錯, 好嫩淋，雞扒有驚喜，外脆內嫩，好好食呀！！湯是苦瓜排骨湯，又一驚喜，好好飲，一d都吾苦仲有苦瓜食，整體都非常滿意，店員又快手！價錢又合理，會再去！

響尖沙咀附近做嘢有人介紹食依間龍城冰室，但係都有溫馨提示話都幾多人排隊，所以決定簡單叫過下午茶試吓。得出嘅結論就係暫時覺得外賣下午茶嚟講真係算唔錯。同個朋友簡單，叫咗一個炸雞髀沙律同埋一份芝士西多。炸雞髀沙律係分開兩個盒上嘅，沙律一盒，炸雞髀獨立一個盒分開裝，送到嚟嘅時候雞髀都仲係熱嘅，個沙律嘅味道都幾好，調校得唔錯，識落都唔會覺得好肥。炸雞髀都算幾大隻，揸得個表面都算幾鬆脆，幾香口，唯一係味道有少少偏鹹，識落應該係隻雞髀未炸之前已經醃製過，所以啲雞髀肉都有少少偏鹹，不過呢個純粹個人口味，但係隻雞髀都算好味嘅。另外果一份芝士西多，未切開嗰陣時睇落冇乜嘢特別，切開咗之後發覺裏面嘅芝士都幾足料，成見西多食落啖啖都有芝士味，跟埋有兩包糖漿都叫做啱啱夠，但係如果可以多一包就更加好嘞。整體嚟講都滿意，下次試吓叫第二啲再講。

幾個月前到訪過旺角嘅「龍城冰室」，試過其「海鮮湯龍躉泡飯」，真喺好得，所以，對呢間茶記幾好印象。今晚出到嚟尖沙咀參加聚會，會前梗喺要搵一搵食，同個老友就晌聚會點附近亦有家「龍城冰室」，二話不說入咗去，夠穩陣嘛！ 「龍城」都開咗好多家分店，算喺開始連鎖式，所以，環境格局差唔多，但就比好多茶記、冰室地方大，環境光猛，最好喺就算處於尖沙咀呢種旺區，都唔會擠到啲枱櫈好逼。 老套啲都要補充兩句，基本調味、餐具放晒晌枱側嘅抽櫃中。 食物選擇方面就喺一貫茶記嘅多元化，要乜有乜，乜餐物餐，碟頭粉麵飯……等等都一應俱全，自行慢慢睇個餐牌有咩啱食。而上次試咗泡飯，今次就試其他，睇睇其他嘢得唔得。 二維碼落單，慢慢揀，慢慢撳，個落單系統亦設計得唔錯，易用，選項多，例如：少冰、走甜……等等都揀到。 海鮮湯龍躉泡飯 $72老友問我有咩推介，我就建議試佢哋嘅泡飯，所以，老友試番我上次食嘅「龍躉泡飯」。就算唔同分店，水準都保持一樣，啲龍躉炒過，既香口，又嫩滑，魚鮮味濃，而個湯底鮮甜，兼飯粒又分明，所以，老友都同我一樣全碗清晒。 蝦醬炒通菜牛肉鮮魷 $78（+$13轉套餐）本來今次打算試下佢啲焗飯，不過，後尾睇到呢個

几个月前试过他家外卖都几OK。后面的几次越来越少，以至于最近都无法吃饱。本以为是偶然结果越来越离谱，新买的菜里就几片鱼还要90多。反正他家不打算做外卖生意了，避雷。

平時想平啲食一餐嘅話，好多時都會選擇去食茶餐廳，又平出餐又快，啱晒我呢啲貧窮打工仔。今次喺尖沙咀附近同朋友一齊行街，見到一間茶餐廳都幾多人食，而且環境都幾光猛，所以決定去食下。因為食嘅係晚市，所以多咗好多小菜可以選擇。因此相比於平時食開茶餐廳剩係得炒粉麵等嘅傳統港式選擇之外，呢間嘅菜式有啲似食緊大排檔。同朋友嗌咗沙嗲肥牛，煲同埋酸菜魚（估唔到喺茶餐廳都食到酸菜魚，而且係幾正宗嗰隻）餸菜嘅份量好多，白飯更加嘅係一大碗根本食唔晒，建議份量可以細少少唔使浪費嘢食。沙嗲肥牛煲上到嚟鑊氣十足，而且調味做得啱啱好，入面嘅粉絲亦都給滿咗湯汁嘅鮮甜味。酸菜魚味道酸辣平衡啱啱好，辣到都只係微辣，魚片雖然識落幾爽滑，但係有骨識嘅時候要小心啲。另外一種加錢嗌咗紅豆冰，紅豆冰嘅奶味好重，雖然紅豆嘅份量幾多都唔少，但係因為太多奶水沖淡左紅豆嘅豆香，所以鍾意奶味濃郁嘅人可以嘗試吓，應該會鍾意。

收工後剛好路過龍城冰室，不用等位，於是入內吃晚飯。食物選擇非常之多，由香港地道風味，到韓國、台灣美食等等，一應俱全。點餐可以使用二維碼，侍應也很樂於協助。餐具在抽屜自取。這一晚的選擇是海鮮湯鮮蝦球泡飯，但是我把飯轉了河粉，就是當刻比較想吃河粉呢。海鮮湯味道新鮮，鹹淡得宜，吃過之後不會特別口渴，看來是沒有添加味精。鮮蝦球有一定份量，所以有些咬口，不會太過細隻而吃了也不知道。配搭蔬菜種類豐富，例如有木耳、紅蘿蔔等等，顏色鮮艷，營養一流。加配熱飲只需加$3 ，凍飲加$6 ，特飲加$9，選擇了特飲龍鳳檸樂，是鹹檸檬、普通檸檬以及可樂的組合，兩款檸檬味道也很突出，配搭起來非常清新，而且味道更加有層次，加上特大杯冰粒，簡直透心涼。

當要一個人食孤獨晚餐🥹茶餐廳梗係不二之選感覺係新派D 走少少歐陸風既裝修梳化櫈坐得幾舒服😌乾淨夠光猛🔆同埋闊落 打開餐牌簡直選擇困難症😩因為呢度唔止常餐同碟頭飯咁簡單仲有酸菜魚/焗飯/馬拉咖哩/鐵板扒/台灣菜…🤩🤩完全係多國菜大集匯最後要個龍城辣辣一人套餐😎有七款香鍋/川香小菜揀一個包白飯連熱飲香鍋麻辣牛肉🌶️🐮一上枱唔係講笑真係有陣鑊氣攻埋黎熱辣辣噴哂煙個麻辣超香😋份量足 唔係得兩啖肉牛肉質地正常唔韌 合格既主要係食個汁 用黎送飯一流👍🏻加左$9轉紅豆冰🫘🥛🧊好大杯下 啲冰唔係巨大粒紅豆俾得好大方🤓係煮到腍哂 唔係未熟硬邦邦既 奶味偏淡 如果可以甜返少少會更好家陣三十幾度飲完真係好透心涼呀🥵