餃子駅 (太古城中心)

Open Now

Now Closed

是日星期五，見到條隊唔算太多人諗住嚟個快閃午餐，1331落單煎餃蒸餃各六隻，等到1401 先上齊，1408 離開，又貴又要好有耐性怎能有下次?!  無輪蟹皇或海膽都有腥味........ 太中伏了!!   

星期日前往太古城店購買外賣。本來想打電話先落單，點知個冇人接電話，唯有行過去到店落單。最終等咗足足成一個鐘。店員本來話會打電話俾我通知我去攞外賣，點知等咗好耐都冇人打電話嚟，好在醒目走去睇吓，原來已經一早做好左，但係冇人通知通知，真係都唔知咩服務囉！前前後後等足成一個鐘，返到屋企開餐，一個牛肉餃一個雞肉餃，味道唔好味，簡直中伏自己搵自己笨仲要等咗咁耐！坦白講太古城都係做附近街坊生意㗎啦。佢咁樣，做壞口碑，簡直趕客！服務同食物都唔OK！

好多人都鍾意食餃子，當然我都是餃子控，但點為之是好食的餃子呢？首要條件當然是材料新鮮及皮薄饀靚，還有一重點是即叫即包，那入口豐腴多汁的餃子，更是令人一試就愛上。「餃子駅」太古城這家分店，同樣以多款不同筋道的日本麵粉，人手即叫即包新鮮餃子，入口肉汁豐厚，鮮甜味美，教人一試即愛上。個人覺得可能是讓食客在等候期間，來搞一點意思，就在門口特設了個打卡位，邂逅與幸福，你會揀在那裡打卡呢？不用多想當然兩個齊齊打卡，對單身的你來說，邂逅與幸福邊個唔想喎!門口大大塊玻璃讓客人可看見員工全神貫注地包餃子。店內以和風車站為題，戀上餃子由邂逅開始，很吸睛。除餃子外，還有小吃、麵食及玫瑰花果茶 。酸漬蘿蔔酸酸甜甜，爽甜又醒胃。皮蛋上是香口的脆蒜粒，吃時蘸上酸甜的醬汁，更好味。「拉絲芝士蛋粟米餃」芝士餃真是有拉絲的效果，滿滿的芝士香味，配上甜美的粟米，好美味呀! 個人覺得必成為小朋友的至愛。 灼餃拼盤特盛E (每款各4隻) 包括了「黑松露松茸豬肉餃」、「蝦三鮮餃」及「蟹后蟹粉餃」「蝦三鮮餃」內裡是大大隻的鮮蝦配韭菜，爽口又彈牙。皮薄饀靚的「黑松露松茸豬肉餃」，咬下去黑松露香全數湧出。芳香濃郁的松茸配豬肉，真是好

滿心歡喜見到新店，裝修靚，仲要存theme，好期待。上午11:40到達，已經要排隊，無所謂，話哂即叫即做，真的要耐心等候。等咗差唔多30分鐘，入得。因為排隊時有大把時間，所以坐低已經可以即叫得。點知已經有啲口味賣晒⋯⋯無問題，大家遷就啦。叫其他。等咗20分鐘，終於有得食⋯⋯⋯一碗麵。我哋一共叫咗3碗麵、27隻餃子、2杯豆漿、1壺蕎麥茶。我哋4個人，邊個食先好呢？再等10分鐘，終於有1杯豆漿⋯⋯2分鐘後，第二杯豆漿到。再過一陣子，’蕎麥茶‘到嘞。咦？咁淺色嘅⋯⋯無所謂啦，等佢泡多一陣，可能就會濃啲。其他嘢陸陸續續到啦。麵：同即食拉麵無分別，除咗唔係自己煮同貴啲。餃子：啲皮確實好滑，大部分都足料，不過亦有‘啲料應該好矜貴’款式（order係三鮮，塊皮包住幾粒蛋碎）豆漿：白色嘅水加糖‘蕎麥茶’：Highlight 到嘞。泡咗20分鐘後仍然淺色，試味先⋯⋯咦，桂花茶味嘅。問下專業的server呢杯係乜茶？佢話係桂花茶嚟嘅。我話唔好意思，我叫蕎麥茶，可以check單換過嘛？佢再話‘吓。其實係有桂花唧’。我話‘唔係呢，無蕎麥味’。佢轉身同supervisor講‘個客話已要換蕎麥茶’。點知super

非繁忙時間都要等超過半個鐘 先至有位 。 落咗單等超過45分鐘 先至上菜，不會再幫襯。 食物質素一般， 落單體驗極差， 冇供應煎餃嘅餃子居然問我哋要煎定係灼， 又要我地重複幾次。

間唔中食好多好多餃子當一餐其實幾療癒，經過太古城中心這間新開的餃子專門店，見到餐牌有兩款無肉選擇，就行入去試下。新開業的餃子駅在太古城中心三樓，從太古地鐵站上到商場再上一層電梯即刻見到。餐廳門口竟然仲有個打卡位可以影相，現在做食肆都各出其謀。入面延續火車主題裝飾，卡位有「自由席」、「女性專用席」之類的牌，座位總數唔算好多，繁忙時間好容易滿座。這家店最大特色係餃子即叫即包，確保隻隻新鮮，外面可以透過玻璃窗睇到店員幹麵皮、包餡再將餃子成型，手法好純熟。不過因為即叫即包的關係，繁忙時間好多人落單的時候要等好耐...希望餐廳盡快改善這個問題。店內餃子口味都很創新，無肉之選有「拉絲芝士蛋粟米餃」和「素菜餃」兩款，這兩款剛好都只有水煮，沒有煎餃選項，但就可以買生餃返屋企自己煮。飲品有汽水、豆漿或茶，我這個是玫瑰花茶，都幾香幾好飲，玫瑰可以行氣活血，血氣行得好氣色會變好，女仔可以常飲。醬油皮蛋 HK$19 / 酸漬蘿蔔 HK$13素食前菜除了皮蛋和蘿蔔，也有拍小黃瓜和時菜，那個湯麵的湯底也沒有用肉或骨熬煮，亦都食得。皮蛋簡單沾那個蒜粒醬油就超好食，入口即溶感，蘿蔔都好爽口又醃得好開胃。拉絲芝士蛋粟米

新店開張，試一試新店。等位時，職員沒有主動提及送餐時間最少等半小時以上，直到下單時，職員才跟我們說「餃子要等半小時。」來到一間專門吃餃子的店舖，沒可能不叫餃子，於是我們亦有點餃子。最後等了大約40-45分鐘，食物才慢慢送到，令我感覺十分失望。現場不只我們一枱出現這個程況，凡有下單食餃子的食客，平均最少等40-45分鐘，這情況亦增加門外客人等候的時間。「食飯幾分鐘，等候粒幾鐘」希望店舖改善此問題，否則食客快快走

見太古城開咗一間新餃子專門店，作為餃子控梗係要去試下。平時真係好多人排隊，見今晚冇乜人排隊所以就決定一試。等咗5-10分鐘左右就有枱，一入到去好快已經知道想食咩，點知個侍應嚟到先講話個煎爐壞咗，得返烚餃.... 點解唔一早講明或者放個牌喺出面同人講呢？？唉... 是但啦，都坐低咗，咁唯有揀啲得烚餃款嘅餃子，下次先試煎餃啦。價錢上佢都唔算平，呢度講明係即叫即包，所以都等咗15分鐘左右。蟹粉餃首先嚟到，個樣同我想像中都有啲出入... 然後再試下味，普通到唔知點形容，佢唔係難食但唔知有咩特別... 然後海膽味，我食咗一件已經唔想食，佢個海膽味係有陣腥味.... 最後嚟到嘅泡菜豬肉餃係最正常... 你問我，我真係未必會再試....第一佢唔平，第二味道真係非常一般... 出面好多間餃子店真係會好食過呢間....

過咗下晝兩點見坐唔滿先入去，落單好快，14:08，只係叫左6隻煎餃，完全冇諗過非繁忙時間結果等左42分鐘，14:50先有得食。基本上聽到每一枱都喺度追，枱枱都問係唔咪漏單因為個個都等左超過30分鐘⋯⋯

最近逛太古城，發現了一間非常吸睛的餃子店，以和風車站為主題，門口還有透明玻璃，讓客人可以一窺廚房內部，看見員工包餃子的情況。據知這裡是採用日本麵粉，並在食客下單後才開始包餃子，務求給客人最好的餃子美食體驗，但也許是這個原因吧，餃子出單很慢，大家要耐心等候。如細心研究，會發現員工使用的麵粉棍是兩頭尖的，這是做到餃子皮薄餡靚的原因嗎？門口有個打卡位，一邊是邂逅，一邊是幸福，看來兩個目的地都不錯呢。走進室內，卡位都設計成日本火車卡座，「自由席」、「女性專用席」等等，很有特色。店內主要提供各式餃子，另外還有小吃和麵食等。調味料並不複雜，就只有醬油、醋、辣椒油和七味粉，對我來說已足夠。玫瑰花果茶 $28酸漬蘿蔔 $13醬油皮蛋 $19在等候餃子的當兒，我們要了一些小吃。酸漬蘿蔔十分爽口，酸甜開胃；皮蛋雖不是溏心，但品質還是不錯，脆蒜香口、醬汁酸咪咪。拉絲芝士蛋粟米餃 (6隻) $43素菜餃 (6隻) $39席上有素食朋友，這兩碟素餃基本上都交給她KO，我試了一口芝士餃，無花無假，有拉絲效果，芝士味豐富，配甜美的粟米很搭配。 灼餃拼盤特盛E  (每款各4隻) $120蝦三鮮餃黑松露松茸豬肉餃蟹后蟹

試了兩款餃子，蒸海膽餃子同煎蟹黃餃子，味道一般！蒸海膽餃子唔難食但又唔覺得好食，完全無咩驚喜，但唔點任何野都食唔出有海膽味。煎蟹黃餃子調味亦係一般，食到有蟹黃味，但煎得唔夠香，感覺似隨便煎下，而最值得一提嘅係包餃子嘅功夫實屬九流，九隻煎餃有七隻唔埋口，全部唔係有窿就直頭係打開左，成碟煎餃漏晒裡面嘅汁出黎。作為一間用餃子做名嘅餃子店，居然唔識包餃子，100蚊賣我九隻煎餃有七隻開晒口漏晒汁。奉勸各位想試嘅朋友，請盡快去試！咁嘅價錢咁嘅質素，應該捱唔到太耐，想食就要快！

餃子駅未開前已經想試，因為本人都鐘意食餃子點知原來不外如是。今日由12:54 排隊，我同另外2個同事排到13:20先入座。 都唔介意，因為鋪頭都算細。入座叫野食，一份大盛9隻 D 餐（灼）同9隻灼大蔥牛肉餃子再加兩碗昆布粟米拉麵等左大約15分先黎兩碗拉麵，嘩～ 個麵唔好食，有啲硬。唔重要，因為叫得餃子駅，餃子是重點，點知等左20幾分鐘，問個待應：「請餃子未黎啊」待應好不禮貌地答「我哋既餃子，係你叫開始，即包即灼架，要20分到」點解個餐牌唔寫明或待應通知要等呢？等餃子到了，好唔吸引，完全唔覺有咩話好食其實自己包仲好食過佢（額外一題連杯水都有奇怪味道，好似未煲滾咁）我覺得係「邂逅呢間餃子駅無幸福」

身為一個餃子迷，係間店裝修既時候已經有留意佢幾時開，所以今日行過見佢開左就即刻排隊食！排隊等左15分鐘左右就有位，本身想食既芹菜豬肉餃、凍豆漿都賣哂。最後叫左6隻海膽餃($68)配麵(+$16)同6隻白菜豬肉餃($39)配麵(+$16)。落單後5分鐘左右，其中一碗麵就到左啦，味道係普通昆布麵鼓湯，有麵有粟米咁囉，既然只係+$16，我對佢都無太大要求。再等左10分鐘左右，另一碗麵到左。但餃子仲未到⋯⋯呢個時候已經有3枱因為等左成個鐘都未齊野食而走人。我係落單後30分鐘，終於忍唔住叫侍應跟跟單，但佢竟然話：「人手即刻包，最少要等30分鐘。」如果落單個時講聲我一定唔會食囉，宜家姐係焗等。前後等左40分鐘，d餃子終於黎啦！比想像中細隻，食落唔會有滿足既感覺。白菜豬肉餃味道一般，有d穿左既就連湯汁都欠奉，唯一比較好就餃子皮尚算滑口，僅此而已。而海膽餃反而略有驚喜，雖然上碟賣相欠奉，但味道卻唔錯，食到淡淡海膽味，可惜價錢真係略貴，性價比不高。總括黎講，上菜時間太長，價錢略貴，味道一般，短時間內唔會再幫襯了。

尋日一行二人7點已進入食店，但8點45分才能離開。當中就是order 咗食物，隔20分鐘之後先話你知賣晒，如是者 二次都是這樣。希望食店好好改進，售罄都揚聲，免得呆等。但都要一讚，食飯係熱辣辣的。

新開餃子店，裝修靚靚，但食物質素超低，大家千祈唔好中伏呀！經過見新開張，啲廣告影到啲餃子好靚，就決定試下。二人點了以下：（1）擔擔麵：超難食，啲麵又硬又黐牙，好明顯放咗好耐。未見過擔擔麵咁多湯，俾湯浸住又無肉碎。（2）蒸海膽餃、雙併蒸牛肉韭菜餃：唔難食，但平平無奇，啲餃無包實。聲稱即叫即做，等咗30分鐘都咁嘅質素，搞咩？最搞笑係明明一份六隻，但枱枱都分兩次上（5+1），又係咩玩法？（3）牛肉煎餃：等得耐，但熱辣辣，自係最好食啦。P.s. 入到嚟先知係太興集團，水準幾時變成咁？