江川手打烏冬 (Closed)

第一次幫親江川係食壽司，見到電視廣告知道開咗手打烏冬就第一時間去試。個晚星期四，８點幾已經有條龍啦，等咗15分鍾到。未入去已經知道呢間既裝修好靚呀，出面白雪雪，一入去四面牆都係雪景，個feel幾浪漫。個日同男友拍拖去食，我叫咗黑豚金菇露筍卷，配粟米湯底 (本身好鍾意飲粟米湯，所以必叫)。第一時間試湯底，好正! 好有日本嗰啲粟米湯味，夠"杰"，最緊要係夠熱。烏冬彈口，又唔會太淋。(下次一定要試埋佢嗰番茄湯底...)男友叫和牛炒飯，好足料，有好多和牛 (試過係另一間餐廳叫，真係得幾舊...好搵笨=_=""")呢到小食種類都算幾多，最衰得二個人，唔叫得幾多。揀咗一個叫 "味付一點綴" (覺得個名幾得意)，原來係炸豆腐乾，魚肉同冬菇，上面仲有蟹子，口感幾好。仲叫咗青口，少少辣，連埋金菇好嘢味。不得不提係佢地既餐具，雖然係膠，但個感覺好似係玻璃，好有心思。二個人食到飽飽都係差唔多二佰蚊，真係唔算價。唯一唔好既係啲飽肚嘢 (飯/烏冬) 竟然嚟先過啲小食，到啲小食嚟時已經半飽...

用「門口老土、新意欠奉」唔係我挑剔哩...個門面裝修成個xx麵店咁既樣, 加上入面既燈光又怪怪...感覺已經唔討好，不過算喇~係旺角食飯唔應該講呢d野...味道先係重要。咁好啦，一睇個menu...又係甚麼日式汁/咖哩汁/xx汁 + 豚肉/牛肉/魚/xx 之類既自選組合午餐反轉一睇又係鰻魚飯、海鮮炒烏冬...之類之前係旺角食過不下300次既食物...係揀無可揀既情況下，太座揀左日式湯汁+牛肉烏冬，我就揀左黑豚肉炒飯。前菜有份沙律仔，大家出過街食日本野都會食過~skip烏冬, 麵身其實唔差，都少少彈牙。不過湯底稍甜，可以接受。牛肉另上，份量唔多，夠食，但係味道淡左少少。我碟炒飯，一上檯就知咩事...講穿左其實即係「楊飯」!!!!! 不過由蝦變做豬肉碎。飯本身炒得乾身，不過代價係幾多油~呢兜飯就咸得滯...總括黎講，係旺角應該搵到不下20間提供差唔多款但俾佢好食既餐廳。抱住食個飯填飽肚無問題，約人食飯....................................................大家行多兩步啦。

1個人下午去到mk , 蕩下蕩下都唔知食咩 , 見呢間新開又全卡位 , 服務生在門外拉客 , 但都無咩生意 , 無法喇.... 下午茶時段都咁貴 , 一點點優惠都沒有 , 正價wor..... 講真的 , 用成50大元一位在mk 區呢個時段回有更好選擇..... 至於我自己 , 就當一試囉 ..... 入到去 , 服務員都好勤快沖茶包 , 當然啦 , 伙記多過客 , 但可惜茶包很淡 , 無咩香味.... 下價貨... 看了 menu , 果然同外面派紙一樣 , 全部正價.... 我就點了1個 set (咖哩豬扒湯烏東) 42.00 ..... 上台速度極快 , 幸運地 , 我的豬扒還好是即炸, 很熱很脆 , 但就實一點不 juicy , 可惜 ...... 而烏東軟硬度都好好 , 湯底由於呢個餐局著 fix 死左係咖哩湯(很不彈性,其他set 就可任揀湯底) .... 湯底咖哩都算濃 , 但盛載的碗等就感覺很差 , 懶 cyber , 全透明 , 但咖哩汁浸著.... 上晒色... 我寧願用傳統缸瓦好了..... 略有敗筆... 呢個餐份量適中 , 1人1set 已很飽 , 如果d

經過見新開就試下啦,環境幾好,全部都係2人枱,唔洗同人迫叫左個雞扒烏冬,要豬骨湯底,個味勁似"出前xx".......本人係唔食呢隻即食麵o既,所以覺得一d都唔好食.......另外呢度d碗碟都係透明o既,側面見到碗烏冬d油有1cm厚非常影響食慾

係TST都有見過依間野,,,之後係TV又有勁多廣告"係MK見佢第一日開張，就試下依間新野啦!!!睇下甘味好定依間野好,,,等位果陣`員工態度OK,,,幾有禮貌"只係可能未上手`對住d客都好怕羞!!!@@入到去覺得整體裝修都ok既,,,好有魚缸feel!!!一坐底已經有杯熱茶係度,,幾好"依間野所有餐具都係透明膠餐具,,,望落去都ok既,,,但連對筷子都係超級膠就真係感覺唔太好!!!新用都可以接受,,,用耐就真係見左2set野 + 1個小食1.)咖哩吉列豬排手打烏冬 [ 咖哩湯底 ]2.)天婦羅手打烏冬 [ 蕃茄湯底 ]3.)炸雞軟骨咖哩吉列豬排手打烏冬個賣相有d似7仔既撈烏冬,,,但食落都幾好味,,,烏冬質感幾好"咖哩汁幾濃"但個吉列豬排好硬`完全唔得,,,天婦羅手打烏冬蕃茄湯底好杰，味好濃，幾野味！但個天婦羅就真係好差,,,d炸蝦好散、好林,,,無口感可言炸雞軟骨賣相已經唔得`又咸,,,超失敗總括已言,,,佢既手打烏冬唔差`但所有炸物完全失敗