Eat@ease

Open Now

Now Closed

今日咁岩經過，見到佢哋新開張，又有八折優惠，所以就入咗去試佢哋嗰個半自助午餐。話明半自助午餐，梗係要有沙律吧啦，款式方面都幾多，總共有六款沙律，仲有湯，麵包。至於主菜方面，都有幾多選擇，我就揀咗佢哋嘅自製豬肉漢堡配薯條。可能因為塊漢堡係自製嘅關係，所以食落都特別有口感同埋多肉汁。再加上芝士半溶狀態，都真係唔錯架。最後仲有一杯餐飲添，計埋八折＋1之後，價錢都唔使＄80 ,都真係幾抵架。環境方面，都真係幾型格嘅工業風風格，樓底都高，坐得好舒服，都幾啱一大班人一齊食下飯飲下野架。值得推介！