Video
5-min walk from Exit B, Mei Foo MTR Station
continue reading
Opening Hours
Mon - Sun
07:00 - 23:00
Above information is for reference only. Please check details with the restaurant.
有些日子，大概只有當媽的才會記得；小孩的農曆生日，就是其一。今天是Chloe的農曆生日，正是今年新曆生日後一週，也特別選在這天補記她的兩歲生日致慶啦～ 給開學B的慶祝節目，就是下午一拖二去迪士尼樂園，然後傍晚搭車去 東海私房壽宴 晚餐，一家人吃飯慶祝。一家人開餐，選擇不外乎中菜；元朗荃灣的餐廳都吃到很悶了，就來美孚的 東海私房壽宴 試試私房菜會否有驚喜。當然，也是重溫一下東海勁好味的 pat pat 包啊！ 餐廳環境清雅舒適，擺位闊落坐得舒服；特別開學日基本上沒甚麼人來吃飯，我們變相包場晚餐，小兄妹可以自由奔跑，走來走去，樂到不行！等遲放的姨姨及遲到的公公一家來到，可以正式開餐了～ 要講這裡的食物份量挺足，別說我們九大兩小，就算11甚至12位成人，應該都夠吃！ 首先是六款特色小碟，家人都很愛新鮮熱辣的 干煸四季豆，果味叉燒也非常的足份量，又夠熱暖，帶點果味與平常吃得不太一樣，挺特別。 不愛青瓜的我，這晚也愛上這 青瓜木耳，加了蒜粒的青瓜沒了草青味，拌木耳同吃超爽又清新醒胃，大家都一起搶吃；另一碟 香芒脆沙葛（大意拍漏了...）就不是人人受得來。還有 橙香小排骨 及 蒜片和牛粒 都是新鮮熱辣的鑊氣菜式，怎會不好吃吸引？特別是和牛粒，肉嫩豐腴、份量又不少，大家都吃得很滿意。豐富的六小碟（其實也不小）後，之後五款大菜也陸續上檯了！首先是 翡翠炒蝦球，用的是鮮甜爽脆的大蝦，每人可分到兩大隻，底下蜜糖豆也清甜，十分美味，小主角超愛吃～然後有 上湯煎釀帶子，以蝦膠包裹原隻帶子在內，鮮上加鮮，不過珠玉在前，我較喜歡前一味啊。 接下來的 花膠佛跳牆 又是超喜歡，每人分到大大盅，中間份量十足既花膠、又海參、海星，加上花菇、豬肉等，滋味豐富又鮮甜，我可是不客氣全部飲光吃光了的！ 這裡前菜及湯都太豐富，實不相瞞，飲完爆料佛跳牆，我已經開始飽了... 來到 清蒸沙巴躉，其實用貨都幾靚，肉鮮剛熟沒多少腥味，但只能淺嚐幾口。去到 蒜香脆皮雞，雖然又是皮香脆、肉嫩多汁很吸引，但也是淺嚐一件，然後大半都給雞痴的姨姨打包回家了。 小休一會，繼續吃 上湯稻庭麵；滑溜的稻庭烏冬掛滿鮮濃帶鹹香的金華火腿上湯，味道又是不錯，就是大家都太飽，好在深深欣賞的小兄妹努力吃了很多！然後，是晚的重頭戲－東海壽桃包 也上檯啦！比拳頭還大的新鮮桃包，一上檯就深深吸引了小主角的注意，真的好誘人啊～ 超巨大的桃包飽滿圓潤，撕開軟熟的包皮，底下的蓮蓉餡香甜細滑、又有原隻鬆化甘香鹹蛋黃，帶來更多的油分，整件事超邪惡，但也超美味呀！ 本來就愛包的妹妹，這晚吃得可樂了... 甜魔媽媽也實在吃不完一整個包，就將包皮撕了不少給她（對，蓮蓉及蛋黃都吃光了的.... 掩臉!!!），才不致暴殄天物。 可知，最後還有 合桃露，而且味道樸實真實，甜度又不太高，蠻有水準的呢！見老公飲了兩口就停手，忍不住將他那份也拿來喝光了～ 還未完，最後還有姨姨特別訂來的蛋糕，不過就另文再記了。這頓豐富晚餐，花費不過三千多，是物有所值的體驗，實在是特別日子家人聚餐的不二之選呀～
continue reading
同事介紹，話美孚有間新開既私房菜，味道同服務都大讚，所以決定去試一試。不過間私房菜要提早book位，佢個whatsapp菜單俾你，定左菜單之後就要先入$500，咁先叫成功book枱。我同男友就簡簡單單叫左兩個雙龍宴套餐。入到去，得幾枱客，環境夠晒清靜，我喜歡，因為而家係香港安安靜靜唔使逼唔使筏咁食餐飯都幾困難。坐左無幾耐，待應就自動幫我地上菜。小菜係芥茉蟹籽墨魚及蒜片牛柳粒 – 個墨魚好爽口彈牙，不過我就覺得芥茉味唔夠重，個牛柳粒好正好香，唔會太熟，呢個建議大家快食，凍左無咁好食。宮廷鱘龍筋 – 我完全唔知咩係鱘龍筋，只知佢係一個湯羹，D筋好爽口，睇落好似雪哈膏，應該有好多骨膠原，哈哈蒜蓉開卣蒜龍蝦 – 呢個一般啦，不過不失海參扣鵝掌 – 海參同鵝掌都好淋，尤其係海參，同個汁好夾，建議切細舊D，可以吹多D汁，食到呢道菜已經飽左7成鹽焗乳鴿 – 唔狩好食，我都係喜歡鴻燒乳鴿日本大根西紅柿 – 食左咁多肉，膩膩地，食番個清清地既菜去一去油，感覺餐廳好用心，同個菜present得好靚最後係甜品，有成3件咁多，我最喜歡個蛋白杯杯，另外兩件都太甜了個餐如果包埋杯凍飲就更好啦!
continue reading
今日中午我們去咗美孚「東海私房壽宴」飲茶！我們叫咗晶瑩鮮蝦餃、蟹籽燒賣皇、韭黃鮮蝦腸、蜜汁叉燒包、山竹牛肉球、潮州蒸粉果、古法馬拉糕、牛栢葉、鮑汁炆鳳爪、北菇滑鷄蒸飯、土魷蒸肉餅蒸飯、迷你蛋撻仔等等⋯⋯晶瑩鮮蝦餃嘅蝦餃皮好薄好晶瑩，蝦肉亦非常彈牙！蟹籽燒賣皇嘅肉質都幾嫩滑！韭黃鮮蝦腸嘅腸粉好滑溜，鮮蝦亦幾大隻！蜜汁叉燒包嘅叉燒有香濃嘅蜜汁味，包質非常鬆軟！鮑汁炆鳳爪炆得好腍好入味，醬汁嘅味道調教得洽到好處！古法馬拉糕比較普普通通，無乜驚喜！迷你蛋撻仔非常新鮮熱辣，蛋味非常濃郁！係本人嘅必食推介！
continue reading
7月20號,屋企人上次食完東海,經店員口中得知,最近新開一間私房菜 ! 於是就打去BOOK左7月24號夜晚-4人枱 然後就入數$500 落訂BOOK 枱叫左5道菜 + 4碗楊枝金露。 好 ! 到入座當晚,原來都有3枱客人光顧~ 入座後由於未齊人, 部長都貼心招呼話可以齊人先再叫起菜。 有啲貴賓感覺 然後齊人上菜..!!第一道菜:鴨脯生菜包 食法用生菜包住提供既食材,然後入口品嘗。新鮮生菜再加埋香口鴨脯肉同配料 ! 真係唔錯 唯一小小不足,大概係生菜太大塊而已 真心推薦此菜式 !第二道菜- 醬油煎釀帶子 !! 味道都OK既, 但我覺得肉球太大舊,變得難以配合放底的青瓜放進口中品嘗, 如果可以切碎青瓜混進,帶子球內烹調就更好了 !最後三道菜,分別係三杯雞煲(上),蒜豉虎皮椒炒豬青肉(中),梅菜扣肉(下)雞煲味道好香 ! 乾身,但肉嫩 ! 唯一可挑剔係份量較少~ ════════════════豬青肉呢道菜,,,選材食得出係精選過既豬青肉,青椒。廚師放味道太重... 家人與我都覺得味道重 , 失分較多..════════════════梅菜扣肉,這道菜 ! 豬皮是用油炸過的,用非一般的爽爽的咬感取代傳統滑溜既口感廚師有下過心機 ! 家人都覺得有驚喜 。好評 !最後叫左每人一位甜品-楊枝金露呢個甜品真係,,,感覺怪怪的。西米顆粒太大,傳統柚肉欠奉, 味道似酒樓的布甸味道.. 有待改善.. 因為晚市只接受BOOKING, 在場顧客人數不多, 整體服務配套很充足 ! 部份菜式食物可能因為晚市顧客不多,廚師未能聽到足夠意見回饋參考改善~ 但整體創意和味道都不錯 ! 扳回東海創意高一席美名。
continue reading
星期日無野做，最好嘆下冷氣，食下點心。傳單話係夜晚私房菜，下午係普通飲茶，試下啲點心先。總括黎講，點心熱辣辣，味道亦幾岩我口味。不過炒粉麵選擇比較少，希望下次黎多啲野食揀啦！
continue reading