潮龍園

Open Now

Now Closed

今日嚟元朗交收但係嗰個人未到，我就行經呢間餐廳，入去食住碗潮州粉等佢嚟，叫咗個鮮蝦鳳城水餃配牛雜麵。鮮蝦鳳城水餃入面材料十足又夠大隻蝦肉滿滿同埋都非常新鮮彈牙，入面有d木耳絲有咬口，皮薄好味道。至於牛雜炆得夠淋夠入味，我最鐘意食牛肚，牛肺而且份量都好多，食內臟真係要食淋得夠火喉，如果唔係就唔好食，好彩呢到煮得好味。個麵煙煙韌韌又無陣梘水味，讚！餐廳內都好多人嚟食，價錢又唔貴，種類又多選擇，亂入都去到間好食餐廳。

元朗巴士總站呢邊真係好多野食，是日趕時間，就揀左食魚蛋粉，快靚正嘛。呢間分店舖好大喎，勁多卡座坐得舒服，快快落單開餐先。🥢水餃併魚蛋米粉+腐乳通菜+凍檸茶叫左碗雙併粉，再加碟菜同飲野，下午茶有優惠價啊😋水餃包住大大隻鮮蝦，仲有唔少木耳絲，食落勁鮮甜爽口👍魚蛋鮮味彈牙有魚味，兩樣都好味。通菜翠綠加上惹味腐乳醬，正。仲有凍檸茶走甜，茶濃檸香，天氣咁熱整杯凍飲特別正。食飽飽都係幾十蚊，抵啦😁唔怪得客如輪轉，呵呵。

平時湊完個仔放學，都有d 肚餓，想食碗麵醫下肚，為左唔想太full, 通常我都揀潮洲粉麵share, 食完唔會太大罪惡感。餐廳位置好方便，就係輕鐵站大棠站落車附近就到，個邊都好旺，仲有小巴站，所以人山人海。4寶麵，出餐速度非常快！湯底味道正常啦，魚皮餃都有口感，最令我喜出望外係白魚蛋，真係勁彈牙，我下次食會嗌魚蛋麵🤣 另外仲有墨丸，都好彈牙。炸魚皮，勁大碟，浸湯炸一聲又脆又好食，加埋無糖可樂好夾呀👏👏👏有時下午茶食碗粉麵都係唔錯既選擇。

今日想簡單食，心入面即刻諗到想嚟碗牛腩河多蔥🤤🤤🤤 見到潮龍園即刻入咗去🤭除咗粉麵之外仲有碟頭飯選擇，都好吸引!!!但我都要叫咗牛腩河先🤭🤭 下次再試佢啲飯啦～我叫左碗「崩沙腩河」😋😋牛腩份量多，每件牛腩都夠腍夠入味同有肉香😀😀「崩沙腩」位於橫膈膜附近，係牛嘅橫隔膜 ，肚皮兩邊嘅腩位。佢有一塊薄膜同豐富的膠質，連住少少肉，入口最煙韌彈牙，口感豐富。🤩🤩🤩湯底濃郁得嚟好清，有層次感。食牛腩河最緊要係多蔥。蔥花加細滑嘅河粉好快就食哂。🤤🤤凍飲跟餐都係加$8 粉麵店來講真心算抵食😆😆😋

今日去咗朗屏天橋底搵野食，呢度都幾多餐廳，朋友話潮龍園好味😋一於入嚟試吓。睇一睇個菜單，啲嘢食都幾抵食，一碗麵最平$30有交易。潮式扎肉、靚韭菜餃、鮮蝦雲吞、鳳城水餃、自製魚蛋、京都炸醬麵都係$30最後我叫咗碗魚皮餃米$33有4粒魚皮餃，米粉份量都幾多，湯底好濃郁，魚皮厚度剛剛好，唔會太薄又唔會太厚👍🏽入面嘅肉都好入味。加埋多蔥，口感都幾豐富。😋😋再叫咗凍檸茶，叫咗少甜，比較健康啲😚😚

元朗有好幾間雲呑麵老字號不敵加租或無人接手都相繼結業😢幸好呢間頂得住3年幾無食 個水準依舊👍🏻雖然加咗價但都大碗又抵食重點食完唔口渴 湯都飲好幾啖😆✨牛筋粗 ($32)牛筋又多又大舊 軟軟的又彈牙 入味得黎咸淡度剛好 充滿骨膠原😍正常粗麵 鹼水味唔會好重加上辣椒油更惹味 辣得過癮🌶溫馨提示💁🏻‍♀️辣椒油勁辣🔥超正！大家睇住落呀🫣✨ 魚皮餃+菜肉韭菜餃河 ($36)每款平均三/四舊 大大舊好足料我真係必食‼️魚皮餃 好好食🤍皮係偏厚身煙韌彈牙 肉質爽口本人比較抗拒韭菜 因為覺得好臭😅但佢嘅菜肉韭菜餃我接受到 可能肉較多肉質嫩滑又帶點新鮮韭菜嘅臭味😂✨淨雲吞 ($28)滿滿實實的足料鮮蝦雲吞🦐大概五/六舊 底仲有少少生菜每啖都食到新鮮蝦蝦跟豬肉 兩者分配平均悄悄話🤫跟麵會更抵食 ~$30一碗 都有四/五舊雲呑#港女為食記

下午茶時間去食，第一次用code落單，埋單發覺凍飲要加9蚊，今日再去睇清楚，原來要自己選下午茶餐先有優惠，職員又冇提醒照收我正價價錢，唔通我正價時段選下午茶你又收我下午茶優惠？一到下午茶時段唔識調教時間自動鎖item key就唔好學人攪高科技啦

🐳平時食粉麵都係叫碗粉食就算，最多加埋野飲，但係今次一於食豪啲，點解？因為價錢一啲都唔貴！！！🐳哩間粉麵店又大又光猛，店員又親切又有禮貌，雖然我唔係熟客，但係都同我地有兩句。😃🐳靚韮菜餃河💰30老公一坐下就話要點哩個😂，可能佢真係好想食韮菜😬，有三大粒韮菜餃，餡料又多又鮮，因為餃子係新鮮包製的！🐳爽滑牛丸牛筋河💰41喺店外見倒店名，大大隻寫住「正宗手打牛丸大王」，所以點樣可以唔叫牛丸呢！😌 但又想食牛筋，最後點了哩個，雙拼加💰8，但係份量也多了，抵食！牛丸真係名副其實的彈牙，冇筋。牛筋又淋又入味！🐳五香牛什💰80好耐冇食過五香牛什了，記得以前喺街邊叫碗牛什都要成四五十蚊，而家80蚊就有一大碟牛什，我覺得好抵，而且味道非常好，夠濃夠入味，感覺內臟乾淨！正！🐳菜心💰12菜心清甜😋🐳枝裝豆漿加💰8

這間週不時嚟食既潮州粉麵🍜 位置在元朗西巴士總站🚏價錢比附近幾間平 地方夠大 乾淨企理 座位好坐👍通常都係過咗食飯時候過嚟因為冇咁多人 較易搵位好多😆今日叫咗崩沙腩河粉🐮 牛嘅份量有成七八塊咁多👍牛味幾正😚肉裏面有啲筋位 入口煙韌彈牙又有嚼勁😋佢地啲辣椒油都好正~~夠曬香辣同新鮮🌶另外叫咗有骨魚皮 香口嘢係我至愛❤佢地嘅魚皮係外賣包裝上枱 食唔曬可以拎走👍魚皮炸得好乾身👍件件又大塊 香脆惹味 夠曬熱氣 跟麵食係絕配🥰 香口到最後都忍唔住清曬去🤭

潮龍園 (元朗)元朗擊壤路17號順發大廈地下D-E號舖鮮蝦雲吞河$30雲吞內有大隻原粒鮮蝦同埋豬肉，非常鮮味，河粉勁足料，透薄細滑超大碗，食到超飽。京都炸醬麵加豬手$41炸醬麵夠爽，豬手大隻入色入味，入口即腍，甩骨容易。魚皮跟餐$15聲音上質感絕佳，確確趣，浸湯食，炸炸聲，好療癒，代表佢夠脆！通菜跟餐$12 腐乳味香，通菜色綠新鮮，炸潮式扎肉五件$30 炸得乾身不油膩，食落肉軟香腍。炸韭菜餃五件$30 呢個最快清碟，炸脆不膩。豆漿$9乾淨企理，豆香味濃。鹹檸七跟餐$12好潤，養生。

成日放工係巴士站落車都經過呢度，但就一直未試過。尋日放工好肚餓，同個朋友想搵D又平又飽肚嘅餐廳食嘢，於是入黎一試，又真係無揀錯喎😆我哋叫咗鮮蝦雲吞河$30、京都炸醬麵加豬手$41、魚皮$15、通菜$12 、潮式炸扎肉$30 、炸韭菜餃$30 、豆漿$9同鹹檸七$12。兩個面都十分彈牙有咬口，雲吞新鮮足料。而我最欣賞係佢啲炸物，炸韭菜餃非常惹味，魚皮亦都十分脆口，潮式炸扎肉又係好趣卜卜，食到停唔到口。😋而餐廳姐姐服務亦都一流，因為啲炸物都係佢介紹，認真好推介👍🏻

半夜三更肚餓，想搵地方食飯，見到呢間麵檔仲開緊工，又有位坐，於是入去試吓😊😊😊呢間出餐速度真係好快，嗰頭落單，嗰頭就出，真係快，而且地點方便，在巴士總站旁邊，食完即刻去搭車都趕得切

行哂成個元朗，都冇2字頭既麵！得呢間潮龍園性價比咁高，28蚊一碗雲吞麵，就等我試下味先！雲吞有4粒，大大粒，蝦肉新鮮彈牙，加d紅醋，味道一流。湯清甜唔會太咸。開到零晨3點，夜晚肚餓都唔怕呀！

28蚊一碗雲吞麵， 仲可以去邊到搵呀，勁抵！ 個個星期都食一次。牛腩面都只係32蚊，又好味又多汁，湯底濃，我就次次都叫河粉啦👍15蚊加魚皮，勁大碟，吸哂湯汁又脆！推介

今日喺元朗廣場嗰頭整啲野，搵地方食晏果陣見到呢間粉麵店就隨意入咗去～❤️京都炸醬粗麵 (評分: 4.5/5) 💰2️⃣8️⃣炸醬開胃夠味唔油膩，肉絲唔鞋，份量好多絕對足夠撈勻晒個麵底食👍但個湯就比較味精，呢個價錢可以堂食性價比好高🙌🏻粉麵店黎講呢度服務都幾唔錯，環境正常唔會太迫，價錢又抵，係值得encore既快餐👍🏻