今晚食漁

Open Now

Now Closed

同同事九龍城附近做野，好耐未食過辣嘢決定揀咗呢間。因為見到價錢亦都唔係好貴👍🏻決定大家叫幾個菜一齊share🤗叫左份酸菜魚，特色水煮魚，老干媽炒牛肚，口水雞。全部辣嘢送飯一流😝酸菜魚同水煮魚食落都算滑，而水煮魚味道可能係想乎合多啲人食，所以我覺得辣味未夠，但應該普遍市民都應該覺得呢種辣合適👌🏻老干媽炒牛肚咸度份量啱啱好，唔會太重手。算係一個點都唔會炒車既餸，推薦👍🏻口水雞因為係一人午餐，所以份量比較少，但雞都唔會太乾，ok👌🏻整體都十分抵食，午餐又想食辣嘢而又想食川菜嘅可以選擇呢一間

又係去九龍城搵食，比我係泰式餐館林立嘅九龍城見到間食川湘菜嘅 @今晚食漁 仲使唸嘅一行二人即刻入咗去啦，一打開menu就見到有好多款漁，比起烤魚、水煮、酸菜、老壇、我更愛藤椒～於是就點咗 #椒麻藤椒魚～啖啖魚肉 嫩滑新鮮～必食推介一～😍👍#幹鍋千葉豆腐～豆腐切得略厚唔似我平時食開湘菜咁薄～但味道都唔錯～反而仲辣過藤椒魚～🤭🤭🤭#口味大盤花菜～份量大到食唔嗮要打包～推介二～😍🤭#紅糖糍粑～紅糖糍粑周圍都食到～流心嘅我都係第一次食～超正～必食推介三～😍😍😍下次一定要再去食烤魚～🤭

今日lunch試吓呢間川味客飯，叫咗個酸菜魚客飯，魚係黑魚，好滑好新鮮，雖然有天椒，乾椒，不過湯底依然好飲，係辣中帶清甜，。配埋粗薯粉，水晶粉，芽菜，好有口感。推介

到九龍城找吃，經過這裡門外餐牌上紅紅的辣椒，勾起川菜的回憶，便入來試試。餐廳裝修比較簡單，座位算舒適，牆上掛了竹木製裝飾，卻用中東風格的燈飾，雖然配搭與餐廳名字一樣有點怪，都欣賞這份心思。除了魚，餐廳有其他一般川菜小館有的食品，今次試了酸菜魚客飯，跟餐湯、咖啡或茶。餐湯用料多，味道不錯，難得不加味精。酸菜魚我點了小辣，香、辣、酸味道適中，辣得來不搶喉，跟在四川當地吃到的近似，好味得連湯也喝了。客飯套餐的酸菜魚本來有粉皮底，結果飽得只能吃下幾口白飯，浪費了。奶茶也出乎意料的濃郁、夠滑和有奶香。朋友不吃辣，也有數款魚麵，配不同丸類、墨魚餅、魚腐、豆卜等可選。

餐廳唔算大，但都有張大枱夠坐七八人。睇唔出店主中意廣東歌。適合中意食辣嘅朋友，午市套餐份量啱啱好。三五同好order大大盤水煮魚都ok。唔食得辣都可以order少辣甚至唔辣，不過唔中意食辣就無謂勉強自己幫襯呢間啦😂水煮牛肉，好多辣椒，個底有粉皮。牛肉份量都合理，夠辣好啱伴飯食。追求刺激可以叫中辣，晏晝想sick leave可以試下大辣，反正我覺得廚師毫不吝嗇落多d辣椒俾你嘆🔥送湯&熱飲，凍飲+$2，一般茶記質素。冬天啱飲熱野，夏天食建議叫凍飲，唔係的話會辣到成頭流曬汗😂

去到九龍城隨便搵間食午餐今日試吓酸菜魚啦午市冇乜人，就入去試吓魚嘅份量就如相片所見喺晒面都算OK底是放酸菜及粉皮香料味都幾重原來食評要最少80字好似要作文咁😅

看了一輪餐牌，由於生怕水煮魚不知用什麼魚來做，一個人吃害怕會敏感或是遇上不喜歡/多骨的魚類，因此還是穩陣起見點了口水雞。結果口水雞味道麻辣，除此之外亦都有輕微酸，像酸辣粉那種汁醬，因為飯是另外上的一碗白飯，難免要用點麻辣汁醬去到拌飯吃。雞都是完全沒有鮮味的那種雪雞，當然$40-50難道你渴望吃到新鮮雞嗎，不過它的味道卻是非常之淡味，完全沒有肉味，只用酸辣汁將蓋上雞肉以及雞皮增添味道。下次再來可能試試水煮牛肉或是雞雜，應該比口水雞好吃濃香。凍檸茶反而不錯，茶味夠濃香，我的凍檸茶很快來到；反而奇怪其他又適合叫凍檸茶她說茶正在煲，因此要等耐啲時間，反而我的檸茶好像色水好深，茶味香濃

見到附近新開左有間食酸菜魚，諗住入去試吓，13:02落單後一直等到13:20都仲未有食物送上，見到隔籬枱好多次過我入嚟嘅都已經上咗食物，問侍應係咪漏咗單，佢好炆憎咁話一陣幫你睇，好似我唔啱咁，之後再問咗兩次先話整緊好快到，最後去到13:35左右我嘅酸菜魚終於到，但同時我亦見到廚房一次過出咗4、5份酸菜魚一次過上俾其他客人，我以為搭小巴就話要等齊人先開車，原來而家食酸菜魚都要都要等齊先煮？！最後我用咗超過30分鐘等來嘅酸菜魚，用咗10分鐘食完，仲要冇咩酸菜魚味，至於各位認為值唔值得去試就自行判斷！

好耐冇寫過野喇，見呢間小店食物有水準，支持下啦，唔使一定要食大鋪名店嘅。隨意路經見鋪面整齊正常即管試一試！個人都喜歡酸辣菜色。午餐酸菜魚 跟飯 飲品 叫咗小辣 有花椒油香味 湯頭味正常唔太咸 魚好滑 份量不錯 有粉絲 薯粉墊底 即煮夠熱 8.7/10老乾媽炒牛肚絲 跟飯 飲品即炒夠鑊氣，唔油肥唔太咸（出面啲老乾媽醬有啲好死咸）配料炒得出色整體好食 但牛肚絲稍嫌過分薄片和少咗一啲 無咗牛肚味 但成個餸伴飯一流 7.8/10兩個午餐$110 我會再食 試其他食物*服務態度不嬲都唔太計算落食評。食得座得舒服就得架喇，不過呢間都幾好態度*食完飯行咗兩個鐘未見口乾，加分👍🏻

見新開張即刻去試，烤魚好好味，有辣有唔辣，可以同職員講，一一盡量滿足要求👍🏻另外店員服務態度非常好，有耐性有笑容，值得一讚，午市食過酸菜魚同青荀臘肉，同樣好食！基本上小炒或其他食物都好有水準😊👍🏻👍🏻👍🏻會多幫襯！