銀龍閣海鮮酒家 (Closed)

本人最愛馬拉糕~~每一次出去飲茶必吃的點心之一~~~今次已經不是第一次和家人來到銀龍閣~家人喜歡到這裡飲下午茶，因價錢比其他酒樓平~但這裡的馬拉糕就一次比一次差勁~~~完全令我不想吃下去的感覺~~~死實實的馬拉糕非常失望~~~其他點心只可說一般~~~可能這裡是一間給老人家飲飲茶的平價酒樓吧~~~不可太高要求~~

係上個禮拜,我同男朋友同家姐一齊去呢間度食野,因為大小姐話要食海鮮!!咁我地就決定去呢個食啦~~首先我地都覺得個環境尚算ok,有電視睇,都唔算嘈雜,到點菜時,d伙計都有介紹d小菜比我地(係平價喎),三菜一湯,砵仔蟹二隻,椒鹽瀨尿蝦一碟,我地埋單只係要$500度~~仲要係好食夾大件~~!!真係超級抵食!!仲要值得一讚嘅係佢\地嘅服務係好好,唔知係咪競爭大呢~?所以服務水平都比起其他好同親切,呢度值得我地再嚟幫襯多次~~!!

今日下午3點零鐘同男友黎荃灣飲茶,眼見入坐率都有8成,裝潢同一般大酒樓大同小異,不過不失.下午茶小點$5.8,中$8.8,大$10.8,$5茶錢.我地叫左蘿蔔糕$5.8,腐竹浸勝瓜$5.8,石榴卷$10.8,蝦米腸$8.8,叉燒酥$8.8,炸雲吞$8.8,流沙包$8.8.除左蘿蔔糕同蝦米腸麻麻地之外,其餘既都吾錯!尤其叉燒酥及流沙包.埋單$79,都算抵食!服務就一般.有機會一定試埋晚飯小菜.

早兩晚約朋友到荃灣銀龍閣打邊爐，$58 任食火鍋周圍都食到，但係佢地免湯底，同埋d食物同你放埋係1碟，唔使放到周圍都係，值得一讚係佢地d本地牛肉非常新鮮，但肥牛就唔係好掂，同埋其他火鍋料都好新鮮，仲有小食，即叫即整，最抵就係汽水，10蚊有6支，你地話抵唔抵？

5月11日，12:45趁有兄弟在公司睇檔，便荃灣和老客戶聚一聚，透透氣，地膽選了這裡。要了以下點心：香茜蝦餃：賣相可以，灑了點蟹子在面，可惜皮稍淋。綿花雞：魚肚份量足，雞的雪味稍重。鮮竹卷：行貨。香芋珍珠雞：棄用荷葉而用薄薄的香芋包裹，幾特別，味道討好。叉燒飽：熱剌剌的，飽皮有原始的甜味- 澱粉質。牛肉腸：稍欠溫度，冇肉味，粉皮算滑。可能是經濟，所以人流夠，加上點心一般是即蒸，所以食物上檯的賣相好。