ET鹽水雞 (京瑞廣場2期)

Open Now

Now Closed

$52外賣，在石門很多選擇，拎到盒野就感覺有點少，所以係隔離店再買左盒土豆絲食，就剛剛好…味道是很好的，整盒比例上雞肉也是比較多所以比較適少食座女士～或者好似我咁再搭配其他

之前大圍搵食市集食過，份量偏少，所以之後都少左幫襯。到依家大圍店搬左舖位都未再試過。咁啱近排先發現石門有店，好開心呀開得咁近馬鞍山，今日點都要試下買左一個A餐，雞腿🍗夠嫩滑三款配菜就揀返食開嘅百頁豆腐，馬鈴薯🥔同甜不辣。馬鈴薯煮得夠熟，食落粉粉地幾好咬。百頁豆腐同甜不辣就同之前其他地方食嘅差不多。值得一讚嘅係依度調味幾適中，唔會太辣，食完都無特別口渴另外好開心嘅係依度比嘅份量超多，一個女仔晚餐食一盒都夠晒飽一定會再幫襯

之前冇試過鹽水雞，今日去開隔離買榴蓮就試下😂揀咗甜不辣 豬血糕 百頁豆腐 半隻雞加份冷面小辣total93蚊同老闆娘傾下計，原來兩公婆係廈門人👍🏻👍🏻心諗應該都ok好食啦食落都ok 有少少肉桂粉味 冇試過有啲新奇甜不辣百頁豆腐都幾好 豬血糕稍微有啲硬同埋冇乜味 雞肉都夠嫩滑 冷面就普普通通啦，溝埋啲醬都好食嘅 整體口味ok 小辣都幾辣㗎 老闆娘仲送咗舊蘋果 鹹甜溝埋又幾好食wo👍🏻👍🏻下次再試下其他餸啦

咁啱黎呢頭做嘢，行過先知開左間鹽水雞，就決定黎試一試。下午茶時間叫左個水果餐，份量都夠食，2隻雞全翼，已經去左骨，除咗雞中翼同雞翼尖，d雞肉都好滑，配埋調味粉好正。水果就揀左芭樂，個味道酸酸甜甜，同鹽水雞個味幾夾。問左店家洋蔥係高湯浸嘅生洋蔥，甜甜地，不過我唔好洋蔥，所以唔知算唔算好食。食過其他分店，味道其實都差唔多，下次會再試埋其他配菜，有30幾款，慢慢試。價錢都合理，下午茶43蚊夠醫下肚。下次會再黎。