食嘢 (Closed)

第一次去食嘅時候 員工態度差雖然塞咗我地去隔離間「飲嘢」食飯好迫 又唔舒服但食物還可以第二次去食 超級失望咕嚕黑豚肉 $68但只有一大舊炸粉 入面係一條好迷你嘅豬排條豬排係硬嘅係我食過最難食嘅咕嚕肉仲好意思話黑豚肉見到另一枱都有嗌呢個垃圾咕嚕黑豚肉忍唔住望佢地食嘅反應個樣好似食咗x嘅樣員工態度麻麻 知道即時投訴都冇用海南雞好味小食併盤都無問題飲嘢嘅飲品都okay但其他食物質素太差唔洗再試呢間餐廳從來都唔會寫食評但呢次真係覺得呢間餐廳好差💩

天氣好冷，我最鍾意寧靜的夜晚。特別係同男朋友拍拖食飯，夜晚冇咁多人，心情都靚啲。揸車經過這裏，車泊門口，然後就揀咗呢間個名好得意嘅食嘢一入門口就見到 India, 即係要食咖喱咖喱。男朋友話一定要試食嘢至尊拼盤 $68。蜜糖黑椒雞翼，好鍾意嗰陣蜜糖嘅甜味，皮脆雞肉嫩其次一定要食正宗咖喱角，三角形好易認，餡料有咖喱薯蓉同埋青豆，真係好正宗嘅做法仲有咖喱汁配 naan,又香又脆。我見到最推介都係咖喱，霸氣咖喱雜扒 $88。咖喱口味又可以要原味、芝士味、番茄味同埋蒜蓉味。花多眼亂，仲可以揀小辣或者中辣或者勁抽辣分量仲好足料，大大塊豬扒雞扒同埋牛扒。再加上一碗珍珠白飯，撈汁一流食完熱辣辣嘅咖喱，叫一杯涼透心的香芋珍珠奶茶 $22。仲有我最愛的台灣口味芋圓2號 $36. 香甜滑口，Q彈可口下次揸車經過一定要再食芋圓

之前見到食評話好難食 所以唔敢試最近見到好多好評 就膽粗粗去試下入到間舖 好黑😧😧 得幾盞燈仔 見到餐牌有好多咖喱餐揀 就試下中辣嘅海皇咖哩 海鮮份量一般 不過個咖喱就幾野味 辣味十足 咖哩一D都唔稀 好濃郁😋😋幾驚喜 仲試左海皇炒飯 幾夠鍋氣 唔油膩 飯一粒粒 唔會一舊舊 如果加少少辣味 仲好味😋就算食左咖喱 都唔會蓋過炒飯嘅香味😁正！除左有珍珠奶茶 走甜會好飲D仲送羅宋湯 細細碗 比較清淡 材料不多 其實都算抵食 份量都夠 下次應該會試埋焗芝士海皇飯😏😏

咖哩有四種口味選擇，原味咖喱、芝士咖喱、番茄咖喱、蒜蓉咖喱，我選了比較特別的芝士咖喱。辣度也有三個層次：微辣、中辣、勁辣。可能我太保守，點了微辣結果好像完全不辣似的。這可是充滿風味的印度家鄉咖喱，有非常足料的香料，咖喱醬以丁香、小茴香子、胡荽子、芥末子、黃姜粉和辣椒熬製而成。這個咖哩不像港式或日本咖喱，但呢張是非常濃郁很傑身的，不會一大盆稀稀落落。餸飯或餸薄餅都可以一口吃到底。要吃足家鄉風味就加了＄15轉油酥餅，份量不算太大，如果兩個人都不太餓，可能剛剛好。咖喱大蝦有足5隻，而且裏面還有很多蔬菜，包括薯仔、四季豆、西蘭花、紅蘿蔔，很注重健康。一邊吃咖喱一天喝水蜜桃綠茶，解渴也降溫，是個不錯的配搭。最後來個超級大碗的椰汁糕，件件厚切兼大大碗，＄28真抵食。

印度家鄉咖哩雞（$68）油酥餅（$32）Yum yea符碌茶（$36）👅個frd問我食緊咩餐廳，我話食嘢😂😂咁間野真係叫食嘢呀嘛😝😝😝呢間餐廳隔離舖就叫飲嘢😎就真係for飲下野傾下計既，當然係食嘢到食嘢可以叫埋隔離飲嘢啲野飲飲嘢既👈🏼😂😂咁究竟食咩嘢呢😀呢到類似fusion咁咩都有啲但似乎咖哩係主打所以就點咖哩啦😙😙啲咖哩簡左蕃茄咖哩酸酸地🤗我就覺得普普通通，都係中意甜咖哩多啲，同埋厭佢唔夠辣🤔啲雞肉都普通啦～個油酥餅就正既，係一層層好鬆脆，點咖哩一流👍🏻👍🏻仲有試左個海膽炒飯完全無料到😐😐😐全餐最伏係個杯野飲😐😐符碌應該解fruit水果，入面立立離離咩生果都有啲😶😶加埋一齊既味道係exactly支支冰啲假生果汁味👎🏼👎🏼唔識欣賞😅😅總之唔洗突登試呢間野，除非真係貪個名得意啦😂😂😂

餐廳名叫'食嘢' ，英文名叫'Eat Yea'~齋聽名估唔到佢係食咩～原來係出名食印度咖哩、薄餅既餐廳。裝修方面係走休閒時尚風，客人可以透過玻璃睇到印度藉廚師拉薄餅～甚有風味！食物方面，今次叫左個咖哩雞飯同至尊拼盤～咖哩汁有别於一般港式餐廳食到的，香料味較濃、有印度風味！啖啖肉的雞塊亦好入味嫩滑！拼盤有咖哩角、薯角、黑椒蜜糖雞翼、芝麻醬沙律菜、印度薄餅配咖哩汁～好豐富！咖哩角好香脆！涵料主要係薯仔青豆！簡單既材料估唔到又咁夾！雞翼亦值得一讚！香甜可口！夠惹味! Roti 即叫即做，熱辣辣！蘸咖哩汁食好味道！每個餐都跟飲品一杯，推介百香果綠茶！好香果味、清新唔太甜！可選冷熱～

話說大埔有「食嘢」同「飲嘢」兩間食店，屬同一個老細，一間主打食嘢，一間主打飲嘢。今日同朋友去試下「食嘢」，因為店內冇位，店員就安排咗我哋去「飲嘢」嗰邊坐。睇睇個menu，中式(咕嚕肉)，日式(海膽炒飯)，印度(咖喱) 都有，但佢嘅主打應該係咖喱，所以我哋點咗個咖喱雞同印度薄餅，仲有沙律菜。飲品就叫咗奶緹玫瑰烏龍同符碌茶。另外再喺「飲野」到點咗個深海拼盤。麻醬沙律，冇乜特別，就係生菜加麻醬。情願佢用普通碟裝，佢用呢個樽裝，好難撈醬。咖喱雞，因為朋友唔食得辣，所以揀咗微辣。另外可以揀原味/芝士/蕃茄/蒜蓉咖喱，我哋揀咗蕃茄咖喱。因為係微辣，所以唔會好辣，但又唔會話冇辣味蕃茄味就唔係好食到。至於雞就有d"鞋"同硬。印度薄餅，口感幾好，唔會太油，個咖喱汁都唔錯。深海拼盤，就係平時超市買到嘅炸魚條，炸蟹拑同埋花枝丸，麻麻地啦。尤其係個炸蟹拑，比平時食到嘅淋身。奶緹玫瑰烏龍，呢到話飲奶緹係有特定嘅方法，我就跟住佢咁飲。奶係厚厚嘅一層，帶點咸味嘅，加埋d茶就唔會溜，幾好飲。

幾日前，行開大埔舊墟，見到有新鋪開張，就同朋友行入去試下😸我地食左個芝士咖哩同海南雞，另外就叫咗個飯配呢啲咁香又咁好食嘅餸😚芝士咖哩內面既料係牛筋同牛腩，佢地都好香滑同嫩，牛筋入口即溶，好好送飯海南雞方面，雞的數量係適中，不會太少，雞係好香，因為隻雞應該係有些微硽過，香料同雞味都好濃郁，雞亦都好嫰滑，配合起好香的米飯上黎，真係幾正

星期五晚不用OT，可以與同事到大埔食嘢~~奶堤玫瑰烏龍 $36賣相好靚，厚厚的奶泡上有玫瑰花瓣及少少綠茶粉裝飾，簡單但又吸晴。要飲這個有點技巧，就是要將奶泡飲了部分，才有空間將杯傾斜多點，這樣奶泡及烏龍茶一起品嚐。奶泡都幾creamy，單嚐有點膩，但與烏龍茶一起就剛剛好。看到廚房有印度廚師在烹調，應該是地道咖哩。點了印度咖哩雞 $62，有好幾款咖哩口味，我選了原味，中辣。中辣我覺得似小辣，未夠惹味，但咖哩香而不油，雞肉好嫩滑，不錯，至於珍珠飯有點硬。有咖哩汁就忍不住點了油酥餅 $28，相當鬆化，另配咖哩，但比咖哩雞的味道較淡。鮮果咕嚕黑豚肉 $62將黑豚肉切成一條條沾粉炸成，漲卜卜好有趣，醬汁甜酸度剛好，而且有好多水蜜桃、菠蘿、青椒等配料，份量較多算抵食。

那夜放工我坐上了開往太和方向的火車，去「食嘢」，好耐之前大王個節目介紹過，今晚終於約到人陪我食。有個大窗口望到廚房，印度師傅會係到整油酥餅叫左杯符碌茶，希望來年增加多點符碌😆😆呢杯其實係水果茶，茶是綠茶(好似可以轉紅茶）飲之前篤一篤，等啲生果味更出，綠茶唔澀，不錯小食叫了沙薑豬手，豬手夠凍，皮肉都非常爽口，醬汁味道適中，陣陣沙薑味加一點點陳醋，夾埋芫茜食朋友唔食🐮，所以揀咗咖喱另外最夾嘅雞🐔咖哩可以㨂原味、芝士、蕃茄同蒜蓉辣度可以㨂微辣、中辣同勁辣叫咗原味咖喱同中辣，咖哩香濃，可惜中辣都唔覺得辣，下次可以試勁辣，雞肉尚算嫩滑，份量大約5-6舊

想搵食其實唔難，但係要好食，就真係要多試唔同嘅地方，今次行過入去就試到好嘢，餐牌上有不同選擇，見到廚師嘅印度人，當然就要試試印度咖喱，點了咖喱牛腩 $68，而咖喱味道亦可以試吓新口味，加了芝士，而辣度可以選擇，咁要就係最小辣，帶少少刺激，上枱時一鍋連個白飯，喜歡撈汁嘅朋友加多飯就可以吃晒啲咖喱汁，牛腩肉肉質超軟熟，大大嚿，一啖飯一啖肉，正！另外點多個酒呈醉雞 $38，凍食，雞肉爽口，浸泡了酒，超香滑加多杯凍珍珠奶茶$19，一輪刺激後飲杯香滑凍奶茶，加埋彈牙嘅珠珠，真係一個絕佳配搭

原来如今的大埔区，新旧区都是极之热闹非凡的呀！👍👏此還有間正宗的印度咖喱餐館的呀！👍👍😀😀 ＂印度家鄉咖哩雞＂👍👍，此真的為正宗的印度咖哩來的呀！👍👍像真的是與众不同的呀！極之香氣撲鼻！我上了点少辣的及加上了点儿芝士的味道的呀！那味道全都更為好得很的呀！👍😋雞肉也是夠帶有哪咖哩的香氣味的呀！好！👍👍＂咖哩牛腩飯＂，👍也是正宗印度咖哩的呀！香味四溢的呀！👍👍可惜的是，牛腩稍稍硬了些的呀！😊也許是對更年青人而言，這可己足夠可以的呀！😎😀😀😀👍👍＂至尊食嘢拼盤＂，此應也為此店的招牌之一了的呀！看到拼盤上各種各樣的食物，己又大增食慾的呀！😀😀😀👍👍👍😀😀😀😀那雞翅膀，皮脆香甜肉兼嫩嫩的呀！👍👍👍土豆也是皮脆肉甜蜜的呀！👍👍👍還有那簿餅，可是那印廣師傳給親手制作的呀！👍😀😀😀都是不錯的呀！

今晚返大埔老家探我阿媽，屋企樓下不知不覺之間已經開了大大小小的食店。老人家煮飯太清淡，我走嘅時候都忍唔住要食多餐街口7-11隔離就有嘢食，點名叫食嘢，都幾搞笑。因為食嘢仍然滿座，所以店員安排我哋去隔離嘅飲嘢應該係姊妹店，感覺好玩野，座位安排都算幾舒服坐低好頸渴，叫咗杯經典嘅珍珠奶茶飲下先。$19 咁大杯真係好抵飲，不過茶味就淡左啲，可以更加濃厚的。跟住叫啲snacks 試吓，食嘢至尊拼盤 $68。完全滿足晒我想食嘢嘅要求。主角唔使講梗係蜜糖雞翼啦！甜甜地皮脆肉嫩，好味道！中間係正宗印度酥油餅，配埋旁邊嘅咖喱汁，口味真係好正宗，因為原來係印度人㕑師製作。仲有素食口味咖喱角炸薯角好脆口同埋日本麻醬沙律雖然我唔係女人，但見到人哋食甜品我都忍唔住要叫一個Yumyea 雪糕燒仙草 $58真係好大堆頭呀！有芋圓～番薯圓～珍珠～雪糕～燒仙草～花生～紅豆好味到停唔到口，QQ彈彈，就好似去到台灣風味一樣。價錢經濟實惠，質素又唔差😉。回頭率極高

呢一晚，又同老公齊齊係大埔搵好野食，之前我地成日經過都見到，一間叫飲嘢，另一間叫食嘢，但就未試食過，所以老公就話今晚試呢間。入到去坐低睇過餐牌先知係食印度咖哩，但除此之外，佢仲有其他fusions 菜式，都幾得意，所以我地就點左個咖哩雞飯，油抓餅，麥皮蝦同埋百香果梳打。因為我唔係好食得辣，所以呢就點左小辣，但其實佢既小辣唔係好辣，而且佢地既咖哩係偏甜既，都唔錯。D咖哩汁配白飯同油抓手一流😋。不過我覺得塊餅唔夠熱，暖暖地，熱d好味d。另外個麥皮蝦都好食，佢係甜甜地，炸到成隻蝦好脆口，係唔錯一個選擇。呢間野絕對有下次，因為我想試個榴槤油抓餅同埋醉雞

比較少到太和，但原來這裡有很多餐廳小店，價錢合理，味道又好。下午茶時段都有很多小食的選擇，以咖哩食品較多，貪食的我就選了拼盤，友人即要漢堡包，我們分著食。食嘢至尊拼盤 $68，有五款食物，其實都好大盤，好超值抵食。包括有油酥餅、炸薯角、什菜餅、沙律及黑椒蜜汁雞翼，還有咖哩。黑椒蜜汁雞翼超級好味，好濃黑椒香，但又不辛辣，蜜糖甜甜地令雞翼層次提升，必食之選。什菜餅好重香料味，清淡味道，卻香味濃重，餡料很多還有腰果碎很香很脆口。油酥餅好鬆化煙韌，沾咖哩同食，滋味百倍，咖哩夠香夠惹味濃稠，而且不辛辣也不太咸。薯角有紅椒粉提味，也炸得超脆，質感粉綿。印度拉茶 （套餐加$20），好滑好濃，有如港式茶記的奶茶一樣，香、濃、滑。甜度剛好，份量再多更好。原來諗住有重香料味，但飲是沒什麼香料味。皇家芝士漢堡 $39，估不到的又細又薄身，感覺不夠份量。但有沙律已不錯，醬也用很多。中間的餡是煎魚肉餅，夾蕃茄、沙律菜及沙律醬。麵包用買來的芝麻包，夾薄薄的料更不夠吸引。魚肉餅原身一點更好，但份量剛好，又不油膩。兩份餐都有沙律，用日式芝麻醬汁，味道好食但冇咩驚喜。沙律菜乾淨，質感爽脆，配酸酸地又香的醬汁，的確很開胃