台灣ET鹽水雞 (福榮街) (Closed)

一向都WhatsApp預早落單，突然今日完全唔應機！然後行到舖頭面前，原來轉咗人？耍手兼擰頭咁同你講而家唔接單！即係如果你知道自己冇本事，冇能力，做唔切就唔好學人接咁多外賣單！完全不知所謂

其實呢個已經好耐之前，只不過咁啱寫食評所以寫埋，真係覺得好離譜，所以記到而家！堆野咁既份量要28蚊已經唔在講，佢仲要係用氣炸煱炸既，又唔夠熱，等咗都成10分鐘，店員俾我既時候，一攞上手咁輕嘅，我即係問佢呢個鹽酥雞嚟㗎？佢話係呀，我眼都突埋，同張相比，完全兩回事，就算唔同張相對比，都唔係咁既樣呀，我真係未食過咁既鹽酥雞囉，同埋啲肉似係啲頭頭尾尾切出嚟既下欄，你夠膽死話呢堆係鹽酥雞，自此之後我冇再幫襯過鳥！

食完忍唔住要寫食評👎🏼👎🏼👎🏼自問都唔係第一次食鹽水雞（以前喺其他分店食ok），但今次諗住試吓長沙灣呢間，點知伏到爆😑 同屋企人各自叫咗個套餐（雞胸+3款配菜，配掛汁粉皮）1）薯仔🥔完全係未煮過咁樣😤咬落係生嘅，感覺就好似食緊生蕃薯， 咬左一口已經放棄…2）佢所謂既【掛汁粉皮】， 我以為自己食緊淨腸粉，無掛汁之餘，口感又硬又鞋😞3)甜不辣一般，無咩特別4) 雞胸肉無咩咸味，只食到辣味5）蓮藕ok, 爽口總之成個餐都令人失望，食唔落，浪費咗😓

D：全隻雞+6款配菜+高湯洋䓤 +泰式辣醬試下食長沙灣太差味道秋葵 未熟 泰式酸辣鳳爪冇酸冇甜冇味我想大辣 ，不辣 但真係食到嬲，下次我唔會再食，強烈不建議不好去長沙灣。

碗內勁多白色結塊，唔知咩黎！芋圓咬落好似未熟咁，好粉！仙草切都唔打算切下得現成嘅紅豆最正常調味都好有問題甜過糖漿西面都算啦碗野已經唔係難食咁簡單根本係未完成品！伏味100%

之前食過好食，今日經開就再買啦點知今次食到懷疑人生，我究竟食緊啲咩鹽水雞又鞋又大塊，食紙皮咁，一盒得3粒…真係食過實記得…飯餐揀餸，揀左白雲鳳爪…係無味嘅揀左牛柏葉…係腥嘅雞腎又細又碎…加埋都唔知有無一粒，又係無味嘅得甜不辣係好食，不過現成貨黎即係話，其實佢個撈汁係唔覺有味嘅…個餐嘅香菇肉燥飯&麵正常水準但係都救唔返啲餸…但好過無，都可以撈埋食食到一半停左手，嬲嬲地忍唔住要影定再相黎寫食評真心無下次

叫了雞卷，椒鹽甜不辣$20雞卷面頭唧一大堆沙律醬⋯原來一食落口一大陣燶味⋯又勁咸⋯$26椒鹽甜不辣打開真係嚇親，無炸過既椒鹽食法就係撒啲唔均勻既椒鹽粉落去⋯一舊勁咸⋯一舊無粉⋯其實係恰完撒粉⋯⋯超級唔建議呢間野！！附近好多野好食過佢！性價比高過佢多多聲！

一人餐最抵食。一份鹽水雞+3樣配菜+冷麵/涼皮/白飯。我叫咗冷麵+花枝丸+雞腎+滷水百頁豆腐。冷麵份量都比較多，出邊通常比冷麵會少d但呢一間味道比較淡少少整體都幾好食，又飽肚推薦一下

極之炎熱的幾天，在外出工作的途上，發現原來現在在長沙灣都有這間鹽水雞，於是查找了地址，便來買一盒加餸。 份量也都不少，不過雞都偏向乾，可能回家之後雪得比較久，比較乾身，不過味道都挺為香濃，辣中帶點蒜香。也是同樣點了小辣，辣味不算太過嗆口。青瓜亦都相當吸味，半隻雞份量的確比較多，雞肉挺為多的，除此之外洋蔥都挺為甜香。在周中的下午時分內，完全沒有人，相當清閑。原來不少人經常打卡的<<見字飲啡>>亦都在這兒附近

我係好鐘意食雞 🤤 平時食開呢間嘅雞一向都覺得不錯雞有jelly同勁滑再加埋啲汁，真係好過癮正 👍🏾今次食就叫咗鳳梨同芭樂番石榴加冷麵，初頭諗住好似好怪咁，食雞加生果，但估唔到個味原來可以咁夾嘅 🤩味道清新得嚟又好夾個醬汁，啲汁另外多咗陣菠蘿嘅甜味又有青青哋嘅味，個味昇華左好多，不但酸酸甜甜咸咸地，仲好開胃 😍食唔停口 👅而家夏天熱起上嚟冇嘜胃口，喺街度行兩行又出哂一身汗，行到翻到公司食呢啲冷盤就最正！大推鳳梨🍍！

真係要讚👍🏾食完翻唔到轉頭 🤤呢間小店我一星期食三四次，真心推介👍🏾👍🏾👍🏾而家6點後就禁堂食😡，日日食茶記同頹飯都真係搞唔掂。昌華街果邊近排多左好多小食店，成條小食街咁。某日咁啱行去買茶時見到呢間台式小店，就check check佢，買個外賣翻去食。一食就不得了，每日都心思思再想食。台式撈撈麵好過癮，又多配菜揀，個味一入口就好衝擊，香香的蒜蒜的，食完飽飽都想繼續食多d。味道特別得嚟又滋味，出面好少食得到。另外不得不讚嘅係啲雞肉都算嫩滑，雞皮爽脆唔油，配菜種類多同有台灣風味既配菜。每次去到都諗好耐揀好耐！要比個like佢👍🏾🤤👍🏾🤤

食完又食 👍🏻 人情味重嘅良心小店, 雞滑又有啫喱 🤤之前喺台灣讀書時成日會同一大班朋友行夜市，去親夜市都一定會叫鹽水雞食。貪佢大份得嚟又有雞有肉有配菜。我喺香港成日食嘅就喺呢間ET，每幾日就食一次上哂癮咁。香港雖然開咗好多間餐廳賣鹽水雞，但好多都港式化，唔係重口味就太咸勁口喝。但呢間ET就真係好接近我喺台灣食開既味道。雞又滑有啫喱，加埋台灣嚟嘅胡椒粉真係不得了，少少咸香但又食到d食材既味道！唔知係咪食得太多，每次去點，未畫單個員工都記得我食開d咩🤣而家呢個時期，開開心心食個飯先最重要！

疫情冇晚市堂食，收工唯有叫外賣番屋企食啦係OpenRice見到哩間鹽水雞咁多正評，又有人推介過，諗住試下啦，仲叫咗個二人餐。滿心歡喜返到屋企打開個外賣，咬左啖豬耳，硬到完全食唔到，雞肉又鞋又唔入味，杏鮑菇同百頁豆腐都係冇味。嗰碗野汁多到成碗湯咁。冷麵又硬又難食絕對冇下次 大家小心Never never again!!Never never againNever never againNever never again

今日做完gym，又去翻去食我最愛嘅鹽水雞😳一於做完運動就梗係食返啲高蛋白質嘅嘢㗎啦！😋😋😋 今次叫左個A餐再加冷麵$56，份量都ok，做完運動都唔食得太多。滿滿雞肉，肉質嫩滑，啖啖肉，雞肉配上啲調味粉，好惹味。個餐跟自選嘅三款配菜🙂，而個冷麵都軟硬度適中，同啲雞肉好夾，個組合係我gym後嘅至愛👍🏻。配料款式都好多，今次我揀咗皮蛋、甜不辣同薯仔。不得不題個薯仔勁爽口！咬落爽爽聲！鹽水雞真好有台灣感覺呀😃食完又令我思鄉！好想去台灣呀✈️✈️✈️ 幾時先飛得啊😭

食過大圍果間鹽水雞1人餐好好食！今晚好想食 ，見到長沙灣有就去左買，見到餐單唔同都驚驚地 但近就試下啦唯有！買左個終於食午餐加左甜不辣、蓮藕同小黃瓜，要中辣，首先雞嘅份量係極少，甜不辣咬開中間係硬嘅！成份野一啲味都無，中辣一啲都唔辣！連我7歲食唔到辣嘅仔仔都話唔辣！平時好少寫食評，但真係食到嬲！同上次大圍食好大分別！如果我第一次食鹽水雞飯係食長沙灣哩間嘅話，我諗我唔會再食！正所謂無比較就無傷害，建議大家去大圍果間食，根本天堂與地獄！！依家周街都係加盟店，買野食唔可以淨係睇店名🤦🏻‍♀️🤦🏻‍♀️🤦🏻‍♀️