Video
Telephone
2384 7100
Good For
Private Party
Opening Hours
Mon - Thu
16:00 - 02:00
Fri - Sat
16:00 - 04:00
Sun
16:00 - 02:00
Above information is for reference only. Please check details with the restaurant.
他們的單人套餐。最合我心水的必然係「牛」。五成熟。廚師功夫不錯。恰到好處。牛味濃郁。肉質嫩滑。配汁與肉質更顯可口。配菜豐富。南瓜濃湯-入口溫厚。口感滿溢。南瓜味在口中濃而不散我叫了個「洋甘菊」花茶。最特別之處。他提供「蜜糖」。花茶睇住加熱。入口甘甜。助人零神。份量都不少。花香撲鼻。
continue reading
今日同朋友係旺角行街，差唔多晚飯時分，又行到攰攰地，就打算搵一間舒服D又坐得耐可以休息一下既餐廳食飯，所以朋友就推薦不如食CAFÉ 啦。呢一間CAFÉ 地點非常就腳，就係朗豪坊隔離。入到去餐廳氣氛好寧靜，而且入面既擺設都令人放鬆。餐廳食物種類都唔少，而且仲好貼心有幾款唔同既SET Dinner比客人選擇，而且價錢都非常大眾。於是就揀左個SET dinner for two啦。頭盤有湯同沙律選擇，湯日日都唔同，而我地就揀左田園沙律。沙律份量岩岩好，而且都幾足料，味道非常清新。主菜就有2款，我地揀左一個牛肝菌忌廉汁燴雜菌雞肉意大利飯，份量好多，而且非常香。食落口覺得非常CREAMY，而且雞肉嫩滑。另一道主菜就係香焗加拿大豬鞍配胡麻醬，呢塊豬鞍非常有份量，而且賣相好靚，豬鞍焗得岩岩好，口感非常嫩，而且充滿肉汁，配合胡麻醬，非常出色。配菜既薯角又非常香口，真係令到人食唔停口。總結，餐廳非常用心，提供到一個非常舒服既環境，好適合同朋友一齊傾計，而且食物質素亦都好好，價值定位都非常大眾，係一個非常好既晚上。
continue reading
在荷里活廣場午膳過後（詳情請參閱食評---《試造型》）我們也是時候回到旺角會合各位兄弟姊妹開會了。老朋友早已預訂了旺角的Dream Café。乘電梯到達二樓，大廈相對較舊，入口處也不太光猛。進到裡面，我們總共十一位，侍應安排我們坐到最後，佔了兩張長枱。雖然有點飽滯，但店方設有最低消費，因此我們每位都點了一款下午茶餐。最後我要了煙三文魚雜菜沙律。餐湯 橙色的湯汁估計應該是甘筍湯，喝了一口，湯是冷冰冰的，滿口甘筍蓉，相信是甘筍攪伴過後，沒有特別隔渣，其實相對上可以增加質感，不過就略嫌不夠細滑，不過最大問題還是冷冰冰的問題，令人喝起來不禁打寒顫，另一位兄弟也和我一樣，喝了兩口就放棄了。煙三文魚雜菜沙律 沙律份量不是很大，有兩片三文魚，三文魚肉質不夠腍滑，而７鹹香煙燻的味道較淡。沙律菜尚算新鮮，吃起來感覺清新，不過偶有些泥沙，清洗方面似乎要注意一下，配上酸醋汁，雖然有丁點酸過頭了，但還是很開胃的。餐飲下午茶餐包一括一定價格的飲品，不過所謂的價格只包括了最基本的咖啡茶等，我也不想深究，點了杯熱的蜂蜜綠茶就好了。蜂蜜綠茶只有甜味，沒有什麼綠茶味道，不過我也沒太大期望，只想叫杯東西滋潤一下喉嚨就好了。已經不知有多少年沒光顧過這類樓上Café，老實說，一向對樓上Café不太感冒，感覺總是燈光幽暗、服務隨便，食物馬虎等等。這裡的環境也比較殘舊，燈光果真幽暗，侍應服務方面，漏單、錯單常有發生，服務真的比較隨便。食物方面，我選了沙律，應該是較為穩當的了，不過從餐湯及飲品也可一窺全豹，質素真的謹此而已。似乎今次的樓上Café經驗，也沒能改變我的印象。雖然大家仍在熱烈討論當中，不過我要先行撤退去看醫生了！最後約好了老朋友婚前再出來吃飯聚聚。Berlin
continue reading
呢晚約左 3 個旅行團友仔出黎聚舊, 左諗右諗, 最後揀左呢間 cafe!!一黎又可以坐得耐D, 二黎又可以傾下旅行計仔, 三黎又可以玩下 card game, 一舉三得!!結果, 我既選擇係無錯架......!!!前一日用 tablemap book 左枱, 即日已經有人打黎同我 confirm booking, 有效率!!! (=..= v)收工之後, 就搭地鐵出旺角, 先去會合左朋友仔, 再一齊上去~大廈外表殘舊, 不過唔使驚, 有 lift, 哈哈哈~去到 cafe 門口, 暗暗既燈光, 深紅既牆色, 好有神秘既氣氛, 呵呵~同侍應表明身份之後, 就安排左我地去另一個 area 既一張 4 人枱~然後就放低左 menu 比我地慢慢睇~呢度既氣氛唔錯, 無咩人理, 好自由自在既感覺~研究完個 menu, 我地決定要一個 4 人 set....不過, 因為仲有一粒朋友仔未到既關係, 干坐實在好苦悶, 所以我地唯有先 order 左餐飲先....終於等到果粒朋友仔都黎到啦, 我地就落單嚕....前菜: 炭燒蜜糖豬肋骨 配 BBQ 汁餐湯: 波菜忌廉湯小食: 蜜汁法蘭克福腸 + 芝士煙肉焗薯角主菜: 紫蘇忌廉汁燴雞肉闊條麵 + 日式麻香醬炒海蝦扁意粉 + 忌廉燴海鮮意大利飯餐飲我要左: 焦糖榛子朱古力 (熱)一開始既時候, 我地都係傾下計, 講下去旅行既野~到野食上枱, 我地就一邊食一邊吹水, 真係好開心~炭燒蜜糖豬肋骨 配 BBQ 汁 - 記憶中都有大約 6-7 條骨, 仲有一堆新鮮既蔬菜配碟, 豬肋骨入味又夠味, 但係唔會過咸, 讚~波菜忌廉湯 - 味道比較淡, 開餐前清清味雷, 唔錯~ 再加少少黑椒之後就更好味~ 讚~蜜汁法蘭克福腸 - 腸仔切得薄薄的, 彎彎的, 每次 1-2 粒入口, 每一片都充滿左蜜糖既甜味香味, 讚~芝士煙肉焗薯角 - 其實唔太食到煙肉, 可能係碎切呱~ 但係薯角配芝之再焗....真係最佳拍擋~ 又香又好味, 讚~紫蘇忌廉汁燴雞肉闊條麵 - 紫蘇!? 果度既燈光比較暗, 所以都唔係好見到有無紫紫地色, 哈哈~雞肉長條形, 幾嫩滑, 而佢個忌廉汁好味之餘, 但係又唔會另人覺得好膩, 麵條軟硬適中, 有咬口, 讚~日式麻香醬炒海蝦扁意粉 - 佢個粉其實同 "闊條麵" 差唔多, 無論外形定口感, 麻醬夠滑, 不過味唔夠香, 有少少失色~還好海蝦嬴返 D 分, 新鮮之餘都唔細隻, 而且蝦肉彈牙無霉肉, 讚~忌廉燴海鮮意大利飯 - 又係忌廉, 哈哈, 的確佢呢度既忌廉幾好味, 海鮮咩都有D, 全部都係細切, 意大利飯軟淋適中, 讚~焦糖榛子朱古力 (熱) - 2 個字, 好味!! 雖然榛子味唔夠出, 不過勝在焦糖味夠香, 加上濃濃朱古力, 竟然又唔會喪甜喎, 甜度啱啱好, 熱呼呼又曖凹凹, 讚~食飽飽之後, 計亦傾得差唔多, 然後就開始我地既 card game 之旅!!!搵呀搵, 點知搵唔到我地識玩既 game !!唯有其求拎左幾樣返黎研究!! 研究!!但係研究左一陣子, 仍然無咩頭緒, 所以....我地唯有請教 cafe!!我地直接拎個 game 出櫃面問佢, 諗住佢可以就咁講比我地知啦, 點知..............................太好啦~ 佢竟然百忙都抽空過黎 face to face 教我地點玩, 仲幫我地搵到之前想玩又搵唔到既 card game !!另外有隻我地未玩過既 card game 都幾好玩, 佢仲同我地玩左幾舖, 等我地都明白晒佢先返去做野, 讚讚!!!!!呢間 cafe 雖然野食唔係平, 一般西餐價左右啦....但係佢既食物質數, 待客態度, 環境氣氛, 都已經足夠令我加佢入我個心水 list, 哈哈....下次有朋友聚又想去 cafe, 我都會帶佢地黎呢度....
continue reading
一入到去，係門口睇咗餐牌，食物種類都算多，價錢又唔貴~就入咗去~由於比較早,唔洗等位待應帶咗我地去一張近窗嘅卡位~望落去係旺角鬧市夜景，讚!餐廳裝修好靚，燈光又暗暗地~好有情調頭盤係:A 沙樂美腸沙律(男友蠢左, 叫D禁簡單) D. 鴨胸鵝肝卷沙律(好香好味)餐湯西蘭花蜆肉忌廉湯(好味) 主菜:5. 豬手(勁大隻, 好脆仲食到...飽晒)10. 鵝肝煎牛柳( 見前人經驗, 知佢D牛會OVER, 叫4成...黎到都7成熟)甜品:焦糖燉蛋(其實係凍...)朱古力心太遠(我最愛~)我見到其他人點左梳乎厘, 個賣相好吸引, 下次都想試
continue reading