Espresso Alchemy (美麗華廣場1期)

Open Now

Now Closed

美麗華地庫呢間Cafe真係好捨意！🌯Pesto Chicken Panini $79一啖咬落去——嘩！個pesto香到呢，但唔會搶咗雞肉嘅風頭。件雞juicy到爆，中間仲有流心芝士！一定要襯熱食！ 🥗Avocado Salad $91咪睇佢成碗草咁！牛油果滑捋捋，勁多車厘茄同沙律菜，大大碗又幾fresh！ 🍵Keto Matcha Rollcake $61 個rollcake真係一長卷咁！！抹茶cream超滑，杏仁粉蛋糕鬆軟得嚟唔會散，甜度剛剛好，食完成個人都覺得好健康～ keto友必試！甜品罪惡感？唔存在的！ 🍯Honey Bee $47 Iced 可以少甜！蜂蜜嘅甜同檸檬嘅酸，味道剛剛好～☕️Café Mocha $41朱古力同咖啡比例啱啱好，唔會死甜。面頭層泡沫滑到呢……配抹茶卷蛋食，一苦一甜，絕配！

今日是工作天，好緊密嘅一日，做好準備迎接新一日的挑戰。先給自己能量，吃一個豐富而簡單的早餐，今日選咗黑與白。尖沙咀美麗華商場地庫有數間咖啡店，環境都係比較清靜，適宜進食中工作，我好愛Espresso Alchemy 的咖啡，好合我的口味。煙三文魚蛋沙律多士滿滿的新鮮沙律菜配上檸檬醋醬汁，新鮮爽口，法包上放著蕃茄片、蛋沙律及肥美的煙三文魚，三文魚擁有天然優質脂肪和蛋白質，超美味。喜歡這兒的咖啡，個早餐我選擇一杯Piccolo Latte ，size比一般咖啡細，味道比一般latte濃一點。我又點了一個凍Long Black，飲完Piccolo 的奶香，再品嚐一口帶朱古力甜的Long Black，在咖啡的陪伴中工作。

唔知點解佢嘅漢堡包係冇牛肉嘅選項，但係都想試一試，所以就要咗呢個cajun 雞肉漢堡配薯角,本來以為外賣會質素好差,但係又ok喎估唔到咁巨型,入面有兩塊雞扒,一塊菠蘿,當然外賣黎都係有啲濕，但係都係可以接受嘅，要值得一讚嘅係入面嘅生菜同埋蕃茄超新鮮，非常之爽脆，估唔到會有咁新鮮嘅蔬菜，完全唔係快餐店爛曬，發黴曬嗰種菜，值得一讚！！！另外薯角嘅cajun調味都好足，係畀我想像中好味嘅，下次都會在幫襯！

平日夜晚同朋友黎食唔多人叫左杯matcha latte 同雞髀沙律雞髀幾大件而個醬汁都幾濃味朋友就叫左蟹肉意粉同蜜糖青檸梳打 味道正常 不過不失好在環境舒適 唔多人 可以慢慢坐低傾偈👍🏻

同幾個舊同學新春gathering，本來決定去muji cafe，但係最早到嘅我比女保安點左去側邊嘅餐廳⋯⋯我哋仲好奇怪點解冇三品四品料理嘅？！直至落order先知去咗錯左，瘀爆！不過錯有錯着，大家都覺得食物、咖啡都唔錯，價錢唔貴，地點隱蔽適合吹水，店長、店員都好nice⋯⋯五個中女一坐坐左三個鐘🤭。

呢間cafe 係其中一間The world’s 100 best coffee shop，佢哋咖啡係house blend~今日飲嘅Latte帶nutty香，入口順滑。在風味上，酸度較低且柔和、苦味適中，咖啡香氣四溢。另一杯非咖啡飲品係Earl Grey Chocolate ，係飲到兩個layers，一層係香濃的朱古力，另一層係帶有橘子香的伯爵茶，兩者融合，幾match~Avocado Salad好多牛油果、蕃茄，份量都幾大碗，食完好飽肚但又不會有膩的感覺。味道唔會好乏味，因為有芝士、檸檬醋醬調味，清新好吃。Keto Tiramisu Rollcake呢款卷蛋內裏唧滿忌廉，帶有誘人的Tiramisu香氣，下午茶/飯後甜品就最適合，而且仲有宇治抹茶味~環境都算靜，可以工作~

唔講唔知道原來美麗華有間高質素嘅咖啡店，今日都係同朋友行完無印良品先知道！差唔多到lunch hour，人流開始多我哋叫咗杯matcha latte同一杯黑啡，走甜嘅matcha latte更加飲到抹茶甘香，黑啡喺口中嘅回甘令人回味。朋友叫咗一份雞胸沙律，本身我真係冇抱任何期望，我本身就唔鍾意食雞胸。不過呢個係驚艷嘅，真心出色，食過返唔到轉頭食唔返普通嘅雞胸肉🙂‍↔️🙂‍↔️原來係用咗慢煮嘅方法，令到雞胸鎖住肉汁，裏面都仲好嫩滑，加上青醬嘅獨特香氣，好快就K.O.咗呢一盤雞胸！我嗌咗Pesto Chicken, Cheese Panini，都係冇失望，依然係青醬配合雞肉，加埋芝士同烘到外脆內軟嘅panini，飽腹感滿分！

每次去街要諗食咩都好頭痛，老公同朋友都知道我最愛嘅cafe係Espresso Alchemy，所以都會suggest去食，勁有愛XD今日唔係去荃灣店，而去咗尖沙咀美麗華店 (原來Espresso alchemy喺尖沙咀都有兩間店，另一間喺海港城)今日就叫咗份Pesto Marinated Chicken Salad，份量好大，個雞胸嫩滑又帶pesto獨特香草味，真係我嘅favourite!叫咗杯熱Americano, 果香較明顯。而且黑啡對排水腫同減肥都好好，完全係減肥人士恩物🥳

趁平日一早來到尖沙咀The Mira、歎個豐富早餐先。點了The Alchemy All Day Breakfast 有牛油果莎莎醬多士、炒蛋、德國腸、焦糖香蕉、炒雜菌、薯餅、煙肉。最鍾意佢有滿滿嘅牛油果醬鋪滿正塊多士、香脆可口。煙肉表面煎得香脆、裏面搽咗蜜糖甜甜地又軟熟、有焦糖香蕉都整得好好味！早上人唔太多、好enjoy一邊做野一邊飲杯Latte~Tiramisu 日式卷蛋好濃郁的Tiramisu 味、食埋個甜品啱啱好～

週末約了朋友去尖沙咀這家Cafe吃晚飯，環境幾舒服，燈光柔和，坐得幾chill。幾啱行完Mira Mall之後過嚟食下嘢，休息一下。.餐牌主打咖啡、朱古力、茶及輕食，意粉burger等都有。.1. Lemon Chicken, Bacon & Cheese Panini呢個Panini，外皮焗到脆脆地，內餡有檸檬雞、煙肉同芝士，味道幾夾，尤其係檸檬雞帶少少酸味，唔會太膩。個包好鬆軟，雞肉嫩口，檸檬味香但不會太搶。2. Spaghetti w/ Tiger Prawns & Asparagus in Spicy Tomato Sauce呢個意粉幾有水準，Tiger prawns夠大隻，鮮甜彈牙，唔會話煮到過火。個辣番茄醬汁係微辣，味道幾開胃，但唔會辣到搶晒其他味。蘆筍煮得啱啱好，仲有少少脆口感。呢個我覺得幾推介，平衡得幾好，醬汁份量又唔會太多。3. Keto Matcha Rolicake呢個Rolicake係生酮蛋糕，食落感覺糖分不高，抹茶味好濃，唔會太甜膩。而且好大卷，上面仲有金箔點綴，幾靚。4. Piccolo Latte咖啡嘅奶泡好滑，咖啡味都幾香濃。Piccolo Latte份

平時放工都會去美麗華商場同朋友食飯，最近仲要Christmas shoping俾啲小朋友，去完樓上嘅公仔精品店大出血之後，就同朋友嚟到我喜歡嘅品牌Espresso Alchemy用餐🍽️點選我嘅usual — panini! 今次係叫咗Pesto chicken panini, 我鍾意佢嘅青醬味道香濃，雞肉亦都非常之滑，而且烤烘過嘅panini包外脆內軟，我比較鍾意呢個texture 嘅麵包🥰跟住就有Keto diet都食得嘅抹茶卷🥹作為matcha monster, 我比99分，抹茶味夠濃！食完都唔guilty!當然仲要叫返一杯matcha latte嚟做pairing🤣🤣🤣 叫埋朋友一齊試哈哈！just won’t get enough

Espresso alchemy 荃灣同尖沙咀美麗華分店，我經常做完嘢經過都會入去食嘢，今日約咗朋友一齊食tea。第一次試Chicken Thigh with potato slices雞腿肉非常嫩滑，又入味薯仔配埋雞肉嘅醬汁好好食😋有驚喜可以encore！但係得雞肉同薯仔我就唔夠飽所以想叫多份三文治🥪非常推薦Pesto chicken panini平時有啲怕叫panini，驚會整到好乾好硬呢一份都唔錯，外皮脆得黎，成個麵包都叫做鬆軟而pesto chicken都非常好味👍🏻最後叫多份甜品Keto peanut choco rollcake份量都唔少夠兩個人食花生醬非常濃郁，好好食🍫🥜

尖沙咀旺中帶靜coffee shop, 位置美麗華廣場地庫1樓，如不是剛巧行經，很難發現其位置。我和朋友看見餐廳環境寬闊，附近沒有共他商鋪，坐下來靜靜地聊天。順便order了兩款三文治，青醬烤雞蕃茄意大利芝士三文治，另一個係檸檬汁烤雞煙肉芝士意大利三文治，睇個名都幾長的，三文字面包皮烘得異常通脆，三文治的餡很足夠，以一個正常人食量，吃完兩塊好飽🙂🙂另外，還order了生酮意式芝士卷，我覺得味道不錯，廚師用心製作的Tiramisu，我們可以吃到意大利芝士我哋香味，再嘆一杯黑咖啡，味道異常香濃，如果飲唔慣黑咖啡，可以先從美式咖啡飲起。如果營地坐下來聊天，又不想太貴的價錢，選擇這家coffee shop,渡過一個愉快的下午。

行經美麗華商場仍未到午餐時段但又想嘆番杯咖啡，選了我喜愛的Espresso Alchemy ，處於地庫一樓環境開揚寧靜，三五知己共聚或獨自一人來沉澱也是適合的。唔係太肚餓，選了精品的「美麗華Parma Ham全日早餐」，滿滿的一大碟可以細意品嚐。全日早餐除咗有兩片上等的Parma Ham夾着甜美的蜜瓜還有煙燻牛肉，滑蛋又充滿蛋汁。小小一片的薯餅外脆內軟，烤蕃茄、粒粒炒蘑菇還有新鮮的沙律菜，我特別喜愛爽脆的羅馬生菜。迷你牛角包烘得香脆，最後烤香蕉作甜點啊！最近愛上 Long Black ，濃濃的咖啡香直入口腔，獨特的香氣，口感順滑還帶有朱古力口味，吃一口食物，再來一口咖啡，風味更清晰，更喜歡看到表面的油脂，可以觀賞一番。

環境賣相很好的Espresso Alchemy 
美麗華附近好嘅餐廳唔多，想搵個地方 Tea Time 食啲好少少嘅嘢，又坐得舒舒服服，同人傾下計，要chill 嘅謝口Espresso Alchemy 都不失為一個好選擇！

環境唔錯，開放式，但因為係地下一層，人流唔算好多，但就幾舒服，有一種open space 飲杯嘢嘅感覺。
咖啡叫咗 Long Black ，好飲唔錯，Blend 豆黎，如果想飲 SOE (單品Espresso）就可以揀飲 Americano。主要其實都係隻杯好靚，佢地間餐廳個logo 都幾靚！主食就叫咗個 蟹肉茴香意粉，蟹肉好足料，serve 上黎亦都好靚！意粉軟硬度都好適中。埋尾都食咗個 Keto Tiramisu Roll Cake 生酮意式芝士卷 唔係超甜嗰種，同咖啡好夾，食落都冇罪疚感。整體黎講，好岩用黎食嘢，同人傾計，坐底舒舒服服。