龍寶酒家

Open Now

Now Closed

雖然我不是經常來，但偶爾都會上來。原因有三：1. 這裡的侍應姐姐都很積極、主動、盡責、親切和友善，特別對我與長者都好好，好細心。2. 這裡的選擇多得很，多到不知怎樣選擇，但點心的款式可算是觀塘區最多的其中一間。單點或孖寶，有平有貴，任君選擇。3. 不僅點心款式甚多，收費不貴，價錢大眾化，一個人來飲早茶的話，大概只需三十至四十元，加上鄰近觀塘地鐵站，又有升降機，坐得都頗輕鬆舒服自在，枱與枱之間都頗闊落。唯一要留意的是，出升降機後，要行上一層，大概二十級樓梯，行動不便的人要小心慢慢。

17/1/23 晚上8點半在此吃晚飯，吃完飯後，叫埋单，男部長拿個埋單簿來說是：一仟一佰四十二元，我就付了一仟五佰元(1張一仟元和一張五佰元)，之後男部長就拿回個埋單來退回我剩下的錢，我打開後，就錯愕地發現上面只有一張五十元紙幣，下面有張賬單，再下面有八元硬幣，本來想多俾的貼士，但只有收回張五十元紙幣，心想：這晚飯要一仟四佰五拾元？並叫男部長開張收據拿回公司出數，但過了十分鐘後，都等不到男部長回來給我收據。我坐在椅上，再回想男部長同我收錢時，明明是說張單：只是一仟一佰幾元，為何現退回剩錢時只有一張五十元紙幣？越想越不對路，因又未交回我收據，所以起身走去收銀處問下，當時，我就向個女cashier問下拿回張收據，並向她詢問38號枱張單是多少錢？好彩個男部長也在旁邊，男部長打開個埋單簿交給女cashier，女cashier看了張單後同我說：是$1,142元，那我問女cashier，為何我收到的剩錢只有$58元？女cashier想都不想就答我，因我只付了$1,200元，所以只退你$58元。我就向女cashier說：我付了$1,500元啊，男部長在旁見到，也幫我做證明向女cashier說：他是收

我唔多寫食評，不過由於今曰見識到某d職員ge 態度，真係不吐不快。之前都幫襯過，上次晚巿食到d炸過曬龍ge 椒鹽瀨尿蝦，有一陣苦味，依d唔重要，我唔會因為一樣野比差評。今曰午餐本身想食放題，但係間餐廳未開，我地得2粒鐘時間，唯有求其揾間食住先la食物質素一般，腸粉拉得差，差過某連鎖快餐店ge布拉腸粉，食完先發覺其他食評都有人講過佢地d腸粉難食今日我地想追加一籠牛肉球，可惜等左18分鐘都未黎，我地就算數走人，結果賣單果陣佢地就收多一籠點心錢，check完單之後我提個收銀收多左，請佢退返錢，可惜換黎ge係個收銀指責我地"話我地先落左單18分鐘邊有咁快ar，好心你地咪鬼叫拉，家陣用消費卷點退ar?離曬譜 "我就話，"咁你做收銀都有責任對單ga ma ，點心紙睇到ga ma "估唔到個女人好意思講 " 張點心卡有時會錯ga ma " 之後又有一個疑似部長著裙ge 樓面加把口黎話我地。結果佢地咪又係西口西面咁退左錢比我。講平，你不如街坊茶樓。講食物質素，你又唔係好。講服務，更加係劣，個收銀絕對有潛質係街巿賣菜。依家唔係僱客永遠是對的年代但你收錯我錢，客都未罵你做野唔小心，你好意思將所有責任推落個

1000000000個唔推介！！！！！！！！！！！除非想俾錢買氣受野食正常，都大份，選擇都ok多但好明顯人手真係唔夠每次叫一樣野，要催3、4次等10幾分鐘落單、拎濕紙巾、拎外賣盒、賣單都係等到無了期⋯員工態度差到無得再差叫個呀姐俾個外賣膠袋，等左10幾分鐘，叫左4次都未有。到俾左一個之後問佢再拎多個，個呀姐態度差到揼個膠袋落我度，仲要啤我野食幾好食、幾平都好，唔會再俾錢買氣受極度劣評！！！！！！！！！！

電視廣告見得多，今次去開觀塘，神咁早又唔洗等位，就入去試下啦。環境方面，普通酒樓樣，裝修唔算特別靚，清潔程度就還可以啦。以飲茶黎講，飯麵選擇算好多，除左一般燒味飯外，連餐肉蛋飯都有得俾你揀。點心方面，選擇都算多，有鵪鶉蛋燒賣、蒸豬手、燒腩卷、豬肚呢d比較冷門的選擇都見到，中式糖水又有、西式布甸又有，算係選擇比較多。《點心拼盤》有蝦餃、燒賣、菜苗餃、馬拉糕、叉燒包、同粉果，🐵就試左馬拉糕，算係鬆軟，但就覺得過甜，蝦餃就勁多蝦勁爽口，係塊皮厚左d。《煎蘿蔔糕》乾身脆口，食落都算係多蘿蔔，唔係淨係食到麵粉感。《家鄉七彩炒米粉》算乾身，用銀絲米粉黎炒的，同埋火腿、椰菜等配料算多，唔似之前食過淨係得米粉炒米粉。評語環境一般，服務一般，收銀更加係冇禮貌舊式酒樓，選擇算多，味道中規中矩，如果唔洗等位就可以試下價錢唔算貴

今日約左老豆食飯，老人家鐘意去酒樓食飯，今次就去左觀廣到食，呢間酒樓以前食過覺得普通，但既然屋企人想食甘就比多次機會佢。.呢間酒樓服務真係唔得，叫左好多次都無人理我哋，後尾真係忍唔住行去搵個職員落單😒乳鴿皮脆肉厚不過太多油.蠔皇鮑魚雞煲一打開好香，個汁好惹味，用黎送飯⼀流雞都算嫩滑鮑魚不過不失.蒜蓉粉絲蒸龍蝦平時多數都係食芝士焗龍蝦，今次就試下蒜蓉焗😂但係龍蝦不過不失但無乜味，粉絲食到最後有少少咸.唔記得咗個翅叫咩名😂但係就似係食緊碗仔翅咁，佢面頭個粟米片唔好食唔放會比較好😂

突然間想去飲茶，同老公試下觀塘廣場呢間龍寶。酒樓係15樓，地下搭𨋢上去。由於太舊式，等𨋢都等左好耐。。。。。。估唔到咁多人，上到去好多人等位 ，我地都等左30分鐘。都好多細枱，所以唔洗搭枱。酒樓環境好大，真係全場爆滿。。點心紙好多張，有啲重複，點樣嗌平啲自己就要慢慢計下數啦😂😂蜜糖椰絲蛋散好多新酒樓好少見，所以一見到呢度有即點！不過係失望嘅，因為凍冰冰，唔夠鬆化，可能擺得耐左，不過加椰絲又幾特別。鮮蝦腐皮卷失敗again🙁唔夠熱，個皮小小un，應該係翻炸或都炸熱heat住好耐。但值得一讚係入面啲餡好多，蝦仁爆滿，爽口彈牙！鵪鶉蛋燒賣大推！好好食。夠大粒又夠熱！又係新酒樓少見嘅點心。蝦仁豬肉餡爆多，勁正！點心拼盤有6款點心，岩哂我乜都想食一件嘅人。馬拉糕有一陣怪味唔好食。。其他十分好！蝦餃，菜苗餃，粉菓個皮真係好QQ，餡料又多好好食咖。雞仔包好軟熟，燒賣都好大粒！其實呢度啲蒸點真係大讚！炸物就無下次。。環境坐得舒適，出菜嘅嬸嬸勁有禮貌！每次推點心過嚟都話慢慢食，小心熱呀。超友善 ！樓面職員都正常服務，唔會好差。。。

昨天晚上和家人一起食飯， 一入坐已經被2個姐姐，一個部長不斷推銷不合口味的菜式，最後點了8人餐。菜式味道不錯，份量也足，可惜最後上雞的時候，發現雞脾位置不齊，跟部長反映，部長轉達廚師話左右3夠就齊架啦，但明顯砌不埋， 對方也沒有再跟進，破壞了對酒家的觀感。

睇完戲諗住搵嘢食，行咗一陣，最終決定試呢間，第一次，原因係呢間係老牌，應該有噃啲水準同埋見好多人食。等咗一陣就有位，坐低後，好快個侍應放底咗啲杯碟及一碟小食，當時問佢唔要得唔得，佢就話呢個係規定一定要，無得唔要，所以只好無奈要，跟住叫咗乳鴿及一個套餐，乳鴿還可以，芝士龍蝦伊面入面啲芝士無咩芝士味又乾，龍蝦一般，甜品送橙，不過全部都比較鹹，尾聲後開始勁口渴，要大量飲水都唔夠，水準令人失望，唔會再光顧。

因為工作的關係 ，約了友人在觀塘區見面並且午飯。時值十二點半放飯的人不少，街上人頭湧湧的，友人提議到附近的龍寶酒家吃。 由於酒樓位於停車場的頂樓，所以從外面望上去酒樓下面全是停車場成了一個特色。出電梯後要再上一層樓梯才到達酒樓，見到酒樓面積亦很大，並且有不少食客。今天兩個人吃飯只點了一個蝦腸、一個迷你點心拼盤和一個菜粒炒飯。 最先到來的是蝦腸，見到蝦肉很大隻而且咬落亦很彈牙;不過腸粉皮未能做得通透和薄，粉皮亦未能做得夠滑。點心拼盤有蝦餃、燒賣、馬拉糕、韮菜餃。 蝦餃燒賣韭菜餃等個人覺得都是一般的水準，未覺做得有特別出色之處，可能不全是師傅現場做的吧。菜粒炒飯的飯身就炒得很乾身，飯的每一粒都很分明，菜和肉粒的味道和配搭都恰到好處，可能個人比較鍾情於炒粉麵飯類，因此都覺得此飯雖則簡單，但亦十分合胃口。而且今餐飯的價錢亦很經濟，下次在官塘進餐時，也是個不錯的選擇。最後要一提的是酒樓位於商場和停車場頂層，而且光顧的人又多，所以等電梯的時間亦相對較長，要耐心的等待。

夜晚8點幾去到 ，同女朋友 坐左成15分鐘都無人開茶比我地 （茶芥$12位），舉極手都無人理 ， 終於有人見到我地舉手 ，連續3個人都叫我地等一陣 （有一個呀姐仲話呢個區唔係佢睇，見我地舉左甘耐先行過黎，不過唔係黎落單 係叫我地等多陣🤷🏻）忍唔住啦！！我好大聲甘叫左一次*唔該*！雖然附近d食客都望住我，但我終於成功啦！有人黎落單了🤣！ 好啦！我地諗住叫一個海鮮餐 +龍蝦伊麵，點知…… 個呀姐又要走去問下廚房仲有冇海鮮餐🙄 又話無哂龍蝦 ！最後 我地勁嬲甘走咗 哂左我地半個鐘！！走之前同個男經理講 呢到服務超差 完全無人理我地 ！佢只係講唔好意思就走左🤷🏻（雖然我地係星期六晚黎 坐廳 但個場坐左一半都無 人手已經應付唔到 ！唔知佢點做生意 仲要收成13%服務費！！我就一定唔會再黎）

同家人行喺觀塘飲下午茶，媽子帶左我黎呢間食，等左一陣就有位。中式點心來來去去都係嗰啲，但就係鍾意飲啖茶，嘆返幾籠點心。呢間酒樓點心唔錯，下午茶點心款幾多，特價紙都有幾張（我影得一張）最推薦灌湯餃加蝦多士加菜心，48蚊就有齊，蝦多士既蝦夠大隻，多士又熱又脆。灌湯餃皮唔厚，包得靚，湯味濃，菜心正常發揮，唔老，推薦👍👍另外仲有籠點心併盤，蝦餃燒賣乾蒸牛肉各2件，有件細馬拉糕，同埋粉果，蒸得岩岩好。另外再加碗瘦肉粥同腸粉。豐富過食lunch.賣單都係百零蚊。抵到爛👍👍👍

老公話中意食上湯龍蝦🦞伊麵，第一時間就諗起龍寶酒家。當年個廣告都好深入民心個日係落場時間員工已經準備食晚飯不過收銀姐姐都好好服務介紹返幾款選擇難得一場嚟到，梗係食貴啲嘅澳洲龍蝦，質素有保證之餘又係龍寶招牌菜，食落自己個肚貴啲都抵啦由落單到出貨大概等咗15分鐘都唔算好耐到手個下估唔到都好聚手，起碼成斤重。嘩。睇相都知個龍蝦好厚身，好多肉。啲肉口感好爽脆，好鮮味，超級正伊麵底都好正，我由到手開始計都等咗個半鐘先開飯，但麵質都還可以，係有啲結塊，但上湯好入味，唔會好漏。份量仲好多！下次有機會想試下花龍同南澳龍蝦🦞，聽聞又係另一個層次嘅龍蝦

4月10日星期日11：30陪靚媽到觀塘廣場買完半價海南鷄後，本來預算到一品香食上海菜，OPenRlce明明話此店開早上11：OO，去到此店門口卻有個呀姐，向我講今日中午12：OO至開始營業，在此特變情況下，肥華即時轉呔同靚媽到同一廣場内，位於頂楼的呢間酒楼飲茶，在疫情期間就算在假日都唔駛排隊攞筹等位，又二人一枱不用同別人共用一枱，可以盡情同靚媽.享受二人世界嘆茶樂趣，此日合共點了三款點心，及一碟牛肉炒河，評語係點心味道OK，但碟炒河味道雖然可以，但毫無鑊氣令極喜愛食炒河嘅肥華感到失望

今晚7條去咗龍寶，有 D 區，同枱不用隔板，暢所欲言。我地 book 咗6pm，上到去未算多人。首先講下環境，佢係官塘廣場上面，所以得2部去到，我覺得有 d 5方便，因為同層仲有另一間食肆，所以一到食飯時段就勁多人等，樓下有條帶規劃排隊等，但食肆果層就無，如食客5自律排隊，都無符，只好爭入。酒樓係幾大，枱與枱既距離都ok，但人手真係超5夠。幾枱食客揮咗好耐手都無人理，難得有位男部長剛落完其他枱既單，同我地有眼神接觸。雖然佢望一望就移開視線，我地仍勁舉手，男部長有d 忟憎叫道：“見到喇，等多陣“。我地明白人手不足，所以佢會忟憎。後來佢來落單既態度係絕對無問題~我地叫咗半席，三包 (免13%服務費、花生、茶芥)，再加優惠叫咗1隻雞。可能我地算係早，上菜速度正常。後來見到隔離果枱都幾耐無嘢食，於是催了。每碟餸份量好足，我地7條真係食5落，最後打包咗d 糯米飯、雞、鵝。除咗青口烏冬偏咸咗d，其他都味道幾好。鮑魚又幾大隻，真係要用刀叉鋸，哈~“倒“湯時，我地見無乜人手，自己做。點知有位女侍應趕來幫忙，我地話5使啦，你去忙你的，侍應好有禮貌話“5好，等我黎啦，5好意思“。真係好抵讚既服務，有