玉子造屋 (Closed)

Lunch食乜好？將軍澳林林種種咁多間鋪頭，究竟點揀好？最終今日選擇咗位於將軍澳中心嘅玉子造屋，價錢抵食之餘味道又唔錯！朋友揀左B餐照燒雞扒拉麵(豬骨濃湯)我就揀左個L02滑蛋吉列唐揚雞丼我食咗朋友幾嚿雞扒，好味！其實我本身都鍾意食照燒汁雞扒，因為覺得佢甜甜地有個醬汁，幾好食！至於我個唐揚雞丼呢，我鍾意將啲滑蛋係撈晒成個飯一齊食，炸雞多肉，唔似有d鋪頭咁淨係多粉，而入面既雞肉好細件，呢度真係抵食夾大件👍🏻👍🏻👍🏻食完主菜當然要食埋個甜品先夠喉呀！我order咗個香蕉班戟，需時大約30至45分鐘左右，所以如果想食甜品的話，落單嘅時候一齊落埋，咁你食完主菜個甜品就啱啱好可以上到啦！呢個班戟超負我意料！你以為佢唔係專做甜品鋪的話係普普通通？😏😏唔好意思！佢係整得相當好味！

將軍澳終於裝修完畢，而且地鐵連接著多個商場 令到來往各個地方都非常方便。走到將軍澳中心的時候見到有間坐擁非常空曠，環境舒適的角落。整個餐廳外圍都非常吸睛。主食方面有大量咖喱和蛋的組合，簡直讓人眼花撩亂。最後選擇了咖喱吉列豬排飯，蛋方面選擇了如圖的旋風蛋，整體賣相都非常養眼，令人賞心悅目。加$25 配面噌湯，沙律和飲品，滿足我和友人菜肉均勻的需要。小食方面，日式炸豆腐和唐揚炸雞都非常出色。特別一定需要提及的是職員對於食物的安排。由於炸雞原本是辛辣的，但是友人當天不能吃辣，餐廳職員也幫我們安排了不辣的炸雞。對於餐廳職員的彈性安排，我們都表示大力的讚賞。甜品方面，盆栽木糠布丁，雞蛋布丁都做得非常精緻，盆栽的設計讓人吃上去有意想不到的感覺。雞蛋布丁用雞蛋殼裝上，造型非常可愛。最後的珍珠奶茶布蕾不但迎合今日珍珠奶茶的熱潮，更配合雪糕，忌廉和焦糖的味道，就像喝著杯珍珠奶茶一樣。

放工後打算到附近食個簡簡單單的晚飯經過玉子造屋，看見門外餐牌定食很吸引， 這裏最吸引就是烹調不同的玉子， 我們選擇了咖哩吉列大蝦配咖哩蕃茄豬軟骨旋風玉子飯和特盛牛扒丼飯， 另外加25元就可以配埋沙律菜，麵豉湯和餐茶很吸引。這個咖哩雙拼吉列蝦炸得很鬆脆配埋日式咖哩汁好滋味，蕃茄豬軟骨煮得很淋又入味， 喜歡這個旋風滑蛋，蛋味濃又香滑。特盛牛扒丼飯， 牛肉味濃配有一隻窩蛋混埋一起吃口感香滑很多。看見餐牌還有很多甜品和pancake於是再點了一個芒果pancake， 味道唔錯不會太甜，口感亦鬆軟， 這個甜品製作需時所以最好預早半小時下單。

玉子造屋可以四揀一選擇你想要嘅玉子整法，或者額外加$12有黑松露旋風蛋，我哋全部都揀咗半熟玉子旋風蛋，貪佢夠靚夠得意🤣daddy媽咪見到亦爭住要影相haha菠菜奶油三文魚飯令我諗起《深夜食堂》既奶油燉菜🤤好香滑又舒服嘅感覺，淡淡奶油香，配埋三文魚的魚香，健康又食得好滋味。咖喱炸雞飯辛香脆嫩的咖喱炸雞，鮮嫩又多汁，岩岩炸起熱辣辣放入口個感覺正到形容唔到😍微辛的咖喱稍微中和炸雞既肥膩感。洋蔥蘑菇汁雞肉飯味增南瓜汁炸蝦飯

今日幫公司出外工作於是順道舊同事一起在將軍澳聚午餐，她介紹了我吃一間日本旋風蛋飯餐廳。商場地舖地方光猛坐位舒服。咖哩吉列豬扒飯餐廳賣點是玉子，把玉子做成旋風形狀，蛋夠香滑及蛋味香濃，打開旋風蛋入面包住飯粒。吉列豬扒炸得鬆脆，配上日式咖哩汁，令人開胃。加配優惠套餐＋25，豆腐海苔赤味噌湯及野菜沙律及柚子蜜 。蜜汁豬軟骨飯 配上醬油流心蛋，豬軟骨肉質腍嫩，透明部份的軟骨充滿骨膠原蛋白口感驚喜好味。流心蛋黃流出啖啖蛋黃香，鹹到適中。＋15轉牛乳特飲- 芒果味道紫薯芭菲紫薯味道香濃，牛奶味雪糕，底層脆脆片加上忌廉，入口即溶。＋35 梳乎里原味班戟質感都像空氣軟滑輕盈，蛋味十足。

呢間以蛋為主題的日式料理店，菜單愈來愈多，有丼系列，今晚點左客特盛牛扒丼！份量絕對唔少，有隻生蛋加入飯面，有一件件切好的牛扒，邊位有d菜，幾均衡！牛扒已調味，仍有少少紅色位，帶少少嚼口，尾位帶有少許肥膏！而蛋汁混入飯粒，好味，單食都夠！跟餐加$25有沙律、麵豉湯及餐飲，食曬成個餐，相當滿足！

與其思考有雞先定有蛋先，倒不如先來將軍澳一嚐以旋風玉子聞名的玉子部屋，再逛逛各大商場，為一整天的活動攝取充足的蛋白質。蟹親子沙律．HK$65前菜先來涼浸浸的沙律，醬汁美味同時滿足了口腹，作為一道開胃菜就最適合不過。芝士蟹肉露荀玉子燒．HK$98鋪上紫菜的玉子燒好像有點畫蛇添足，而且芝士兩字亦有感不相符，但當中的蟹肉和露荀卻用料十足，不過這兩項食材的出水情況十分嚴重，厚實的玉子燒配上甩皮甩骨的餡料，老實說是有點失望。波菜奶油三文魚飯．HK$95令人期待的旋風玉子沒有令人失望，濃濃的蛋汁十分美味，滑不溜口，配上煎過的三文魚及波菜汁，美味至極！整體來說，美食吸引和環境不錯，但音樂的聲浪問題有待改善。

見過依間餐廳好耐 但一直未試過 今日心血來潮就試試佢8點到到 可以直接入去吾使等位朋友就叫左個龍蝦飯 龍蝦肉未致於勁鮮甜 不過都有啲juicy 而且只係98蚊 就有半隻 啲飯除左係親子丼 仲有少少蟹肉混在其中 食落口感濕潤 都吾錯嘅而依個牛扒鵝肝飯 牛扒乾身 口感過韌 只有淡淡炭燒味值得讚賞 上台時仲有小小凍鵝肝食落不夠juicy 鞋身 仲冇左滿滿脂肪感加乘 不過一般日本餐廳的確不可要求太多 但個飯都要128蚊粒溏心蛋係幾溏心 不過蛋白就吾夠入味最後仲叫左過pancake楓糖味 食落就係糖漿 蛋味不重 亦不至於入口即融總括而言 我百幾蚊一個飯可以享受到更多 應該可以飲到個跟埋set嘅野飲 吾洗加錢⼃

南瓜汁同滑蛋覆蓋左成個飯炸蝦炸得好好，炸得好酥脆但又唔會乾張相睇唔出🙈但其實依個楓糖pancake 食入口充滿空氣感，所以食晒都完全唔覺濟😂製作時間就耐d，要等大概半個鐘，但係我地食完個飯都差唔多有得食喇

今日特然想食壽喜燒，又吾想淨系打邊爐，所以簡左呢間，又可以6下6下，又可以食下其他野。。。壽喜燒甜甜地，好多人都好鐘意食，不過吾系間間個味都系甘濃，呢間個味就系我鐘意既濃郁甜味啦，d料同一般都差吾多，不過我會鐘意d牛肉系自己落，吾洗驚煮得耐醬油黑豚拉麵，個湯超級濃，好好味👍👍黑豚肉都有3大塊，好厚肉黑松露雜菌，好重黑松露味好香，但我覺得有點鹹，我諗攞嚟送飯會比較好！見台台都有嗌甜品，而且店員話甜品即叫即做要等20分鐘左右，所以好期待，點知勁失望，好硬，又吾滑吾香，失敗！吾知點解會有甘多人叫😓

實在係太鍾意食蛋，所以一知道有呢間專食玉子嘅餐廳，一直都想試好耐！就算係將軍澳離我屋企好遠，都終於決定嚟試下！一見到呢頁Menu真係好興奮，同時亦都好煩惱唔知揀邊樣好，最後決定一次過要個雙拼，菠菜奶油三文魚扒配味增南瓜汁炸蝦蛋包飯。我哋升級要咗套餐，前菜會有三款日式涼拌小食同埋一個麵豉湯，跟餐仲有飲品。講返個主菜，果然無揀錯，兩邊都好好食！三文魚扒有適當嘅油份，食落好香。而炸蝦亦都炸得好好，唔會成口粉。重點就梗係啲蛋啦，雖然佢個樣睇落唔係嗰種好滑嫩既蛋，但食落就的確非常之滑！加上我哋升級左做黑松露旋風蛋，加埋陣陣黑松露香真係好好食。呢度除咗蛋包飯系列之外，仲有其他冇蛋嘅丼飯，意粉同埋拉麵選擇。朋友就揀咗呢個牛扒鵝肝丼，聽落咁矜貴，同埋用料十足都只係百幾蚊，非常抵食。牛扒肉味好濃而且唔會靭，鵝肝亦都好大嚿，煎得好香。而且呢碗飯都有一隻糖心蛋，成件事好正。最後仲要左份近年甜品界大熱嘅疏乎厘pancake，我哋要咗香蕉熔岩醬。呢個甜品真係非常之有驚喜！除咗本身個疏乎厘pancake好鬆軟之外，蛋味亦好濃。上面嘅香蕉用焦糖煎左，加埋個熔岩醬唔會太甜太漏，十分出色。果然不惜我咁遠水路嚟試一試！

今日去開將軍澳中心探朋友,當然唔小得飲飲食食,佢有小朋友,當然要搵D啱小朋友食嘅地方.佢就話附近有間大人細路都啱嘅餐廳,於是就跟佢去.餐廳係將軍澳中心地下,好方便,地鐵站行地面過都好快,怕熱經商場過都得.坐低睇睇menu,呢度主打日或玉子嘅菜式,果然好啱小朋友.我自己就點左芝士茄汁龍蝦意粉,另外加錢要個套餐.個套餐跟埋小食湯同飲品.小食嘅質素唔錯,三款都好好味.大蜆味噌湯唔鮮味唔會好咸.主菜芝士龍蝦意粉,龍蝦鮮甜爽口,意粉口感適中彈牙,芝士茄汁配搭適中,食得出兩種材料嘅味道. 時間關係未試埋甜品,下次有機會要再試埋

每次梨親將軍澳，必定會梨食玉子造屋～最近發現佢地又出左新菜式～出左熱石牛排😍我呢d牛魔王點會錯過～而且價錢都好抵～我地叫左個2人餐～有頭盤、有湯、有蟹肉沙律，有甜品，有野飲，有蛋&飯，加500g牛排🥩,塊排唔講得小，肉質超好～成個餐都係$398～2個人除開先200左右～同埋唔知係咪因爲自己整～覺得特別好食咁🤣佢地重出左d新既pancake~但果日太飽食唔到🤣下次梨一定會試埋～見佢地呢排重有生日優惠～生日可以梨食下😍

開張咗咁耐第一次嚟食，貪佢唔使排隊直接入menu都幾多嘢揀，基本日式小食都有而且仲有一啲同玉子主題有關嘅推介朋友叫咗呢個旋風玉子咖哩唐揚雞咖哩口味適中唔辣，同唐揚雞同炒滑蛋好夾最特別嘅係蛋包入面嘅飯係有海苔嘅木魚飯，鰹魚嘅味道好香我叫嘅三文魚親子丼有火炙三文魚，上枱嘅時候仲有一碟醬油半邊生半邊熟，加上三文魚籽漬，下面滿滿嘅冷壽司飯，好飽足可能因為就咁食落有啲dry，所以中間有生雞蛋黃拮穿咗之後啲蛋黃汁流入飯入面，但係因為個飯係凍嘅，所以冇咩特別總括黎講呢度都係正常嘅日式小店，鐘意食蛋嘅人可以嚟試下！

人生第一次寫食評， 餐廳環境及食物並没有問題， 但因為發生一點以外， 導致本人認為呢位餐廳經理需要再培訓。事發於今天中午我帶著兩位小朋友及工人到餐廳用午膳， 而我們也己經用餐七八成， 然後我發現小朋友那杯凍檸茶， 不斷有茶水流出， 所以我將那杯凍檸茶拎起再放在自己面前， 就在放下那一刻玻璃杯爆開， 而我被波及，半身及成條褲都濕曬， 1位 waiter 立刻過嚟幫手抹枱抹地， 我跟他說玻璃杯有問題，你叫經理同我傾， 因為我相信你也處理不了這問題， 最後經理沒有過來，只是1位 senior waiter 過嚟講唔好意思， 我說好彩冇整到兩位小朋友， 但係發生這樣事情，你們經理是不是應該過來了解一下呢？ 最後我想說，由頭到尾，經理都是站在附近埋單撳機？ 我清楚看到呢位經理是知道倒瀉嘢，發生咗問題， 亦見到他跟下屬打眼色， 但係最終他沒有跟我說唔好意恩及解釋！ 最終是我自己選擇離場唔食，然後正價埋單， 我很強調我沒有拗過佢哋任何折扣， 但佢哋居然好意思正價收我錢。 經過這件事之後，我決定不會再幫襯佢哋， 因為實在太憤怒！ 呢位經理，希望我哋唔會在第二間餐廳碰面，因為我都係同行！