皇帝雞 (Closed)

店舖位於8樓food court，好似係全層唯一炸雞店。門面唔太光，圖都冇話特別大吸引，但同朋友仔一齊專登上黎食炸雞。比預計中細份少少，但唔會話多炸粉，size 都啱一啖一口雞。味道都唔會話偏埋一邊，細份都有兩條韓式年糕送 中size 就送4條。食慣左其他麵食時呢個都係個唔差嘅選擇，雖然個人認為少少貴。

天氣好熱，懶得出街就叫左外賣，第一次叫呢間炸雞嚟食，開頭都會諗叫外賣會唔會林晒唔好食，不過佢地半個鐘內送到嚟，d雞都仲幾脆同熱，係去晒骨，食起上嚟啖啖肉好juicy，唔會好勁嘅炸粉，食到脆脆哋邊，而且d雞size唔會話好大舊岩岩好，甜辣雞真心唔錯，甜甜哋唔會太辣🤗我叫左中size，可惜跟set年糕比較少，本身自己勁鍾意食年糕所以加左10蚊多幾舊年糕。不過一個人食其實係有多架，不過係幾正，下次會再食。

我住喺深水埗既，一直都無去過西九樓上既Food count，今日經過就上去睇下。一上到佢好多琳琅滿目的小店，非常多的選擇也是有比較親密，最後我選擇左食韓式炸雞。因為我自己唔食辣，所以我就選擇咗醬油味。兩個人食所以就揀咗中Size $45，佢最好就係年糕可以獨立叫$5 3件，唔使驚食唔晒呀嘛。年糕會同炸雞一齊落鑊炒，上面仲會鋪左啲花生所以更加香口。如果一個人嘅話叫細號就OK中號反而會有少少膩。不過佢依度嘅飲品選擇得兩種，所以我就自己過對面鋪頭買咗杯台式飲品啦！整體來講係好食嘅，價錢又唔會話特別貴，所以我都會再次幫襯㗎！

呢間炸雞店位於深水埗西九龍中心既food court度，位置方便，行街經過可以醫下肚仔。店內只賣炸雞，同埋都唔係成日開，想去食真係要咁岩佢開，要靠運氣。個老板似係韓國人呢，講既廣東話唔太正，但都幾nice，服務態度好。我就點左個甜辣味炸雞，都只係38蚊，但都好足料，份量多到就快滿瀉咁。佢每碗炸雞都會有三舊年糕，呢隻味既炸雞甜甜地，但唔太辣，唔食得辣既朋友都可以試下。不過因為佢個份量好多，食食下好易口乾，建議配埋野飲，一路食一路飲

其實之前都無特別鍾意食韓式炸雞。就係感覺都是炸雞，好似ＫＦＣ咁，但加左好多醬汁。但其實每次煲韓劇時，見到佢地食得咁滋味，又會流唒口水ＸＤ可能因為煲劇多數都深夜肚餓既時間吧：Ｐ宜間係西九龍FOODCOURT入面皇帝雞，很正。其實佢賣的食物很單一，就是韓式炸雞。選擇有三款醬汁，三款大小。我每次都是食甜辣的因為食過宜個好好味，唔想RISK叫左另一隻味無咁好無ＸＤ至於大小的選擇。最小的$35，中的$40，大的$80。每次都是叫中的，小同中差$5，但多咁多，真係會叫小的嗎ＸＤ？叫中的，其實真的很多了。夠３－４人份量了。前題是我地都唔係只吃佢做一餐，是有正餐了，加了這個小食ＳＨＡＲＥ～～呀！即叫即炸的，所以都要等一點點。仲有，老闆娘係韓國阿豬媽感覺很地道啊ＨＡＨＡ

又未夠鐘食晚飯，去買左兜韓式炸雞粒， 有3種size，三種味道選擇，揀左甜辣味，好好食，初時有微辣，逐漸越食越辣，仲有3條韓式年糕，煙煙韌韌好有口感，食完原來都幾飽。

食晚飯前，有時我都會買這間的炸雞，由韓國人開鋪，識講廣東話，d雞會加上佢既秘制醬汁去炒，我買左甜辣味，初時帶少少甜同微辣，食左一半開始會feel到越食越辣，好惹味。

呢一間小店喺幾年前韓國劇集來自星星的你嘅時候已經開業嗰個時候非常之受歡迎估唔到咁多年之後都依然有營業證明有番啲實力今日經過西九龍廣場再嚟試吓呢一個炸雞嘅味道呢一間鋪頭主打嘅炸雞係無骨無皮嘅所以雞件比較細粒大概係因為呢個原因所以佢哋嘅炸雞水份比較少，比較乾身雞件有啲粗嚡但唔老不過食嘅時候就要用多些少牙力去咬喇我叫咗韓辣口味，中size其實都幾大份足夠兩個人食我就自己一個食晒當晚餐面頭嘅年糕幾煙韌醬汁都幾辣，大概出面中辣嘅程度但味道甜甜哋好香好惹味如果唔食得辣嘅就要小心啲同埋鋪頭都幾早收，要食要早啲嚟喇

深水埗呢間炸雞店好出名，我唔係成日過黎呢邊，所以今日難得過黎一定要黎試一試。深水埗出得名既應該都有返啲保証，因為呢度唔係旺區，唔似尖沙咀銅鑼灣人流多可以保持人氣。炸雞有三款口味，韓辣、醬油同甜辣。SIZE都有三種，分為大、中、小。小既只有2條年糕，中同大都有3條。無論邊種SIZE，我見另外仲可以加$5多三條年糕。我點左韓辣中份炸雞，已經好大碗。佢個碗唔係勁大，但店員會將啲炸雞塞到好滿。炸雞細細粒，韓辣都唔會好辣。有啲好細粒既又食唔到肉你會以為得個皮，但望真啲店鋪貼住話佢地賣既係無皮無骨炸雞，所以應該係粉黎既。呢款炸雞唔會啖啖肉，但幾惹味都會食唔停，而且一路食唔會覺得好熱氣。個年糕就中規中矩，都煙UN既。西九龍中心呢個美食廣場好多野食，咩菜式都有。其實好多間店都好吸引，下次有機會都要試下其他店。

哩間炸雞店做得幾出息，醬汁好惹味，入晒落雞肉到，而且唔會鞋口，面頭仲有韓國年糕，每次去到見到未收鋪都會幫襯，真係好好味，有時都會摸門釘，好早就收鋪，一個人食最細size岩岩好。

送到黎炸雞已經lup左仲要凍，我唸應該擺左好耐；咬落冇口感可言，雞肉亦冇乜味道。醬汁小辣，唯一好食嘅地方係個幾舊年糕，由於未試過現場食，外送或會有落差。總括而言，十分不推薦外送。

同朋友在附近已經食完飯，大家都未飽，發牙痕想搵d小食食下，本來諗住買雪糕球食，點知見哩間居然仲未收鋪，即刻買返份黎share食，問佢點解未收，佢話過多10分鐘就收鋪，真係好彩，我揀左中杯甜辣味，賣相真係好吸引，雞件上面會曬花生粒，另外仲有3條韓國年糕，我自己麻麻地年糕，比晒朋友食，我淨係食肉，初初頭一兩件好好味，覺得唔太辣，但慢慢食到一半開始覺得辣，食完真係好飽好滿足。中杯價錢45蚊，可以夠share比3個人食。

獨孤一味，只賣炸雞件，得3種口味，我全部都試過，推介甜辣最好食，size有細中大，任何size都會有幾條韓國年糕跟埋，記得留意返，我唔知係店內想保證食物既質素，唔會存有太多貨，還是太多人買，每晚差唔多18:30就會賣晒，想食就早d去買。

韓式炸雞（甜辣味） 📍皇帝雞 | 西九龍中心8層·平靚正之選☺️細size都有十幾舊加埋兩條年糕甜辣味超啱香港人食唔得辣嘅口味🤣年糕超驚喜 煙韌到爆炸雞包裹著一層好薄嘅脆皮醬汁係有少少酸梅汁味讚👍🏻·歡迎關注ig u_r_wat_u_eat_hk請搜tag #吃貨不濾鏡 #吃貨無國界 👇https://www.instagram.com/u_r_wat_u_eat_hk/

I probably expected too much from the positive reviews I read. When I went there , there was no queue. I ordered the middle one (sweet?) and when I got it, the chicken was not "fresh and hot from the wok". It was half warm half room temperature. I noticed they prepared a pile of deep fried chicken and placed them on the side of the kitchen, the cook then takes however much he needs and adds sauce on them.