euro go go

Open Now

Now Closed

Euro go go 陪住我成長既歲月，無論返工放飯定係星期六日放假，都黎唔少幫襯。今次下午茶黎到食euro go go，簡簡單單，我叫左個芝士焗薯蓉，依個係我除左雞翼之外，最喜愛嘅Euro go go食物之一。真係食左咁多年都唔厭，每次嚟到都想再食。 然後自己都係一個蕃茄控，所以有蕃茄嘅食物，我都會試哂佢，Euro go go嘅鮮茄通粉味道都唔錯，而且下午都只係加10蚊就可以食埋，所以相當抵食。無論性價比同味道，Euro go go 都相當吸引，所以亦都成為我經常幫襯嘅原因。

下午茶想食西餐可以去euro gogo ，性價比高，環境清靜適合傾偈，環境又衛生又乾淨服務質素又唔錯。 今天同幾個閨蜜去shopping，行到攰就唔打唔撞入咗去試吓啲下午茶，佢嘅下午茶包前菜沙律🥗或者蒜蓉包，一杯熱飲，一份主食（意粉， pizza，焗薯蓉。我就叫咗熱奶茶，香滑有茶葉香，蒜蓉包，蒜蓉香草牛油配合焗到好香口嘅法式長包冇得頂，必試。忌廉香腸意粉就一般般啦，冇忌廉嘅香味，香腸份量好少。重點係加$10可以加蜜桃或者香蕉pancake ，呢個甜品絕對唔hea

歐陸半自助及開放式設計，一直為顧客提供輕鬆味美的用餐環境。多款即叫即焗薄脆Pizza、彈牙意粉、冶味小吃，配合即磨意大利Barbera咖啡及芝士蛋糕。快餐以外的另一優質選擇。而且每月也有會員優惠。法式梳乎厘💰40🔸焗製時間需約30分鐘🔸香濃蛋味甜度適中焗薯皮吞拿魚／蒜香雞／煙肉芝士（選一款口味）💰48🔸焗得好脆口，焗薯厚身香辣雞翼（5件）💰50🔸必點之菜，雞翼多汁肉嫩，又唔算好辣，反而好惹味千島海鮮薄餅半份💰54+超級薄餅半份💰52🔸薄餅好足料，上菜時熱辣辣，咬落脆口芝士火腿牛角包💰34🔸牛角包鬆脆好香牛油味

咁多間gogo 我覺得e間最就腳同景色最好，能把中下價的東西感覺變中上...旺角朗豪坊 真係一個好就腳好熱鬧嘅地方特別係好多人等人...今日就係要等朋友 所以搵間餐廳坐下..行行下下見間gogo 入去啦！好耐冇食個...多左好多野食選... 今日好餓食2個...三色薯皮...磨菇薯蓉田螺...2位熱檸茶 正啊正啊...個三色皮薯仔真係比較多皮...其實比多少少薯肉會好d 我一人兩個餐都係岩岩好...薯蓉味道唔錯...田螺比其他餐廳少油...幾好🙏

都食過呢間幾次，呢到嘅意粉真係好抵食。最便五十幾左右，就食到一個高質素，而且份量充足嘅意粉。另外，每次過黎我都會點一個忌廉朱古力，呢杯野飲咁多年都無加過價㗎賣相亦唔錯，濃滑嘅朱古力配上一大舊忌廉，上面再加啲朱古力醬，真係邪惡到爆炸！好味但唔中意食咁漏嘅朋友就慎買啦

前日去左朗豪城行街，行到有少少累，就去左呢間Euro gogo 品嘗下午餐。呢間餐廳係角落位置，感覺上空間感還好，咁我地需要落單先，再搵位置坐。我另一半話元朗廣場都有分店，但我就未試過，一試便知龍與鳳。我叫左半份Pizza、意粉、辣雞翼。我想讚下個雞翼俾我想像中好食，而且辣度係剛剛好，配上辣味的確係出色，我會推介大家試試，Pizza俾我感覺還好，正常發揮。而意粉我個人覺得係滿意分數，汁味濃郁，我都推薦大家可一嘗下，價錢係貼地而且抵食。大家一定要試試蒜蓉包，就知道係幾好食。

Euro go go係中學時期成日食, 主打食西式快餐, 價錢親民岩晒學生哥! 連星期日都有下午茶, 每個餐仲包餐飲, 非常唔錯! 肉醬薯蓉 $38薯蓉份量適中, 面頭鋪左一堆芝士, 仲可以拉到絲, 好邪惡! 而且食到薯仔粒, 用新鮮薯仔而唔係用薯粉, 呢點好好, 更添口感! 肉醬味道相當濃郁, 配搭薯蓉食好夾, 食到好滋味!!+$10 加配鮮茄湯通粉呢個有驚喜, 份量都唔少! 用左羅宋湯底, 蕃茄味好濃, 而且通粉口感唔錯, 唔會煮到好腍! 下午茶完全夠晒食! 餐飲可以揀咖啡, 奶茶, 檸茶 或 汽水如果行街行到攰攰地, 想搵地方坐下又食下野嘅話, 呢個係個好選擇

熱到頭痛的下午，走入朗豪坊行街及涼冷氣，可能係人太多的關係，商場冷氣都頂唔順，行行下要走入Euro Go Go食下午茶。由於之後要血拼牛大人，所以只係叫左個班戟配雪糕，降降溫，連雞翼都冇食到。雪糕一放低已經浴溶地，只可以盡快解決，可能真係太熱，雪糕大啖食都冇食到麻痺個種快感。班戟就應該係整定，冇個種外熱內凍的感覺，但30蚊就唔好咁多要求。最後仲飲左杯荔枝茶。小弟記得細個時有龍眼茶，個收銀姐姐話冇龍眼茶，得荔枝茶。究竟係我年紀大記錯，定換左menu呢？總括黎講，Euro Go Go算係朗豪坊平食首選，環境亦唔錯。但記得帶現金，因為餐廳只接受現金及轉數快，以現今黎講，算唔太方便。

今次係第二次叫 euro go go, 第一次試時有影相但無 post 到，今次一定 吓。每次都係叫🐼外送，收得晏就係咁，D嘢食一到手就凍凍底，但都唔影響食物質素😁，對依間平平底又幾好食嘅店舖真係會再幫襯😀。我都唔太需要點講，但有一樣就係，叫意粉的話，蕃茄味會濃味過白汁，因為白汁真係無咩味😆。咁次我一次過 upload 晒2次叫嘅嘢食先😍😍😍😍😍😍😍😍P. S. ～每次我都會叫埋甜品，香蕉班戟，真係幾好味😋😋😋😋，香蕉酥皮餅就少餡，好彩啲酥皮夠香，同埋最緊要咁係太甜，味道啱啱好😁。

農夫比得包🥗 $38第一次食比得包☝🏻估唔到口感又唔錯喎🤤佢唔係好似麵包咁🍞有啲似pizza🍕佢個底烘到好脆 但係面頭就好鬆軟 所以食落又脆又軟😍個餡好fresh仲塞到滿一滿✨有青瓜片,沙律菜,車厘茄 咬落好多汁 但係都冇整腍到個包😋呢到話係用咗荷蘭種子嘅水耕菜🇳🇱個sauce係沙律醋 酸酸地 整體好清新好開胃🤩係健康light food之選❤️不過喺冬天食 如果佢個包可以整得熱啲就好🥺雖然個餡都係凍嘅🙈

2大2小去食晚餐好彩早咗到,唔洗等位叫左3碟意粉,1杯飲品,埋單$200有找芝士吞拿魚意粉🍝卡邦尼意粉🍝意式青瓜鮮茄蘑菇意粉🍝汁夠,份量食得飽,係熱辣辣嘅,味道正正常常,唔難食😆當然咁嘅價錢相對要求都唔會太高嘅！

呢間平價店啊 不錯 但應係用番茄醬煮如果用新鮮蕃茄煮成醬汁應該會好鮮味不過成本自然就冇咁平加上一啲腸仔意粉就正正常常但一般一般不過係頹飯自選因為個意粉有點太乾個人鍾意juicy d d

今日晏晝出咗旺角諗住搵間Cafe食下，經過朗豪坊就諗住去euro gogo食。佢嗰陣時大約一點半至兩點到，都幾唔係好多人見到都有幾張空枱。可能好耐冇黎一入到去見到個餐牌變咗做電子版，都幾清晰同埋方便睇。叫完之後服務員會俾個牌你，佢哋會送埋嘢食，唔使自己拎好方便。👍🏻見有啲肚餓就叫咗個辣肉腸火腿煙肉意粉加咗杯蜜桃茶飲。個意粉係忌廉底，帶有少少芝士味，如果食晒成個意粉都幾濟。，辣肉腸同埋啲煙肉煎得好香，啲火腿偏鹹鹹度，全部加埋個意粉一齊食啱啱好。個杯凍嘅蜜桃茶唔會過甜而且好清新，茶底唔會好苦澀，解渴一流👍🏻而且杯茶入面都有五至六片嘅罐頭蜜桃果肉。整體來講環境同食物價錢都唔錯😆經過可以入嚟食下。

去朗豪坊 eur gogo 原因好簡單, 因為係朗豪坊EGG配眼鏡, 需時一個鐘就有得攞,  唔想四圍行又想食西餐, 所以幫襯 eur gogo.另一個原因, 係上一次幫襯 eur gogo 話無西湯提供有d失望, 點知無幾耐, 佢地 menu 就出現咗個野菌忌廉湯!雖然個忌廉湯唔平, 成24大洋, 但俾得出意見, 人地又改善咗, 無理由唔幫襯支持吓咁衰仔架!另外再點咗芝士火腿牛角包, 白汁香腸火腿蘑菇意粉, 煙肉蘑菇薯蓉.食牛角包係一個矛盾, 新鮮高質酥皮外層香脆內軟, 一層層麵包明顯, 但總係食到包碎四散, 唔想咁唯有食d無咁新鮮,過氣少少嘅牛角包, 但口感就差好遠. 而 eur gogo 屬於前者, 再加上芝士同火腿更惹味.個人中意長通粉或蝴蝶粉, 如果多一個選擇更理想, 初時感覺白汁有點不足, 但食落又剛剛好,  味道唔會過咸, 滿意.薯蓉係最滿意, 內裡唔係單單嘅薯蓉, 重有細細嘅薯仔粒, 口感豐富. 野菌忌廉湯濃郁唔係水汪汪, 如果野菌份量多d更理想.轉眼就磨咗一個鐘, 走得! 攞眼鏡!

糧尾既時候又想食西餐🍴除左快餐店之外都可以試下呢一間🤣 但係一分錢一分貨😅 質素唔可以同西餐廳比較🥩都可以一試既⭐️ 田園沙律 🥗不過不失的沙律 有番茄🍅青瓜🥒沙律菜都幾新鮮😋⭐️ 香蒜蜆肉意粉🍝意粉落得太多油🧈有D似殺你呀既感覺🌚 蜆肉有D腥味🦪可以唔洗試⭐️ 粟米薯蓉 🌽有芝士同粟米🧀 甜甜地鹹鹹地都幾好食😇好似食緊即食杯裝薯蓉咁👍🏻⭐️ 百寶 (半份) 🍕呢度Pizza 比較貼近餅乾咁🍪薄脆既口感 貪心D可以揀百寶🥳有多幾款餡料 番茄醬味好香濃🤪同雞肉 蘑菇🍄辣肉腸🍖 咁多肉味既餡料好夾⭐️ 牛油果火箭菜薄餅 🥑好新奇既配搭😂 滿滿既火箭菜鋪滿面頭 好健康🌿牛油果蓉可惜無乜調味🙃如果好似Guacamole 咁🇲🇽加點洋蔥辣椒🌶️會香好多 咁多綠色蔬果同時食落去💚 都係有少少草青味🌱