Eat@ease

Open Now

Now Closed

見午市有8折優惠，又撞岩dayoff就決定黎食haha星期五早上book位，侍應話full哂但十幾分鐘後再打，又話有位當日去到其實無坐爆唔知個server係想點叫左一個risotto同牛排LUNCH SET包一杯野飲同自助吧有幾款沙拉前菜，中西餐湯，餐包沙拉前菜都唔錯當日西湯係蕃茄湯 味道尚可， 中湯就似有味精主餐既risotto，味道尚可，略為淡味另一個主餐牛排配薯仔叫左5成熟，但黎到竟然係全熟太失望，肉質十分硬比咁既價錢唔太值食完仲食左甜品，但味道麻麻總括黎講，性價比唔太高食一次就夠了而且地點十分唔方便，離地鐵都幾遠

今日難得唔使湊囡，搵左間新野試下先！依間餐廳喺工廠區既酒店入面，唔係朋友帶路，完全唔識去😂 環境ok ge, 樓底好高！感覺都幾舒服!依度係semi- buffet! 湯，沙律甜品任食。價錢都ok ge, $88-$138，依家仲有8折野食呢，我覺得沙律吧D沙律唔錯！幾新鮮反而main course 2款都係普通個意大利飯，稔到好似我個囡細個D粥咁😓d蝦似白烚！個牛就正常既！不過我地臨走時，開始不停鑽牆好嘈！應該係間酒店仲未裝修好😔

現在好少西餐廳仲可以食到甘便個午餐，半buffet，選咗主菜後，沙律，湯，甜品，茶啡一樣不少，最緊要價錢超抵！！！味道好讚晚餐都唔差，同樣選主菜就有沙律，甜品同茶啡，而且宜家仲有折，環境舒適，真是好適合一家人或者朋友一起去聚餐

喺葵涌全是工業大廈的地方 附近都是茶餐廳 新意欠奉 係朋友口中得之有一酒店餐廳開張口啤不錯 總是full booking 幾經辛苦終於輪到我試新野啦！餐廳以工業風設計 環境舒適 地方寬敞 唔會有焗促的感覺 食物方面係以半自助方式供應 沙律選擇多 有中西湯選擇 又有埋甜品 餐牌選擇多 主茶就選擇左煙鴨胸配意粉 份量適中 味道濃郁多汁👍🏻員工友善親切 好好笑容 當食完主菜後 適時奉上牙簽 出去拎甜品回來 枱面執乾淨又放上新餐具 服務非常貼心 另外因為客人都好多 餐廳員工有預先說明用餐時間 清晰明白 價錢中等 只需八十幾蚊有優良的服務質素 有品質的食材 舒適的環境 值得一去再去！！

較早前報紙賣得熱烘烘嘅旭日酒店fusion餐聽，於是5號放假就去試下啦，環境唔錯，是半自助型式，主菜由88-138元，但食物質素一般，提供6-7款沙律，4款甜品，百多元午餐價錢都不算貴，但服務真差，我book咗12點，坐下就有人崔我們落單，叫了一份乜…葉蝦扁意粉及煎雪魚，於是出去拿小許沙律食，跟住主菜就到，吃下不久，我在睇雜，無啦啦有個女侍應前來收晒枱面嘅餐具，當時我望下錶約1點，於是我找另一個人問食到幾點，他們說2點，我問為何收晒刀叉，之後他很不願意再拿一隻叉回來，這等態度我已冇心情再坐，於是埋單走了，這間餐聽我係絕對不會推介給大家。

間餐廳開係酒店入面，餐廳裝修以工業風格為主，一入到去感覺好舒服同有空間感。Lunch set 由$88-$138不等，跟餐湯 餐包同野飲，最特別嘅係自助沙律bar，真係任食唔嬲，仲有puff同果子做甜品。主菜叫左燒鴨胸配黑櫻桃汁，味道唔錯。到最後埋單加埋1仲有8折$100有找！好抵食好滿足！

在報紙知道葵涌有家新酒店，趁開業有八折去試下，不過真的好吊腳，跟住地圖都不易找。入到餐廳，裝潢走時尚工業風格，跟附近大廈兩個世界。樓底高，坐滿人也不覺嘈吵。 自助沙律選擇不算多但質量不錯，有幾款包配湯，一般來說西湯比較好。沙律吧的麪包粒較油，不夠乾身。這兒的中湯竟然比西湯出色。當天的冬瓜湯足料，還見到有蓮葉。主菜最平的豬漢堡配粗薯條$88，我不食牛難得有豬漢堡一定要試，肉好厚，個包好大好厚身。豬漢堡是實了點，隔籬枱嫌太乾太硬，我覺得可接受，因為豬一定要熟透。粗薯條還帶油，要用紙吸油。$98的蝦扁意粉一般正常，味道較淡。甜點有4款，中規中矩，配咖啡好襯。咖啡杯碟是透明的，份外精緻，奶也加熱了。

同事小蚊子話呢頭開左新餐廳（係酒店入面），仲要係西餐廳，太太太好了！於是LUNCH TIME一支箭去左食飯，呵呵呵入到黎個環境好好，坐得舒服，間餐廳幾靚，真係呢區少有⋯⋯呢度係食semi buffet，我同小蚊子急不及待出去拎野食，唔係話好多款，但絕對夠食！有中西湯都好飲，唔係HEA煲，salad bar既烤南瓜係超級勁好食！！！我同小蚊拎左好多條～HEHE！仲有D日式豆腐呀，木瓜沙律同薯仔沙律都唔錯～雖然望落普普通通飽左3成之後黎個main dish，我果個係帶子意大利飯，超驚喜呀，帶子算大粒同用牛油煎過好香，個飯又好creamy！！估唔到葵涌會有咁好食既意大利飯小蚊子個熱狗佢都話好正呀！D汁夠多又好味！薯條係粗薯條，剛剛炸起好正呢！最後我叫左杯蕃茄汁(幾特別），食埋甜品泡芙仔 （好似around有4款度，有D日式甜品和菓子我唔好所以冇食到），好滿足咁走LU～好滾動呀！以酒店黎講真係好平，而家有折唔洗$100就落到樓⋯⋯呢間將會係我地既飯堂，除左"葵涌好地方茶餐廳"之外，HAHAHAHA～

葵興有新餐廳！餐廳用左新興工業風做主題，夠型格👅地方幾大，坐得幾舒服👊🏻位置唔算好就腳，但食物質素確不錯😍新開張自助午餐仲有8折吖 一一一一一一一一一一一一一一 1️⃣自家製豬肉漢堡包🍔 $88 評分: 7/10 價錢包自助沙律吧同一杯餐飲🤗豬肉口感幾好，厚身得黎完全唔會乾，加埋芝士食落好香😗另外仲有粗身薯條添 2️⃣燒羊柳配羊肉汁🐑 $128 評分: 7/10 價錢包自助沙律包同一杯餐飲🤗羊肉唔會蘇，肉香幾重，食落好有嚼勁

Don't look in the windows... Taste it's delicious food! Yes! It's a hotel! There is pretty neat seats, tasty food and good service!During lunch time, there serves semi-buffet, but at night it's a restaurant! The photos are included please check them out!!!

嚟開呢頭，唔知食乜好，search吓搵到呢間新開嘅餐廳，走嚟試試。一入到嚟，裝飾走工業風，好特別！lunch set由$88至$138不等，包自助沙律吧、主菜、咖啡或茶。沙律吧有兩大鍋湯，一鍋係好足料嘅青紅蘿蔔、另一鍋唔知係乜野嘅西式湯；沙律嘅種類唔算多，但都足夠，例如有pasta、粟米火腿、菜、麵包等，仲有啲Puff及日式和果子做甜品，唔係好特別，不過咁嘅價錢OK啦燒英國豬柳配蜜糖洋蔥汁 ($108)可以配飯、意粉或薯菜。三大塊連皮嘅豬柳呈粉紅色，肉質唔韌，都還可以，不過肉味就冇乜，而且上菜後凍得好快；倒啲汁食會好味啲，整體普通水煮三文魚柳配野菌忌廉汁 ($118)相反呢個就吸引好多，魚皮冇魚鱗，肉質粉嫩幼滑，反而唔點汁會更加好味；意粉總算軟硬適中。呢道菜比豬柳好味好多weekday嘅lunch time，有好多喺附近返工嘅朋友嚟食，到1點嗰陣差不多坐滿晒，想嚟食嘅記住訂位。質素都叫做OK，尤其是8月趁新開張有8折，可以一試

餐廳今日第一日開張，一入到去就被2層樓高嘅樓底，工業風的設計懾住。整體裝修都好配合番周邊嘅環境，燈光給予人一種溫和嘅感覺。好難得而家餐廳仲有侍應會對住你微笑，職員見到我地掛住傾偈未食得切嘢，主動問我地要唔翻熱。食物質數同價錢完全唔成正比，價錢係椰x閣嘅價錢，但有番酒店嘅水準。磨菇湯有香濃嘅菇味，食得出由唔同嘅菇煮出來。Portobello 上配芝但用蕃茄汁去解番芝士嘅膩，非常出色。香煎三文柳有做到慢煮嘅水準，外脆內嫩。黑毛豬豬排厚肉多汁。整體都做得好好。而且仲發現佢地有手工啤同生啤，下次要試下先

今日咁岩經過，見到佢哋新開張，又有八折優惠，所以就入咗去試佢哋嗰個半自助午餐。話明半自助午餐，梗係要有沙律吧啦，款式方面都幾多，總共有六款沙律，仲有湯，麵包。至於主菜方面，都有幾多選擇，我就揀咗佢哋嘅自製豬肉漢堡配薯條。可能因為塊漢堡係自製嘅關係，所以食落都特別有口感同埋多肉汁。再加上芝士半溶狀態，都真係唔錯架。最後仲有一杯餐飲添，計埋八折＋1之後，價錢都唔使＄80 ,都真係幾抵架。環境方面，都真係幾型格嘅工業風風格，樓底都高，坐得好舒服，都幾啱一大班人一齊食下飯飲下野架。值得推介！