Eiffel Bistro (Closed)

我們聽說這裏有優惠，所以特意走來看看，問了店員原來優惠只適合外賣。其實我們只想要堂食，正當我們以為要失望而回，店員10分有禮貌的提議我們都Eatigo拿取優惠券，於是乎我們便立即用網站拿了25% Off的優惠券。10分感謝店員的細心提示。令我們有得即興用折扣優惠入座，享用晚膳。所有正餐牌上的食物都有七五折，所以我們要了扒虎蝦扁意粉配香濃忌廉蝦汁丶艾菲爾漢堡包配洋蔥牛油果蕃茄蛋黃醬車打芝士及薯條。以及最後叫了個傳統法式蘋果批配雲呢拿雪糕。簡單食了個餐包，便到了主菜，大虎蝦扁意粉，三隻新鮮開邊大蝦，新鮮彈牙，蝦肉鮮嫩多汁，雖然麵條的份量偏少，但給了龍汁的味道，很入味，麵條軟硬適中，應該是廚師即場做，不是pre cooked的，所以收$250的意粉，價錢也合理。然後到了我最愛的 beef burger 及薯條，漢堡扒夠厚度，上面的應該是American Cheese, 淡淡的乳香不會蓋過牛肉的香味。另外我最欣賞便是他的薯條，上枱的時候熱到出煙，非常之新鮮，又硬又脆好好味。由於兩個主菜都非常滿意，所以我們追加了一個蘋果批配雲呢拿雪糕。果然冇令我失望，這裏做的是傳統的蘋果批，而不是麥當勞那款蘋果

餐廳的甜品可以將整體用餐體驗提升。這間餐廳的蘋果酥配雪糕除咗味道好之餘，上碟既排設亦美觀，還要只是$88，推介大家必要試。主菜推介慢煮豬鞍，外表香，入口嫩，再配上烤薯，非常滿足。

因為eatigo的關係，所以有discount 和朋友點了個焗田螺，rib eye with fries, croquette madame 因為剛好是happy hour 的關係，點了個buy one get one free 的house white 先講食物，田螺偏油膩rib eye 比想像中好，如果配菜可以多少少唔同蔬菜會更好croquette madame ，喜歡cheese 的朋友不可錯過啦！配薯條，薯條也是熱的，唔係一早煮好放埋一二邊然後直接俾你白酒嘛。。不過不失，hkd 68 buy 1 get 1 free,你仲想點?侍應會主動問我哋要唔要甜品，但其實兩個人來說，以上份量其實係夠的，所以就skip la如果大家會叫happy hour buy 1 get 1 的話就要留意啦…因為我同我朋友無留意到，加上侍應亦無提醒/解釋，所以我哋埋單時見到計咗2次buy one get one 就好意外。。。問經理啦，如果我哋唔問，咁佢諗住我哋要幾時飲呢? 問完，經理頗為晦氣地去攞多兩杯酒俾我哋。。然後用連我哋都聽到的聲量訓斥員工。。然後再調整咗個service charge (加咗

午餐價錢不算太平，牛排餐加一後大約$200。整體感覺不錯，適合一班同事朋友一齊開心食。環境有點嘈，座位空間窄。坐得唔算太舒服。另外我坐近廚房，所以食完後成身都有一股油煙味。建議可以早點預約安排坐近窗口，會舒服點。食物午餐叫了一份牛排，跟餐有前菜及飲品，加$28可以叫甜品。前菜：羅宋湯，湯料不多、還好不是太鹹，沒有甚麼特別。主菜：煎牛排（4成熟）、薯條、羅馬生菜沙律。牛排份量不大，上桌時與想像中的差異讓我有點失望。不過食落就非常好味。牛排近似菲力牛排，沒有油脂和油筋牛排。香味不算很濃，但肉質鮮嫩具有嚼勁，咬落軟軟的好舒服。另外配上幼薯條，雖然是幼薯條，但好香口及新鮮，的忍不住食完所有薯條。生菜就沒有甚麼特別。服務沒有特別。略嫌有點under staff。

Usual dinner after work to catch up with my cousins. Chose a restaurant close by, didn’t expect much, but...IT WAS SOOOO GOOD!All in all, we had a pesto pasta, a salmon and a pork, trffule fries and creme brulee to end. Everything was served fresh and hot, staffs were very friendly and welcoming, atmosphere was perfect! Going into the details, pasta was flavourful with generous pesto and pine nuts. A little bit oily for Asian palate but I guess that what a pesto is! Will try their other pastas o

呢間餐廳開左咁耐，經過太多次，終於黎食晚餐啦可以~呢度主打法國菜，Menu都幾多野揀，最正仲要Happy Hour由3點開始到Close，House Wine仲要買一送一。呢度好適合傾計約會飲返杯~講返今次食左D咩，我地一家3人黎食dinner，真係食左好多野^^叫完野食，會有餐前面包，熱辣辣又脆好好味~~~薯條加黑松露初頭以為會係黑松露醬個d，點知竟然係....超香超脆又好味!超愛薯條嘅我，呢個力推。慢煮豬鞍配炒薯粒及自製豬肉汁估唔到咁好食，本身個豬鞍已經好入味，而且仲要厚實唔會柴皮，亦唔會好韌，咬落係juicy!呢個我都大推，係好好味!當日Special!青口500g，連薯條初頭以為係大舊個種青口，黎左先知原來係細細隻嘅，份量比想像更多，連埋薯條，超多!青口好入味，而且佢清理得好乾淨，真係一啖一口，鮮甜美味，啖啖肉!香煎原條龍脷魚配西蘭花酸豆蕃茜及蒸薯仔第一次食呢種成條嘅，真係又係好驚喜，骨大條，好易食，煎到個皮超脆，但魚肉又超香超嫩~喜歡食魚的話，呢個值得食!傳統法式蘋果批配雲呢拿雪糕第一次食咁樣嘅蘋果批，佢係直接用蘋果，再加上酥皮底，好特別，甜甜地又唔會太膩，配埋雪糕好味!法式

I didn't plan to write any review until the last minute I was in this restaurant. It's about 10:30pm last night, my friend  and I were actually wrapping up. However, a waitress (apparently she isn't a local. Short and skinny with dark skin and long hair) suddenly dropped some big stuff on the floor right in front of our table. Then she said to us and our neighbour table, "Haha sorry I'm also drunk." Then the manager came apologise but obviously he is with her as I didn't see mush sincerity. She

Lunch time同事亂揀左一間法國野。見到個menu都覺得有啲貴，不過好食嘅都無所謂啦。叫左lunch set嘅炸魚薯條同spinach lasagna. 個魚得一件，拳頭咁大，盛惠$15x。Lasagna幾好食嘅，但係又係得好少，半個飯碗？其實serving大反啲啲應該未會令佢做唔住囉。但係女仔都唔飽。每人$160埋單，實在伏。服務一啲都唔算得好。收得呢個價錢佢嘅服務好一般，一啲added value嘅感覺都無。禮貌同笑容都非常一般，如果佢service同笑容多啲啲都好。餐飲轉English breakfast 要加$20真係擺明唔俾你轉啦。

今天約了親愛的媽咪在太古城吃午飯，其實很多店都已經吃過，想起很久沒有來這裡，就決定預約這家！我比媽咪先到，店裡座無虛席。店員很有禮貌地帶我到他們預留的檯號，我就周圍看看別人吃什麼。我看見今天很多人都有點牛排，燒春雞還有煎三文魚，看不見有人點肉醬意粉。不知道是否因為覺得肉醬意粉太平凡？媽咪到達後我跟她匯報我的觀察。媽咪跟我她想吃魚，所以最後我們倆都點了三文魚，媽咪前菜選了甘筍湯，我就要了小米沙拉。兩個前菜賣相不錯啊！媽咪說湯味道剛剛好很滑，口感像南瓜湯；我的沙拉也可以，其實我並不是小米愛好者，也沒有預料那麼多小米在沙拉裡面，所以它來到時已有點不知所措的感覺，但還是把它KO掉。三文魚真要讚讚！Plating 漂亮不只，我最喜歡魚皮煎得脆脆的口感，魚肉也很香，可是如果裡面不要太熟就更好。我真的喜歡它的那個 Red Bell Pepper 的醬汁，跟魚很配！媽咪跟我都全吃掉，一滴不留！媽咪想喝杯咖啡，所以叫了Dark Chocolate poached pear cake。這個嘛⋯⋯ 媽咪說一般般。總的來說，今天的Lunch Set 是 OK 的。希望下次來試試法國燒春雞，或者是 Execut

今次試吓太古城以外嘅餐廳，用咗一個app book咗位。餐前嘅麵包都鬆軟，但係唔脆。每日例湯（$68）都唔細碗，番茄味好濃👍🏻龍蝦扁意粉（$258）份量都唔少，龍蝦肉都幾新鮮。個意粉汁係比較水嗰啲，唔係結果隻。整體嚟講幾好味😋艾菲爾香脆雞翼［五隻］（$68）雞翼比想像中大隻，竟然幾出色😮炸得好脆又唔會好油膩，但係可能比較熱氣。香蒜牛油焗勃艮第田螺［六件］（$88）香蒜味唔係好勁，田螺好腍，好好味。香脆法式芝士火腿多士配薯條（$108）價錢貴左少少，但係份三文治好大份😵又有多芝士好濟。細路好鍾意食🤣薯條都好多條，比想像中好味😮👍🏻慢煮豬鞍配炒薯粒及自製豬肉汁（$228）豬唔會過熟，肉好腍幾多肉汁，又厚🤩傳統法式蘋果批配雲呢拿雪糕（$88）雪糕幾大球，蘋果好腍用酥皮底，唔會話特別好味。份量啱啱好。呢間餐廳真係比想像中好👍🏻食物質素、環境同埋服務都掂，價錢係貴左少少，但係係值得嘅。下次會來試午餐☺️

艾菲餐廳都去過兩次，上次無影到相，今次就影了同大家分享。隻雞好味到嚇死人，又滑又軟熟又多汁，其實我係非常之鍾意食香草， 這個雞就滿足了我。另外沙律的火箭菜竟然唔苦，這樣使我很感到驚訝。再來多個豬鞍，個 豬鞍肉是滑到不得了，完全冇鞋口乾爭爭的感覺，其實個廚是否用了慢煮豬鞍再於上臺前煎煎或放入焗爐呢? 我無問廚師，其實我好想問問，錯過了，下次食時再問。味道: 肉類處理得非常好環境: 企理衛生: 算不錯服務: 不過不失抵食: 其實是偏貴的

豬鞍係個驚喜賣相不錯，食落外層烤得非常香口，但入面完全係鎖到肉汁，就算唔落醬都勁好食，原汁原味！豬鞍下面仲有薯仔伴菜，係夠飽既。絕對可以為左豬鞍而再去呢間餐廳食牛柳好厚實，雖然比起豬鞍無咁出位，有點點韌，但都烤得好食。非常喜歡牛柳同蛋黃醬既配搭。第一次食牛見餐廳有蛋黃醬提供，一試難忘！兩個人叫左兩樣野，晚餐人均$250左右，包埋餐包。稱唔上好抵食，但豬鞍真係超水準，牛柳亦不俗，去開太古既話可以一試！

太古哩頭好多西式餐廳，是但揀左一間，點知中伏添回頭率：🌕🌕🌑🌑🌑環境：🌕🌕🌕🌗🌑服務：🌕🌕🌕🌗🌑份量：🌕🌕🌕🌑🌑味道：🌕🌕🌗🌑🌑價錢：HKD120/Pal (lunch) ◆Summary◇半戶外設計，環境寫意適合傾計，唔太需要排隊，服務唔錯，有唔同價位Lunch set，$100-$200都有，不過味道就麻麻，唔係過油就係過淡。比較失望嘅一餐，性價比低。——————————————————————◆餐前麵包◇🤨其實我真係好中意食麵包，所以每次最期待都係個包。但係哩度嘅麵包扮法棍切片，表面太腍入面太過扎實，冇麵粉香味，完全失去曬法棍嘅靈魂◆雜豆沙律◇🙂幾清新，可惜太油，就算係橄欖油都係油啊◆蒜香海鮮意粉◇ HKD128 🤨海鮮唔多，蜆肉＋蝦肉，蝦肉煮得有點老了。意粉口感Al Dente好評，可惜味道完全唔夠，蒜香味唔夠，油偏重，鹹味為零。💁🏻‍♀️有個朋友散叫，唔包飲品，侍應話“哎呀你都嗌埋啦咪個個都有得飲你冇得飲好陰公咁”，跟住送左一杯嘢飲，哩個位其實幾窩心幾加分💁🏻‍♀️環境黎講真係唔錯，唯一可惜就係味道實在一般，價格又偏高，好難吸引我再去

在太古想搵一間高級一些的食肆慶祝生日，睇到呢間食肆既食物相片幾吸引，於是就去試菜。法式洋蔥湯好咸，我已算是食濃味的人，我都覺得偏咸了，而且洋蔥味不足，不是很好飲。蕃茄薯仔湯，朋友飲的，他形容味道不過不失。沙律醬汁算幾惹味，這個可以合格。龍蝦汁太稀了，根本食唔到係龍蝦味，扁意粉煮得剛剛好，有口感。慢煮豬扒，應該唔會過火，但我食到肉質鞋鞋地，又唔係話成塊都鞋既，有些部位鞋囉！薯角煎得幾香口、唔錯。朱古力心太軟，切開朱古力冇流出來，差少少，大致上味道都合格。我食既係set dinner，但因為唔食牛既關係，同店員商量了，可否轉豬扒，達成後補多$10，值得一讚店員懂得隨時應變去滿足客人需求這才是優秀的服務。雖然食物味道不算很好，但這餐飯我亦滿心歡喜了。這間食肆識得睇客人進食程度黎上菜，我覺得好貼心，上菜是十分正規，麵包、餐湯、沙津、主菜、甜品，次序完全冇錯，所以我都比佢「高級」兩個字。我去一些高級食肆，唔平的，佢地煮好乜，就上乜比客人食，沙律可以上完主菜後先至黎，將全部既野堆埋一齊黎，攪到成張枱都係食物，亦都凍晒，簡直就係不知所謂，除非係食物特別好食，否則呢D食肆我都唔會有回頭。

周末睡到自然醒，時間不早也不晚，正好可以去吃個brunch。以往我會和老公走到鯉景灣吃brunch，但之前在太古城散步時看到有間新開的西餐廳，提供多款的brunch items，我們便不走到那麼遠，就近試一試新餐廳。1. 英式早餐老公點了英式早餐，有煎蛋、茄汁豆、煙肉、多士、扒蕃茄、焗大菇、炸薯仔和豬肉腸。份量也是正常的大，但食物沒有太大驚喜。2. 香煎麵包圈配煙三文魚、炒蛋、牛油果我點的餐，因為我最愛吃牛油果，可是令我很失望，麵包圈說是香煎，但吃不到香脆，看圖也看得出麵包圈上桌時已腍⋯⋯而且賣相有點messy⋯⋯😑份量是夠飽的，$128左右在太古城吃一個brunch連coffee or tea，不過質素真的較普通，期待會有改善。