龍門客棧

Open Now

Now Closed

星期六踩單車經過大美督，諗住搵間小食食下坐下，因為太陽伯伯實在太犀利🌞見到一間食burger幾正咁，啲嘢份量啱啱好，因為咁熱都食唔落太多同太濕嘅嘢🫠咁我哋就叫咗一份burger，一份熱狗再加一個薯角😎當然唔少得兩杯凍飲🥤個熱狗🌭好正，source 夠曬，個包唔會乾，而且佢係用有質素嘅腸仔！跟住叫咗個單層Burger , 佢塊牛肉真係要讚！唔會勁咸勁肥！落去唔會散晒，但係又唔會好實，真係做到手打肉嘅口感！同埋咁熱，佢揀咗會好多蔬菜，令到個包勁fresh又juicy ! 薯角就正常🍟至於飲品揀咗一杯 lemon soda 同芒果沙冰 夠曬凍同解渴！

星期日去左大埔踩單車, 踩完係大美督還車後, 搵下野食, 上次係個條街就試左間Cafe, 今次經過呢間餐廳門口, 初時以係食中菜, 名字都好像係, 哈哈, 不過係門口睇完餐牌見到有burger和熱狗食, 就入去試下~入到去感覺好似去左布吉渡假既餐廳, 佈置和環境都好chill, 坐底休息下, 好relax~點餐要入內自行到櫃位點餐的, 餐牌有四個combo set，有burger、薯條、all day breakfast跟飲品, 我地叫左A餐和C餐:*熱狗包, 上面舖左滿滿的芥末醬和茄汁, 食落條腸脆口, 麵包軟熟, 好食! 跟餐有炸洋葱圈, 好香口, 飲品係汽水我轉左士多啤利沙冰, 飲落小小酸酸地又唔會過甜, 夏天飲, 好解渴~*雙層牛肉漢堡, 牛肉漢堡望落去都幾厚, 味道香濃, 加埋蕃茄同生菜, 一啖過放入口食好有滿足感, 呢個餐就要薯條, 薯條炸到脆身同埋加左七味粉, 好惹味, 出面小啲咁整~芒果冰沙唔會太甜, 好refesh~充電完就可以搭番小巴或巴士出番去大埔火車站啦, 開心的一天!

週末趁好天🌞,去咗大尾篤行下~以前喺呢頭返工,所以都幾熟,知道有唔少泰國嘢同西餐都幾好食😋~今日太熱,簡單啲想食啲漢堡包同埋飲凍嘢🧊~佢嘅熱狗份量唔算大🌭~上面有滿滿嘅茄汁同芥末醬,仲有啲烤洋葱🧅,味道好好~跟餐有薯條,炸炸地,加埋味粉好惹味~佢嘅雙層牛肉漢堡質素幾好🍔~牛肉味道香濃🐮,不過連埋芝士偏鹹咗一啲🧀~裏面仲有蕃茄同生菜,亦都有烤洋葱~然後配咗洋葱圈,非常脆口~跟餐本來有包汽水🥤,但天氣太熱,所以俾冰沙吸引咗~佢嘅菠蘿木瓜雜果冰沙唔會太甜,有菠蘿香味🍍~而呢款椰汁紫米冰沙味道真係好似食緊糖水~但係係飲得嘅糖水,幾特別🤩~店裏面仲有兩位貓店長🐈~其中玳瑁貓最好客,每檯都會過去巡下😸,而且任摸唔嬲~佢一路跑過嚟搵你一路喵喵叫真係超得意😻~下次嚟大尾篤玩,又多一間輕食可以選擇👍~

今日同朋友去大埔踩單車，終點站係大美督，還車之後就去搵嘢食。見到有間「龍門客棧」，以為係食中菜，行過去睇到原來有漢堡食，所以入咗去試吓。入面裝修風格係休閒風，有sofa，有普通餐枱，仲有木枱高凳，我哋揀咗木枱高凳，餐廳雖然無冷氣，但係有微微嘅涼風，都幾舒服。我哋叫咗一個熱狗、一個雙層芝士漢堡、一碟薯條、一碟洋蔥圈、一杯lemonade 、一杯Mango Smoothie。熱狗 $32佢個熱狗包有烘過所以外面少少脆、入面軟綿綿，夾住一條好Juicy嘅大香腸，加咗芝士同埋煮過嘅洋蔥，上面唧左茄汁同芥辣雙層芝士漢堡 $53漢堡包舊牛肉唔算好厚，但係咬落去每一啖都有肉汁，睇返Menu先發覺原來係自家製牛肉漢堡扒，唔怪得知同出邊嘅漢堡扒唔同，夾埋蕃茄同生菜，都幾fresh。薯條 + 洋蔥圈薯條同洋蔥圈炸得啱啱好，薯條加咗調味粉特別好食，洋蔥圈外脆內軟。lemonade $18酸酸甜甜，好開胃，係食漢堡包嘅好伴侶。Mango Smoothie $38淡淡嘅芒果味，唔會甜到入唔到口，冰冰凍凍，好適合夏天踩完單車之後飲。同朋友一路食一路傾偈，超級休閒舒適，叉足電之後再出發，行去龍尾灘散步。

今日約左朋友入大尾篤踩單車，響單車舖對面既龍門客棧食返個靚早餐。全日早餐套餐：- 穀飼牛肉肉質鮮嫩多汁，烹調火喉剛好，帶有一股淡淡的香氣。- 西班牙黑毛豬肉：肉質扎實富有彈性，肥瘦適中，十分入味。- 自家醃製雞排：醬汁的調配恰到好處，整體口感不錯。- 新鮮沙律：蔬菜新鮮，爽脆可口。- 香草碎蛋：蛋的質地滑嫩，香草碎的加入，注入了微妙的香氣。- 法式丹麥酥：酥脆的外皮下包裹著綿密的內餡，香甜可口。雙層牛肉漢堡：除了全日早餐外，這個漢堡也十分出色。厚實的牛肉餅注入OMEGA3，讓整個漢堡既有豐厚的口感，又能給人以健康的感覺。值得一提的是，老闆娘十分親切，她告訴我們食材均為外國進口，介紹食材的來源和特點，讓人感受到她對食品質量的堅持，及顯示出她對健康飲食的重視。

🍔 龍門客棧Long Men Guesthouse 🏮Tai po Tai Mei Tuk✨ The Best Choice for Replenishing Energy after Cycling✨ Despite the misleading name, it's a great place for burger lovers😅 Seeing this name, you would think it's a teahouse, but it turns out to be a restaurant that serves delicious burgers! We all know that after cycling, you need to replenish your energy, and this place is definitely your best choice! 🚲💪We ordered a few signature burgers:🍽️ All-Day Breakfast Burger🍽️ Hot Dog Burger🍽️ CheeseburgerEvery

🍔 大美督 龍門客棧 🏮✨ 踩完單車補充能量最佳選擇✨ 雖然名字有點誤導，但卻是食漢堡包的好地方😅 看到這個名字，以為這是一家茶樓，但原來它是一家提供美味漢堡包的餐廳！大家都知道踩完單車後需要補充能量，而這裡絕對是你的最佳選擇！🚲💪我們點了幾款招牌漢堡包：🍽️ 全日早餐漢堡包🍽️ 熱狗漢堡包🍽️ 芝士牛肉漢堡包漢堡包每一口都充滿了濃郁的肉汁，原來漢堡牛肉係自家製，唔怪得咁Juice。全日早餐讓你可以隨時享受早餐的美味，而熱狗漢堡包則帶來了獨特的風味！🍳🌭🍔無論你是單車愛好者還是漢堡包迷，大美督 龍門客棧都能滿足你的味蕾！不要錯過這個補充能量的好地方！🏮🍔💖

🍽️環境溫馨 彷彿置身異國他鄉 柔和的燈光讓人身心放鬆。🍔🥩 Smash Beef Burger 肉食愛好者的天堂！兩片牛肉雙倍融化起司，夾在鬆軟麵包中，每一口都是滿滿的幸福100%純牛肉製作，新鮮無添加🌭🇭🇰 金黃酥脆的熱狗包，搭配烤制過的熱狗腸和微甜洋蔥，加上芝士，口感層次豐富🍟🧂 Classic Fries 外酥內軟的薯條，配上獨家調味粉，一吃就停不下來！🎁🔌店內還有夾公仔機和充電器，讓你用餐之余還能享受遊戲的樂趣🍴🍽️自助點餐，方便快捷。現點現做，只需等待10-15分鐘，用餐自行放到回收區，環保又方便。

大尾督一間自助式漢堡店，價錢親民，質素💯💯 單層漢堡$38，雙層漢堡$58，三層漢堡先$68‼️‼️‼️.🌟三層漢堡啖啖肉😍 牛肉既油香味會係口到停留，包既質感仲要超級脆，呢個配搭係完成既Burger，一定要試！.🌟熱狗麵包一樣做到脆脆既口感，腸仔係脆皮又多汁，加埋芝士同醬汁，完美🥹🥹.🌟All day breakfast有齊雞、牛、豬、炒滑蛋、芝士腸、菇菌、蝴蝶酥、沙律菜，欣賞佢地沙律菜既醫汁係自家製，好特別，好fresh!!.🌟檸檬汁酸味特出，微甜，係清新既飲料之選😛😛.🌟烏龍花茶茶味超級香！未飲過咁香既花茶，老闆娘好細心介紹原來入面係有哈密瓜乾，所以飲落特別香甜，鍾意飲茶既你唔可以錯過🥰

平時去開大尾督，都係食泰國菜，今次試左呢間漢堡包餐廳，餐廳佈置好chill，加埋啲燈，感覺好似去咗外國嘅環境，餐廳店主好友善，會走去同啲食客傾吓偈，餐廳仲有一隻貓，同埋夾公仔機，好chill好relaxing。漢堡牛扒係自家製，完全冇加粉，100%真牛肉，非常juicy，而且食到牛既筋，好有口感！好好味！漢堡性價比好高，一可以分一層、兩層同三層樓漢堡扒，一層漢堡扒只係$38 ，就算三層都係$68 ，好！抵！食！薯條薯條用左比利時薯仔🥔，完全冇溝粉，所以好飽肚，好有口感，而且每條薯仔都好飽滿，上面落左自家製嘅shake shake粉，非常惹味。

發現新店，點餐時順道與老闆娘傾談，感覺到老闆娘非常用心經營，值得推介一下！據老闆娘所述，餐廳的食材都選用外地入口的優質貨，例如製作漢堡的牛肉使用美國牛肉，再自家絞肉而成，而薯條則選用比利時入口的。此外，餐廳於晚上6時前有咖啡出售，感覺到老闆娘對咖啡的水準相當有信心，咖啡迷不妨早點到來試試。食物選擇方面，餐廳外頭的宣傳牌定好了四個combo set，有包、薯條和飲品，方便趕忙的顧客，亦可單點食物、飲品，還設有是日特選。我們試了套餐A、B，另加了是日特選的雙層芝士西班牙辣肉腸吐司和名為HK Dream的茶，茶包選用來自星加坡，以人手採摘茶葉而知名的品牌Gifel。食物全都即叫即製，新鮮溫熱，手打美國牛肉漢堡有肉汁且特別富牛味，其中一款薯條加了芝士，由車打芝士和水牛芝士兩種不同軟硬度的芝士混成，因此既做到溶化的效果，亦做到拉絲的效果，味道亦更形豐富。吐司方面烘得香脆，西班牙辣豬肉腸鹹香惹味，面層芝士半溶拉絲，可謂無得彈，最合個人口味。服務屬自助形式，自行到櫃位點餐，然後會收到一個取餐提示器，響號時到櫃位取餐。餐廳位置靠近大美督停車場，泊好車後向著汀角路餐廳的方向步行約3-5分鐘可達。