皇帝雞 (Closed)

👍🏻甜辣味韓國炸雞 $45雞肉肉質嫰滑，包住一層脆漿，炸得外脆內軟😋上面再加左d花生碎🤩好香甜辣醬幾乎係唔辣😂唔食得辣既可以選依個即叫即炸熱辣辣👍🏻值得一讚既係，就算撈左咁多甜辣醬上去，依然保持到咁脆卜卜🤪🤪正味道：9/10性價比：8/10-📍#皇帝雞深水埗欽州街37號西九龍中心8樓美食廣場8F-17#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #深水埗 #深水埗美食 #深水埗好去處 #深水埗打卡 #炸雞 #韓式炸雞 #西九龍中心 #西九龍 #深水埗小食

.📍皇帝雞📍 #饅頭去深水埗呢間位於西九龍中心food court嘅小店係由韓國人開嘅，老闆爺爺非常親切☺，小編見佢嗌No.都識講幾句廣東話，但為咗減少誤會發生，小編都建議大家落單嗰陣用手指一指餐牌表示自己想嗌嘅食物😉。------------------------------韓式韓辣味炸雞 加年糕 ($40 + $5)即叫即炒熱辣辣，醬汁有光澤，亦聞到香辣味。雖然係small size，但係入面都有好多件雞塊😳，每件都均勻地掛上醬汁，肉質未至於好老好嚡口，正常水平，有幾嚿都尚算嫩滑，整體偏乾，同juicy唔掛鉤。炸粉唔係好厚，不過小編略嫌佢有啲硬身😥，少咗薯粉先炸後煮嘅Q彈感覺。雖然炸雞比較普通，但佢嘅辣汁好入味，唔會過甜，辣味足夠帶比味蕾少少刺激👅，又唔會好嗆，同口感煙韌、米香濃郁嘅年糕係絕配，再加埋炒過嘅花生碎增添香味😋，味道都唔錯，適合鐘意辣但又唔太食得辣嘅朋友，不過小編覺得如果改加炒過嘅芝麻做點綴會更好。------------------------------整體評分：6.5/10小編回頭率：5/10

呢間鋪頭既老闆都係韓國人，應該係家庭式經營，今日去到都係見到伯伯婆婆兩個人係度。佢地既炸雞只有3隻味道選擇，我簡佐最細杯$40，但出到黎既份量絕對唔止$40，有成十幾件。佢地既炸雞都係無骨炸雞黎，好易入口，甜辣味既炸雞係岩岩好，唔會太甜都唔會太辣，超好味！

經過西九龍中心八樓food court ，見到有間韓式小店有炸雞賣，而且價錢都幾實惠 $38就有一份（細size)，忍唔住要外賣返屋企試一試。炸雞揀左甜辣味，拎到返去都依然熱辣辣的。打開一睇，除了炸雞外面頭仲有煙韌既年糕同花生碎，堆得滿滿的非常足料。雞件喺無骨的，炸得好脆口。每件雞都切得比較細件，似炸雞粒多啲，是岩岩好一啖一舊的size。甜辣醬好惹味，辣度唔高所以唔食得辣既朋友仔都應該岩食。下次有機會都想試埋其他口味的炸雞，是間值encore 的韓式小店！

西九food court入面，依家皇帝雞都幾出名，但想食都唔係咁易，有啲假期又唔開，太夜嚟又唔開，你當撞手神咁來碰運氣就啱㗎喇。😂入面有唔同嘅醬汁同埋大細可以試，今日就是正正常常嘅辣味試下啦。不過明明係韓國嘅姐姐，我覺得手勢真係遠不及韓國出名嗰啲炸雞店啦，嚟到試一試都ok嘅，唔使特登慕名而來😅唔知係咪就收工，食埋鑊入面最後嗰啲雞，啲皮好似唔係太脆，粉都有啲過多，調味亦都重手咗少少，ok咁啦。始終價錢都平過好多韓國嘢食舖頭買嗰啲炸雞嘅， 要是買份細嘅試下囉。

去西九foodcourt覓食，行左一圈最想試係韓式炸雞。🍗韓式甜辣炸雞加年糕 $50非常驚喜😱！吃貨無預料過西九竟然有韓國人開嘅炸雞店，就咁望以為係香港人開，當阿珠媽一開口講韓文嘅時候已經心花怒放。味道重驚喜！係正宗韓國街邊炸雞嘅味道，甚至比韓國街邊食更鮮炸熱辣辣，正❤️。

呢排睇得韓劇太多，竟然想食韓式炸雞。難得今日嚟到深水埗，有一間聞說係韓國人夫婦開嘅炸雞店，即刻去試下。可能去到係中午時間，都有人排隊買，我地就買咗中杯甜辣味，大概要等10分鐘。中杯份量都有好多，大大小小加埋都有20塊，每一塊都均勻地沾上甜辣醬，加埋花生碎，十分香口啊!! 而且仲送咗三塊韓式年糕，原來夾埋一齊食嘅口感都幾得意。嚟開附近又想突然食炸雞但又唔想坐入餐廳的話，呢間就真係不二之選啦!

OpenRice 寫依間野12點開，我幾次平日去都摸門丁，摸不著頭腦營業時間，難得有開當然第一時間食黎滿足我想食炸雞嘅胃。由於甜辣雞大部分韓國店都有得食，今次我叫左個醬油炸雞（中）$45。望到像山的炸雞擺設，面頭仲有三條年糕加花生粒。每舊雞嘅大小都一致，咬落脆皮，肉質不鞋，但不夠熱辣辣，無左熱辣辣即食嘅感覺，略為失望。但整體而言，平食來說，去骨的炸雞必選。

繼上次食過年糕之後，有幾次去西九都諗住再食其他口味炸雞，點知去過兩次都摸門釘😭今日去終於都見到佢開門韓辣味炸雞$38一如既往，雖然買最細size但份量一啲都唔會令你失望，就好似你去fiveguy叫細薯佢裝到中薯俾你咁🤤份量超級足夠哦仲要送多兩條年糕俾你，等你冇咁寡，真係好貼心上次食完甜辣味年糕，今次試新嘢😋韓辣味相對甜辣味會辣多一級，但都係好易入口嘅辣度，辣中再帶啲甜甜的味道雞係無骨雞，懶人恩物😆一咬落口果下係脆，搭配辣辣甜甜嘅醬汁同嫩滑嘅雞肉，就好想一舊一舊係咁食，好有驚喜我覺得甚至比G字頭炸雞仲好食雖然我好鍾意食辣，但今次我覺得甜辣好食過韓辣，更加惹味，更加開胃呀呢間係我次次去西九都會想食想睇下佢有冇開門嘅鋪頭，用一個親民嘅價錢就可以食到地道&好食嘅韓國小吃，大家不妨一試呀

在香港吃了大大小小十幾家炸雞店，幾乎都大同小異，沒有印象太深刻的，這家店是個韓國人開的，味道還可以，炸雞脆脆沒有骨頭，甜辣的味道也還不錯，不過份量好少，不抵食喔

路過西九突然想韓式炸雞，見到有間韓國阿珠媽開既小店，乜都唔賣只賣炸雞，其實應該係叫醬油雞岩d,有三款選擇，有辣有唔辣，我選擇左韓國既辣醬口味，中碗，阿珠媽即刻去即炒俾我，個韓國辣味雞真係好正，因為無骨，無皮d肉仲好滑唔鞋口，所以好鐘意，而且阿珠媽十分有善，笑容滿面，食物即叫即整，保證熱辣辣，而且雞上面仲會有幾塊年糕，不過年糕就鞋同“un”左d,雞既醬汁真係好辣不過一啖一過癮，辣得黎又幾好味既，外賣加一蚊。

今次嗌左中size醬油味嘅皇帝雞 再加$5要左三舊年糕😚中size份量都好多 一大兜🤤佢原本都會配埋三舊年糕🙈所以唔加錢都有得食🤣-唔講啲野食住 想讚下老闆娘真係好好人 可能韓國人係nice啲🥰我企喺到諗左好耐要咩味好 問佢有冇得mix味佢話冇不過可以比我試🤤試左甜辣味 唔想太辣 可以接受到！不過我唔太食得辣同埋佢冇乜甜味所以就揀左醬油味😝-啲雞係一早炸好🥴你落完order就會幫你加番熱佢☹️所以要有心理準備佢係唔脆嘅🤣不過啲雞嘅肉質好滑😋切細細粒 可以一啖一舊❣️個醬鹹鹹地甜甜地 每一舊雞都炒得好均勻 痴滿晒醬👍🏻自己食晒一兜都唔會好濟🤤但係佢啲年糕就太過淋 冇乜口感🙈唔建議加錢嗌～-其實黎呢度食都係貪佢夠抵食😂所以如果你係想食炸雞 你會好失望～如果係想食炒雞嘅話就好推薦呢間！💓

老闆娘好好人好Nice，好好笑容。見到OpenRice咁多好評，想食好耐，點知...叫咗個中份醬油炸雞。見住佢喺廚房入邊一大兜炸定嘅雞，以為佢會返炸先上菜，點知係直接加落啲醬炒下就算。所以啲雞係完全淋哂加唔熱。叫咗中份，份量都足嘅加咗三條年糕。啲雞就冇骨嘅，比較細舊，雞脾肉，所以都滑，但完全唔脆，仲要凍哂嘅炸雞，真係接受唔到。叫咗醬油味，個醬汁其實調得幾好味，唔會太鹹甜甜地好開胃。但係真係冇下次。

一年前紅磡有一家韓國Oppa開的炸雞店IM Chicken小編很愛 可惜現在已經沒了剛過去的星期六 在西九龍中心逛逛food court才知道現在該食肆層小店林立 每一間都小小的有各國美食 實在是一大發現！看到韓式醬油味炸雞 ($45)樣子跟當年紅磡Oppa炸雞很像直接買了一份中size 足夠兩人吃還加5塊多要三塊年糕香港吃韓式炸雞價格真的蠻高吃下去炸雞不脆 稍稍失望因店家應是先把一大藍雞炸起 再按單加醬炒而不要下單即炸雞塊比想像中細 但勝在去骨 亦夠滑嫩 有肉汁味度很香是甜甜的 有對味年糕正常如果能接受炸雞外皮不脆這個炸值得一試！店員也是真韓國人喔！

踏入冬天，就好想去韓國食烤肉，烤腸，魚糕同埋年糕！！係深水埗等人期間好肚餓，又突然好鬼想食年糕(˶‾᷄ ⁻̫ ‾᷅˵)就去咗西九龍覓食🤤行曬成層8樓，見到有兩間韓國嘢，最後揀咗呢間阿豬媽嘅鋪頭(⁎⁍̴̛ᴗ⁍̴̛⁎)店內環境及食物阿豬媽主打小食！啱曬我呢啲1日幾廿餐嘅人🤪🤪賣嘅嘢食好簡單，就係年糕同埋炸雞！全部都係有三種口味：韓辣味、醬油味、甜辣味。炸雞嘅話就有3個size揀，而價錢都算合理㗎！甜辣味年糕$35今次叫咗個甜辣味年糕，一攞到手大大份！而且阿豬媽仲送咗幾粒炸雞粒！而叫炸雞嘅話就會送幾塊年糕！！好貼心年糕口感好煙韌！係我鍾意嘅口感，搭配上醬料，酸酸甜甜得黎帶點辣味，好開胃好惹味呀炸雞粒同年糕都吸收曬醬料，好正炸雞粒都好好食，好正宗嘅味道，一咬落口係脆而咬到落底則有小小淋，口感好有層次。阿豬媽份人好和藹可親，小食質素高！下次食埋其他口味同炸雞