EC Kitchen (Closed)

麗城薈終於裝修完成,午餐又多了一些選擇,途中有位叔叔派傳單並說"送薯條呀",原來是在巴士總站側的EC Kitchen,一於擇個日子去吃包。舊址為已搬到北角的NOVA所在地,保齡球場上的半圓型大堂將餐廳用餐區分成兩邊,如課室裡的桌椅上有著不同的籃球隊伍名字,籃球愛好者在此定找到更多歸屬感。點餐時已看到廚房裡的廚師正製作手打肉餅,廚師雙手左右左右的將肉餅打成漢堡狀唷。羊肉漢堡是自己不二之選,只是考慮是配包還是意粉??還是更豐富的全日早餐???當看到其他食客那盤用膠刀貫穿的全日早餐漢堡,我還是吃意粉好了。羊肉漢堡煙肉意粉需時25分鐘以上,畢竟每件漢堡也是即叫即煎嘛。這裡完全自助形式,點餐後客人需要自取食物,沒有侍應送餐服務,如一人前往如我,要找些東西放在桌上才可預留座位哦。完全快餐感覺沒有多餘花巧的漢堡意粉,堂食也以泡泡碟似乎不太環保了,用上大紙碟會否較好一點??起碼紙碟也較易化解嘛,再配以普通小膠叉,用來吃意粉實在太小太不受力了,自備餐具似乎會好一點。兩片原條五花煙肉只是煎熟而不是如肉乾,好吃!意粉在西餐水平來說是很一般,不算太軟只欠一點彈力;所配黑椒汁只香不辣,沒有什麼黑椒香味而且很油膩

下午我們從荃灣西沿著海邊行上去當散步，約20分鐘。我們當然是有目的去朝聖的。就是為了海膽黑松露牛肉漢堡單買HK$98，加薯條和汽水HK$10當然是套餐化算得多。等了大約15分鐘就有麵包用上著仔包中間patty有成吋厚的，用煎的。還有松露醬，芝士和海膽。牛肉打得不錯，鬆化。牛肉味也足夠。但油份不足，吃完的紙沒有半滴油份，很乾，不juicy。Patty也煎得不夠焦黑。芝士和松露醬很搶，令海膽失色了。海膽本來很少跟味濃的食物同吃。如果是我的話，牛肉厚度會減半，加煎蛋，才加海膽，不要芝士和松露，變牛油果。好看得多了：）薯條長直幼，不夠脆和熱氣，只是好麥當勞少少。這個不便宜，食物不算超好吃，而且全部都放涼了，店主有禮貌，OK 啦！

灣景廣場樓下有鏢掟..又有保齡球打...休息時間最好食返啲正野! 樓上有食BURGER...今晚就試試佢...有個新產品係黑松露海膽牛肉漢堡...我見到個名已經唔洗諗即刻叫..哈哈哈...漢堡黎到已經聞到好勁黑松露味...上面黑曚曚既係黑松露 仲有海膽...煎熟左既海膽唔唔苦...佢既手打牛厚到呢...正呀正呀!牛味重！食落好有口感呀！又彈牙無筋...好喜歡...美中不足既係麵包有點硬~下次黎試下其他野先~不錯不錯! 

宏觀荃灣全區，要食漢堡包，比較好只能在美式餐廳內才可找到，而且要人多才可多食幾款，如果要一兩川人就絕對滿足不到。上網見元朗及荃灣都有店的漢堡包店，店長推介自家製手打漢堡，久久未遇上漢堡店，就決定到此一試。地方在小社區內，服務對象當然是區內的人為主，但因鄰近巴士總站，所以住同區的人要食都非常方便。朋友表示一場黎到，自然要試試推介產品，見餐牌及單張都未提及的產品--海膽黑松露手打漢堡包，見名已好吸引，一於點這個，再點一兩個小食，自制二人餐。這店有做2-3人餐，有2個漢堡，2客飯、意粉或小食，再配2杯飲品只需138，抵食好多！因漢堡即叫即煎，就先食小食吧！蕃茄肉醬芝士薯條-- 看相見是直薯條，一見到是曲薯條，即時好滿意，因一般薯條會太幼，未能食到薯肉，而且好乾，反而厚薯條及曲薯條炸後，仍可做到外脆內軟。蕃茄粒粒肉，多汁多水，肉碎好多，但獨立食比較乾身，新鮮材料但未能把食材融合。芝士是神來之筆，車打芝士味濃而不咸，可惜只得一片，食得不夠過癮。台式鹽酥雞--即炸熱辣辣, 即時想起台灣夜市小食>.< 一份台式鹽酥雞分量好多, 炸物又不厚, 肉的比例高, 性價比自然非常好~入口有陣陣

餐廳係屋苑入面，所以人流唔算好多，但好寬敞。黑板上面寫左唔同嘅特色野食，揀左當中嘅海膽包試下。海膽黑松露菌芝士牛肉漢堡包($98)未食之前即使個包有張紙包住都已經聞到超香打開睇海膽份量都唔少，下面係溶左既芝士，再下面係超厚既牛肉！牛肉係手打，調味幾好，唔知係咪擺耐左，牛肉有d乾，而且由於太厚既關係，一啖咬唔哂所有材料🏻黑松露菌既味同海膽味係咁搶，先會食到黑松露既香再慢慢感慢到海膽味，🏻不得不提係個包外層夠哂脆🍔紐西蘭羊肉漢堡包($68)相對黎講，羊肉無咁厚。🏻️但呢個製作時間耐d，食落羊肉既味幾出，但又唔會話好羶，仲啖啖Juicy，相當唔錯。美式芝士炸雞($28)建議即刻食如果唔係芝士會硬哂。炸雞厚粉左，唔係太食到雞肉。蕃茄肉醬芝士薯條($28)芝士係一片放係肉醬下面，肉醬份量夠多，而且食到肉粒，薯條炸得香脆，唔錯！

荃灣雖然係我成日去嘅地方，但係尼間餐廳太隔涉喇😥😥不過特別嘅burger就幾值得荃灣區嘅居民去覓食嘅尼個海膽黑松露菌芝士牛肉漢堡非常足料千其唔好以為又海膽又黑松露就好貴啊，一百蚊仲有找添😳😳😳!!塊牛肉漢堡有成個拳頭咁大，🏻黑松露味都好香，不就過有少少蓋過咗啲海膽嘅味道

較早前喺一本飲食雜誌度，見到一個Column 介紹呢度嘅手打burger， 就同老婆計劃黎呢度一試虛實我地由荃灣西站出發，徒步行左差唔多半個鐘，就黎到喇。地點十分偏離市中心，山長水遠行到黎，自自然對佢嘅野食充滿期望！ 望望個餐牌先………哇，都好多選擇喎！有意粉，漢堡包，"All Day Breakfast"，小食……我地2個選擇困難症患者睇左好耐都決定唔到要乜好 最後我決定食芝士黑松露西冷牛肉漢堡等左10分鐘左右就有得食包嘅賣相其實一般，冇乜配菜又冇乜顏色喎～但包內撲鼻嘅松露香就好似呼喚緊我叫我大大啖咁咬佢咁！咬落去………黑松露味冇想像中突出…舊手打漢堡唔juicy而且筋比較多，很有嚼勁 ……面包烘過表皮脆（仲有啲硬？），成個包冇醬汁配菜等助力整體表現單調失色……乜山長水遠黎食就係咁架咋………？果刻真係好失望…… 老婆個Set等了20分鐘後終於有得食無唸過佢d蛋呀、腸呀會放入個包度！老婆都係拆件泥食！雖然個餐熱哄哄咁上⋯可惜包不趣，似乎烘得不夠！羊漢堡好厚肉但不像雜誌說得那麼juicy⋯少少蘇，無嘜羊味⋯說實有點失望其實配菜也一般水平，絕對唔值呢個價⋯總括而言，可能事前對佢有很

鵝肝芝士牛肉漢堡 $88 (+$10轉set 薯條+汽水)真係落足料架~ 鵝肝厚厚一塊, 手打牛肉目測有成6,7 cm高 🙈🙈 可惜~~太乾啦!食完好似吸乾左哂口水咁黑松露西冷牛肉漢堡 $58滿滿一層既黑松露真係好香♥♥ 包烘過幾脆, 可惜手打牛肉完全煮過火, 搞到成個包超dry 😂😂 so sad浪費左咁好既料希望廚師好好改善下廚技,如果唔係再靚既料成日都overcooked 都乾,無哂牛肉汁咁,都幾難吸引客人山長水遠過來食

對漢堡有情意結，特別對小店的漢堡有興趣。今日特意到荃灣另一邊比較陌生的地方食漢堡當晚餐 (荃灣西鐵站落車，跟著MAP走呀走，終於都到喇)。呢到有漢堡/ 特式拼盤/ 意粉 / 小食 / 熱狗/ 撈麵食，而套餐就最抵食。我地分別點左兩款漢堡，呢個係黑松露菌西冷牛肉漢堡 $58 包身比我想像中少，拳頭般大，勝在牛肉挻厚身，講到主角一定係塊牛肉，牛肉味濃郁札實黑松露香未算突出，因為牛肉無水份，令到整個配搭食落比較乾身，牛肉保留一點水份會更好食。如果你會食鵝肝，我覺得要試下 鵝肝芝士牛肉漢堡 $88 ，加入鵝肝味道更豐富  讚一讚塊鵝肝相當甘香油潤飲品方面，有各式汽水紙包飲品可供選擇。平日時間人流不多，眼見外賣比較多，所以堂食可以慢慢hea無拘束咁食啦XD

聽某食家朋友講，先知公司附近開左間漢堡包店，位置係灣景商場，保鈴球場樓上，因為好少會行入去，唔講真係唔知呢EC Kitchen 佔左商場既全層雖然店內裝修簡單，但樓底高，地方極之寬敞，又有天然光照入店內，其實環境好舒服呢！我地二人點了兩個漢堡，其中一個跟餐，份量超出預期..超級飽啊 海膽黑松露菌芝士雞肉漢堡 $98見到係最新推出，有海膽又有黑松露，極為誘惑，決定一試。中間既漢堡肉其實有雞，牛，豬，三款可選，心想，牛一定係最好味，不過考慮到昨晚吃完和牛燒肉，還是不要咁"毒"，選了雞肉漢堡。一邊拍照時，黑松露既香氣一直在呼喚我，再望望相機螢幕，漢堡扒肉汁一直在流，我都係決定放低相機快啲食！麵包兩片都沾上芝麻，烘至外微脆內軟綿，雞肉漢堡十分厚身，是自家手打的，質感嫩滑，肉汁豐腴，絕對不比牛肉漢堡遜色。吃松露就是吃她的鮮味人人都知，原來配海膽吃味道也很夾的。呢個包好邪惡，但值得一試啊~推介給不吃牛但又想吃美味漢堡包的人 紐西蘭羊肉漢堡 $68另外點了一個都係平時較少見既羊肉漢堡，一上枱已好香了，我同朋友本身都中意食羊，特別鍾情果陣穌味，愈穌愈愛，呢個聞同食落都夠穌，肉汁亦緊緊鎖係入面，唔錯

荃灣很大, 其實是沒有逛完, 探索只需登上任何一輛巴士, 乘至總站再四圍逛逛便成, 這是新年放假裏的節目。  落車後再向前行, 第一站遇見一間快餐店 (更重要是非連鎖式), 推門進店 ...寧靜!  牆上貼有多份報紙雜誌的報導介紹, 得知原來小店是大有來頭。台式鹽酥雞  $28沒想過這份小食的份量也大, 幸好粒粒雞都是炸到皮酥肉嫩, 偶爾吃到有雞汁在內。蜜糖雞翼  $28炸至雞翼全熟, 足夠安心, 可是那並非我的愛好, 只因我較愛嫩滑的雞肉；蜜糖的量是有很多很多, 廚師很慷慨呢!蕃茄肉醬印尼撈麵  $20店員介紹...他們採用營多印尼撈麵, 甚麼調味、甚麼辣度也是相同煮法, 後來廚師把自家製的蕃茄牛肉醬淋在撈麵上, 撈麵的味道頓時立體下來, 牛肉臊香與撈麵的調味是可以夾上一層來。

We came here for bowling, and planned to eat at the fastfood shop.I order this instant noodle. Something called EC Premier instant noodle. It was made by the famous Indonee noodle. And it only cost $28! So damn cheap oh my god~~It has 2 pack of noodle, 1 ham, 1 sausage, and 2 chicken wings. I am absolutely full. And it taste kinda good. Not oily, not salty. The noodle not too soft is the best thing. The sausage and the ham are normal taste. I believe they are from the frozen meat shop. Nothing s

去荃灣麗城探朋友，想找個坐得舒服的地方閒聊，但又不太肚餓，朋友推介試試新開業既EC Kitchen。 餐廳主打手打漢堡，美式小食，還有飯意粉及撈麵供應。 二人叫了店長推介的招牌手打牛肉漢堡飽，佈滿芝麻的漢堡烘得香口，牛肉勁厚，肉味濃郁，配以芝士、茄汁及酸青瓜茸，多重滋味實在令人滿足。 洋蔥圈及台式鹽酥雞均炸得香口而不肥膩，份量足夠。 朋友叫的磨菇雞肉黑松露菌撈麵，雞肉份量十足，雖然偏淡，但配上獨特黑松露菌醬，味道配搭新鮮，還有那兩片不經油炸的烟肉同樣處理得香口不油膩，值得一試。 綜合餐廳環境、服務態度、價錢和食物品質，推介指數有7分（ 10分為滿分）。

初六繼續拜年，黎左麗城花園，原來呢度好大，揾左好一陣先揾到朋友的住處，有幾個屋苑同商場，望落又差唔多樣，哈哈。朋友話不如落街食飯，食左幾日糕有啲悶喎，茶記又食左幾日，咁去試下新開嘅漢堡包店，佢話行過好香想試好耐。原來店在保齡球場上，地方好大，勁多枱唔使爭，價錢仲幾平喎，手打漢堡都係$38，差唔多同老麥嘅價錢，加十蚊轉套餐。芝士牛肉漢堡包 $38麵包烘熱，芝士半滆，少許茄醬，同一塊勁厚嘅牛肉，肉味濃郁又多汁，簡單但好好味，咬落爆汁！黑松露菌西冷牛肉漢堡包 $58基本上結構同上，但加了黑松露醬，香氣添加100%，個人好鍾意黑松露嘅香味，咁嘅價錢居然有得食，實在驚喜味道滿分，多汁嘅牛肉咬落啖啖滋味，正正正！雙份嘅薯條超大盤，香噴噴熱辣辣，用了像老麥嘅幼薯條，剛剛炸起條條香脆，點茄汁已好正。台式鹽酥雞 $28同樣炸得香口，好脆好香口，真係雞粒非炸粉，好食過某台食連鎖店。蜜糖雞翼 $28本身已鹵熟嘅雞翼淋上蜜糖汁，仲你大量蜜糖，完全係浸住，哈哈，好甜，一客有五隻幾抵食喎。洋蔥圈 $28炸洋蔥圈係賣飛佛黎，新鮮炸起脆卜卜，入面嘅洋蔥超燙咀，小心食呀，又香又甜，點茄醬又係好正。雖然叫左好多炸野，但唔

這家EC kitchen之前已在元朗吃過了，最近在荃灣多盟一家分店，當然要去回味一番!位於保齡球場之上，開放式的設計，感覺寬敞開揚。客人多數是遊玩過後的飢腸轆轆，到來大吃大喝~ 貼滿了雜誌報章的報導。面積頗大的，座椅間留有足夠空間。這裡的出名的是肉醬與自家製漢堡。飲品選擇不多，以罐裝飲品為主，另設樽裝水可供購買先點上一客小食 - 蜜糖雞翼($28)蜜糖並沒浸進肉裡，只是停留在表面，蜜糖味偏清甜，類近BBQ那種蜜糖。可取的是雞翼烹調得表皮香脆而內裡留有肉汁，嫩滑非常！只看包裝，整個鼓鼓的，有份量的漢堡! 這裡最具人氣的餡料是份量十足的鵝肝、黑松露、海膽！打開包裝，濃濃香氣直達鼻孔！面層與底層的麵包均滿非常香的芝麻，更是烘得脆卜卜，單是麵包已是令人拍掌叫好的程度！鵝肝芝士牛肉漢堡包 $88薄薄一片鵝肝，烘烤得充滿焦香~與重量級的牛肉漢堡之間相隔著邪惡的濃郁芝士，實在太美味了~~~海膽黑松露菌芝士牛肉漢堡包 $98一陣又一陣的濃烈黑松露香氣正在喚發食慾！海膽份量驚人，但卻沒想象的鮮味; 而那超量級牛肉扒實在令人驚喜！！肉汁通通鎖住，靜待客人一口咬下，撲進口腔內! 肉質不會實實的，鬆軟嫩滑的質