食棧

Open Now

Now Closed

裝修後重開，很期待幫襯，真的更勝從前。聽說燒味是最好味的，叫了燒排骨，味道很好，蜜汁好正，肉質嫩，連骨頭都有汁。例牌$148，都算抵，外面很少食到燒排骨。鮮蝦菜苗餃，皮薄料多，脹卜卜，菜苗幼嫩無渣，容易咬開，沾上燒排骨的蜜汁，非常好味。裝修後可以填點心紙，下午茶都是填點心紙，不用行出去攞，雖然沒有了懷舊茶樓的特色，但是基於衛生和安全，更為重要環保都乾淨左好多，有獨立房間，大廳空間感足夠，唔覺迫，仲有卡位，大部分是4-6人枱。

期待已久，重新裝修再開的食棧，裝修完嘅嘅食棧，靚咗好多乾淨咗好多，食物水準繼續保持尤其燒味做得非常之出色，叉燒更加係酒店級數，乳豬皮脆肉嫩，真係好好食🤤。燒味真係做到冇得彈。價錢大眾化。今次仲嗌左長腳蟹，洋蔥牛油炒，非常鮮甜，壽包都係handmade。超好食。真係忍唔住打包咗啦一打返屋企佢哋仲有好多家常嘅菜式，咕嚕肉，荷葉蒸飯，不過要人多先可以嗌多啲，地理位置地鐵站行過嚟幾分鐘，一諗起叉燒就一定會揸車過嚟買一盒外賣食

網評話呢間燒鵝還不錯，特意想去買隻外賣試下，電話打極唔通，心諗，外賣啫，揸車過去。點知，收銀話自己去問部長！部長指去問燒味部！敲燒味部玻璃門，竟然話，唔得閒斬🤣 除左笑佢太差態度，冇其他comment! 唔會再去🤣 太差啦

特登揸車嚟呢度飲茶，門口有少量錶位，不過通常都full，如果唔擺附近停車場好容易被抄牌，不過啲員工一見到出邊抄牌就會叫咪提醒揸車人士，我覺得呢樣非常好黎呢度飲茶最鍾意係佢夠舊式，仲係要自助，拎住點心卡去揀自己想食嘅點心，有時又會同啲姐姐傾吓計，充滿人情味有新鮮點心出爐又會叫咪通知茶客。而入到去主要都係自己搵位，雖然呢度衛生情況唔算好好，而且比我支匙羹上面仲痴咗飯粒，不過同左姐姐講都即刻換返大部份員工都好有禮貌，特別喺門口叫人掃QR CODE/ 填資料果個唔該前唔該後呢度一開始唔會叫好多點心，因為想食嘅嘢可能未出爐或者賣晒，反而每次三兩籠咁拎，慢慢嘆先有舊式飲茶嘅風味雖然呢個唔係新鮮出爐，但幾入味既豉椒蒸排骨點心部阿姐勁hard sell呢個，問極佢係咩都淨係話好好食😂最後都有講係千層糕，唔太甜，少少奶黃味，又真係幾好食咖喱金錢肚好入味，新鮮出爐一定要叫，個底仲有咖喱薯仔星期日及公眾假期下午茶一律$19三個人係咁食，仲叫左幾籠點心打包都唔使$300

樂富食棧 街坊酒樓 好多單身老人茶聚 1盅2件 午市都滿客 要搭枱 比較嘈 & 枱迫茶位$7 有加一12點幾 熱辣辣點心大量 腸粉 煲仔飯 炸物齊粥檔收咗 大排檔食物所剩冇幾……買剩2碗 咸菜豬肚 正價$25+10% 細細碗 咸菜4片豬肚4件支竹3條 冇豬腸 好味道 但 份量少 阿姐照賣正價 建議早市食好啲 滿碗份量足 配料齊咖哩牛肚~$17 咖哩香 牛肚夠淋冇黐牙蘿蔔糕 芋頭糕~ $17 有質素 料多煎香口义燒飯餐~ 义燒飯+老火湯 $34义燒肉滑嫩 6小件 但色澤暗淡肉紅另1碟义燒飯 就肉白色鮮 (撞手神)青紅蘿蔔燒骨肉湯~ 老火湯夠火喉 濃香 但 …… 細碗 全碗都係湯渣 湯水少每日靚湯~ $10盅 天天轉款 腐竹豬肚湯湯甜香濃 腐竹煲到溶 肉1嚿冇豬肚跟湯好多熟客order 餐牌冇寫 要問待應上湯八珍湯飯~ (碗)$48 料多湯甜有細虾 尤魚 雞肉 瘦肉 潤 靚菜心2條豬潤有啲腥午市優惠炒粉麵~ $58 每日得1款 唔多選擇

街坊茶樓，有些長者熟客，自己沖水像家一般自己搞掂，服務員和點心姐姐都很nice，下午茶點心都不費，經濟實惠。有蝦餃$18、燒賣$18、雞扎$18、腸粉$18、粉果$13、山竹牛肉$13，不錯很好吃😋，只裝修有些舊。

侍應招呼好 溫柔細心 有笑容比較起點心部阿姐態度差 天同地有2個姐係有禮貌 仲幫老人家傳菜早茶 大中小點同價 閒日$16 假期$19 要加10%大點低食 小點就貴咗啲 各適其適早上9點幾嚟到 自己搵位搭枱自助式取點心 熱就自已攞托盤冇牛肉飯 冇珍珠雞放喺大枱嘅食物 冇明碼實價記得要問價 齋炒麵$19細碗仔 盅頭飯$19鹹菜支竹豬肚豬腸 $22 細碗仔 味道好好 咸菜淡味 豬雜冇怪味每次點心姐潷嘅份量都唔同 好似抽緊獎咁…… (今次好)唔好彩就得幾大嚿咸菜頭佔晒位虾餃~$19 虾爽雞扎~$19 雞肉紅色 質地霉腐皮乾 未浸透 乾硬每日煲老火湯~$10 細碗海底椰果皮豬肉湯 豬肉湯濃咸 但 冇椰味冇果皮味豬肉已煲到淋爛 海底椰硬身飲後頸渴 例湯1碗冇回味

適逢清明拜山去到樂富 聽講呢間舊式茶樓都好出名 所以就去飲茶 呢間茶樓比較舊環境唔算好 首先入到去要自己搵位 搵到位就自己拎嘢食 佢啲點心全部都好新鮮嘅 佢啲燒賣啲肉質幾好 腸粉亦都好食，特別係豉油都幾好味， 而且個叉燒腸用翠玉瓜煲仔飯即係鳳爪排骨飯嗰啲都好好食雞扎幾多個大嚿 魚肚好足料四個人係咁食 埋單唔使300蚊

街坊酒樓 加咗少少價 都實惠嘅侍應好嘅……點心阿姐 有2~3個好細心但部份比較大聲粗豪趕時間咁虾餃~$18 虾爽皮薄 低食免治牛肉飯 ~ $18 飯靚軟滑香冇旦 牛肉淺色淡味免治牛肉 面熟底唔熟雞扎~ $18 很一般有魚肚 粟米仔 火腿 雞件 配料大件但雞肉粉紅色 太淋霉 放棄

這家茶樓是我從小就開始飲到大星期六我下午茶是我們一家人必定活動真材實料，大件又低食！總結價錢-低食味道-很好服務-ok啦！食物要自己出去拿！因為是舊式茶樓！人情味濃厚

我同男友都有睇開Ming 仔嘅片，去完佢九龍塘studio嘅外面望望，難得黎到呢一頭，咁就決定去埋ming仔推薦，位於樂富既食棧試試佢嘅燒鵝脾飯！因為係酒樓食要收茶錢，我地就買左外賣，除左燒鵝，我仲想試試呢度嘅叉燒，所以今次叫左叉鵝飯$60，未食過咁貴嘅燒味飯，哈哈拎住張收據去燒味部拎呢個貴價叉味飯！買飯會送一包紙包飲品！迫不及待就去左附近嘅公園開餐！師傅俾左燒 鵝 脾 呀！成個飯嘅賣相好吸引！叉燒見佢有切兩舊唔同叉燒，所以有肥有瘦，平時鐘意食瘦叉嘅我，今次竟然覺得肥叉好食啲！肥叉好入味又好咬口，瘦叉就太實！而燒鵝初頭食嘅外皮好脆，肉好入味，但厚肉個啲味道就差少少。飯淋嘅汁同出而燒味店嘅汁，味道好似唔同，好味啲咁（唔知係咪心理作用😂😂

黎過呢度食飯好幾次，好鍾意呢度嘅燒味，叉燒最穩定好食，其他燒味就好睇果日師父心情。不過今次唔係黎食燒味，我想試呢間嘅點心，由於係星期日放假所以遲左起身，係飲下午茶，竟然日日都有下午茶食棧由門面到入面都係咁懷舊，成個感覺都覺得開左好耐，個冷氣系統吹出黎一陣「舊」風，而點心放哂係門口位，一入黎就見到哂今日有咩正野，可能係星期日，都幾爆，我地2人都要搵一陣位先有。望下個價錢都比一般嘅酒樓平，大點以上先唔同價，不過我地係拎左點心見睇到個價錢唉.......不過你無睇錯，係「拎」點心，呢度係自己出去拎點心，唔會有人送點心，所以想食咩除左睇，仲要問阿姐而定有咩點心，有特別野出都會講播sell下。上面有鹹蛋粒， 唔會太甜，熱辣辣，都幾好食，軟林林，好岩3歲到80歲食。春卷都應該係好多酒樓必食，呢間比其他酒樓粗碌，好似好飽滿，又拎黎試下。一咬！E～係芋頭，感覺唔有小小膩，不過幾新鮮感，有芋頭味，除此係一D肉碎。燒賣係有4粒，比一般酒樓細粗小小，但賣相新鮮。有肉汁，豬肉唔太肥，唔會一大陣冰鮮肉味，有小小蝦仔，提鮮，值得一試，食完兩粒仲想再食。鮮蝦腸粉，都幾大條，未落豉油之前好多油，不過佢會倒左D油再加豉

朋友附近做嘢介紹我黎呢度食飯。行入去看似舊式酒樓，有啲似食為先，心情十五十六都唔知食乜好。聽到隔離枱個個都叫燒味，咁我哋都叫黎食下，燒鵝、燒腩仔同叉燒。先黎個燒鵝，佢既汁醬係另上 ，我試左第一舊無點汁，已經好夠味，外皮燒得好香，肉質仲好嫩，假如想濃味啲，可以點埋個汁。平時食埋啲幾貴既燒鵝，一係太肥一係太瘦一係啲皮好難嚼。試埋叉燒，叉燒好lum，好似食黑毛豬咁，加上外皮厚厚既蜜糖封住，真係想煎隻蛋整個銷魂飯。燒腩仔入口脆卜卜，一層肉一層肥，天衣無縫！very good! 可以比美車軚人三星我哋仲有叫砵酒蠔，蒸魚，全部都好有水準非常滿足的一晚。

話說容BB都係YouTube嘅忠實fans，因為時下無線啲膠劇真係睇唔落，咁岩見到出名嘅YouTuber 介紹過，話呢度嘅叉燒好好食，就即刻走過來買半斤返屋企比容媽媽加餸，開頭有啲擔心買到返屋企攤凍左會唔好食，點知返到去打開盒嘅時候仲有少少餘溫，不過都係叫容賓賓去整熱佢，整熱咗出嚟之後，全家人都話香噴噴！你睇啲叉燒油脂比例拍得住達文西所講嘅黃金比例，瘦又唔會太瘦，油脂度啱啱好聽聞好似仲係用炭火燒，唔知有冇記錯我正式宣佈，呢間酒樓嘅叉燒係我食過最好食嘅叉燒，而且價錢一啲都唔貴，十級推薦🅰️🅰️🅰️

舊式茶樓香港巳經所餘無幾，好似聯合道近佛教醫院有間叫食棧巳坐落多年，深得街坊捧場，平宜茶加上濃厚人情味，吹水好地方，特別早上茶市，經常要等位，環境就比不上，但勝在平宜，特色係要自己出去點心位點，落手落腳才有得吃，我祇愛吃腸粉和嘆杯茶，20幾埋單，ok啦