Eggcellent 852

Open Now

Now Closed

之前喺沙田嘅時候已經試過喺店嗰度即買即食，個豬柳蛋真係好過癮。但結咗業之後有時都心思思想食。咁啱入開嚟元朗探朋友，食完午餐之後成班勁黐線話未夠飽要再食下午茶。咁就索性叫呢一間外賣返嚟食。用外賣平台叫都差唔多百幾蚊兩片雞蛋仔。貴咗少少，但係勝在唔使行。雖然係外賣，但係嚟到嘅時候都冇淋到仲係卜卜脆。個豬柳蛋都係熟悉嘅味道。我就鍾意搣開一粒粒嚟食，但啲朋友就話要夾住成底食先爽。另外今次有驚喜另外買咗麻糬味，煙煙煙韌幾過癮，唔太甜感覺唔會有咁強嘅罪疚感。

這家店早前已在鄰居群組有推介，因在我居住居苑對面很近工廈，想試下，但近都未有去買，剛星期日朋友入來元朗睇樓，順道路經這店原來有門市，所以買了玉桂蘋果格仔餅一份兩人吃，因為天氣冷果蓉較凍甜度適中、玉桂味夠看，餅底不太厚脆中有少少韌度口感。。幾好👍，蛋卷有試食，三種味道試過，全部都好香酥脆，牛油味比較甜，綠茶味茶較微，朱古力味較濃香好味，買了兩盒給十幾位朋友吃，每個吃完都太讚好味道😋，馬上問在那裡買，要去再買😂，不過價錢較貴$188/24條，如果可以平啲就更加好🙏😁

見社交平台 推介， 特登過嚟食雙重開心果格仔餅第二底有9折，買咗一底雙重開心果格仔餅 + 一底煉奶花生格仔餅唔難食 亦唔好食 咸咸地 好多開心果 好硬個格仔餅無蛋味 吹棒太勁，期望太高

元朗都算係雞蛋仔嘅福地，同一個位附近有三間好味嘅雞蛋仔。今日食埋呢間總算食過晒呢三間：媽咪雞蛋仔、嘉發同呢間。今日呢間叫咗兩味，一咸一甜。一個豬柳蛋雞蛋仔，另一個開心果夾餅。先講豬柳雞蛋仔：佢個雞蛋仔皮香脆唔會太甜，唔會好似食mcgrxxx咁太甜襯鹹好奇怪。佢呢個雞蛋仔皮嘅味道啱啱好夠熱夠脆。跟住個豬柳蛋好香。豬柳好有黑椒味個味幾出，蛋都多，餡料豐富食落好滿足🥰😋跟住到個開心果夾餅：勁多開心果粒，唔會好似其他食過的醬多開心果粒唔夠，會太甜，個味唔夠真實。呢個係好原味，食開心果加埋個皮又有蛋香，一樣係外脆內軟又夠熱，口感一流😍😋中間佢仲俾咗啲蛋捲試食係抹茶味，其實好食好鬆化，可惜太貴。我唔會用接近$200買一盒蛋捲囉，佢平返$50-$80應該銷路多好多。 就算買得一次都唔會買第二次，咁貴真係要諗過先買，但係價錢平返啲啲會一路繼續買。希望店主睇到知道，唔好嘥咗咁有心機出產嘅自家製蛋捲。薄利多銷才是策略，做起個咗個名再大展拳腳！

之前見好多人吹捧。平日3點左右經過，見無人排隊就試下想試好耐嘅開心果雞蛋仔，價值$42等左一陣左右，初初以為一抵雞蛋仔，開心果醬係夾心咁，原來係一半雞蛋仔對摺，中間查開心果醬雞蛋仔做得幾脆，開心果醬入面有粒粒 nuts, 個醬好”張口“，但又唔覺好濃開心果味，仲帶少少苦味，唔知邊度嚟總體嚟講，我覺得試一次滿足下期望就夠，食落有啲失望，本身都有諗過試佢地出嘅蛋卷，但試完呢個雞蛋仔，應該都唔會試了，一盒成$178

食之前滿心期待，等佢由樓上鋪到地下鋪先嚟到元朗食，點知拎出嚟嘅時候原來只得半底，不過好食都唔緊要，真心係好多醬嘅，望見食慾大增，不過咬落去第一下覺得好油膩，好似食緊花生醬咁，開心果香味都唔太濃，而且雞蛋仔原有的質感都冇咗，好似食緊一Pat開心果醬嘅威化，兩個人食咗兩啖都覺得好濟，個肚好辛苦如果多返啲雞蛋仔內餡，醬嘅比例少三份一就好啲，但係$42，真係有啲貴。不過各花入各眼，重口味人士應該鍾意

元朗新開咗間雞蛋仔鋪頭，晏就經過開買咗一底試試！門口有好大張紙寫有咩味道，見到豬柳蛋 雞蛋仔幾特別同吸引，就叫咗呢款，等咗一陣就有，唔算等好耐。佢個雞蛋仔餅底夠脆，仲好香蛋味，入面咬到有粒粒豬柳漢堡，不過搞笑嘅係佢將一整底摺埋咗一半去做，所以其實得半底食，以$42來講都幾貴。個人覺得味道係唔錯，幾好食嘅！不過豬柳蛋味食一次就夠，價錢相對貴，下次我會想叫份普通啲嘅味道，睇吓係咪同樣好食先！另外見佢門口寫有蛋卷買，感覺唔錯，有興趣嘅大家都可以try try！

雙重開心果雞蛋仔$42 8/10係今次唯一嘅雞蛋仔😋因為見佢雞蛋仔好似好好食😂😂雞蛋仔嘅部份係好香脆而且燒得香香軟軟至於最期待嘅開心果醬部份佢都係比得非常之多🥰🥰但係小編就食得出有一種花生醬味😅😅😂但係整體嚟講開心果味都幾出加埋開心果碎都真係好唔錯💕💕

第二🥈次食，去開元朗睇燈籠🏮街，今次仲要落大雨☔️，第一☝️次食鮮奶麻糬雞蛋🥚仔，皓皓仔，今次反璞歸真order原味雞蛋🥚仔$20，個名叫初戀，可能係一生人第一☝️次食咁解，等咗10分鐘，真係好大雨，好彩有少少🤏瓦遮頭，攞住咗大雨下食都有少少🤏初戀既感覺，當然最皓就係有人分享，雞蛋🥚仔外脆內軟，熱辣辣，蛋漿較得適中，有蛋味，甜味都適中，讚👍🏻一路食住去睇燈籠🏮街

門口位已經比雞蛋香勾哂魂兒～👃 直奔主題，佢哋嘅【鮮奶麻糬雞蛋仔】簡直喺味蕾嘅小確幸！😋 外殼金黃酥脆💥 咬落去，入面細膩嘅口感，搭配住濃郁嘅牛油香，簡直喺雙重奏嘅享受！🎵而且佢哋嘅雞蛋仔啱啱好甜度，吃多都唔會膩，反而乏人欲罷不能，一個接一個，根本停唔到！😎 師傅手藝嫻熟，每個雞蛋仔都飽滿圓潤，睇落令人人心情大好！👨‍🍳總結一下，🌟🌟🌟🌟呢次探店體驗滿分，雞蛋仔外脆內軟牛油香，強烈推薦t你哋！下次路過元朗，記得打卡「Eggcellent」，保證你唔會失望！👍

山長水遠入元朗Eggcellent852食雞蛋🥚仔，皓多款式，仲有開心果味，我揀咗鮮奶麻薯雞蛋🥚仔$28，等咗10分鐘，新鮮整，熱辣辣，個漿做得好好👍🏻，甜度適中，外脆內軟，白色麻糬皓有口感，可以拉絲，食完皓飽

佢之前係沙田好出名豬柳蛋雞蛋仔 不過因為格涉 一直冇去試下🙈 依家其中一個老闆喺元朗開店😍🧇 夾心芝士雞蛋仔 $26我非常強烈建議 如果細食/已經飽飽地嘅人 叫夾心雞蛋仔啱晒🤓因為夾心姐係一半份量雞蛋仔 當然佢中間會夾醬/餡料 但感覺上易食過成份雞蛋仔🤣我第一次試咸味嘅雞蛋仔 原來都唔錯👍 蛋香+芝士 好夾😝芝士份量非常足 每粒打開都充滿芝士雞蛋仔口感好好 粒粒飽滿 外脆內軟👍（過左2日 我再經過買咗抹茶麻糬雞蛋仔 好食 勁拉絲🤤）下次可以試吓佢嘅格仔餅~🖐️大力推介

元朗新開港式小食店🇭🇰係沙田「潮食」其中一個老闆開嘅賣各款口味嘅雞蛋仔、格仔餅、街頭小食、撈麵等口味創新，有pizza格仔餅、豬柳蛋雞蛋仔仲有無添加手工蛋捲賣! 有原味、抹茶同朱古力口味多謝lemon media giveaway😍令我有機會試到▶️ 無添加手工蛋捲- 抹茶($188)全香港人手製造，無添加防腐劑、膨脹劑同梳打粉選用新鮮材料：小麥麵粉、牛油、雞蛋、砂糖、鹽、抹茶粉一盒350g 24條，每條兩隻手指咁長，一定要同人開心share😙蛋捲比一般薄身，有蜂巢紋食落鬆脆 (隔咗三個星期先開，可能已經潮咗少少，冇話入口即化脆口)好有蛋香🥚唔會好油膩可惜抹茶味唔重，欠缺苦澀茶味，令整體扁甜-用鐵盒裝住，仲加埋密實袋雙重包裝以防止蛋捲變潮，非常細心不過都建議盡快食用，以享用最酥脆優質口感(開咗半個月之內食晒，未開keep到兩個月左右)店舖位置隱蔽，但係都唔少人嚟幫襯買雞蛋仔服務幾好，係家庭生意，廚房多人手，仲有超多個雞蛋仔爐值得支持嘅香港本土小店

💬 呢間真心想試好耐，但之前喺朗屏嘅工廠區有啲隔攝，所以一路都未試，點知原來而家開咗喺舊b附近😳.今次試感覺上好新奇嘅 #豬柳蛋芝士雞蛋仔 ✨️ 其實味道係預料之中，呢個組合好難出事😂 新鮮出爐熱辣辣，雞蛋仔嘅口感唔錯，小脆，同埋好足料爆餡！.下次想試朱古力夾心、雙重開心果、pizza雞蛋仔，仲有抹茶紅豆夾餅！原味雞蛋仔都想試，因為今次啲餡本身有蛋，又有咸味，所以食唔到本身雞蛋仔個味🤣.價錢嚟講都唔平，呢底豬柳蛋雞蛋仔$42，其他大概都係$30-40左右，但間唔時食吓都ok嘅～.

正常雞蛋仔係一底咁賣，但嚟間鋪既雞蛋仔只有半底，拎到手個刻都唔覺，因為佢摺埋咗一半，但到諗住搣第一粒既時候先知，原來佢摺埋一半係因為只有半底既份量🤯😡但佢收$42，雖然價錢牌上圖片都係摺埋影，但無人會諗到雞蛋仔係得半底，而價錢係收出面一底嘅價錢，味道又一般，比錢時職員話有好多醬，拎到上手，係好多醬（只有外圍），一底價錢、半底粉醬、1/4底餡，真心唔會再食！唔怪之得無人排隊，因為個個食完第一次都唔會再買，加上香港經濟差，一底雞蛋仔賣四十幾蚊已經唔平，加多少少錢食到兩餸飯，收四十幾蚊仲要得半底😌