食嘢 (Closed)

去飲嘢開咗一段時間之後，就知道食嘢準備開張嘅消息，當時已經十分期待，老闆娘話專成去印度請咗個印度人返嚟煮咖哩，今日一時果然喜出望外。餐廳裝修賢一貫既氣質文青風，型格得來有格調，老闆娘亦一如以往咁親切💕咖哩椰漿味重，又唔同辣度可以選擇，牛肉炆得軟淋，入口即散，極入味， 份量極多，食曬個飯都仲有好多牛肉。有趣嘅係喺食嘢都可以叫飲嘢嘅飲品，兩間舖之間有一個打通咗嘅小通道，專門用來傳遞飲品，幾滿足想食飽嘅慾望亦滿足咗想飲高質嘢嘅念頭，正!完全係大埔人既小確幸❤

不銀知所謂既卡邦拿意粉 仲要正餐！出餐出既意粉成碟都係碎既 碎到成個媽咪麵咁不但止 個醬仲要一灘水咁 浸晒係底 賣相難睇到嘔 （如圖） 食落去仲要係勁銀咸 咸到唔知落左幾多味精粉咁！ 非常過份 垃圾中既垃圾 出咁樣既餐想收人55 蚊 同佢地講換過碟 個四眼高瘦既侍應（懷疑係老細/ 經理）就係度做小動作 不停係隔離大一力掟野 態度惡劣 大大力掉低碟野係台面 仲連枝叉都掉埋落地 垃圾中既垃圾！ 唔會再去幫襯 第二次黎果碟野勁多蛋白 又係勁稀 如圖 極懷疑識唔識整

好耐無嚟過，突然想食咖喱就諗番起"以前"食過，啲咖哩好有signature 同好味! 今次叫左咖啡蝦、醉雞、叉燒同葱油餅、符碌茶同符碌梳打醉雞：嘩 個賣相味道差，以前用玻璃甕裝，汁蓋住啲雞，食落去濃香好味; 而家碟上，散收收幾件又唔裝飾下，啲汁得少少葱油餅：食完醉雞，葱油餅就剛剛好到，先淺嚐兩件等陣再配咖喱汁食，䓤油餅唔錯，味唔會過濃又有葱既香味，配咖啡一定好正。可惜，咖哩係差唔多20分鐘後先上！咁一定係我錯喇，無諗過咖哩要煮咁耐，葱油餅放耐左口感同油味係點，你懂得！叉燒：味道唔錯，啲醬油好味，叉燒唔會燒到好乾身，但無諗過咁少，7x蚊10小粒咖啡蝦：先講咖哩，我叫嘅係番茄咖哩中辣，番茄味欠奉，辣係微辣，好在佢個咖哩底仍然keep得到，不過你唔會估得到而家啲汁份量少到唔夠你食1碗飯 (我仲有幾塊葱油餅等住配嚟食)。到蝦，我估生意難做，size到縮左3分1之餘，煮出嚟蝦肉勁痴殼，以前用叉羹好容易就拎到個蝦肉出嚟，我以前覺得好好食嘅嘢搞成咁，真係好失望。符碌茶/符碌梳打：唔知係咪已經無左晚餐連連餐飲，3x幾蚊杯，符碌茶個size大到嚇親我，好似 hoegaarden咁成餐埋單$32x唔會再嚟

假日行遠一點，到出名多食肆選擇的區域覓食去見網上零負評，於是就決定試一試，去食嘢啦根據組上評價，應該是要點印度咖哩的所以我們都跟大隊咖哩可選辣度，第一次試，我們選了小辣，口味方面，可選原味、蕃茄、芝士、蒜味，而我們選了蒜味的上枱後也沒有令我們失望，香噴噴的咖哩質地偏稠密，味道香濃帶少許解膩微酸味，小辣不辣，可放心吃整個汁很惹味，絕對是偷飯賊真要挑剔的話，就是吃不出蒜味，以及部分雞件較鞋口，不過咖哩汁夠油潤，不影響美味本人是咕嚕控，所以很期待的一道菜，因為網上照片很不錯呀甜酸味適中不刺激，配菜也炒得剛好爽脆多汁，特別是菠蘿用新鮮的，令人驚喜可是敗筆竟出於黑豚肉可能肉太肥美了，感覺都頗油膩，如多人分吃，少吃確實多滋味的，可是如果每人要吃上4、5塊，就太過了醬汁惹味，通菜嫩口，夠鑊氣而且份量不少，以這價錢來說很值得整體不錯，可是菜式傾向多油有鑊氣感覺3-4人分享，可以更為品嚐到食物的美味注意份量不算少，可先叫幾道看看份量再決定點多少另外，座位舒適，燈光微暗正好令人放鬆用餐而透過玻璃看到廚房，入面有中廚，印度師傅，感覺百花齊放

朋友仔今晚請我食生日飯，但因為要湊住小朋友，所以我過黎大埔揾佢，佢就帶左我去『食嘢』，個名好盞鬼，但不知食咩野既呢？原來呢度以咖哩為主，遠望廚房旁邊會見到有位印度師傅，應該係整薄餅～其實除左咖哩之外，餐牌上還有中式，西式，小食等⋯⋯重有好多特色飲品，選擇不少架～雖然我地都好想食咖哩，但怕太辣小朋友食唔到，所以我地最後無叫咖哩，叫一D小朋友都岩食既😘 •Xo醬蛋白炒粉絲•用迷你煲仔裝住粉絲幾特別，粉絲炒得很乾身入味，不會黏埋一舊，用xo醬炒好惹味，一點都不辣岩曬小朋友，只嫌蛋白太少～ •鮮果咕嚕黑豚肉•配料的菠蘿，三色椒，洋蔥份量足，但最重要都係咕嚕汁同黑豚肉，把黑豚肉切條並蘸上薄薄的粉漿炸至外脆內軟，黑豚肉肉質軟滑，每一樣材料都沾滿醬汁，酸酸甜甜幾開胃～•海膽炒飯•炒飯頂沒有海膽作配，跟餐牌圖片有點不符，朋友仔頓時有點失望，詢問員工也說廚師是炒飯時加入海膽和蛋白一起炒。炒飯比較淋身，海膽看起來蠻多，但食落不太覺有海膽味，跟平時的蛋白炒飯沒太大分別，味道較淡，相比前二道菜較為遜色～•YUMYEA符碌茶•聽朋友仔講格離有間叫『飲嘢』，同一老闆，所以個杯印住『飲嘢』，YUMYEA符碌茶個名幾

This restaurant is really good, lots of flavours and dishes packed into one small restaurant. Food is good and worth the price and wait. Definitely would go again.

八月六日，今日同老婆🐷係屋企煮飯仔睇埋變態超人😂之後就訓到夜晚，於是就去左食嘢到食嘢。老婆🐷一直以黎都覺得間店既名好得意好有趣，好想快d 試下😂😂😂。 可惜既係有d 失望。我地叫左三樣野食同一樣野飲🤔先上既係呢個蜜糖黑椒烤雞翼，佢將雞翼既外皮烤得都幾脆，食落口既口感不錯地可口，雞肉雖然唔算係非常鮮嫩，但至少唔會太老或者太鞋=) 而且蜜糖味足夠，不過我食唔出有黑椒味，老婆🐷就食得出，而且覺得好好味😘值得一試。海鮮烏冬，非常好味，雖然我冇食到d 蝦，不過聽老婆🐷講，d 蝦麻麻地，但係更正既係d 烏冬，唔太軟唔太硬，而且配埋d 汁超好味，d 汁又唔會太咸，聞到都已經覺得香🤤推介推介。呢個海鮮炒飯麻麻地，食唔出有d 咩味，只係一個好普通既炒飯，將d 蝦，之類既炒埋一碟就算，冇飯香，冇炒飯果種乾鬆口感...😣之後最差就係呢杯野，我地叫少冰，佢冇少到之餘，杯野仲要係完全冇味，係0甜味，只得勁少既茶味，真係好似飲緊珍珠水咁😨，之後反映完，店完就比d 糖水我地加落去，先有返d 味😅...雖然唔係話一味追求甜，但係都比返少少珍珠奶茶既味黎都得掛？🤔定係水吧太忙唔記得左落？ (ps 臨走果d 聽到格黎台有

呢間餐廳好多大埔朋友都認識不過每次想食既時候都好多人排隊今日早左收工唔洗排 一於就試下啦打開餐牌發現有好多選擇有中式西式港式既野食!連飲品同甜都有好多款式值得推介既有佢地既水煮魚!離遠已經聞到佢陣麻辣香味!一大碗紅卜卜真係好吸引!食落好麻好辣 而魚都好滑!加埋一碗白飯已經係最佳配搭!友人怕辣叫多個芝士焗西蘭花芝士香味好重！西蘭花焗到岩岩熟！食落香得黎又好Fresh!可以解下水煮魚啲麻辣最後食埋個巨峰提子冰有芋圓、地瓜圓同雪糕口感非常豐富！滿足的一餐

係大埔見到食嘢呢間餐廳一段時間今次見門口少人排隊，就決定試下見到menu有好多款式食物選擇又有水煮魚又有西餐意粉呀又有菠蘿炒飯好多好多野食都想試！😋今次唔係好肚餓所以叫左一個小食拼盤，花雕醉雞🐔同一杯超級符碌特飲！個小食拼盤有蜜糖炸雞脾雞翼同埋穌炸雞扒，好扺食而且全部野都好入味，推介！👍🏻花雕醉雞都幾好味，個肉唔會鞋佢調味得好好，有酒味得黎唔會苦👍🏻👍🏻最推介就係杯特飲🍑🍊🍋🍍🍓🍈唔止睇得，而且真係好飲👍🏻係有橙，奇異果，菠蘿等等六種水果整成員工服務態度都好好，好主動👍🏻希望繼續保持水準，一定會再幫襯😊

3點多才喺大埔辦完事, 雙台風迫近香港, 熱到坐係度都標汗, 意識不斷同自己講.....我要飲凍嘢, 我要飲凍嘢, 我要飲凍嘢.......咁啱竟然見到一間叫'飲嘢'嘅店舗, e.....隔離個間鋪叫'食嘢', 都幾搞鬼, 午飯都未食當然入去'食嘢'啦。'食嘢'屬於小型的簡約小店Tea time 除咗輕盈的tea set, 還有重形型的飯、麵、意套餐精選, 要幾飽有幾飽, 我就叫咗個全雞拼盤。符碌特飲 (餐飲加配+$20)我要飲嘢…..我要飲嘢.....一定要大大杯, 呢杯符碌特飲一啲都唔符碌, 除咗夠大杯夠凍外, 裡面還有新鮮的西瓜、橙、檸檬、青檸、奇異果、波蘿等, 清新果香, 冰凍又解渴, 果味香, 但只是微甜, 飲完仲可以將新鮮果肉全部食落肚, 超級涼快。全雞拼盤 ($68連飲品）內有一隻蜜糖雞脾、三隻蜜糖雞雞翼、雞扒及沙律菜。炸雞脾 ~ 大大隻, 用調味料醃入味後才炸, 炸得色澤金黃, 皮脆肉嫩, 雞髀肉炸完還有肉汁的, 一啲都唔鞋口。 蜜糖雞翼 ~ 同雞脾做法一樣, 加埋少許蜜糖汁, 香香甜甜又嫩滑, 正炸雞扒 ~ 相對嚟講就比較失色, 炸漿太厚, 比較油膩。

今日入開大埔有啲野做，熱到溶，求其搵間食店醫肚，見哩間都幾多人幫趁，望下餐牌價錢亦唔貴，應該冇死。＊＊＊＊＊＊＊＊＊＊＊＊＊食嘢可以講係一間茶餐廳價錢的餐廳，論裝潢、座位舒適度同整潔度都比一般茶記好，但lunch set大部份都係五十幾蚊有交易，仲包湯同野飲同全日免加一，唔怪得雖然唔近火車站，但午飯時間都一樣咁多人。金桔檸檬綠茶(跟餐+$20)Lunch Set本身跟嘅餐茶唔係普通奶茶咖啡檸茶檸水，係珍珠奶茶/青蘋果/百香果綠茶，但由於天氣太熱，好想飲大大杯凍野，所以我決定加$20轉哩杯金桔檸檬綠茶。哩杯金桔檸檬綠茶非常大杯，差唔多係平時兩杯野飲嘅份量，所以基本上都可以兩個人share，入面見倒好足料有青檸、檸檬同話梅，所以飲落酸酸甜甜非常清新透心涼。海皇炒飯($52)Lunch set有炒飯、咖哩同中式飯，雖然見倒廚房有個印度藉師傅，但天氣熱唔想食咖啡，而又不嬲對中式飯冇乜興趣，所以好多次我都係叫炒飯。哩個炒飯份量都幾多，一個麻甩佬食都夠飽，炒得好有光澤同夠乾身，但食落又唔算太油同太黏口，最正係入面有好多海鮮，好似八爪魚、帶子、蟹柳、蝦米......雖然切得比較細粒，但真係每一啖都食

尋晚去到(食嘢)冇位，咁咪攞飛等位囉，我地兩個人攞咗飛等，尋晚已經好熱，我地係出面已經等到一身汗，太約等咗二十分鐘左右，跟住我睇到有兩個人入去，我以為佢地都係入去攞飛等位，點知佢地一入去個服務員就帶佢地去坐低，我第一時間去問個服務員，點解佢地唔洗等位?個服務員呆一呆就叫我地等一等，佢入返去跟住有第二個服務員出嚟話唔好意思，電腦有問題冇資料，關個電腦乜事，頭先個服務員跟本就連電腦都冇望過就帶佢兩個入去坐低喇!!我問佢咁而家點呀?佢話你地再下一張枱，搞錯!!咁不負責任嘅說話都講得出口!!只係叫我地再等下一張枱，完全唔去諗下點解決妳地搞出嚟嘅問題!!出面三十幾四十度，妳地啲服務員唔出嚟焗下!!呢間(食嘢)啲服務員正垃圾，完全不負責任，永遠不會再去!!

呢間餐廳係我第二次再幫襯既，好彩果日有訂到位，如果唔係等死人。今次叫咗香辣咖喱牛腩，食嘢至尊拼盤， 青芥末醬伴蝦球，海皇炒飯。香辣咖喱牛腩 (必食) : 咖喱好正宗，份量都好夠，可能佢請咗個印度師傅嚟整，所以特別好味，哈哈哈，而且餐廳十分揼本，用珍珠米去做飯有誠意。食嘢至尊拼盤 (必食) : 有雞翼，炸薯角，手抓餅，咖喱角。雞翼整得外皮很脆，一定要試。青芥末醬伴蝦球 : 蝦肉很新鮮，炸粉薄得黎不會有太厚嘅感覺，而且底下仲有一些炸南瓜伴碟，配上沙律醬。呢間餐廳喺大埔來講都叫做，做得十分出色，我諗好快仲有第三次幫襯嘅機會。

今次係我第二次去呢度食嘢Luuuuuu水準依舊保持不錯不過除咗叫返個咖喱牛腩之外其他野都係第一次試既今次叫咗個海皇炒飯 好嘢味 而且炒得都好爽身 滿意～～～咖喱牛腩依然非常岀色 香味濃郁而且配飯都係繼續用珍珠米 So Yummmmmy千島炸蝦都不錯 即炸 完全唔淋身如果啲汁再多啲就仲好啦飲品方面 分別叫咗兩杯野飲 都系柑橘檸檬系列一杯綠茶一杯soda 2款裏面仲加左話梅本人非常鍾意 好好味 推介推介！！！而且份量都好大杯 兩個人飲一杯都冇問題 哈哈哈附上Menu同室內環境各一張相～

咖哩牛腩配白飯 $72可以揀辣同唔辣 仲有原味/芝士/蕃茄/蒜蓉咖哩揀咁我哋揀咗原味黎到既時候好香🤤😋 食落唔辣但好惹味 牛腩都好淋 唔錯👍🏻送飯之外仲叫咗個蔥油餅 $35點咖哩食一流 熱辣辣😋❤️ 又唔太油🤤評分: 9/10🌟酸菜魚肉 唔記得咗幾錢呀😩😩😩😩如果去食記住俾佢睇呢張相問下佢!!!!!!!!呢個魚肉好滑 啱哂鐘意食魚既人 而且冇骨🤤😏😏仲有粉絲 係類似韓國個種 好彈牙❤️個湯酸酸地少少辣 飲落好惹味仲要好大盆 幾個人食都得😋😋😋評分: 8.5/10🌟仙草奶茶 $22仙草很好吃 奶茶茶味也濃 叫了少甜剛剛好 有在台灣喝時的味道呢 而且份量也多 很抵呢評分:8/10🌟