夏娃 (Closed)

其實第一次喺呢間餐廳食都已經差唔多係兩年前，今晚約咗兩位朋友喺度食飯，係第二次，我地3個都覺得食物味道幾正，而且價錢仲好親民抵食，性價比非常高。我地叫咗個香煎牛油帶子配海鮮龍蝦汁意大利飯，仲有原隻燒春雞。個海鮮意大利飯賣相好睇，食落去好香龍蝦湯味，海鮮配料都足料，食到大家都讚唔停。😝而個春雞味道同大部份有實力嘅餐廳一樣，肉質唔鞋，另外幾欣賞佢伴碟嘅蜜瓜沙律同蘋果粒，幾開胃。另外要讚嘅係上碟嘅食物全部都熱騰騰，啱火喉。 之後會繼續幫襯支持，喺平民地區嚟講，食物質素好好，價錢都好吸引。另外我地都點咗個車打芝士焗西蘭花，朋友係咁飲啲芝士汁，話好好味，不過可惜冇影到相。🙃

同朋友慶生，又因為方便其中一位回家，專誠揀選北角呢間德國餐廳，又可以喺openrice訂位，方便~4個人，叫咗4人餐($798)~(但唔記得影餐牌)餐湯: 南瓜湯👍🏻前菜: 巴馬火腿蜜瓜沙律👍🏻小食: 德國腸拼盤👍🏻主菜(4選2): 德國鹹豬伴酸椰菜 & 龍蝦燴飯👍🏻豬手上碟已起肉，夠入味，皮是脆的，問店員有冇醬料，佢就比咗兩樽醬我地，一樽係芥末，一樽唔知咩，酸酸地。伴碟就有蕃薯條同酸椰菜，仲好食😆呢款確係必叫~😋龍蝦燴飯都正，大大隻龍蝦又多膏，燴飯入面仲有好多料，汁又香，每人食4份1碟，都好夠飽~甜品:一去到已經向店員提及有朋友生日，想喺甜品旁寫祝福語，一問就ok😊而set嘅甜品係雪糕窩夫，點知到我地叫果陣竟然賣晒，店員提議揀兩款cheese cake代替，生日個fd見到有雪糕布朗尼，問可唔可以將其中一件轉呢個，點知要加$20，但佢想食，加就加吧！最後分兩碟甜品上，一個手寫字，一個插牌，哈~飲品: 番石榴汁/芒果汁/蜜桃汁/熱情果汁臨食完才order, 點知蜜桃汁又無晒🤦🏻‍♀️我揀芒果汁，好飲，飲落舒服唔算好甜，唔似有加糖水，原汁原味~其他就唔清楚。總括嚟講，食物方面係好，環境舒服，

北角搵食第二擊今次朋友到訪，帶埋佢一齊試好嘢見到和富道都有唔少靚餐廳喺 openrice 第一眼見到呢間就幾啱 feel，就決定食呢間先因為遲咗去，打去改時間waitress 好爽快話 OK，而且把聲好開朗第一印象已經幾好去到因為仲有好多吉枱waitress 畀我揀位，又加分～Menu 選擇不多不少，幾啱選擇困難症嘅我！兩個女仔唔想食太飽，只叫了小食加豬手蒜蓉牛油煮蜆 (唔記得個名.. 好似有個貝字?)好香，幾肥美！食蜆我總係好執著要剷起粒細細帶子，呢粒好易剷得起，開心～推薦～咸豬手，皮脆肉嫩，好味！呢隻酸菜都好啱我口味可以揀配薯條或番薯條，我哋揀咗番薯條，好正平時我麻麻哋薯條，但呢個番薯條我清晒～感覺無咁油膩同熱氣呢唔好睇佢唔太巨型，實際上係好飽...配德國生啤真係一流因為樓底算高，而且枱與枱之間都有足夠距離空間感好好，環境唔嘈吵，同朋友傾偈唔會辛苦兩個人坐四人枱亦都闊落同舒服樓面得兩位侍應，有少少踢腳不過態度很友善～會 encore!! 

今次第二次同朋友係呢間西餐廳，試咗佢哋嘅set dinner ，每個人人均消費大概$200左右，整體來講，質素都算唔錯，環境都幾好，不過可能因為員工唔太多，上菜有少少慢。呢個套餐都幾豐富，適合四個人食，有南瓜湯、沙律、主菜可選擇四款入面嘅兩款，我哋揀咗龍蝦燴飯同埋燒豬仔骨配呢個套餐都幾豐富，適合四個人食，有南瓜湯、沙律、德國香腸拼盤配酸菜、主菜可選擇四款入面嘅兩款，我哋揀咗龍蝦燴飯同埋燒豬仔骨。仲有甜品同埋飲品奉送。南瓜湯幾好味，沙律今次就係巴馬火腿配蜜瓜沙律，都唔錯，香腸拼盤正常，出奇嘅係，個人唔鍾意食酸菜，但佢呢度嘅酸菜都幾好味。龍蝦燴飯嘅龍蝦都幾新鮮，不過啲飯就有啲少，但係個飯好好味，如果分量大啲就好啦。豬仔骨就普普通通啦，冇咩特別。甜品嗰個窩夫就唔係好得啦，個雪糕真係硬到飛起，飲品最好揀熱情果口味，其他都幾伏。

今日系北角搵食,找到這間德國菜小店,裝修簡約,枱是窄咗小小,和鄰枱較近,店員熱情有禮,服務不錯,朋友聚會頃計ok。南瓜海鮮湯味道合我,法式扒原隻大虎蝦多士,蝦十分彈牙,蝦味足,配合千島醬多士,廚師還說因今日的蝦細隻,所以原本一客两隻的份量改為三隻,算是良心食店。炸薯條配黑松露蛋黄醬,粗身薯條炸得剛好,配松露醬,我的至❤。因為見豬手份量大,得两個人,改叫西班牙烤乳豬,還有两種芥末醬配食,整體食物味道不錯。最後仍貪心叫了白牛仔腸,結果也要拿走。環保呢其他菜式要下次再試了。

朋友們聚餐的新地點，去了北角夏娃餐廳打卡。食物質素不錯，有賣相燒豬手表皮啵啵脆，味道濃郁。薯條有驚喜，系番薯薯條。好似道道菜上來都馬上消滅光了，哈哈！一群吃貨齊齊話好味！

北角食飯地方很多，今日想食西餐，search search, 搵到這小店.地方闊落，裝修簡約有格調，服務不錯.Order 了原隻燒春雞跟密瓜沙律及一個西班牙豬脾飯，春雞香香，豬脾脆脆，好香，連杯水都好飲有誠意。

高手在民間，好有誠意的德國餐廳，會再光顧的！食物好好食，推薦以下。沙律黑松露味好香濃，但份量唔算好多～第一次食牛護心好有驚喜，醬汁好味，岩岩好唔會太生，又好juicy。龍蝦炒飯原隻上太大誠意了，好香而且d汁又均勻，唔會好咸！三個人真係食到勁飽。香腸下面d酸椰菜好食，d腸都ok無太大評價～上次食過豬手所以今次唔食，不過888母親節餐超扺食！無令人失望！環境幾好！推薦比大家，伙計都好有禮貌！！！！！！

香港既西餐廳一般都係以食牛扒、burger或者pizza為主，今日介紹既呢間餐廳主打德國菜，朋友話要去食既時候我就已經超級期待啦。未食之前我做過下功課知道豬手、乳豬同埋護心扒係餐廳既重點推介，而今次就試左其中一樣，就係德國最出名既豬手啦。今次同朋友叫左個精選二人晚餐，分別有煙三文魚伴胡麻醬田園沙律、餐湯同法式蒜蓉包、招牌特大脆皮德國咸豬手伴酸椰菜同脆炸番薯條、輕煎北海道刺身帶子配海鮮龍蝦汁意粉、比利時窩夫配雪糕同兩杯餐飲。原本以為沙律會係比較細份既量，但出黎既份量絕對唔細，每人都可以分到兩至三片既煙三文魚，而且係一整塊唔係切碎左個啲，而沙律菜同番茄仔亦好新鮮，胡麻醬加沙律係一個不敗既配搭。當日既餐湯係南瓜湯，飲落好順喉，如果有埋南瓜肉相信會更加吸引，蒜蓉包焗得好脆身，就咁食都唔會覺得好乾同硬，而點埋湯淋淋地咁食又有另一番口感。豬手等既時間比較長，不過有好野食就等幾耐都唔怕啦，上枱既時候店家已經好貼心咁將豬手切左件方便客人食用，豬手既皮脆到好似食緊薯片咁，而入面既肉就好入味，伴碟既酸椰菜幾開胃，不過我唔太好醃漬既菜，所以無食太多，另外幼切既番薯條都炸得好脆口，同咸豬手一鹹一甜既配搭可以互

原來北角都有德國菜，一家大細黎試下見到二人餐幾多野食，一於試下，再加幾個菜一黎個湯：南瓜粟米湯，好濃，好溶，好味道小朋友飲到唔夠喉再黎鹹豬手，食德國野點少得佢!有驚喜喎，個皮好脆，又唔會好鹹西班牙海鮮飯，份量比想像中少，味道普普通通啦!香腸拼盤，個人幾期待呢個菜，點知。。。款式味道都一般般。。。有少少失望既。。。啤酒都有好幾款，可以問下店員有咩分別，再跟自己喜好試下今次冇試到有多人推介既護心牛，下次要試下。店內環境唔錯既，可以encore!

情人節同男朋友去夏娃食飯，今日提起先醒起未打食評，所以依家打返～男友知道我中意食海鮮，首先就嗌咗個黃波椒海鮮忌廉湯，個湯都唔錯～仲有啲蜆襯托下咁～跟住嘅主菜就好有驚喜！！一個係半隻龍蝦配帶子西班牙海鮮炒飯，另一個係慢煮美國肉眼扒配香煎鵝肝～首先講咗海鮮炒飯先～真係有半隻大龍蝦我相信已經夠哂誠意！仲有帶子同埋其他海鮮嘅香味，加埋非常鮮甜！另外肉眼扒相當大份，牛嘅成熟度亦啱啱好，鵝肝亦煎得非常香～最估唔到係牛同鵝肝原來可以配搭得好好！最後我哋叫咗個西班牙風乾火腿配哈蜜瓜沙律做最後一道菜～咸咸地嘅風乾火腿同甜甜地嘅哈蜜瓜，加埋一齊可以話係相得益彰！細問之下先知夏娃用咗黑松露欖油，令佢哋嘅味道更加配合！總括嚟講，情人節嗰日食到餐好嘅真係好開心，為情人節加哂分！！

同女友送完佢班大陸來的親戚去粵華酒店🏨 就去左附近覓食！ 見到呢間小店九點幾都仲開住門，我冇抱咩期望就行咗入去！ （純粹想醫肚）間餐廳唔算闊落，但唔迫，咁我同佢就分別叫咗西班牙燒乳豬今日美國護心扒，老實講，護心扒我都唔知係咩黎， Google左之後先知原來係橫隔膜對落嘅一塊厚肉！其實兩樣野我都未食過，喺條街好少見，先講護心扒！ 二百幾蚊，開頭我都覺得有少少貴，但是完我就覺得-值！ 牛味唔算話超級重，但係就嫩到不得了！再配埋佢個燒汁，真係好Match! 係好味嘅！至於個烤乳豬，同平時食開中式係兩回事！ 最大分別係個肉唔會好似中式乳豬咁乾身！ 佢保留到肉汁之餘，外面果個皮都係好香脆！至於個酸菜，我自己就麻麻，但係女朋友就話好好味！ 總結一下：呢間西餐有驚喜！ 有種低調高手嘅感覺！完全唔係茶餐廳扒房味！有酒店水準！我俾個Like!

因為睇到夏娃的廣告，就去嘗試一下⋯點知非常失望，食材、服務、一個差字，當天是情人節⋯我選擇了當晚情人套餐，前湯無味😢湯後等了20分鐘先出主菜，仲要送了去隔離枱，有客人叫他們話這個餸菜不是我叫的，先再送到我們枱上😤鹹豬手和慢煮牛扒，牛扒像牛筋一般完全切唔開😩脆皮鹹豬手還可以！但當我們問到他有什麼醬料時，真係估佢唔到食西餐係冇醬料🤔兩個主菜乾爭爭😩🤦🏻‍♂️走前諗住去洗手間🚾路經廚房，食店衛生必須睇兩樣東西，一廚房/二洗手間，失望完！

朋友係德國慕尼黑🇩🇪回來香港之後，一直都未有聯絡，直至佢今晚唔知發咩神經突然約我食飯，佢好驕傲咁話係德國生活既時候，日日都有好嘢食，之後佢就叫我係港島區搵有一間質素嘅德國餐廳同佢食飯😅。係網上搵到既德國菜全部都係集團式既餐廳，所以都未有太大驚喜，直至搵到最後，見到有間小店係屬於比較港式既德國餐廳，內裏沒有特色的裝修而是比較行工業風的感覺，原本都諗住係中伏㗎啦，但係又唔想幫襯大集團，所以一於試吓佢。呢間餐廳嘅價錢屬於中等，未去到劏客嘅程度，由於我個朋友又叫我訂德國菜既餐廳，所以我以為佢會食返d德國嘅菜式，點知佢話食到厭然後叫我選擇其他菜式，我真係比佢吹脹。因為我係第一次嚟呢一間餐廳所以我就問下侍應有乜嘢好推介，原本佢介紹我食原隻龍蝦配西班牙飯，但因為原本我地得兩個人，但係個西班牙飯份量都算大，所以我哋決定唔叫呢一個菜式想試下其他幾款野。我哋揀咗佢令一款嘅招牌菜式：慢煮美國牛護心，牛護心真係從來都未聽過係咩部位，本應現為係內臟，但店員解釋係屬於橫膈膜來的嫩肉，我亦都未試過用日式燒汁去配美國嘅牛肉，因為出邊大多數餐廳都係用紅酒燒汁，所以我覺得幾特別一於試吓佢，點知有喜出望外嘅感覺店員果然冇介

今日收工同兩個朋友約喺北角食飯，諗整都諗唔到食咩好，最後我就上網搵到呢間夏娃好似約多好評咁，就決定一試！首先我哋叫咗個原條燒西班牙豬肋骨，雖然係寫住原條，但我哋都估唔到個豬肋骨居然咁大份！肉質都幾嫩下，唔會燒得太柴，食落個燒烤汁好juicy好香～問返店員先個汁原來係自家製嘅！值得一讚！另外我哋仲嗌咗個德國咸豬手，豬手又係好大份，仲有蕃薯條配埋上，蕃薯條好甜好脆，配合咸豬手一齊食口感好特別！我最怕食到啲好柴嘅豬手，但呢度嘅豬手好嫩，加埋個酸椰菜，食落相當開胃！喺呢度食飯真係要留意返個份量，同兩個朋友加埋三個女仔，食到勁飽，最後真係要打包拎走先得！呢間餐廳性價比真係幾高，食物份量都幾大份，重點係真係好食！下次會帶埋屋企人嚟食餐勁嘅！