euro go go

Open Now

Now Closed

平日不用等太久便有座位了，餐廳主要是客人自己選擇座位，然後到收銀處落餐，再由服務員將食物奉上。店內的環境樸素，座位還算舒適。朱古力忌廉($28)，朱古力味雖然淡淡的，不過甜度適中，在口腔中瀰漫著。朱古力奶上層有一大舊甜忌廉，再淋上不少的朱古力醬，賣相十分討好。配合著幼滑細膩的甜忌廉，令到朱古力奶更加香濃幼滑。香蒜蜆肉意粉($55)，服務員送上的時候，已經有陣陣香蒜味飄散著。蜆肉尚算肥美，可是不夠新鮮。意粉的質地尚可接受，友人卻略嫌偏軟身了一點，若果硬身少許的話，更能夠增加意粉的咬口。千島海鮮PIZZA($88)，批的份量可算是大，配料也十分足料。薄薄的批有脆身的口感，值得一試，有不少的蝦肉，海鮮作配料，非常不俗。店舖評分:6/10食物評分:6.5/10

如果我趕時間想食快餐，通常都選擇茶餐廳。但今日去了一間連鎖店！營運上有點像大家樂，不過是西餐快餐店！首先要自己揾位，選擇好食物，然後排隊order，再攞住電子pager (傳呼機)，等大七八分鐘，就有服務員負責把食物送到。叫了一個下午茶餐（$59），有五件蜜糖雞翼，熱辣辣，外皮烤得香，而且有肉汁！蕃茄通粉份量不大，但下午茶是足夠的，湯底比較清，有羅宋湯的味道，通粉軟硬度適中。Iced cappuccino 味道也不錯，咖啡味及奶味的比例也合我口味！以這個價錢，店員的服務，衛生程度，水準都不錯！

上次咁岩有野做, 去了葵芳, 真係好耐好耐無去了!下午茶時間又到, 諗住食埋才走~就係新都會廣場見到EURO GOGO! 平時我去朗豪坊都會食架!但真係超級多人~ 好在我自己一個人, 都易搵位既!點了TEA SET, 炸薯皮+咖啡+蕃茄湯通粉呢度咖啡都不錯的~ 不過奶的份量多了點XD蕃茄湯通粉好好食, 我會再加PEPPER來調味~個人最喜愛EURO GOGO的食物! 3色薯皮~ 好脆身, 好多料, 煙肉果個最正~ HAHA!!

中午黎食個午飯 去收銀買佢又唔話比我知有下午茶 多杯野飲 叫完先睇到又冇得改 都已經好唔高興 等野食都等左好耐 可能真係即叫即整到花個地步 叫左呢個芝士吞拿魚意粉 佢既吞拿魚係好多 不過似就咁放係面 撈都冇撈過 d意粉好林 冇口感 忌廉汁太濃太多 成件事好膩 仲要加上芝士 不過冇咩芝士味 真係唔會再黎

晚餐想吃點好的西餐，但又要快靚正，就諗起Euro GoGo。和友人點了半份千島醬pizza,感覺略為咸了少少，記得對上食好似無甘咸。另外一個必食既就係香草蜆意粉同雞翼，香草意粉不會太油，夠香意粉又夠A1,加上蜆肉又夠新鮮無沙。正！另外雞翼夠晒入味，皮脆肉嫩，令人吃不停。另外點了杯冰蜜桃茶，好有紅茶味，飲完杯茶之後仲可以食埋果幾塊蜜桃，正！

呢間係咩都係自助式咁制 都好多分店 不過葵芳呢間都算大同埋多位d 自己去搵位 再自己去買單 買完之後等人送上黎 時日叫左個吞拿魚芝士意粉 48蚊 價錢午餐都算貴 不過佢好大碟 d汁好香 白汁低 仲有焗到好香既芝士 一撈已經好香 好多吞拿魚肉 食每一啖都有好多吞拿魚 口感都唔錯 d意粉都算煙煙unun 因為佢太多汁 都幾膩下

這餐廳有個不好之處，就是座位安排問題，如同快餐店客人要自行找座位，亦沒有先到先得。客人要先到售票處購買食物後，待餐送到。如果可以改善座位安排問題那麼就很好了。食物方面質素不錯，味道可以。

已經很久沒有到過葵芳新都會廣場了，要不是友人請看電影，也不會到訪這年代久遠且沒甚特色的商場. 看過電影後，已是晚上7時，又是晚市的繁忙時間，到Euro go go晚飯要等位是常識吧! 幸好店內也有不少2人餐桌，我們大約等了10mins左右便有座位，也算幸運!晚市沒有套餐供應，全是散點菜式，不過往年於Euro go go增值時送了一張飲品買一送一券，現在終於大派用場. 我們選了沙律、Pizza、意粉&雞翼等食物一同分享，相當豐富.熱蜜桃茶 ($18)蜜桃茶味道偏甜，但也有蜜桃的香甜味道，內裡也有三片蜜桃肉，如果甜度降低一點，會更好喝.凱撒沙律 ($22)只售$22的凱撒沙律份量不多，連少許芝士作調味也沒有，只有香脆麵包粒及沙律醬為不太新鮮的生菜作調味，個人實在不推介!蜜糖雞翼 (5隻) ($39)一直都知道Euro go go的蜜糖雞翼出名好食，但幫襯多年也沒有吃過，所以這次來到，必定點來試試. 蜜糖雞翼外皮香脆帶蜜糖的香甜，內裡雞肉嫩滑多汁，而且雞翼相當大隻，不是那些「奀嫋鬼命」的瘦雞翼，怪不得如此多人推介這裡的雞翼la.千島海鮮薄餅半份 ($45)半份薄餅共有3份，是香脆且薄的批底，

平時lunch time 同事們都鐘意去euro go go食unch，算係快餐外既另類選擇。歐陸式菜式，帶來新鮮感。個人比較喜歡呢度既pizza 夏威夷及Super。鐘意佢個底夠薄同脆。由搵位，叫餐都需自行搞掂，唯獨送餐係由staff負責。夏威夷 - 熱辣辣，個底又夠脆，咬落卜一聲，用力一扯又有種"煙un"既口感。個人會落大量芝士粉，造出芝士味。配埋d菠蘿肉同火腿就夠爽口。芒果pancake既皮唔算薄，切落唔會咁易爛，而且好多cream，cream係凍既，芒果肉就唔算甜，而且果肉質地仍係比較實淨，唔會熟過頭蓉蓉地咁。(跟餐+9蚊)蒜蓉包好大陣蒜蓉同牛油味~十分香脆，

以往到這間餐廳，我都是愛吃青口意粉的，不過餐廳最近沒有再出此菜單了。今次就轉吃卡邦尼意粉，意粉配上蜆肉、魚柳、大蝦以及魷魚等等海鮮配菜。意粉煮得軟硬適中，而且醬汁大多滲透到意粉之中，令到意粉不會很乾身，而且很Juicy。其他海鮮配菜都煮得入味，又保持本身配菜的質感，如大蝦吃落很爽口，魚柳外皮脆口，內裡是熱騰騰。不過整體意粉略微膩口，如一個女生可能因膩而吃不完。香草芝士薯蓉焗田螺，田螺質感及味道都非常平均，滲透了香草及芝士的香味。薯蓉外邊都焗得很香脆，夠熱，加上面層的芝士溶化後，更令整體非常香口。不過就有點膩口，如果吃了一個意粉餐就未必可以一人吃光薯蓉焗田螺了。

食個tea跟住去睇場戲分量小小岩晒肉醬薯蓉入面茄味足夠甜酸度都好適合我口味肉醬又多又唔油膩食完唔會濟,薯蓉落牛油唔會太多有小小香味加左花奶唔會咁杰身又軟滑,咖啡雖然點左最普通但好怕有酸味但這裡沒有有小小苦澀都唔錯鮮奶唔會落太多溝淡咖啡本身味道牛角包大大個好新鮮又香又脆又鬆蕃茄通粉湯底得酸味有d入寡要加返小小鹽中和,入面有蕃茄粒好酸,火腿腸仔烚得太耐肉質好梅已經冇晒味,但通粉大大粒好吸湯又爽口都可以,開咁多間分店都保持到水準唔錯,員工執枱又快又勤力抵讚

一到假日葵芳既euro gogo 就會好多人，但如果想食下平價西餐就必到！Euro gogo 算係一間半自助形式既餐廳，自己搵位自己出去點餐拎水，但就有人送餐，不過想食得舒服坐耐d就真係唔太建議黎！好多龍利柳，闊條面配上淡淡既菠菜芝士汁唔會太溜， 一層薄薄既芝士再加薯蓉已經好好味，再加埋田螺就真係必食！推介 半超級pizza,脆薄薄既pizza，配上煙肉，肉醉，辣肉腸，好食！今次雖然無食蜜糖雞翼，但呢個都真係必推，雞翼外皮小小脆，勁香蜜糖味，真係好食到停唔到口

經過葵芳，同朋友食少少野，自己就叫左一個香蕉船甜品，原隻香蕉再加cream同三球自選雪糕，仲有靚靚朱古力條同餅做裝飾，我揀左二個雲呢拿同一個朱古力味雪糕！！，香蕉味道都幾甜，口感軟綿綿，連埋雪糕一齊食幾乎唔使咬就吞左入口～唔想食軟野既可以食下脆脆既朱古力餅條，香蕉船絕對係可以食得飽既，值得再食。

星期六的新都會總是人山人海，euro gogo更是無論什麼時間，總是座無虛席。難得下午茶時間經過居然見到有空位，當然馬上內進，一嚐很久沒有食的蜜糖雞翼。蜜糖雞翼蜜味香濃，外皮焦香，內裡嫩滑。有時一個人吃四五隻都不成問題，皆因太好味。忌廉朱古力朱古力味出眾，忌廉幼滑，最重要的是沒有冰塊，不會喝到融冰後的雪味，值得推介。千島醬海鮮Pizza餅底做得非常薄而脆口，帶輕微酸的千島醬，吃下去不會太漏。蒜香蜆肉意粉第一啖就已經被蒜香的辣味刺激著味蕾，夠惹味而且意粉有咬口。可惜有三四隻蜆有沙，不然就滿分了。價格便宜而且食物質素不差，經常滿座是有道理的...

今日下午我們去咗葵芳新都會廣場嘅「euro go go」食下午茶！我們叫咗白汁海鮮意粉、法式薯蓉焗田螺、火腿香腸鮮茄湯通粉配熱脆牛角包、農夫比得包同甜脆香蕉酥！白汁海鮮意粉嘅海鮮都幾多，意粉都算彈牙，不過醬汁比較濃，感覺好膩！火腿香腸鮮茄湯通粉配熱脆牛角包嘅鮮茄湯底唔係好濃郁，火腿同香腸嘅份量都幾多，通粉比較腍，口感唔係好彈牙，而牛角包嘅包質都幾鬆軟！農夫比得包嘅材料非常豐富，令賣相相當吸引，沙律菜同車厘茄好新鮮，味道亦好清甜！甜脆香蕉酥焗得一啲都唔酥脆，香蕉嘅份量亦比較少！