潮龍園

Open Now

Now Closed

水餃平靚正 ... 已吃多次堂食外賣 😋其他牛雜類也可以 , 粉麵蔬菜O. K. 新鮮 🥬但今次吃墨魚丸及魚皮餃均不合格 ❌墨魚丸也勉強 , 魚皮餃難食 點選時請注意 .... 🍜但水餃是首選 🤤

今日約咗朋友行山,起行之前想食個健康早餐,唔想成日食西餐啦太唔健康,見到呢度有粉面食就入嚟試吓啦,叫咗個崩沙腩墨丸米線🍜行山好快會肚餓，食完呢碗勁飽肚👍真係very good，崩沙腩真係好正😋墨丸又爽滑彈牙，下次一定會再嚟。加油💪希望可以保持水準。下次一定要試吓佢嘅水餃雲吞同埋手打牛丸，仲有炸魚皮有骨嗰隻聽講好好食😋又大粒又大碗，好彩住得近，早餐午餐晚餐都包辦晒了個湯又唔會話好鹹，味道啱啱好，再加埋佢嗰隻自製辣椒真係真係一流，冇得頂呀👍

呢間之前都幫襯過兩三次，以往每次都係叫碗雲吞魚片麵黎食。呢間野一定要讚既就係雲吞，可以話係我食過最好食，最有水準既雲吞！蝦夠大粒，夠鮮味，咬入去唔會豬肉有怪味，調味做得好好！而且雲吞又夠大粒，份量滿足，一口都咬唔晒！另外魚片都唔錯，都算比的幾多我，食落去既魚味都好夠。最後係麵條非常之彈牙，湯底清得黎又味道濃郁。可以話各方面都做得非常好既雲吞麵！今日就特別去試埋佢既牛腩，絕對冇讓我失望！牛腩都比得好多舊我，炆得非常之鬆化，入口幾乎唔洗咬！而且部位比較肥，入口好似食和牛咁，油香係個嘴入面爆出黎！食牛腩食到好似和牛咁，我已經冇乜野可以挑剔～！一間麵檔必備既雲吞同牛腩，加埋麵條同湯底，四樣野既水準都非常之好！個人非常推薦！

挑起條筋突然之間想食雲吞麵， 去到附近見到呢間餐廳， 見佢好似幾乾淨就入去試下。 疫情前冇嚟過， 今日嚟見到地方好乾淨。 原本想食雲吞麵但係叫咗個牛肚河， 味道都可以，但個人覺得湯底可以再濃郁啲 。 雲吞尚算足料， 豬肉比例多過大蝦， $26蚊嚟講 無嘢可以投訴。 叫咗杯凍奶茶 叫阿姐走飲筒， 佢好細心咁會幫我拎杯嘢飲。抵讚！！食完冇幾耐就有清潔檯面， 但唔係催人埋單。 整體感覺唔錯，下次會試下豬手撈麵。

最近元朗西巴士站開咗間連鎖潮州麵店，去試吓先🥢🥢店舖幾大，光猛整潔，坐位闊落，有冷氣，坐得又輕鬆，加分👍 除咗有麵食、 仲有碟頭飯和小食……麵食價錢26蚊起， 非常之抵食😚29蚊柱侯牛腩河， 幾多牛腩，好大方👍 牛腩有牛味，炆得軟腍， 腩邊有層薄膜，幾爽口😋啲湯唔係咁重口味👌 配料有埋炸蒜，加埋有質素自家製嘅辣椒油，下午茶時段加六蚊仲有杯凍飲， 真係抵食之選😊實有下次La😚下次食埋帶骨炸魚皮👉👈