euro go go

Open Now

Now Closed

一個人唔知食乜好，行過euro go go 就入到睇睇，被牛油果火箭菜薄餅及法式薯蓉焗田螺吸引左就Order呢兩款啦要霸位，跟住到收銀處購買食物，講埋要幾多份餐具，只收現金，付款後有個號碼牌，放在枱上，餐具及食物出爐後就有職員送上。牛油果火箭菜薄餅（半份）50元餅底有啲硬，襯暖食還可以，面頭的牛油果及火箭菜凍凍地、酸酸地，清新好味。法式薯蓉焗田螺45元熱辣辣上枱，芝士香、薯蓉滑、田螺正。一個人又要霸位又要離座買食物，放下手袋又怕被偷，先買食物又怕冇位食嘢究竟euro go go 呢個設定，係咪唔想招呼一個人的食客，還是euro go go想提醒我，一個人就只能孤獨及無助。

係元朗食晚餐基本上都離不開燒味飯 點心大排檔突然想轉下口味👉🏻食意粉黎到Euro go go 一定要食我的最愛蜜糖雞翼每一啖雞翼都沾滿蜜糖既味道🙈好正！第二樣就係緊係要叫返個蘑菇肉醬意粉Euro go go 既肉醬意粉有蕃茄味之餘 唔會帶酸😛最後叫左個千島海鮮薄餅可以選擇叫半份或者一份人小可以叫半份👍🏻薄餅一d都唔馬虎 足料 滿滿嘅千島既味道😍

早午下三合一，三餐打埋一餐食當然要食多啲啦半份超級pizza午餐，加個湯，要沙律，飲可樂蜜糖雞翼餐，飲熱奶茶三色焗薯皮餐，飲熱咖啡超級pizza我覺得係最好食嘅因為有好多餡料,而且係我最鍾意嘅脆底薄批蜜糖雞翼個皮烘得不錯，水準穩定三色焗薯皮，最愛煙肉芝士。本來想飲熱朱古力，要加$8所以放棄

今日點左個芝士吞拿魚法包（每次必點）、蕃茄通粉、炒蛋火腿配牛角包，另加一份番茄通粉及pancake、奶茶芝士吞拿魚法包焗得好香口，芝士味好濃郁，早餐食一件，即刻充滿電。蕃茄通粉我見到每桌都差不多有一碗，我自己都叫左二碗，蕃茄味好濃好香，通粉煮得剛剛好👍，亦到成為我必食之選。反而pancake 就不過不失，火腿炒蛋唔會炒得太老，唯獨火腿煮得不夠香牛角包就好鬆軟，整體而言，性價比高，而成為我的早餐飯堂之選🥰

每次去到元朗廣場時， 當諗唔到食乜， 就會直衝入去Euro go go, 因為每次都畀佢嘅香氣吸引。忌廉朱古力~ 係每次仔仔必點嘅嘢飲， 因為喺朱古力上面有好多忌廉， 香濃幼滑。千島海鮮pizza ~ 個千島醬配海鮮加埋芝士焗好香好味。蜜糖雞翼~ 甜甜嘅蜜糖味， 忍唔住會食兩隻。四式多士~ 啱曬我哋鍾意食唔同嘅口味的人， 我最鍾意係吞拿魚嗰款多士。焗薯皮 ~ 呢間店裏面我最鍾意食嘅就係焗薯皮。卡邦尼亞意粉 ~ 一般冇咩太特別元朗店四， 坐得都舒服不過難搵位。

最近減肥，想食清淡d，早餐原本想試下意式鮮蔬蛋批，不過要等20分鐘，我趕時間所以冇要，改食農夫比得包+熱奶茶。未食之前都驚dry，得菜同包，不過要減肥冇辦法啦一來到見沙律菜都新鮮幾靚，有車厘茄，撈左d酸酸地嘅沙律汁，一d都唔會dry，個包仲熱熱地，一食就愛上比想像中好食好多，鐘意食沙律菜同減肥人士就唔好錯過熱奶茶就一般般，唔好有期望。早餐唔多人，坐得舒服，店員態度好好下次唔趕時間要試下意式鮮蔬蛋批

今日點左香蒜蜆肉意粉，香蒜味好香配少少辣味，勁開胃，另外叫左個千島海鮮pizza，千島醬好香，係我鍾意的厚批，好有口感，份量都多，二個人食啱啱好😁😁😁杯水蜜桃冰茶甜甜地配幾粒水蜜桃🍑，口感清新，啱我。而我老公就不鍾意太甜，所以杯芒芒冰冰就好啱佢，同樣都配以生果，唔甜配以梳打水，有氣，佢話夏天一流👍

放工後想食pizza,就去間近近地Euro GoGo.首先要找位坐，後行去叫野食。蒜蓉包，一口咬落去外圍脆，好重牛油味！波菜汁龍脷柳闊條麵，都幾多芝士係面頭，闊條麵份量都算ok,龍脷柳好好味！芝士吞拿魚意粉，吞拿魚用返罐頭嗰款.so sad ，不過都係芝士意粉半份夏威夷pizza,新鮮熱騰騰咁送上，一到我面前已經聞到新鮮既菠蘿味，份pizza太熱了，等待一陣就開始食，個餅底薄配新鮮既菠蘿火腿！二大一小既情況下，都算好飽好滿足喔！

今日去咗元朗廣場、本來想去飲茶，但見到酒樓門口已有大班人在等位，咁嘅情況就緊係轉地方啦😅後來決定去咗對面的Euro go go。其實久不久都有去呢間店嘅其它地區舗，出品👌🏻價錢亦合理👍🏻剛好兩點轉下午茶餐，叫咗兩個：火腿香腸鮮茄通粉+牛角包🥐+咖啡☕️$40好似食緊早餐咁😉，牛角麵包鬆軟但覺得未夠酥😅這裏的咖啡不錯，好比名牌咖啡店👍🏻蘑菇肉醬意粉（細）+咖啡☕️$39雖然餐牌寫明係💥细💥，但其實食完都好飽，肉醬甜酸味道適中，不偏酸亦不偏甜😋絶對支持呢d有質數嘅平民價餐廳👍🏻👏🏻👏🏻

今天那麼難得去Eurogogo 吃意式青瓜蘑菇鮮茄意粉餐價錢五十元正包一個沙律及熱飲品，然後叫了後拿住等餐牌及收據去找位置座，找到位置座了就去座等，剛好由職員帶位去塔抬座，見到有個男仔，座下去後等到有意粉來，吃了一會，介紹一下有什麼材料，有青瓜，黑提子類茄汁及蘑菇，意粉是幼麵條的意粉，吃到一半時對面的食客開口問我說，哇，你正在吃的很辣喔，我座那麼遠都嗅到，此時我在想，茄汁加青瓜的配塔會否是嗅到辣味呢？我第一次聽到塔桌的人這樣說，不過實際意式青瓜蘑菇鮮茄意粉餐這個餐有點微酸並不辣的，應該都用植物油弄出來，不然不適合素食者的

今日突然之間好想食番個歐陸早餐，在香港食歐陸早餐真係好少地方，茶餐廳快餐店都有，但無論氣氛食物都不是那回事終於在元朗中心，找到euro gogo，點了個有牛角包的早餐，全套三十八元，ok, 價錢平民化， 仲有啲熱食，蕃茄通心粉很明顯是迎合香港人胃口的， 讚其實呢種早餐響香港仲有一間以前很出名嘅，就是Delifrance,我都不知他們為什麼越做越縮,其實有市場呀, 有時客人真係需要不同的環境去震動一下腦筋，嘆杯咖啡。今日嘅早餐，牛角包很出色，同以前delifrance嘅一模一樣，很鬆軟， 以前聽師父講過，只有法國麵粉或日本麵粉才可以做出牛角色入面一絲一絲空氣的效果，還有這杯咖啡，也真的不錯，感謝euro gogo给了一個健康的早上。

今天剛好那麼熱然後去了祭伺後去許留座下來叫鮮果烏龍,裡面環境也不差也不算太好,這裡環境大致上還不錯,然後就叫了鮮果烏龍後就座下來喝了,這裡的生果還很生鮮,有奇異果,草梅,波蘿,西瓜,還有檸檬,最重要是烏龍和糖,這些全部夾起來是絕配,然後喝完這杯三十元正會員價九折平三蚊的飲品後座一小時打手機,之後就等一會下大雨而且還紅色暴雨,於是叫多一個19元的薯角,這薯角感覺很新鮮,而且還有一個pizza盤放在上面,應該是炸物,吃下去脆身的,冷氣就有少許冷,因為下雨的關係,所以穿上外套,到最後便離開了 

小妹是euro go go的fans，一來覺得食物即叫即整好新鮮，二來食物的價錢都好公道（尤其是下午茶），所以我都幾乎成日吃，百吃不厭！有幾款食物是我的心頭好，必吃！招牌蜜糖雞翼，好欣賞佢焗到表面金黃脆卜卜，裡面好嫩滑。下午茶仲可以加10蚊配特飲，點少得配荔枝紅茶呢？裡面仲有3粒大大的荔枝果肉架！如果仲唔夠，加10蚊配個鮮茄通粉。好鍾意個通粉有濃濃的香草味，食到飲晒個湯都得！如果再想加野食，煙肉蘑菇薯蓉都好值得推介！你睇，d料幾多！真係食極都唔厭架！

經過euro gogo，見唔係太多人，所以入左去食！今次叫左兩個意粉，一份雞翼！仲有必叫既朱古力🥰佢既雞翼我相信食十年都唔會厭，蜜糖味勁重，而且焗到好夠脆，所以佢既皮都有少少口感。不過，雞翼相對其他食物，等既時間比較耐。真係要成20mins-30mins。但係其他食物都算快，所以都ok。必食必等😂

是日因為午餐時間在office 當值，所以等到兩點放午餐，個人突然想食薯蓉，所以決定去euro go go叫下午茶外賣，因為店內實在太多人，真係好難搵位坐落單時店員講要等十幾分鐘，沒想到我等了十六分鐘左右才有得拎返去office 食~~~在等待的時間我行超市閒逛來打發時間~~~我點咗法式薯蓉焗田螺（茶餐）配百事可樂，本身想加$9叫芒果班戟，但原來要叫午餐先至可以用呢個優惠價~~~個薯蓉都算ok，好在唔太咸，總覺得價錢係比較貴咗d，如果當午餐食真係好唔夠飽，田螺係乾身咗d，整體算係ok~~~