醉雞店 (砵蘭街)

Open Now

Now Closed

午餐好多時都會選擇醉雞店最常會叫凍醉雞，或者椰子雞湯❤️凍醉雞配米粉 $65加$7有特飲，冷熱同價。花雕雞汁實在太香，我會將米粉放喺啲凍嘅花雕汁入邊浸一陣，米粉索晒花雕酒味，一個餐有兩種唔同食法👍🏻醉雞就唔使講超級嫩滑有時收工會叫凍醉雞外賣返去加餸。仲有冷凍湯包，同個烏冬或者米粉一齊煮做晚餐，已經好正。小店比較細，座位會迫啲，午餐時間要門口排隊入座。廚房同埋侍應姐姐都好友善，人少嘅時候會同客人有傾有講。

一直光顾这个店3年了，一份猪肚鸡米线价格从20年初的50加到现在快70。汤越来越淡，肉也变少，食品质量很不稳定。出餐速度也慢，人多了都得等上半小时。店面环境一般，周边的楼宇会滴水，环境真不太好。服务员态度不太行，不管客人多少，看你一个人都要求坐到最里面去，桌面东西也没收拾好。店主也很随意，经常没开门，经常去到白跑一趟简单午饭可以试试，不值得特地跑过去。最近两年食物质量，服务态度，出餐速度都越来越不行。

食過一次之後 有經過都要食雖然成日都休息唔開舖 所以學識打個電話先過去。啲雞湯➕米線真係好夾次次食到成身汗都堅持要飲完個湯！最愛紅棗雲耳🥰😘每次都食呢款！超級值得一試

這次去一家標榜無味精的燉湯小店，去喝湯滋潤一下🥰🐥花雕酒凍雞 $64套餐可配飯或米線米粉等，酒香味濃雞也嫩滑很不錯👍🏻🐥紅棗雲耳醉雞湯 $64本來想叫另一款湯，可是賣光了😢這個也不差，醉雞湯底，配上紅棗多了一份清甜的味道🥥鮮椰子竹笙雞湯 $67這款湯最為推介！首先一上車已經聞到很香的椰子味，喝下去也有濃濃椰香味，配上雞湯變得更為鮮甜！很好喝🥰這家店應該是家庭式經營，去之前最好打電話問一下有沒有開店喔！

🐽 川芎白芷豬潤魚頭湯 （可選飯/米線/米粉）$67天氣突然咁凍梗係要去試下標榜無味精嘅藥膳靚湯暖下個胃，川芎白芷豬潤魚頭湯市面上唔常見，因為比較難煲，而且藥材味較重，唔係個個都鐘意，如果受得到呢種藥材味會覺得好好飲，而且真係無味精同好多湯料嘅藥膳湯。🐽杏汁豬肺蝴蝶腩湯 （可選飯/米線/米粉）$67杏汁豬肺湯有好濃郁嘅杏汁味同肉味，一碗湯入面就已經有4-5件豬肺同蝴蝶腩，非常足料。女士們單食湯料都夠哂飽肚，而且可以以形補形補肺氣，特別適合冬天飲用。不過飯同米粉份量較小，大食嘅朋友會唔夠飽。

🥢油麻地 不用去澳門！養生靚湯專門嘆川芎白芷魚頭米🥢一直好掛住澳門的一間專食川芎白芷魚頭米魚頭米的小店，成日都覺得點解香港無呢類型店舖，今日去開油麻地做嘢，經過見到一間專門食湯飯湯米竟然有呢款嘢食，即刻要試吓究竟係唔係嗰回事🥢店舖細細都幾有特式，店面上仲有寫住「現點現做唔好催單」不過都比想像中快，大約5 分鐘就有得食🥢川芎白芷魚頭湯（可跟飯/米/米線） $67今日點了我至鐘意的川芎白芷魚頭米，因為成日頭痛的人飲呢款湯可以有舒緩作用，而呢個味道好重藥材味，同澳門食到的差唔多，而且魚頭都幾新鮮，不過斬得比較細件少少，而米線的湯底亦非常濃味好飲，但係米線質地煮得有點點過腍無咩咬口，見到旁邊檯人食米粉個樣好似唔錯，下次要食米粉，今日飲曬兩碗湯都已經勁飽🥢凍柑桔話梅蜜 +$6 話梅蜜口味酸酸甜甜的好酸爽，有少少似新加坡d 嘢飲 好解渴🥢除咗呢個魚頭湯之外佢仲有好多唔同嘢食，例如醉豬手醉雞米咁，搞到選擇困難症,感覺都好似好正咁，下次要試吓醉三寶米先得📍 醉雞店 (砵蘭街) (油麻地)油麻地砵蘭街6號地舖

每星期都去油麻地果欄入貨，每次都出去順便食晏，果欄附近食店都比我食均，今日去咗醉雞店食嘢，講真店外觀平平無奇，入到去感覺光猛整潔，店面姐姐好禮貌，廚師叔叔會幫忙出店面推介及落單，亦解釋有部份湯需時煮可能要多等一會，同樣好禮貌，感覺好家庭式，結果叫咗凍醉雞配米粉(米粉是用醉雞湯煮好味），川芎白芷魚頭豬潤湯配米線，紅棗杞子木耳醉躲配米粉，所有米粉米線均用醉雞湯煮超好味，加上湯杞子灼菜，醉鴨舌，醉春蛋，話梅檸檬冰，三個人食超飽，最後還外賣了1份醉鴨舌及醉春蛋回家慢慢吃，下次出果欄再食，哩間店收入推介列表中👍🏻

本身好鍾意藥膳湯，但係出邊好多都好鹹同好重味精呢間係我食過咁多間藥膳湯味道最天然但又夠濃一間👍🏼兩個人叫咗一個胡椒豬肚雞湯米線，一個魚頭湯米粉，一個尖椒皮蛋，一個上湯菜全部野都好滿意，冇一樣係失望既最正係雖然佢粉係另上，但係唔係求其俾清湯你，而係跟返你叫個個湯，淡少少版本，食粉啱啱好😋份量我都好鍾意，唔會太多唔會太少，粉份量唔太多但係飲埋湯一定夠飽，唔食咁多carbs感覺健康啲仲要雖然有雞有魚頭但個湯都唔油，可能廚房有撇油太好由冇影到食物，影張單算，下次會再返黎食

初初係胃口唔好，經過見到呢到有幾款湯品，就入嚟試下。一試就愛上咗😍呢到舖面唔大，裝修都好簡單，但唔緊要！重點d湯真係落足料！最食過翻尋味嘅係椰子雞湯！通常我食椰子雞米粉，當然仲有飯同米線揀嘅。上枱果陣，湯同米粉係分開上，但米粉仍然會用較淡味嘅椰汁湯浸住上。講到主食，椰子雞湯好香椰香味，係奶白色，食落亦都係重椰汁香。雞都係剛剛好，不會過熟，亦沒有見紅，十分滑。湯入面仲有椰子片，倍加香味。湯嘅份量十足，未食到一半已經很飽。今次仲叫埋醉鵪鶉蛋同埋鮑汁雞腳，一樣係咁入味，而且款款味道都係好獨特，唔會好似出面咁，同一種味精整到全部味都係一樣。真心推介！

本人對醉雞類食物都是喜好的，所以serach 呢間店舖想試試看。 但事與願違，親臨4次，4次都吃閉門羹，第一次即興直接下去，沒開舖，唔緊要，一次半次，好閒事。之後第二次，醒目些打電話去問有冇營業，佢話有開，咁我下午4點半落去，點知又關門！？在門外打俾佢問咩情況，佢回答有落場！咁點解唔一早係電話話俾客人知？ 都係一句啫。咁第三次係落場之後去，又關門！！！再打落去問點解，佢話因為洗冷氣，所以唔開舖，商業奇才，洗冷氣可以係營業時間進行，哈哈哈…本來black list 佢，幾好食都假，咁飄忽，根本都古佢唔到，唔會嘥時間同腳骨啦， 但我老婆話想食，咁都試第四次囉，今日再去多次，結果仍是關門。 既然咁冇誠意去營運，咁我諗我都唔會再難為此店要咁辛苦煮野俾人食啦。完

從佐敦認識這店，還記得第一次到訪，有意外驚喜，老闆發源地在長洲，後來搬去紅磡，之後再到佐敦，由於近筆者公司，故此每每想不到在那裏午飯，都會過來，疫情因租務關係，食店搬離佐敦，真的有點依依不捨⋯⋯佐敦店搬往油麻地後，離公司太遠，所以今次才第一次到訪油麻地店，環境和佐敦舊店相約，但老闆和老闆娘，如舊一樣親切。由於是佐敦店常客，故此所有湯飯套餐，已吃過無數次，就是喜歡每每到來那份親切感⋯⋯定食套餐加$6可配飲品，而飲品方面也絕不馬虎，凍飲有金桔話梅蜜、檸檬薏米水，但筆者最喜歡是元肉生姜熱飲, 好味又滋潤。川芎白芷豬潤魚頭湯$61～來到新店後，發現這個湯已可供湯包選擇，決定今次買走外帶。眼見朋友點了，今次筆者堂食冇試，但買了湯包，回家放入冰箱，幾日後攞出來煮，仍然覺得味道相當唔錯。女性恩物，中醫角度去頭風止頭痛，朋友很喜歡。芫茜皮蛋生魚湯$59~可配飯或米粉，筆者較為喜歡配米粉，芫茜湯香味濃厚，還記得第一次在佐敦吃這個湯，很有媽媽的感覺，回憶從前媽媽會用鯇魚片，而食店就用生魚片。童年時牙肉腫痛，媽媽例必做這道菜，有時候，味道就是有這動容的感覺，之後就是因為這個湯，久不久就會過來到訪。腐竹、豆腐