茶星人 (東威大廈) (Closed)

呢間賣黃嘅茶飲店算係幾成功，愈開愈多間分店，我基本上係唔同區都有幫襯過，而呢一間喺筲箕灣嘅位置更加偏僻，開業只有兩年左右，今日我地幾條友係附近公園拍攝，行到熱死辣辣，咁啱經過見到又再幫襯下！🤗🤗🤗咁我地買左三杯茶飲，仲要全部都加大！⬆️⬆️⬆️一杯 - 黑糖波霸碳燒奶茶 - 少甜多奶一杯 - 黑糖波霸宇治抹茶 - 微甜少冰一杯 - QQ仙草宇治抹茶 - 微甜走冰飲後感覺同其他分店差不多，不過每次見到「香港加油」嘅包裝同埋貼地嘅金句標語都覺得窩心嘅，btw今期見佢同JobsDB合作緊，出d叫人轉工嘅Quote-「珍」係要轉工，即刻搵工，seek better，諗諗吓可能我都係時候要轉工了！🤣🤣

買左一杯珍珠奶茶 一杯芋頭鮮奶 買到返屋企杯芋頭鮮奶 飲左一啖 發現係酸既 成杯掉左杯珍珠奶茶飲左 就痾左三次 胃痛痛足兩日真係以後都唔會再幫襯 好好地想飲杯野 結果真係貼錢賣難受

呢排天氣真係好熱🫠，放飯經過東大街就忍唔住要買杯奶蓋飲吓。果然茶星人嘅奶蓋係唔會令人失望，唔同分店味道都係一致，有品質上嘅保證。同埋整野飲嘅速度好快🧋！加上充足嘅冷氣，就算天氣幾熱都唔驚啊🥳

E.Tea茶星人 超型裝潢店面搶眼冰涼消暑 芝芝芒芒 新鮮既水果打成再加濃郁既芝士奶蓋!香而不油膩仲要味道超突出!濃郁芝士水果茶非常香甜!茶星人則有一系列飲品供應有果香十足的水果茶芝香十足的激濃芝士奶蓋茶香甜滋味的鮮奶朱古力仲有超正既煙韌Q彈的黑糖波霸 冰涼解渴!平均消費$40評分7/10筲箕灣筲箕灣東大街59-99號東威大廈地下12A號舖Shop 12A, G/F, Eastway Towers, 59-99 Shau Kei Wan Main Street East, Shau Kei Wan

今晚做完gym梗係要買番杯台式飲品解解渴 ～屋企唔近東大街都要行過去茶星人買，支持下又懲罰下咁夜都唔收💛茶星人飲品選擇好多，水果茶有黑糖類有芝士奶蓋都有！  平時最鐘意飲Crossover嘅Redbull能量烏龍茶，就咁飲redbull隻味可能比較難接受，加左烏龍茶同橙簡直好飲100倍！不過夜晚買就唔試啦肯定訓唔著，今日就買水果茶先！============================== 奇亞籽火龍果 (無糖) $33 為左健康著想，記得嗌走甜呀～因為本身奇亞籽火龍果已經會有果甜，唔洗另外加糖水已經夠甜，反而無糖更能突顯四季春嘅茶香！奇亞籽有口感又有好多益處，一舉幾得！茶星人 (東威大廈)📍筲箕灣筲箕灣東大街59-99號東威大廈地下12A號舖

疫症呢兩年忠哥返唔倒星加坡，一得閒就在港行山，好多條行山路線佢都行過，可以叫做半個行山專家。前兩日佢帶埋我同埋靚女May一齊去鶴咀行吓，風景果然唔錯。回程筲箕灣落車，三個人都話肚餓，梗係餓喇，全程行左三個幾鐘。靚女May話有間舖d麵好出名，咁又不防試吓，入到去食左撈麵，牛腩同埋腐乳通菜，食嗰時就好味，食完出嚟超口渴，天氣又熱，想揾d野飲吓，行吓行吓去左東大街。咦，點解多左間鋪叫做茶星人嘅，前幾個月都唔見喎，一定係新開喇。呢間茶星人外觀幾科幻又幾光猛，用ET嘅諧音E.TEA做店名果然係幾有噱頭喎，櫃台前面重有大大個ET圖像添，設計果然係幾有心思。店入面大大個牌寫住有乜野飲，全部都係台式飲品。正呀，我地好鍾意飲台式野㗎。店內裝修好有外星feel。可以用八達通梗係方便喇。我地三個超口渴加上天時暑熱，馬上睇吓有乜嘢叫嚟解吓渴先。牆上面推薦d飲品算係幾色彩繽紛，相當吸引。靚女May見倒中間嗰杯叫做水果大爆炸，即時叫左杯嚟試吓，梗係喇，佢經常食生果，唔係d身材邊有keep得咁fit吖。我見個名咁出位，我又跟阿May叫左杯，甜度同冰度都可自訂，我地要微糖同正常冰度。店內職員全部都係後生仔女，做野效