euro go go

Open Now

Now Closed

話說同朋友出嚟行，梗係醫下肚先啦要合乎經濟原則，又要乎合個人口味唔洗三分鐘有定案，揀了Euro GoGo呢間餐廳簡單又方便，自助式揀位及點餐點餐後收銀員會給你號碼牌，返埋位等一下食物及餐具便會送上。下午二至六時提供下午茶餐，可揀一款小吃及配上飲品一杯，當然特別飲料要加錢啦！兩個人叫咗兩個下午茶餐：蜜糖雞翼，跟凍荔枝茶雞翼甜甜地好味凍茶好香濃，仲有三粒荔枝添焗薯皮，跟凍意大利咖啡熱辣辣薯皮 入面有火腿 吞拿魚 好味凍咖啡無咩特別，同埋唔夠甜茶餐可以加$10跟個通粉由於午飯都未食怕唔夠飽，再order咗半份pizzaShare美食，食到反肚，超飽坐下 食下 傾下 Hea下 咁就兩粒鍾

岩岩係葵芳睇完戲出到黎咩都無諗就衝左入平時見到好多人食既euro go go。入到去我就叫左白汁蘑菇香腸意粉同埋凍朱古力咖啡，簡單兩樣野已經令我好滿足，所以一個字正。

連鎖快餐店黎講，24蚊份salad真係可以比多少少誠意囖！份量少到O嘴，得幾粒麵包係生菜上面。放少少bacon粒都好呀; 一係就收平D，直接加＄變餐; 或直接取消salad,咪鬼賣！

休息的日子，特別優閒，決定中午看一場電影。離開演時間還有一個小時，就在旁邊的Euro go go食個午餐吧。餐廳非常寬敞，座位充足，也很乾淨。決定好食什麼之後，就在收銀處付錢，這時候會有個餐單號給你，找個喜歡的座位坐好。等待專人送餐，這種方式挺好的，至少不用像某快餐店那樣自己拿左食物到處找座位。很快的，專人送上沙律，看上去很新鮮，顏色也吸引，份量剛好，非常開胃醒神。剛食完沙律，就有意粉也呈上了，茄汁和菇伴住意粉，很入味，很爽口。最後是一杯熱擰水，可以隨意自己加糖，非常貼心。食飽了，又菇又沙律的，這不是田園餐嗎？看電影去.......

喺呢度有啲公事上嘅野要處理處理完之後有啲肚餓所以就黎呢度食下午茶之前係佢哋朗豪坊分店有食個晚餐都覺得唔錯叫咗兩個餐一個係雞翼揀咗呢個係蜜糖雞翼一客有五隻30幾蚊左右味道都唔錯不過就唔係好夠蜜糖味不過呢個價錢加杯嘢飲都幾抵另外朋友叫咗件pancake外賣個樣同幅相真係好大落差味道都算唔錯好多cream$28就算一般啦個價錢

每次去葵芳睇戲都愛到Euro go go 食嘢，那裏客容量算多及食物水準穩定。今日假期看完戲一於gogogo 去歎下這裏歐陸的下午茶。兩人早上趕睇戲，只食了丁點東西，於是點了兩客茶餐外還點了碟肉醬意粉。蒜蓉包烤得香噴噴，蒜蓉鋪得尚算滿滿的，但包我還是較偏愛硬點的法包，這包對我來說軟軟的但友人愛食很快也全清掉。焗牛油香草薯蓉田螺，味道不會死咸頗適中，香噴噴又不油膩。餐各加8元換的朱古力及蜜桃茶，前者好飲，後者賣相取勝。因杯朱古力不太甜且奶味濃而滑。蜜桃茶則有大大塊桃肉，好討人喜愛，視覺享受了。 桃味濃，嗅覺滿足了，但甜度低的我飲來就覺得甜了些桃味就唔多夠了。肉醬意粉味道，嚼勁都唔錯，若擺碟改改就更佳

快靚正嘅西餐真係唔多，呢間真係好食，價錢又唔太貴，又快，只不過有時等位等得耐少少。我地都有一段時間冇黎食，因為好多時都要等位，有好多人都係食完之後會坐好耐，同埋唯一一樣嘢我唔係咁鐘意，係佢地啲地方有少少污穢，可能人流太多，人手又唔太夠啦，不過枱面清潔都做得好差，但係食物質素係高嘅！好~介紹返食物：當然係我最愛嘅忌廉朱古力（28蚊），朱古力好香好濃，又唔會太甜，仲好滑，加埋忌廉簡直係絕配，忌廉都係好滑好香嘅，另外大少就叫咗杯荔枝茶（24蚊），有3粒荔枝，唔太甜，好香茶味，荔枝都仲係好爽甜！另一款必食：蜜糖雞翼（40蚊），雞翼嘅肉好滑，蜜糖味唔太甜，個面有少少香脆！正！另外今次叫咗香蒜蜆肉意粉（58蚊），意粉偏硬，可能有啲朋友覺得麻麻地，不過有欖油味，蜆肉就一般啦，急凍海鮮冇要求最後係半份百寶pizza，有幾款肉，同埋好多芝士，不過就唔係多到可以拉到絲嘅，但我鐘意食脆卜卜pizza，出面閒閒地都要百幾二百蚊一個，45蚊半個已經算好抵喇！

難得放假又四處走走，今次走到葵芳就試試這港島沒有分店的西式快餐。客人先找位置，然後到收銀處付錢，再拿號碼牌，等待侍應送上餐點。餐牌像連鎖快餐店會展示於收銀處旁邊，另外亦有餐牌可拿回座位看清楚才落單。個人而言飲品如有跟餐價會更好，不過會有水提供。白汁香腸火腿磨菇意粉($45)白汁夠曬creamy，多而不漏，意粉軟硬度適中，十分可口，而且份量很多，必定飽肚。香蒜蜆肉意粉 ($58)同樣份量十分多，蜆肉都有10隻，全有肉，又不腥，難得！這款意粉偏硬身，微辣，更惹味，蒜味一樣夠，很香口。煙肉焗忌廉西蘭花 (白汁) ($32)西蘭花要連表面所焗的餡料吃才有味，不然本身比較淡，但爽口。餡料的煙肉配忌廉，咸咸的，很好味。全餐份量多，又好吃，都不用收加一服務費，十分抵食！

快到聖誕，周圍充滿聖誕氣氛，自不然心情也放鬆了好多，一放鬆就會想到食裝修簡單又舒服，有卡位，圓台位，沙發位，bar台位，2座位，4座位，6座位等任君所好。半自助形式服務，由選餐、付錢、拿牌、找位坐好、然後會有專人送餐給閣下。忌廉湯：香、滑、味道香濃。吃一口會有再想食多口的感覺。再來個沙律，口感清新自然，仿佛有晨光的感覺。然後，係肉醬意粉：由番茄醬做主導，肉碎、粟米粒、蘑菇粒等輔助，混合起來，顏色鮮豔出色，醬汁伴隨意粉，令本身無味的意粉容易入口。我一向較愛淡味，所以食幾口必須喝口水緩和一下。這個下午茶，有湯，有菜，有肉，我估在食物三角中應該屬於營養均衡吧。

假期同男朋友行街，行到咁上下有D攰，去左euro go go到食野。 以前都好鍾意走黎euro go go食，食物都算多，而且其餘我好鍾意飲佢既凍忌廉朱古力❤️不過今日就一試其他野，總不能食來食去都同一樣野！一個係招牌既蜜糖雞翼配熱檸水，另外叫左一個芝士茄汁海鮮意粉配凍既cappuccino我同男朋友都鍾意食呢度既蜜糖雞翼，每隻雞翼都焗到金黃色而且仲有蜜糖汁係底。 D蜜糖滲晒入每一隻雞翼都度，真係好好味😋另外個芝士茄汁海鮮意粉好足料， 有魷魚，龍利柳，蝦，帶子。酸酸既蕃茄汁好開胃，加埋一絲絲既芝士好滿足。闊條麵有些咬口，未至於韌，但我偏好軟身意粉，所以未算太鍾意😣

一日之計在於....沒有試過在Euro Go Go裏吃早餐(應該是)，在對比過各個早餐的個人吸引度，我選擇了這份售$32的熱香餅配牛仔腸跟熱飲一杯。熱香餅雖然不是熱而是室溫的溫度，但是它的質感會比麥記的熱香餅還要厚。 店方為熱香餅配糖漿，沒有牛油、沒有忌廉、没有其他的 抺醬，就是簡單就是好。不過，倒沒想過這兒的熱奶茶，茶味都夠香，奶亦配搭得好！

We went to Euro Go Go on a Saturday evening. The restaurant was crowded. While my wife search for a seat, I went ahead to the counter to place the order. As the restaurant was crowded we didn't get any place to sit. We were waiting on one corner to find a place to sit. It was that time one of the attendant approached us to help find a seat for us. Within few minutes she found a seat for us and help us to be comfortable.What make her different from other attendants was her smile. She was serving/

葵芳簡直係女士既天堂左行右行冇哂能量就決定坐低飲杯野休息下呢間Euro go go 係第一次黎 逼滿哂人 簡單叫左杯凍忌廉朱古力MG:1]賣相都可以 忌廉唔會上枱就塔 一啖飲落去… 出事了朱古力味好淡好水飲落仲有的好似未搞勻既粉末上層忌廉就普通喇但飲左一陣 可能因為的冰都溶左朱古力味更加淡飲唔喵就放棄去行街了

每次來到EURO GOGO 都發現座無虛席，由於我們都太肚餓，不想等位，所以便選擇了外賣。下單時，店員細心地詢問我們要多少份餐具，好讓我們有足夠的餐具大快朵頤。今次點了卡邦尼意粉、焗薯皮三件、蜜糖雞翼五件、和千島海鮮ＰＩＺＺＡ。卡邦尼意粉散發著香濃的芝士味，表面散上一層煙肉粒，柔軟的意粉配搭著彈牙的煙肉粒，很有口感。焗薯皮是將薯蓉、芝士、煙肉粒混好，再放上薯皮上烤焗，十分入味，薯皮是外脆而薯蓉是鬆軟的，很有層次感，令人忍不住要多吃幾口。蜜糖雞翼的肉質軟滑，表面充滿香濃的蜜糖，非常香口。千島海鮮ＰＩＺＺＡ是簿麵包皮底，鋪滿了海鮮，蝦、魷魚等，與芝士混合在一起，用料豐富，味道誘人。

今日經過葵芳新都會gogo試左個蜜糖雞翼 凍朱古力奶茶 雞翼即叫即燒好好味 d雞翼夠大隻又夠熱 有水準 唔錯 good 朱古力奶茶味道夠濃 唔太甜 都算ok 下次試埋個黑椒雞翼同pizza