euro go go

Open Now

Now Closed

其實耐唔耐都會食下Eurogogo但葵芳呢一間真係第一次食嗌咗個煙肉蘑菇薯蓉同白汁香腸蘑菇意粉其實唔算難食 意粉嘅醬汁都好濃 味道上正常發揮但有一個嚴重嘅敗筆位就係蘑菇完全未煮熟🤢🤢食落口係生嘅 一食就要吐返出嚟煙肉蘑菇薯蓉都係一樣情況蘑菇係完全生嘅 每食一啖 就要吐翻啲蘑菇出嚟食到我有啲炆🤦🏻‍♀️🤦🏻‍♀️至於杯朱古力就不過不失個人嚟講比較怕甜所以走咗最面層嘅忌廉 反而幾好味但總括嚟講 個意粉同薯蓉都好令人失望下次應該唔會再嚟呢間分店🤦🏻‍♀️

去左新都會行街，發覺好小輕食嘅餐廳。見到euro gogo就唸住入去試下啦...叫左4樣野，蜜糖雞翼🐥/香蒜蜆肉意粉🍝/青口同pizza🍕但發覺真係得蜜糖雞翼叫係最正常最好食🤔🍝蜆肉意粉其實已經冇咩味😔仲要意粉吾係軟冧冧，仲有小小硬，之後又冇咩汁咁去到個pizza🍕，其實材料真係吾算多，又係冇咩料又硬🙉最後就係個青口，叫係不過不失，吾會太腥個味道吾錯。整體黎講，其實eurogogo嘅價錢都吾算平，但個食物質素真係完全名不符實 真係冇下次了！

星期日同好朋友喺葵芳周圍行吓，食下野買下衫。全日keep住食嘢，所以夜晚都唔係太肚餓，呢個時候輕食就係最好選擇。見到euro gogo 有位，諗都冇諗就即刻坐低先。兩個女仔唔使帶太多野啦，一碟蜜糖雞翼，半分千島海鮮pizza，一份香蒜蜆肉意粉，兩杯檸檬汁就搞掂。蜜糖雞翼夠晒大隻，熱辣辣，啲蜜糖仲會滴出嚟，都幾抵食。千島海鮮pizza食得出係即叫即整，夠晒熱，又夠脆，唔會太膩。香蒜蜆肉意粉都好好食，少少辣辣地，份量啱啱好，最緊要價錢唔貴。最後要講個杯檸檬汁，我初初認識euro gogo都係因為個杯檸檬汁，酸酸甜甜好清新，咁多年都keep到咁好飲。兩個女仔都係每人$100左右，絕對唔貴，係學生都負擔得起嘅價錢，呢間餐廳真係由讀書食到出嚟做嘢

作為葵芳人，竟然一直都冇嚟過 Euro go go,，真係幾匪夷所思！今日見有時間就嚟食tea 啦！店內寧靜，環境闊落，但枱與枱之間都幾貼，所以唔係咁舒服因為要等入座，我就預先睇吓個餐牌。下午茶時段有套餐，但感覺上好似幾油膩吓，都係叫兩款甜品試吓啦！肉桂蘋果金寶配 House Coffee ☕ 蘋果同肉桂本身就係絕配，金寶脆脆同蘋果又係黃金拍檔，基本上係無得輸嘅！但係…… 配忌廉就有啲奇怪喇！可能想食落 creamy 啲啩，如果改為雲呢拿雪糕就升級昇華喇！而家就差咗少少House Coffee ☕ 味道一般，提神可以，但好難令人回味。焗香蕉酥配凍檸檬茶酥皮本身冇味道，只靠香蕉本身淡淡嘅甜味，味道非常寡，一言難盡。如果配個朱古力榛子醬，或者雪糕，或者加少少糖粉都比而家好100倍以上。凍檸檬茶見隔離枱杯凍檸檬茶飲咗兩啖就冇再飲，就知出事喇！再望遠少少嗰張枱又係飲剩半杯。飲第一啖，冇味 - 茶底冇味，糖水冇味，只有苦澀嘅檸檬味。堅持咗好耐，飲咗大半杯，真係唔想再飲。總結，去Euro go go 下次都係食意大利粉穩陣啲。會俾多次機會下次再試吓先。

睇完太陽花去到葵芳就選了這間食dinner我就未食過所以可以試下。款式都好多，有意粉、小食、甜品、飲品。先來了荔枝茶，呢個是用新鮮荔枝的有3粒而且不太甜like.再上一個波菜龍利柳寬條麵，一上來熱辣辣好香，味道個忌廉淡左少許，魚肉份量都足，波菜可以再多小小。香蕉班戟，2塊班戟似一早煎好所以比較乾硬尤其是條邊，其他配料就正常。煙肉忌廉焗西蘭花，忌廉好多足夠包住所有西蘭花，煙肉碎配上味道好夾。密糖雞翼，皮焦香但只係焗左一面，似係焗好放係度，肉汁已流曬所以個底濕而且雞肉比較乾。整體都好味，以這個價格而言。可以再試下其他野，我見肉醬意粉，焗薯都幾靚仔。

由中學食到依家既EUROGOGO係新都會開左接近十年啦簡直係我既童年回憶煙肉芝士焗薯皮每次必叫，即叫即焗勁好食比油炸健康得多煙肉和薯皮外表焗得爽脆，入面薯蓉又軟熟加上半溶化既芝士同煙肉既咸香，極惹味蜜糖雞翼亦是必叫之選，極多蜜糖醬，多到滿瀉平時自己一個食會每咬一啖，又再沾返Ｄ蜜糖醬雞翼焗得恰到好處，外皮微脆，肉汁鮮嫩，甜蜜蜜的香蒜蜆肉意粉蒜香味濃郁，同時又滲出點白酒香，惹味蜆肉洗得好乾淨，沒有沙泥，仲添加一份鮮味

細個冇咩錢，食呢種快餐店食嘅西餐已經好開心，今次再黎euro gogo食下午茶，最鍾意係佢嘅嘢飲，飲特飲食下午茶都只係需要加$8，好抵食。呢一杯忌廉朱古力十分香濃，加埋鋪喺面嘅忌廉，賣相非常吸引，正價要30幾蚊一杯，下午茶真係好抵飲。蜜桃茶甜度適中，係一杯消暑解渴嘅飲品，都係加$8。其實我覺得香辣雞翼係好食啲，不過同小朋友食，就叫咗蜜糖雞翼，我覺得比較水啲，唔夠乾身。carbona好稀，似係一個白汁意粉多啲，我覺得唔好食，完全唔係嗰回事。焗三色薯皮就好正呀，有吞拿魚、酸忌廉、芝士，焗得啱啱好，三個都好好味。今次叫咗兩個茶餐，另外叫咗一個意粉，反而意粉令人失望，今次再嚟依間餐廳，發現好多意粉嘅菜式唔見咗，有少少失望。

之前去葵芳一路都幫襯敏華早餐, 但太藍就唔想再食。突然經開euro gogo，好多人，就決定試試佢。Menu 有好多選擇，我地擇左通粉&牛角飽。全部都熱辣辣，仲有人捧埋餐，好好服務👍🏻👍🏻 蕃茄湯好濃郁，牛角飽又好鬆脆。可以encore😍😍

最初愛上Euro Go Go是她的三色焗薯皮和焗雞翼，每次必叫，這次看到有藍青口，決定試試新口味😬有一打但Size偏小，我有種吃完但又什麼都沒下肚的感覺😂本來沒想喝湯，但小試一口後竟然又辣又有番茄甜味，意外驚喜。蘑菇一直是最愛之一，加上也喜歡煙肉芝士，決定也試試。芝士拉絲，蘑菇Juicy清甜，份量颇多。Euro Go Go 也是已經吃了10多年的餐廳了，從奧海城分店到新都會廣場，每次下午茶的時間總是幾乎爆滿，選擇頗多，食物質量也一直保持水準，是傳統茶餐廳之外的一個好選擇。下次還是回歸最愛的焗薯皮和雞翼😋

食過好多次，都未寫過食評，今日就寫下呢間平民西餐。意粉由50幾蚊到80蚊，pizza 可以叫半份或者全份。今日叫左白汁蘑菇火腿香腸意粉，蜜糖雞翼，一個至尊薄餅。白汁蘑菇火腿香腸意粉芝士白汁濃郁，足夠包住每條意粉，火腿香腸份量都多，味道中規中矩，焗起熱辣辣上枱，唔錯。蜜糖雞翼呢度一向岀色既雞翼有蜜糖同香辣味，雞翼香口，沾滿蜜糖汁，每次都必點。至尊薄餅餅底唔會太厚，足料之餘又好味，辣肉腸惹味，仲有蘑菇菠蘿同青椒。總括來說，平民價既薄餅意粉好店。

今日約咗女朋友一齊去食lunch咁我地就約咗係葵芳新都會廣場食我係先到達先 所以都行咗一圈睇下有咩食咁啦同埋揀啲野唔駛等位最後係我揀咗Euro gogo食我地一人叫咗一個午餐一主食一頭盤一嘢飲頭盤沙律食到底先發覺碗底有啲唔衛生之後冇食喇蕃茄煙肉香腸蘑菇意粉個意粉好酸下太酸啦我覺得份量唔錯嘅但係卡邦尼意粉呢個算唔錯份量都大碟味道上都ok嘅只係比較淡啫煙肉切粒嘅焦糖咖啡味道唔錯甜度適中凍檸茶兩個人食每位$69嘅lunch但衛生差啲

High tea 係女人的浪漫， 無論係三五知己談心或者 獨個兒 享受寧靜休閒嘅時刻， 都係賞心悅目嘅事。工作後係時候休息下叉叉電。今日選擇獨個兒享受寧靜休閒嘅時刻。欣賞此店嘅下午茶， 歐陸風格，價錢平靚正 ，食物有質素，環境優美，舒適。他們的專頁寫上 「優質、專業，對細節要求再高一點，再執著一點」 是他們一直堅守的信念。為顧客提供優質的出品，專業的服務，是他們對顧客的承諾，務必令顧客享受到 "food with joy"港九新界嘅 Euro go go 我都去過， 香濃嘅咖啡，加上food with joy， 吸引我無間斷地幫襯。

今日同180先生去完睇野之後, 個肚仔又開始肚餓了走左入去EURO GO GO, 突然又有下午茶食下午茶既款式都有好多選擇.下午茶既價位黎講其實都算貴，但又真係幾美味.可能肚餓既關係, 連180先生都睇到呆左. 睇完叫左個法式薯蓉焗田螺餐+鮮茄通粉都係加入10就有喇+百事薯蓉個味道都OK, 堅飽肚..田螺冇咩沙不過份量我覺得少D.至於個鮮茄通粉, 個茄味都帶到出黎員工服務態度都好好，有笑容同埋主動

今日下午出黎葵芳食 lunch,但見到下午茶2點就開始，所以就食下午茶啦。下午茶既價位黎講其實都算貴，但係又真係幾美味，間唔中都會想黎食。叫左田螺焗薯蓉，三式薯皮(升級希臘乳酪), 凍檸茶(+$5) & 凍朱古力泡沫奶茶(+$8) 。一共 $100 加$8有茄湯通粉，不過唔太肚餓所以無叫。田螺焗薯蓉係同事叫既，所以唔知味道有無變差/變好。以前食開三式薯皮都無乳酪係面頭，依家gogo有創意地可以加乳酪都幾得意，酸酸地咁，都唔錯，都幾夾既。不過份量我覺得比以前少左，無論係薯皮既 size 定係料既份量都少左。朱古力泡沫奶茶就仍然都係咁美味，叫少甜係最好既味道，因為唔會過甜，但又有朱古力味同埋少少茶味咁。依家大家都好著重環保，gogo 依家都轉用左紙飲管，但係其實佢個杯仲係用緊膠杯都係唔環保呀，期望日後佢地會轉用玻璃/陶瓷/可重用既杯。員工服務態度都好好，有笑容同埋主動

啱啱今日嚟到葵芳新都會睇戲，係睇戲之前就梗係要醫飽個肚先啦，喺戲院隔離有餐廳，見到有位就入去坐低叫咗三樣嘢食。首先叫咗個吞拿魚蒜香雞芝士蒜蓉包，我就比較鍾意食雞肉蓉嗰隻，貪佢有層芝士係上面鋪相，配埋個蒜蓉包真係好好食，吞拿魚我就本身一般般，貪佢有層芝士係上面，配埋個蒜蓉包真係好好食，吞拿魚我就本身一般般，但我朋友鍾意食吞拿魚就食得好開心。肉醬意粉不過不失啦，佢都幾夠多醬，意粉呢又唔會黐埋一舊舊咁，撈埋啲肉醬食都幾好味。之前一直都未試過呢個牛油果pizza，平時都OK會食牛油果嘅食物，但食完呢個Pizza之後我發現新大陸咁，冇諗過牛油果同Pizza都可以咁架，上面仲配埋啲蕃茄粒粒咁都幾健康又夠Fresh🥰總結，呢度個牛油果pizza係少有餐廳有嘅菜式，所以我都幾推薦。