euro go go

Open Now

Now Closed

約左朋友仔出去葵芳行下，見大家都餓餓地，就食返個下午茶先。咁我地兩個都好耐無食euro go go, 所以就去食下。下午茶時段，有下午茶餐，當然亦有散叫既野食，我就叫左兩個茶餐搭多個意粉。蜜糖雞翼賣相不算討好，但好在味道不差，雖然無個種焗到脆脆地既感覺，但都好juicy.芝士吞拿魚意粉汁好濃，吞拿魚味都好出，水準不錯到我最期待既肉醬薯蓉啦，果然無令我失望，肉醬味好濃，配合清清地既薯蓉，好夾，下次黎我都會再食。最後有杯跟餐熱奶茶，偏向重茶味。

每次嚟葵涌廣場行街都一定要食euro go go，不過今日係特別啲放工辛苦過後過嚟食每次必食有焗薯皮同蜜糖雞翼！而今次得一個人就食返例牌嘅蜆肉意粉同熱朱古力加忌廉鍾意食係因為蜆夠多，啲意粉又好夠味而朱古力就簡直係超級滿足無論係視覺上味覺上， 因為有好多忌廉喺面呀

搵間舒舒服服食個早餐唔駛比人趕 hae d 既都好有難度！是日選了Euro gogo 早餐，早上10點未見好多人可以安樂來個靚早餐set!早餐款式都多選擇既，餐可以加10蚊加多一樣野係份早餐到！選了芝士吞拿魚法包配通粉+左1客熱香餅同加多一份蕃茄通！個人認為這個芝士吞拿魚焗法包不錯，熱辣辣有香厚芝士味配合吞拿魚而面包是脆脆的，蕃茄通就略嫌無乜蕃茄湯味太淡口，熱香餅就無乜特别呢！價錢都算大眾化40-60元左右，想靜靜的歎番個早餐都是不錯選擇！

大家好，今次係我第一次寫食評，希望以後都可以同大家分享下有咩美食劣食。第一次寫既餐廳係euro go go，因為我覺得佢出品質素幾高，對得住佢價錢，值得成為我第一篇既主角(掌聲)。今次一行三人叫左兩個意粉，一個pizza，一個小食。其中蒜香蜆肉意粉係我指定要食，因之前食過好好食，辣辣地，好香蒜味，雖然冇醬但唔會好乾，蜆肉都好鮮甜，雖然蜆肉份量有啲少。另外友人想食茄醬，就叫左鮮茄煙肉香腸意粉，個茄醬感覺幾fresh,有少少茄肉同青椒味，調味有少少太甜，如果唔係煙肉係肉粒會好點，有點太齋。另外我地叫左個經典的超級pizza，都幾好食，好脆，好夠味，但個size都幾細，如果肚餓都係叫返意粉啦，咁細個薄批好似食左兩塊餅乾咁。最後個忌廉焗西蘭花就差少少，好少料唔夠味，個底好多菜水，有待改進。

euro gogo 都算係唔錯既西式快餐，如果趕時間上興趣班我有時都會黎食過quick dinner. 我覺得呢間既服務員質素幾好，由收銀都幾細心，送餐個陣有時會有人遞埋餐具同水，本身應該係自助(?)我之前去另一間分店都係自助的。點左白汁腸仔火腿蘑菇意粉，菠菜汁龍脷柳闊條麵同埋杏仁香草意粉。白汁呢款望落正常，但覺得意粉過淋同埋好短好碎🤔🤔如果意粉正常全碟都好味既(應該呢款意粉都好難唔好味?)香草意粉賣相都ok，自己好鍾意食pesto汁，所以我鍾意佢意粉乾身d吸晒d濃味!會送餐既快餐!🤗🤗下次再試其他野先!最好食係菠菜龍脷柳，可能佢有d焗左既感覺，意粉唔冧岩岩好，好味呀，加上有d芝士所以好飽

行左成日街見有點兒肚餓，但又未夠鐘食晚飯，於是就搵間Euro go go坐低食下野，hea下。我地點左個蜜糖雞翼，香蕉🍌pancake雞翼幾時都係咁好食😋😋香蕉pancake都不錯，唔會太甜。

經常想食葵芳新都會廣場嘅euro gogo，但每次經過都好多人今日經過難得有好多位，建議同行朋友喺度飲杯嘢食少少甜品。今次試咗忌廉蘋果肉桂脆脆$36 ，其實未試過呢類型嘅英式甜品。以為係會勁甜嗰種估唔到都有驚喜。面層就係肉桂粉+忌廉，底層係蘋果,本身以為係偏甜味道，蘋果係偏酸但配合忌廉，肉桂粉同埋曲奇碎整體平衡得好好，唔會覺得好膩♥餡內充滿濃郁蘋果及肉桂味道，入面有脆脆曲奇碎，食落好有口感♥

Euro gogo係一間平價既西餐廳，選擇又多，6個人叫咗6樣野食，份量又係好大，最好食又推薦大家食薯皮，佢唔會好乾，好多汁，咬落去好多汁，另外我地叫咗4個意粉，意粉太乾，麻麻地，蒜蓉包都好好食

難得星期一放假日， 休休閒閒起身先去食個早午餐， 正值午飯時間， 周圍都多人， 行過euro go go見到二人枱， 冇人等位立即坐低。全店好多二人及四人枱， 落單類似快餐店嘅形式， 落單後又有人為你送餐， 食到咁上下佢哋又會收嘢。叫咗個香蒜蜆肉意粉餐， 可以選擇跟沙律或 一塊好好味嘅蒜蓉包， 我揀咗蒜蓉包， 但由於好肚餓，食咗先記得無影相。呢個蜆肉意粉有微辣， 炒得好乾身， 蜆肉都算多， 不過有兩隻都有沙。反而加16蚊嘅呢杯熱朱古力就好驚喜， 甜度適中，仲有拉花效果。另外加咗個九蚊嘅香蕉班戟， 又係抵食之選， 原本30蚊一份， 因為午餐嘅緣故變咗9蚊， 佢個皮好薄， 好多cream,香蕉都祝料， 賣相又十分好。 呢兩款食物都令個午餐加返好多分。

Euro Go Go食物質素唔錯，白汁焗西蘭花調味剛剛好，西蘭花仲有好口感，唔會太淋蒜蓉包好好味，夠香口，又夠脆意粉就一般，無驚喜，太淋，無口感。雖然住附近，但都好少機會食到，因為太多人廿

收爐啦！！！周圍都勁多人，咁岩eurogogo有張2人枱，即刻霸個靚位先要食就梗係一定要食蜜糖雞翼！真係自己bbq都冇佢整得咁好食！蜜糖真係多到每一啖都食到！蜜糖控要叫啦！另外叫咗份牛油果蕃茄pizza ，呢個就真係一般般，食唔到好濃嘅牛油果味。。

蘑菇粟米鮮茄汁意粉餐這天上班到午膳時,想起去這裡食飯,於時去了EURO吃,細心選擇一起後選好,於是選了這個蘑菇粟米鮮茄汁意粉餐而可以選擇多汁或少汁,然後選了適中的汁量吃,這碟意粉的蕃茄汁不錯,很有蕃茄汁那種味道,至於看看藍莓,粟米及乾蕃茄的味道如何,於是繼續吃,茄汁就用鮮茄汁,粟米就用罐頭那種,藍莓就應該是罐頭那款可以選擇包或沙津,通風不太好,飲品要熱檸水因為食客比較多,而好的地方是環璄夠寧靜及少人去吃,地方總算容易找到,在葵芳地鐵站行9分鐘行到,即是在葵芳興芳路223號新都會廣場1樓

Euro go go 真係幫襯過無數次，最鍾意食蜜糖雞翼、芝士焗薯蓉、白汁香腸蘑菇意、焗薯皮、蒜蓉包都好味、真係都試過好多野食都唔錯、蜜桃茶都好飲、真係幫襯左10年都有、試過唔同分店，不過依家水準爭d，以前蜜糖雞翼都好味好多、蜜桃茶都入味好多、依家求其左、不過都覺得接受到，所以一路都有繼續幫襯

首次去euro gogo嘆早餐平時都只係去食午餐 下午茶 或者 晚餐都好少去食早餐 今次唔知食乜好 就去試吓今人人唔係太多 等左陣位就可以芝士吞拿魚法包+茄通 $40炒蛋配煙火腿跟牛角包 $40一上枱 就有陣辣椒油味咁奇怪睇到茄湯應該係加上辣椒油煮 😅😅但湯都不會辣法包 看似脆口 切下第一刀 軟淋淋原來剛好那個位軟🤦‍♂️🤦‍♂️其他位置都脆口 味道👍🏼👍🏼牛角包都香口

每次去奠芳睇戲都會去 EURO GO GO 吃, 因為鄰近戲院, 而且 EURO GO GO 抵吃又有水準不過有時較難搵位, 但甘樣先證明佢受歡迎!佢地好貼心, PIZZA 做到一個兩款味道, 岩哂三心兩意既人!今次吾太餓, 又想留肚食 POPCORN, 所以吾算叫太多!叫左個焗薯, 芝士味好重, 但只在於表層, 底係只有沒味既薯仔, 還有點乾!火腿腸仔芝士意粉有住好重芝士味, 非常正, 而且好意外佢份量好足! 如果更多料更好!凍朱古力都做得非常好, 有住好濃朱古力香味, 不過面頭層 CREAM 有點太厚, 帶點濟!