深巷有魚小魚館 (Closed)

洗咗成千億起咗條高鐵 梗係要試下搭啦 既然由福田返 西九龍、 只係用咗15分鐘 梗係要約埋啲同事食餐飯 賀 一賀佢啦、 柯士甸站a出口…… 行去渡船街東口 即係文英街文英樓 一轉彎即見到 招牌非常醒目搶眼 估唔到人小小舖小小 食物非常之唔錯 有少少偏大陸感覺 叫咗一個小食拼盤 、有一個非常之少見嘅蓮藕仔 又酸又辣 其他幾味冇乜特別。 係個黃金皮蛋要做有啲睇頭 仲叫左個炸豆腐粒 又香又辣 非常惹味 、用openrice訂位 送每人一隻椒鹽鮑魚仔 細細粒好好味 到主角出場 沙巴龍躉魚頭鍋 、抵食夾大件 、因為得三條友 、所以叫咗個細算啦 非常惹味 少少辣少少酸 地道大陸人可能會覺得佢唔地到、 地道香港人可能覺得佢正到冇朋友 、咁先似樣㗎嘛 埋單 、每位兩舊 即係六百幾蚊、 飲飽食醉、 我諗以後應該會越嚟越王 雖然調高鐵起咗千幾億、 不過淨係睇番咁樣、 都叫做有少少價值 畢竟 五點半仲喺深圳 六點三喺佐敦食緊飯 喺阿爸阿媽個年代冇辦法想像 極力推介呢間小店 好味 但係坐埋曬啲細細張嘅方櫈 真係有啲唔舒服 呢啲 咪叫風味囉……………………😎1

環境典雅， 老闆熱情，味道有水準同朋友揸車搵野食，要唔使等車位又食得安樂，上網搵，噢！久違了的文英街，附近有停車場。昔日的文英街至今，本色不變，有不同菜式餐廳選擇。門口一入，裝潢精緻，老闆親切介紹，主打海鮮，其實未諗到食咩！老闆老實不客氣問想食咩口味，預幾多budget, 幫我發板，我話我兩個人得5舊水， 佢話包我地有飲有食有錢找。