DW Lounge (Closed)

早幾天到深水埗買了少量布料，不經意地經過一間不太起眼的餐廳DW Lounge。雖然是專營酒吧形式，但看到餐廳門口放有大型壁報展示多款午餐和下午茶，什至連All day breakfast和Egg Benedict都有，沒想法餐廳為了吸納多點生意，連日頭都要轉變一下經營形式，真的慨嘆現今生意難做呢，剛好自己和朋友還沒吃午飯，便草草決定來這裡用膳吧。室內設計和一般的別無異樣，但空間算是挺大，有酒枱、高身座椅、大型沙發，可以自成一角。另外亦提供一些大眾遊戲，如Beer Pong Table、紙牌遊戲、層層疊，擲標玩意更加少不了，更加適合一班人圍威喂。午餐和下午茶均有八款選擇，下午茶價錢只需要$38-$58，午餐也不過是$58-78，還多份餐湯，兩者也包括飲品。剛好和朋友搭正三點入座，員工准許我們一次過last call午餐或下午茶，則是決定午餐和下午茶餐各點一份。粟米忌廉湯是日餐湯為粟米忌廉湯。溫度略嫌不足，但配料比例搭救，每一匙都撈起滿滿的粟米，還有豬肉碎，質地creamy柔順，配料自然清甜，挺好。 松露醬大啡菇炒意粉($68)光看賣相十分吸引，大啡菇切件平舖在意粉上，中間放有青瓜片和香草

今日與同事到深水步見完客戶，巧遇上一間酒廊，門㚈細看一下餐牌，想不到中午時間他們是有各式各樣的午餐和全日制早餐， 我們一於入去感受一下！內部裝修確是一個酒吧形式，酒品和擺設很有格調，環境非常舒服！我點上一份 「香蒜大蝦辣椒炒意粉」店員剛放下意粉時，馬上已經聞到陣陣香蒜味👏🏻， 白色大圓碟，中間放滿了香噴噴的茄汁、蒜香意粉，更夾雜着香蒜辣椒大𧎚，碟旁邊鋪滿了一些香草碎作配襯，果然色香味俱全，非常用心的一個意粉！ 👍🏻👍🏻😋可能自己比較喜歡辣味，這碟意粉越食越惹味！我同事點了一份全日早餐，看來相當豐富！我隨意試了一些滑蛋，味道和口感確是有水準😁用餐過後我們點了些咖啡☕️，在優美酒廊環境下聊天，確實很有意思！

上堂前同旗袍走嚟食個快lunch，冷氣非常大，睇住啲凍風由冷氣機度爆出嚟，夏天無得頂。lunch set由＄58-＄78，配餐湯及指定飲品；仲有all day breakfast，輕盈版＄78，飽肚版＄115；仲有多款pasta及burger，真係多到唔知點揀。我哋兩個求其OK啦，兩個set lunch！羅宋湯好辣，好耐冇飲過啲咁辣嘅羅宋湯....蘆筍蜆肉磨菇意粉 （＄68）蜆肉連殼，要小心食因為好多都有沙；意粉夠晒乾身，感覺唔會好膩，仲有洋蔥及香草吊味，好食！拿破崙車厘茄秋葵炒意粉 （＄68）外觀非常討好，醬汁非常香濃，味道酸甜開胃；意粉偏稔，不過沾滿醬汁非常好味；除咗車厘茄及秋葵外，仲有黃椒紅椒，煮得啱啱好，食落去仲會索索聲，平時食得肉多，食返個咁green嘅意粉感覺非常好紅豆綠茶蛋糕我鍾意呢個蛋糕餅底夠厚，但綠茶嗰部份味道唔夠濃而且太輕身，好似一陣風咁食完就冇哈哈香蕉朱古力蛋糕相反呢，呢個蛋糕就墜手好多，外層鋪滿朱古力粉，蛋糕入面夾滿兩層香蕉，再唧埋朱古力醬，賣相非常得！旗袍話味道有啲Tiramisu喎，不過係似硬實版嘅Tiramisu，好好味咁話喎！非常抵食的一餐... 食飽又

行過見到d tea set好似幾抵食，有幾有神秘感一於試下先！似bar又似cafe呢個意粉幾惹味，不過可能我唔食得太辣，如果唔係太辣會好d，仲有d黑椒味，意粉煮得唔錯，幾煙韌蝦肉好爽口，味道辣辣地，仲有青椒紅椒等配菜，幾開胃！小食拼盤：裏面有春卷, 咖喱角，肉腸，肉丸同番薯粒。每樣都有兩件，最啱鍾意食唔同款式既我我最鍾意食係番薯粒，細細粒甜甜地春卷同咖喱角都炸得好脆，肉腸好juicy, 肉味好濃雞翼配薯角，雞翼炸得好脆，肉質外脆內嫩，點埋茄汁，酸酸甜甜 薯角都炸得好香，好重薯仔味榛子朱古力，味道唔太甜，但係好重榛子味，d cream都好味，朱古力味濃焦糖咖啡，咖啡味好重，唔似嗰啲即沖咖啡咁，焦糖味淡淡地，同咖啡味好夾！整體來說，食物味道唔錯，環境感覺好舒服，人流唔係咁多，好適合慢慢坐傾計，餐廳燈光調得好舒服，令我好滿意！

經過長沙灣道見到呢間新開既Lounge, 7點鐘但入面都坐左幾多人，望望餐牌就入左去。平時去既lounge 都難免有d 煙味同地下立痴痴，但呢間Lounge 我完全聞唔到煙味， 同埋唔知係咪新開既關係，地方，枱櫈都keep 得幾乾淨，坐得都幾舒服坐底叫左野飲先。 Stella 同檸檬綠茶，都幾大杯椒鹽雞軟骨新鮮炸起，雞軟骨大粒，份量都幾多，粉唔厚，食到椒鹽同少少七味粉。椒鹽同七味粉唔係就甘灑係面，應該有細心甘一路落，一路抛。食到落底粒粒都仲好夠味而且底唔會成pat 油。點沙律醬一流，送啤酒仲正DW deluxe All day breakfast黎到先知點解叫deluxe. 有茄汁豆，粟米，薯角，toast, 炒蛋，火腿，煙三文魚，大啡菇等。粟米並唔係拎罐頭粟米hea 你，撈左牛油同少少鹽，有誠意。薯角一放入口，我立即叫朋友放低手上既雞軟骨，要立即試左先！脆到不得了！明顯係即炸。不過要立即食，因為過左15 mins 已經無左開頭果種震撼炒旦一黎朋友就問我澳嘔果個好食d 定呢間好食d. 我唔知幾時澳嘔變左炒旦既standard, 但呢度既炒旦一定唔差！夠滑，食到有牛油香味，仲淋左少少旦

開張不久的酒吧餐廳，在太子和深水埗地鐵站的中間，位置不算方便。12時正來到，成為剛開門營業的餐廳第一枱客人。店面不大，一眼看光。典型的酒吧餐廳設計，有吧枱、梳化位，牆上掛著充滿現代藝術特色的畫作裝飾。除了桌上的小食餐牌，店員送上散叫、午餐和下午茶餐幾張餐牌，有漢堡、意粉、全日早餐、三文治、沙律和薄餅，種類齊全。午餐幾抵食，＄58-＄78的八個選擇，配餐湯和飲品，加＄22有迷你鴨胸沙律和是日甜品。南瓜忌廉湯跟餐的湯夠濃稠，南瓜味濃郁，忌廉不算太重，比一般南瓜忌廉湯多了黑椒味，少少辣又幾惹味。煙三文魚意大利包沒有烤紋，脹脹的，也沒有溶掉的芝士，這不是正宗的Panini。較似focaccia，卻又不是正宗的focaccia。輕脆、鬆軟但乾身，也沒有橄㰖油香，橙啡的外層，反而是香草蕃茄味。Panini必備的芝士，被換成巴馬臣芝士碎，撒在鹹度油度剛好的煙三文魚上，加上新鮮的大片蕃茄和沙律。簡單而不正宗的做法，卻做出不太差的味道。班尼迪蛋配巴馬火腿及芝士荷蘭醬從水煮蛋上隨意流下，賣相不俗。水裡加醋流過的水煮蛋，蛋白少少嚡而彈，切開完全流心，時間掌握得完美。蛋下有一塊巴馬火腿、蕃茄和菠菜，疊在乾、脆

DW Lounge看似一家咖啡店，其實它是一家酒吧。下午時段没有Bartender的坐陣，供應的是早午餐、午後輕食和飲品，加上寜静的環境，説它是咖啡店並無違和感吧!打算閒坐一會，只點飲品好了。柚子茶($28)跟平日在家沖泡的没兩様，可以不試，但熱朱古力($33)比柚子茶的水準高得多。用的不是廉價的可可粉，即使擱着也會飄出陣陣的可可香氣，以熱奶沖調的關係，入口又濃又滑，很不錯。難得的是没收加一，以咖啡店的價位而言，不貴。環境不算有特色，但這一帶的咖啡店不多，這家很適合小發呆，雖然它是一家酒吧。

還記得在中學時，跟朋友想要找個地方慢慢聊談談心，大多都會到咖啡店去坐坐。而長大後，咖啡店仍是心目中的一個選擇，但亦因長大後大學會喝一點點酒，會同時多了另一個選擇——酒吧餐廳。有時候在週末或是星期五，邊喝喝酒邊聊聊天也是很放鬆的，而且更有氣氛去談心。這一天，陪朋友到深水埗太子這一區買東西後，我倆不約而同地想到這一類餐廳慢慢吃、慢慢喝，慢慢談，就隨意搜尋就找到它——DW Lounge。.餐廳位於長沙灣道，在沿著這條大街走，不難找到它。. 門口有著一塊塊用粉筆字寫的餐牌。.而一進去就是一塊貼滿即影即有的牆，再用燈光在中間照出餐廳logo，挺特別的。.跟平常酒吧餐廳一樣，也有分了吧枱或是梳化枱，位子也是挺寬敞的。坐好了就開始點餐。. 先來的是把意粉升級了至套餐而有的迷你煙三文魚鮮果沙律，兩朵煙三文魚花放在碟上，令人賞心悅目。雖然鮮果大多都是罐頭水果，但在炎炎夏日吃到也是很開胃。.當到酒吧餐廳當然少不了點酒喝，今晚想啤一啤，我選了麥味香且帶有果香的1664，而朋友選了啤酒味再重一點的Stella。.點了啤酒就會點些佐酒小食，選了一客泰式燒豬頸肉。豬頸肉燒得香口，而且切的夠薄但有咬口，別下去亦完全

深水埗區好少有這種風格的餐廳，地方大，裝修新淨，可以飲酒又可以食晚餐而且有潮feel，感覺和這老舊區有點格格不入。but……I like it,who knows?或許是時候來點new and fresh了！個大bar枱真是幾靚㗎！不過啲歌就唔係幾合我style.坐得舒服相信是這裡的一大賣點，空間感十足，如果在天花裝番個彩燈波波，真是可以clubing加dancing潻呀！呢度酒的種類好多，手工beer都有好幾款選擇~No beer?又或者來杯cocktail 試下 bartender的手勢？有酒飲的地方，小食類一定要有啦！薯角、雞翼、牛柳粒、fish and chips任君選擇~見到門口張海報就知呢4款是餐廳主打啦，應該是all day breakfast,意粉和Royal~Such a beautiful drink named Tequila sunrise,漸變色的效果令杯酒好有層次感啊！不過我就覺得似sunset多過sunrise😂Tequila不算很濃反而味道似橙汁，不會太甜，輕輕攪拌就會一整杯都咸蛋黃般的顏色了，飲落順口，所以酒量一般的我可以輕鬆喝上一整杯過下酒癮！泰式奶

平時同朋友落酒吧，多數都只顧飲酒食花生，好少會專登order熱食，不過今次黎DW發現有小食之餘仲有唔少主食，而且味道比想像中好太多（之前試過太多酒吧熱食都係中伏），下次再用朋友黎應該會晚飯、飲酒直落，唔使再轉場喇！因為第二日要返工，所以唔想飲酒，點左兩杯Mocktail。既然係酒吧，質素自然唔會太差，入口同平時的mojito差不多。希望下次有機會再黎飲酒，應該都唔錯。火腿拼盤，鹹香+濃郁，加埋香脆的麵包粒粒，即時開胃。豬頸肉係超班之作，好味過出面的餐廳。肉本身醃左，所以帶有少少味道，之後拎去燒到外脆內爽，入口彈牙唔過硬，仲有少少肉味流出黎，超正！好少見的炸蘑菇，外層炸粉好薄，入口蘑菇勁多汁，又軟又香菌味，加上少少辣粉灑面，提升味道層次。海鮮意粉，茄汁甜中帶酸，食落清新不油膩，而且海鮮份量都好多，用料不手軟。班尼迪蛋，身為蛋怪的我表示大讚。流心蛋很香，完全不會有腥味，看著蛋汁流出來非常誘人，不論視覺味覺都很滿足。

男朋友喜歡睇波又愛喝酒，今晚帶他來到深水埗一間新開業的餐廳，酒吧概念環境寬敞舒適，吧枱位置相當認真。Pussy Foot+Pina Colada。有酒精及無酒精飲品各一。Pina Colada椰香味很重，菠蘿味道反而不太突出，椰香濃郁滿滿，味道香口不太甜膩，酒精濃度較低，適合女生口味。Pussy Foot比較清香清新，有點像Fruit Punch，味道甜美。卡邦尼意粉。我最喜歡的卡邦尼意粉，濃濃忌廉香味，黏黏的不會稀身，意粉彈牙掛汁力極高，忌廉香口味道有點特別，有點蛋香有濃香芝士味，入口完全毫不膩口。煙肉和蘑菇份量很多，滋味無比。DW多重芝士混合漢堡。高高的漢堡包非常誘人，一塊厚身漢堡排、一大塊大烤菇、一大片煙肉，多重芝士和醬汁，內有酸瓜、沙律菜、蕃茄，一口吃出多重味道，香口滋味。漢堡排肉汁豐富，鬆軟不乾身，煎得出色。煙肉油香滿滿不乾身，加上多汁大烤菇，不會油膩。薯條不太脆口，薯味略微太少。

我們平時就愛找個地方小酌一杯放鬆一下早前看到這間網上評語還不錯找了一天晚上過來喝酒跟食晚飯平日晚上人潮不多，相信星期六日有球賽會相當多人 先點杯啤酒解解喝食品種類比預期的要多有小食、意粉、飯、三文治等等加錢UPGRADE 做升級套餐黑椒蒜香牛柳粒 $88牛柳粒軟嫩不失嚼勁黑椒很惹味，用來配啤酒一絕All day breakfast $115煙三文魚，炒滑蛋，火腿，煙肉茄汁豆，扒蕃茄，德國腸，薯角，粟米粒，烤多士 份量十足用上了全麥多士放上了少量草莓果醬跟牛油多士烤得香脆，很有咬口，好食！炒蛋滑中帶蛋汁且富蛋香香蒜大蝦辣椒炒意粉 $108大蝦也有5-6隻，意粉炒得不會很乾更有不少青瓜片，減減油膩辣味十足，很不錯！

同舊同事都好耐無出黎聚舊，今晚特登同佢出嚟見吓面，關心吓佢最近工作狀況~最後我地決定搵間有酒飲又有嘢食嘅店傾吓心事~~泰式燒豬頸肉 - 豬頸肉燒得啱啱好，絕對唔會過韌，味道亦都恰到好處香蒜大蝦辣椒炒意粉 - 呢個好香口，辣得好過癮，佢辣味係來自黑椒，而唔係辣椒，所以非常之香，另外炒到非常乾身，唔會有多餘嘅油，再加埋青瓜、三色椒去炒，多咗啲視覺效果，唔錯黑松露薄餅 - 素食者非常適合(要非全素食，因為全素食者芝士都係唔食得)，因為除咗芝士之外，無任何肉類成份，餅底係好似餅乾嘅餅底，我好鍾意，好香黑松露味，但係唔會過濃，另外我發覺我地有少少高估自己，因為……最後呢個pizza食唔晒~~

太子晚上都好難搵位，有日行遠左少少發現左呢間有得飲有得食既餐廳就吸引左入去。DW混合漢堡（$138）呢個漢堡真心豐富！有大啡菇、煙肉、double芝士加牛肉漢堡，大啡菇非常juicy同埋真心大隻，牛肉漢堡肉味好濃，上面既芝士熔左喺牛肉上面，煎得岩岩好，好滿足。仲有沙律菜同粗薯，薯條上面灑上左七味粉，有少少shake shake 薯條既感覺，熱辣辣仲要脆，好味。 拿破崙車厘茄秋葵炒意粉（$88）食左個burger咁多肉，所以就叫左個清清地既意粉食下。用秋葵炒意粉都係第一次見！出奇地都幾夾，秋葵處理後令到個種滑孱孱既感覺無左，反而好爽口，車厘茄煮到爛，融入左意粉，所以醬汁味道好天然，唔似淨茄汁味；意粉仍然係彈牙，唔會過淋，雖然食材簡單，但整體處理得好好。椒鹽雞軟骨（$68）呢個叫黎送下酒，點知份量咁多，食極都仲有，而且好大粒同入味，送酒幾好！總括黎講，如果想同人食個飯但有野飲都幾好，環境唔嘈又坐得都舒服，又唔會趕人走，食物質素比我想像中好，burger大份熱辣辣而且好味，值得一試。

歐洲國家杯又黎啦，又一輪狂熱！老公話要周圍參觀下d pub，睇下邊間睇波正！我地太子站出，行下行下就到啦！大概由太子站行七，八分鐘就到啦！門口好特別，有張梳化架喎，唔知係咪比等位既客坐架呢？先叫左個all day breakfast，我叫左個Deluxe，見到相，Meat lovers嗰個平20蚊，但無左隻菇，又未必夠Share食，就叫個deluxe。All day breakfast即叫即整，都等左成20分鐘，配料都好豐富，大大條法蘭克福腸，炒蛋，茄汁豆，煙肉，薯角等。讚下個薯角，新鮮熱辣炸出黎，放入口仲係辣口架！薯角香脆可口，優點係唔油！配埋茄汁真係一絕！炒蛋十分嫩滑，唔知係咪加左奶炒呢？蛋有dd半熟既感覺，切開有dd蛋白加蛋白汁流出黎，好好味，而且又夠滑，做得唔錯！我自己最欣賞個大冬菇，燒得岩岩好，唔會焦，好juicy，外表睇好似好燶咁，但係一啲焦味都無！切開仲有啲汁"必"出黎，軟林林，煙煙韌韌咁好特別！蜜糖粟米我覺得少左啲，因為好好味，佢嗰種蜜糖似係我地BBQ點嗰隻，唔算好甜(出面普遍都勁甜，甜到有d假)，但呢隻唔太甜，反而有好香蜂蜜味，感覺自然d。之後叫左個小食，店員推介我地