醉鮮 (Closed)

周末經常同屋企人去荃灣搵食，二坡坊，三坡坊都去過好多間😃，今次揀呢間，見佢都有唔少好評，5個人食咗肥鵝腸，豉椒花甲 ，滑雞煲，咸豬手，整體味道不錯，夠鑊氣👍👍唯獨是熟客多，幾張枱都有人🚬影響咗食欲🙈。希望老闆同食客 可以控制同自律，咁大家都食得開心啲。

冰火牛柏葉真係必食首選，雖然佢係冷盤，但佢嘅醬汁係食完會上癮，食到你停唔到口，一嚿接一嚿。佢嘅醬汁味道有些少似細個喺啲街邊檔拮魚蛋啲醬，少少甜同鹹得嚟又辣辣地，非常惹味，送酒係絕配。牛柏葉夠爽，食落冇腥味，如果有叫白飯真係會拎埋啲醬去撈飯食！炒米粉本身係無咩期待，因為平時周街都有得食。但係第一啖食落去，發覺米粉個質地係煙韌有咬口，唔係嗰啲一咬就爛嘅米粉。而且非常之夠鑊氣，味道拿捏好好，食到米粉味得嚟又唔會太鹹/淡。平時食炒米粉都會落下甜醬，辣醬嚟吊下味。但呢碟炒米粉基本上啖啖米粉都已經好好味，重有啲炸豬油，蝦仁，魷魚等配料，一定俾滿分，必定Encore!!! 老干媽豬頸肉炒椰菜花，最緊要一定係試咗椰菜花先。一咬落去，質感爽口，非常掛汁同入味。真係有種魔力令你會夾完一棵再一棵，差啲都唔記得食個豬頸肉。豬頸肉就正常發揮，無咩特別所以都唔多講。總括而言，呢間係非常值得推薦同嘗試嘅大排檔/小菜館。入面好熱鬧，老細真係好好招呼，同埋成夜媽媽成1點鐘都願意做我哋生意，加上難得大廚重煮得一手好嘢食，真係執到寶。

落去荃灣食大排檔，必然去三陂坊啦！話晒夠正宗，間間都咁多人，見到呢間牌面夠大夠光猛就試呢間。冰火雙拼辣度十足，豬手煲咸香適中，腐乳通菜爽口，炒鵝腸彈牙，再加上睇賣相己經足夠了，仲要足料，味道夠！！

今次有哥哥介紹我這一間大排檔，地方算是寬躺，就算一大班人都唔會好迫～又有冷氣坐得又舒服，最緊要食物款式多，價錢唔算貴，又有鑊氣味～服務都唔差😁員工有禮貌，一定要叫佢個豬手，炸得唔錯椒鹽鮮油大大件多肉！辣子雞味都好香，但係就唔係太大件，水煮牛份量多好味，牛肉好滑炒豬什份量都唔小，香辣濃味～有機會一大班人都會再去食，仲有一碟賣相好普通，但係好好味嘅炒米粉，多人一定要叫！夠飽肚又有鑊氣～抄得乾身而好味～唔會太油膩～

都有段長時間無黎食排檔風味。約左聚頭 諗左好耐唔知食乜，友人提議 “醉鮮”，齊腳點餐🥳今次點左：炸大腸，排檔必點😍仲要好少地方整得好食。呢間好味，無異味，仲要好香脆小炒皇，又係排檔必點😍仲有 有魷魚 送酒一流😗豉油皇炒麵，都係我心目中 排檔必點物🤪炒得都可以，只係之前食左唔少，所以少少停左手。今次除左以上三款竹（個人必嗌之選）仲嗌左椒鹽九肚魚，炸蠔餅&椒絲腐乳通菜食物即嗌即整。。。打鼓肚記得預番少少時間😂食物品質，份量&味道對我第一次黎食既。。。完全係有驚喜。有機會下次會再黎，再試下其他款式。

值得推介的餐廳！同長輩一齊食夜晚，每碟菜份量都好足夠，又好野味！但又唔會話太喊！啲野食仲好夠熱！長輩們都食到讚不絕口！仲話做節要再黎食😂係聚餐既好地方～～一定會再去！！！食左個蜜糖薯仔牛柳粒(唔記得正名係咩)，薯仔已經唔再只係配菜，外層脆得來好有口感，同牛柳一樣咁好食！仲有蒜蓉萵筍，一嚟到已經勁香唔係好鍾意食蔬果嘅人，都會俾佢吸引咗！另外仲叫咗蒜蓉魷魚蒸粉絲，一啲腥味都冇！仲有酸菜魚！同料好足，仲有寶物沉歸底長輩們都覺得好抵食，不過如果佢有埋粉絲係底，就更加好！

老朋友(年紀老 不是相識久）聚餐日先來好多支藍妹由於在等人到在下也破例飲杯啤幸好剛剛吃了些東西不然就是完全空肚子喝啤酒了這是嫌命長的表現..不過還是先點些酒肴邪惡的咸蛋黃炸魚皮我猜大家都想吃這些..（所以還是自己一個吃才能點些自己想吃的 🤣）等了段時間連啤酒都清幾支了才等到小食連遲到的2位朋友也到了不過這裡生意真的很好很久沒去這種麻甩佬聚會一個人有一個人的快樂跟懂自己（食量）的朋友一起也是很快樂的時間所以人齊了 點餐這工作就交給朋友吧(⊙o⊙)黃金炸魚皮 $78豉椒炒花甲 $88蒜頭炒萵苣 $58豉油皇炒麵 $98涼瓜炒牛肉 $88蟲草花蒸雞 $98菠蘿生炒骨 $98（⊙ω⊙）以上是我們今天點的所有東西4個人基本上只有2個人在吃..吃到一半..只剩下在下繼續努力 😅不過很開心今天能吃到很多東西食物就略略描述吧(´⊙ω⊙`)魚皮襯啤酒當然好不過在下有自己的專屬酒精咸蛋黃料理也就是有鼓邪惡的吸引力(=°Д°=)花甲雖然不肥美但每一粒有肉的機率高達90%以上這很難得記得在下吃過最糟糕的是整碟只有一半有肉 (╯°Д°)╯︵ ┻━┻萵苣是在下喜愛的菜式之一也是在下今天的唯一點餐爽爽的口感和充滿蒜

荃灣坐屋企食大排檔大家都會諗到夠獲氣但坐既地方迫迫夾夾，當試完呢間新開既「醉鮮」又有唔同感受， 各服務員/老板都好好招呼，估唔到大排檔都有餐廳感受。坐得舒適獲氣夠份量足下次坐室外的首選👍🏻

限聚令由二人改為四人，”家家”和”占占”今日突然約食飯，在家自己煮多時，愛人一於舉腳贊成。三陂坊開咗間新派吃素，原先打算去 ，但男士扁扁嘴，於是改為走到隔離的醉鮮一下，男士們怎能沒有肉到肚。油鹽水花甲$88~中芹、胡椒味夠出，家家很喜歡。豉椒爆炒肥鵝腸$98~落單前問店員，鵝腸有冇肥膏，她答有少許, 但唔算太肥，筆者正是沒肥膏不吃結果端上枱時，真的不是太多肥膏，果然老實。但㕑子稍為過火一點，但也可接受。椒鹽田雞脾$128~槳粉未夠脆，但勝在熱騰騰的，”占占” 一吃便立即點了一支啤啤佢。薑蔥魚頭煲$168~每一度菜都是熱騰騰，就是喜歡大排檔的風味。蜜椒牛柳粒$148~這道菜一端上枱，即時諗起深水埗的X發的招牌菜，雖然薯仔未夠脆口，但牛柳粒的甜蜜味相當吸引，相信小朋友會很喜歡。徳國脆皮豬手$168~四個人太耐冇出街食飯，吃得開心又起勁，占占再點店員推介，與啤啤的撘檔。最後也是眼闊肚窄，吃淨的豬手，店員附上盒子外帶。整體來說:自疫情下，太耐冇嚟三陂坊，由於是大排檔，坐街嘅人多過室內，反而我們一行四人在室內靜靜哋吹水，來得舒服自在。相信是熟客居多，店員見我們第一次到來，招呼也很客氣，希望疫情快

昨晚經過荃灣三坡坊，發現一間新開張嘅食店，地方非常寛敞，發現佢哋仲有兩層添！約埋一班朋友搞生日，聚會派對，係一個完全嘅好地方，上層重可以間一間有屏風嘅獨立枱出嚟，老闆真係有諗頭！食物方面非常新鮮，有我最鍾意食嘅紅瓜子魚（係每日喺屯門三聖村攞貨返嚟），海蝦（超級鮮甜），薑蔥炒蟹同埋鹽焗蟹（呢個一定要食），仲有脆皮豬手（係我咁大個食過最好嘅一間），新鮮鮑魚（上菜時熱辣辣非常之香），仲有佢哋嘅蔥油雞（真係估唔到佢哋嘅雞點解會做到咁滑？）佢哋嘅椒鹽賴尿蝦非常惹味，呢個真係必食推介！總括來講，喺荃灣都好難搵到一間咁好食嘅食店！最緊要嘅係唔會好似出面嗰啲咁樣限定你食一兩個鐘），呢度嘅人情味非常豐厚，值得再嚟嘅一間好餐廳👍👍👍