euro go go

Open Now

Now Closed

估唔到新年期間都可以食到下午茶🥹每次食完euro gogo 都有種幸福嘅感覺❣️田螺雖然冇🌱香草焗，但芝士焗薯蓉係切成粗薯絲，好似食緊蘿蔔糕🤣 蜜糖雞翼每次必點，因為佢陣蜜糖味係我鍾意嘅果種 honey 🍯 另加$10蕃茄通粉係我喜好嘅坑通❣️而且味道唔係茶餐廳嘅蕃茄湯，係西式做法又唔會係羅宋湯咁濃，比較上清一點，但都夠蕃茄味🍅今次唔飲蜜桃茶，飲榛子泡沫Tea Latte🌰 果層泡沫🫧有如唔咸嘅奶蓋，滑得嚟細緻綿密仲甜甜哋又有nutty嘅味道！我寧願飲呢杯都唔飲nuttea 奶蓋！我真係好鍾意食euro gogo❣️佢嘅薯皮我都好鍾意食不過新menu 份量得返2件切半成4件 下次可以試吓其他新餐！

太太太耐冇食euro gogo啦今日趁早放工 六點半左右黎食好彩早一步到七點已經大排長龍我地既例排：芝士吞拿魚意粉香蒜蜆肉意粉蜜糖雞翼芝士薯蓉仲有杯桃茶埋單$2xx 性價比夠哂高👍

概覽：快餐店模式經謍餐廳，旺區大型商場中/比起其他西餐廳，價格相對相宜。食物質素比得上收費更高嘅西餐廳，係旺區中方便、穩陣，方便就住食量點餐嘅食店。不過，餐廳非定位為俾客舒舒服服慢慢坐，餐廳服務唔係太周到（例如餐廳唔向每個客人主動提供水、座位比較迫等）。二人唔太肚餓，食晚餐。只點一主食 & 一小食，都食到啱啱好飽晒。甜品要留待下次再試。蒜片鹽焗一口牛脷：好好食！夠晒蒜！肉味重！大大粒，好好送主食！肉質有咬口又唔太硬，唔係隨便乸淋咗嘅肉！調味好，明顯係有心機嘅調味！估計調味主要嚟自味醂、洋蔥，係令人感覺幸福嘅味道！香蒜蜆肉意粉：上菜時熱辣辣！意粉份量好多，多到蜆肉唔夠送。蜆肉相對殼嘅 size，唔算細粒，味道可以。麵條煮得不錯，冇過淋/乾/熟。餐廳有手機落單，親自到收銀處落單亦可。

話說上星期六，放假! 我同女友小熊都懶! 懶得郁! 懶得煮飯! 結果最後都係我輸咗! 俾小熊指咗去買外賣返嚟! 激鬼氣!今個星期我點都唔出去買外賣㗎喇!指呀小熊去買外賣! 女友小熊當然心有不甘啦!嘻嘻.....正當我沾沾自喜之際，突然收到友人來電，想我幫佢占卜開盤問前景，約我係朗豪坊見面....果隻咁嘅小熊一聽到我要出門，豈有此理腳都拍埋手掌叫好! 仲即係上網睇吓有咩外賣啱食!"食咩好呢! 唔..... 食 pizza 啦! 你去 euro go go 買外賣啦！我要食百寶 pizza 啦! 我要食白汁香腸火腿蘑菇意粉啦! 我要食蜜糖雞翼啦! 我要食煙肉芝士焗薯皮啦! 你快D去快D返啦!""錢呢?!""你出住先啦!""妖!"出到朗豪坊，首先同友人開盤睇前景，之後先買外賣，由於唔知講幾耐，唔敢打電話落定柯打.，免得個 pizza 放涼.去到 euro gogo，店舖回覆外賣需時20分鐘，20分鐘感覺頗費時，好彩等外賣其間又有另一位朋友來電要求占卜問事，所以邊等邊占卜，感覺等哩20分鐘好快就過咗.外賣到手雖然已經即刻飛返屋企，但 pizza 批底仍然感覺頗濕，唔夠乾身唔夠脆，要放上平底鑊煎

🍝旺角同老婆想搵個冇乜人又坐得舒服嘅地方Hea食，突然間諗起朗豪坊有呢間餐廳，所以就去左啦！🍝大蝦菠菜意粉蝦唔算新鮮，size都細粒，意粉偏乾但可接受程度，菠菜唔係煮得好爛嗰隻，感覺好似有條菜咁，幾健康😂🍝老婆狗衝薯皮一碟一碟有三個味道，由細食到大嘅款式，整得好食係基本👍🏻要彈就彈佢嘅價錢啦，50幾蚊3舊薯仔😂🍝芝士薯蓉焗田螺田螺數量都幾多，食落冇怪味，芝士薯蓉份量都多，都係正正常常👍🏻🍝好食係基本，呢間餐廳生存咗咁耐，算係唔話得啦！Hea食慳錢推介👍🏻

1.芝士吞拿魚意粉（lunch set，送沙律或蒜蓉包）（$66包熱飲/汽水）呢個意粉面頭有一層芝士吞拿魚，當撈埋啲諗粉係好夠汁，呢樣野好欣賞，同埋個份量都可以兩個人食，個人覺得芝士可以再多番少少！至於沙律，個汁就偏少，菜就差少少，有啲菜係有少少苦澀味。2.芝士薯蓉餐（tea set $38包熱飲/汽水）呢個係euro go go嘅經典，由中學食到現在，以前會用錫紙兜，現在轉用左玻璃兜，味道都差唔多，不過有啲薯蓉未夠蓉，食到一舊嘅薯仔，同埋再多啲芝士就好啦！

又係放工等返學的時間，又係一個人搵食的時間！ 行到去朗豪坊搵食行左好多層見到呢間餐廳都幾適合一個人食於是就走入去喇！睇左一陣見到有pizza叫仲要係可以叫半份，真係好啱我呢啲一條友的人！叫左半份pizza 餐跟一個蒜蓉包同一杯飲品因為我唔太大食呢個份量已經好足夠了Pizza個邊好脆卜卜，其他都好正常。

同朋友行朗豪坊行到有 d攰，正想搵地方坐低食吓野嗰陣，就見到間euro gogo～法式麵包布甸即食外脆內軟，又唔會話好甜，幾好食煙肉芝士薯皮薯皮好香脆，但略嫌煙肉太多，食唔到本身嘅薯仔味芝士吞拿魚意粉芝士同吞拿魚好夾，醬夠多，好食煙肉蘑菇薯蓉味道同煙肉芝士薯皮差唔多，如果想食到多 d薯仔味可以叫薯蓉，但鍾意香脆口感就可以試吓薯皮～超級簿餅(半份)如果驚食唔晒，或者想留返個胃試多 d其他野，可以叫半份 pizza～pizza係薄底，都夠脆，d料都算多

8/22下午4時我同2位朋友原本想去食下午茶，位是有的但職員職員戴位好有問題，我已經開口同職員講有3張兩人坐位，但有2人坐在中間，另外2人坐位被客人放了物件，最終只剩下一張2人坐位，但我們是3人，之後我同佢可否叫中間的客人坐放物件的坐位，佢同我講對不起我們之後我一肚火立即同我朋友離開！8/22下午4時我同2位朋友原本想去食下午茶，位是有的但職員職員戴位好有問題，我已經開口同職員講有3張兩人坐位，但有2人坐在中間，另外2人坐位被客人放了物件，最終只剩下一張2人坐位，但我們是3人，之後我同佢可否叫中間的客人坐放物件的坐位，佢同我講對不起我們之後我一肚火立即同我朋友離開！

第一次黎食，真係好失望，本身食之前身體都冇乜事，叫左個蜆肉意粉，啲蜆怪怪地味，又有沙，以為係普通餐廳質素就係咁，用餐完即刻覺得唔舒服，唔洗十分鐘已經肚痛，又好想嘔，去廁所解決左一輪先好返小小。唔會再黎食完要兩百字先可以俾差評= =Frd叫咗個芝士海鮮意粉，冇乜味食落去好淡。講埋個甜品，本身想試個疏乎厘，去到先發現賣晒，所以叫咗個麵包布甸，啱啱出爐食落都唔錯，但係建議兩三個人share會好啲，一個好大份好飽食唔晒。

星期六放工同同事食個lunch黎左朗豪坊揾野食下午1點鐘餐廳開始多人啦好彩早到有位坐。。睇完餐牌出去收銀度落單我地兩個人揀左個肉醬意粉🍝，蜜糖雞翼同埋蒜蓉包，仲有一杯荔枝茶同忌廉朱古力合共220蚊，餐廳做緊入會優惠，滿200蚊即可入會即減20蚊，所以呢餐200蚊埋單😊睇下d相先呢杯忌廉朱古力真係無得頂👍🏻蜜糖雞翼都唔錯呀！蒜蓉包都好夠味！肉醬意粉🍝都不過不失餐廳仲有好多選擇，pizza 都可以order 半份，價錢合理，岩晒想食多種類但又怕太多既朋友仔😊

我地叫左蜜糖雞翼，雞翼入味，好淋，好味道！忌廉蘋果脆脆，剛出爐熱辣辣，但我覺得一般，甜左少少。另外又加左20蚊食個酪脆香蕉杯，不太甜，幾好！總的來說，呢餐好抵食，cp值高

如果有時想食下西餐，想平平地，唔一定揀薩利亞嘅😂Euro gogo 兵仔就覺得舒適啲喇！💂🏻‍♀️《香辣雞翼》$48其實就係CP雞翼，熟悉嘅味道，所以就好難唔好食，計番都差唔多十蚊隻，自己都整到嘅味道。評分：65/100💂🏻‍♀️️《菠菜汁魚柳闊條麵》$73味道唔錯，仲有啲芝士喺面，食落都幾Creamy，加上個闊條麵闊得嚟唔會重麵粉感，但魚柳份量就唔算好多評分：70/100💂🏻‍♀️️《千島海鮮（半份）》$52半份就有3塊，千島醬味都夠重，上面都有些少海鮮粒。pizza 餅底唔會好厚但都唔算好脆，不過可以叫半份咁樣都幾好評分：68/100💂🏻‍♀️️《煙肉蘑菇薯蓉》$3535蚊嚟講呢個都算抵食，煙肉同蘑菇都唔少，而且仲有唔少芝士係面，呢個組合好難唔好食評分：75/100總結：係想過下西餐癮嘅時候嘅平價之選，親民價格，不過不失。

一個充滿回憶，學生首選，價廉物美既餐廳食左咁多年永遠都唔會失望～磨菇肉醬意粉$56經典肉醬意粉充料磨菇肉醬而且意粉分量都好充足呢個價錢黎講，真係超值👍🏻煙肉焗忌廉西蘭花$36西蘭花上都係滿滿的芝士和煙肉最驚喜既係拉絲芝士！ 芝士味甚濃！真係物超所值！ 推薦👍🏻芝士蒜蓉包（4件）$42蒜蓉包表面充滿滿滿的芝士～而且蒜蓉絕不吝嗇蒜蓉愛好者絕對要一試！

每次假日經過都是要排隊等位，因為情侶們及一家大細幫襯都較多，價位及食物相對大眾化是關鍵。今次平日晚上約7：30入座不用等位（商場人流都較假日少），入座點餐，食物都好快上枱，叫咗海鮮Pizza，雞沙律，青口及熱桃茶，因為張枱太細食物擺放困難。海鮮pizza一開6件，算多海鮮放面，不過略貴，雞沙律菜新鮮，雞就好凍...似冰隔取出咁，青口12隻，賣相ok，但實在太細隻(似蜆肉多d)，這個價位應該可以做返好d。員工服務都好好，衛生唔錯，疫情枱之間分隔足夠，安心出行，安心用餐。