龍鳳祥餃子館 (Closed)

今日同同事經過，已經諗無可諗唔知食咩經過見到超抵價錢，呢個價位真係唔可以抗拒兩個人叫左兩餸，好大碗！ 佢嘅肉餅其實係餃子餡，我個人一般但其他雞翼嘅嘢係唔錯嘅目測經濟唔好如果想食呢啲抵食夾大件嘅嘢可以考慮吓！

行經呢度附近又肚餓，想食返碗熱辣辣嘢，餃子確係唔錯選擇！呢個望落去價錢大眾化，又有空位，就試吓啦！幾款餃子點左傳統大路韭菜豬肉餡，配幼麵，都幾大碗！餃子皮幾薄，入口滑滑，而韭菜同肉剁碎得唔錯，調味亦夠味，唔駛配其他醬已夠晒！每隻都唔細，一客有五隻！幼麵口感帶少少煙靭，份量又夠多，抵食！反而另加$6轉酸辣湯就有點失望，酸同辣欠奉，得個咸字，有旦絲同荀絲作配料，哈哈！

試過九菜餃 同白菜餃九菜餃 非常多汁 重口味之選白菜餃 非常普通 並不推薦記得要食九菜餃呀我見隔離台 叫左個芝士牛肉餃唔知好冇食想有驚喜一定要識食九菜餃 煎會油膩小小 不過餃落會香口 煎同普通都咁好味

去到佐敦開開OpenRice，見到呢間餃子店咁多好評就決定一試。叫咗個雞絲粉皮，雞絲比較韌、麻醬比較稀、粉皮亦冇咁幼滑，可以既話另願試第二樣。之後叫咗個牛犇湯底羊肉餃。牛犇湯的確有佢嘅特色，但味道較濃，未必每個人接受到，未試過既朋友可以一試，至於羊肉餃還可以接受。我同埋叫咗個蕃茄湯底韭菜豬肉餃。韭菜豬肉餃正常，皮薄餡多，其實唔錯。但蕃茄湯，茄味不足、茨粉太厚，導致湯底太杰，破壞餃子質感。整體黎講，有啲失望。

因為他们的豆漿十分熱濃厚不凡～大胆叫了5个京葱牛肉水餃子加5$可以選擇牛腩湯原來如此一來～多了2大件牛腩肉不是小号我真係好好味好大塊餃子彈力不错又那麼大隻令我非常喜欢一个烹饪出色系列我推荐只是25$加5$牛腩湯加6$一個熱火豆浆吃饱滿腹

店舖入邊嘅裝修，好古色古香！！主要係食餃子，有八種唔同口味嘅餃子，另外有四種嘅湯底可以揀！我哋揀咗「京蔥牛肉餃子」配「秘製牛犇湯底」（幼麵）！秘製牛犇湯底好入味，有種鮮甜嘅味道！仲有三塊牛肉附送，啲牛肉炆得好琳，有驚喜！而京蔥牛肉餃子，餡料好足料！另外其實仲有叫到一份煎「肉三鮮餃子」（唔好意思，冇影相），咬落去啲餃子有肉汁滴出嚟，有驚喜，值得推介！（每粒餃子都有一條蝦）同埋我鍾意有韭菜，夠惹味嘛！

不專業食評如下😋雞絲拌粉皮，我唔知咩係正宗粉皮，定一直將涼皮當粉皮，將人當粉腸啦😗但我第一啖咬落去就好驚豔既，心諗點解咁軟既，次前食都係一片片硬膠咁L樣，呢個巧巧食啊，麻醬夠味🥜🥜🥜Then豆漿夠甜i like it🥰肉三鮮配酸辣湯底，水餃🥟好足料，嗱但係個酸辣湯底，可能唔同呀媽唔同做法，佢好似純豆瓣辣醬打左獻汁咁啦，但都好足料有筍木耳蛋花etc。整體滿意會再食，但唯一不完美可以接受既就係張枱好細，毒L就一定要搭枱嫁啦，差d錫左落對面條女度👩‍❤️‍💋‍👩

今晚行行下，見到這間店有人排隊，我的心態更係要試試啦今日揀食餃子，這間餃子有好多款選擇，蕃茄旦，牛肉，羊肉，韮菜，而我今次食既係最普通的白菜豬肉餃，咬開後與平時在其他食餃子的地方有少許不同，白菜與肉混在一起，看不出有菜，但食後才知有菜，味道唔錯！我再叫了熱豆漿，味道適中，不會太甜。店內環境雖小，但勝在每人來到快食餃子，有台速度都好快，員工口音不太清楚，要仔細聆聽才清楚聽見。下次會來試試其它款式，仲有好多不同餃子，涼皮，可以試試

叫左白菜豬肉餃幼麵，加左$5轉酸辣湯。個湯唔辣又唔酸，好稀 無咩味。 豆漿$6，算係幾抵，味道不過不失啦。餃子就幾好食 大小味道都適中 而且多款選擇 有肉三鮮 素三鮮，但依個價錢應該仲有更好的選擇。是日大概六點坐低食，鋪頭坐左三分一人，亦都有零星客人叫外賣。店內位置大概有二十零個位，有冷氣 坐得都舒適 唔會太逼夾。侍應有禮貌，上菜速度合理。如果價錢可以調低d，我相信會比較合理，始終依個食物質素性價比真的𣎴高，依一區都好多選擇。

又係見到openrice 有好多正面食評所以來試試既小店。今次係第二次食，第一次因為無加錢轉湯底所以覺得無乜味，今次決心加錢睇下湯底upgrade 左會唔會令我改觀。今次嗌左肉三鮮淨餃（$47), 加左秘製牛犇湯底（$5). 呢個湯底會送幾舊牛腩仔，令碗野好似豐富左，個5蚊好似加得抵d. 餸子方面，偏細粒，味道亦無乜特別。個人偏好都係食d 大粒，味道多元化d 既餃子（其他食評會提及）。所以兩次既經歷都令我覺得呢間餐廳性格比不高，雖然唔算貴，但係如果想食餃子有其他更平靚正既選擇。

我本身都幾鐘意食餃子既，係香港都食過好多野餃子店，質素有時都可以差好遠，耍搵到一間好食岩心水既都唔係易家。今日黎到佐敦，想食light少少野，就去左呢間餃子店。 叫左蕃茄雞蛋餃子。一食落，真係淡淡蕃茄加上香既蛋味，係好足料，絕無偷加其他唔關事既野落去，餃子皮唔算話真係好溥好上等，但絕對唔係食落厚到死果隻，呢個價錢係佐敦我絕對係收貨。其實我之前都黎過，食過佢其他餃子，但個人比較鐘意呢個蕃茄雞蛋餃子。如果經過呢頭，我都會再黎幫食既。

行到向嗰邊諗咗好耐，究竟要食咩呢？澳牛又未食過、隔離雲吞麵都未食過、呢一間都冇食過！最終都係揀咗食餃子，因為好耐都冇食過餃子， 同埋睇食評啲相呢個吸引啲我哋分別叫咗韭菜豬肉蝦餃同芹菜豬肉餃麵配蕃茄湯！環境地方唔大，但係我哋入去嘅時候幾乎都坐爆場！ 但係翻枱率都好高，d人幾乎食飽就走！芹菜豬肉餃麵配蕃茄湯好快就上菜。首先，樣貌不太吸引，蕃茄湯唔太濃郁，所以配起餃子都比較失色，或許，麻辣比較出色！由於，可能係即叫即煎嘅關係都等咗一陣煎餃先上菜！相反，煎餃的樣貌比較吸引，煎到金黃色，食落去韭菜超多，蝦的份量亦都非常之足料。 食餃子都係叫番韭菜餃會比較惹味。下次都係叫番先煎餃比較穩陣，不過都想試下麻辣湯！！

依間店就係澳牛隔離，同阿媽兩個人搵食，老人家偏好清d, 見到依間食湯餃，一於試下先叫左個雞絲粉皮$21份量偏少，但係粉皮唔會好厚好闊個種，撈埋麻醬岩岩好素菜餃配清湯面，素菜有木耳紅蘿蔔菜口感同味道食落去都豐富，係個湯底真係無咩味， 粗面口感正常，唔算特別易斷，但亦都唔係彈牙依度仲可以配特色湯底，見到餐牌蕃茄湯底有d 蕃茄，諗住可以令到個蕃茄蛋餃再夾d...點知黎到個底得幾片 菜。。。同埋偏杰身。。似茨多d...同埋得少少酸味但蕃茄蛋餃係有驚喜，入面係滿滿既蕃茄炒蛋，出面真係無食過餃數量都係五粒，但d 餡料係足，每隻都好飽滿

牛犇面個湯底偏咸冇乜特別 面嘅質地幾彈牙 可以接受個牛有少少韌同乾 大家可以試下拌麵。肉三鮮餃子個餃子好高汁好足料有蝦有肉係入面 啲餡好入味 沾埋d醋同辣醬真係一流推薦！

係佐敦好想食煎餃子，上網睇下搵到呢間，地點幾就腳，門口有d明星相甘，就入去試下，點知，伏。韮菜煎餃外型-餃子細細隻，一d都唔飽滿，角位摺得死實，外型已經唔討好。味道-韮菜一d都唔香，肉碎搞到變曬肉抹甘，完全無咬口，成隻餃一d鮮味都無，加上非常多油，但多油得黎，皮又唔脆，成隻餃淨係食到一口油同"up"味。口水雞外型-上台望個樣還好，雞上面鋪左d腰果，芫荽，大量花椒碎，亦好大碟。味道-雞肉非常非常鞋，無雞味，紅油好多，但無辣味，花椒碎好多，但亦食唔出有麻辣香，腰果"林"既，似係擺左非常耐時間，又無再處理過就拿幾粒係面，完全毫無生氣。成餐飯，最好算係個凍豆漿，起碼叫交黎最正常。食完成餐 ，非常失望