夏娃 (Closed)

最近搬左過北角，今日放假就在區內走走，於是上網Search 吓，在Openrice 發現左呢間夏娃，一於試試佢！ 我自己本身好懶🐖，動筆打親都一係好好，一係好衰！今次好好彩💯， 係前者！首先佢吸引我既地方係選擇好多同性價比高！ Lunch Menu 都有十幾款選擇！ 大部分都唔過百！真係西餐喎！ 去到就叫左個Set Lunch! 就送粟米南瓜忌廉湯！ 見到個賣相，以為中左伏！喂，但係真心係OK 喎！ 之前未試過呢個配搭，佢粟米味比較重，但飲落都有南瓜肉！一個字！ 好味！ 到個主角，汁燒燒豬仔骨配飯！喺香港普遍食到嘅豬仔骨都乾到好似柴咁！但呢間咬落唔油之餘亦唔會好乾，仲要保持到內面果份油脂感！ 再加埋佢薄薄搽係面嘅醬汁（好似係西班牙🇪🇸）！ 真係好開胃！ 份量勁大加埋杯野飲都只係$9X，分分鐘去是但一間好少少嘅茶記都唔止啦，你叫我點唔打字去歌頌呢間小店？（遲D班Friend 上我度House Warming 果日，去呢間度再食過！可以試埋佢D 啤酒🍻）

今日係同女朋友慶祝2週年紀念，我就上網搵佢喜歡食既德國菜，作為我地慶祝2週年既晚餐，點知比我搵到間係佢番工既附近有間德國餐廳，咁就好啦，接左佢收工就可以帶佢過去，間餐廳名好搞笑，叫夏娃，同德國菜係完全扯唔上關係😂。唔理佢啦，總知睇完網上既食評都話佢唔錯，就一於試下啦，如果係中伏既話最多都係比女朋友鬧餐死姐😅我地叫左2款主菜同埋杯啤酒：德國招牌咸豬手，西班牙脆皮燒乳豬，本身都覺得慘啦，叫左2樣都係肉類，搞到試唔到其他菜式，但冇理由要麻煩人地cut單嫁，所以焗住都要食晒佢。德國豬手份量真係好大，金黃色既脆皮，粉紅既肉，起初我重以為係餐廳整得唔夠熟，但女侍應向我解釋並不是不熟，而係德國豬本身既顏色就係粉紅色，佢解釋餐廳係用慢煮既方法去處理豬手，然後再用高溫去焗隻豬手，所以個外皮焗到卜卜脆，肉質嫩滑，但因為份量實在太多啦，所以食到一半就打包左先，因為我地重有隻西班牙乳豬🤧當乳豬出來既時候，我就放心啦，原來佢既份量唔太大份，我同女朋友都可以岩岩夠食得哂，乳豬個皮燒得好薄身，肉質比起豬手更加滑，所以好快比我地食哂😆，其實一路食，一路飲德國生啤真係好過癮，食到口乾乾，飲番啖啤酒🍻經過今次食肉戰之後，

今日特登過嚟試吓呢間餐廳，因為之前同事俾咗Coupon我，咁我同另一個同事就lunch過嚟試吓啦，結果發現又真係幾好喎~我同同事叫咗兩個餐share，第一個係肉醬意粉配西班牙辣肉腸，肉將意粉我就食得多啦，但係第一次配辣肉腸，辣辣地又有茄汁味，意粉煙銀度又幾啱，都真係幾入味下，啱晒我依啲又想食下辣但係又唔係食得好辣嘅人🙈🙈第二個係豬仔脾配鵝肝黑松露野菌意大利飯，配料真係好多，本來係沒有鵝肝嫁，事關我本人好鍾意食鵝肝，問個侍應可唔可以加錢，點知佢又比喎，好似都係加咗$40左右啫，真係好抵食~真係要多謝同事介紹俾我，所以都要介紹返俾你地，haha~

今日要介紹一間性價比高既餐廳比大家，佢就係係北角嘅夏娃，其實我去過食幾次，但一直都冇寫到食評，因為我都幾懶😝今日又去食咗啦～係時候要打返篇食評介紹下，今次叫咗西班牙海鮮飯，超多海鮮，有扇貝、蝦、魷魚、青口等...啲飯煮得好適中，唔會淋啤啤，我唔鍾意食軟飯㗎🤤每一啖都好有海鮮味！因為我鍾意食海鮮，所以另一個都叫左海鮮配西班牙風腸秘製醬汁炒意粉，聞落好香，但原來食落口係酸酸甜甜，感覺好似日式炒意粉，因為有好多紫菜絲係上面❤我同個朋友去食，個朋友都食到舔舔脷😂

同朋友係北角行街，行行下又有D肚餓，見到一間叫夏娃既餐廳，望落去好似ok，就試下啦，點知仲買左個外賣走🙈就係因為呢個西班牙風腸配秘製醬汁炒意粉，個意粉炒得好香，聞到好大浸煙熏味，但咬落去又唔會硬又唔會嚡，配埋個意粉既秘製醬汁，酸酸甜甜好開胃，岩曬晏就食😋可能因為開胃得滯，食完都未飽，叫咗個外賣返屋企同阿妹share✌🏻個朋友就叫左生牛肉七成熟，我朋友話想食牛又唔想咁生喎～我見佢都好厚身，所以偷食左兩啖，發覺又唔會好韌喎～配埋個燒汁都真係幾好味下，唔會食到啲牙黐住啲筋👍🏻👍🏻同佢個番薯條都夠特別，甜甜地✌🏻

今晚加班，成九點幾先返到北角，屋企人都已經食晒飯，唯有自己一個人食，就去咗呢間夏娃，自己同自己撐枱腳😪好彩嘢食都幾好味，安慰下一個孤單嘅心靈，最緊要係咩，梗係有啤酒😎今晚飲德啤，好香雲呢拿味，香蕉味，yeah!下酒菜有薯條，都幾脆嫁，份量好多，要慢慢食先食得晒，另外仲叫咗一個香煎牛油帶子飯，意大利飯好重龍蝦汁味，飯煮出嚟唔會好濕，帶子亦都好鮮甜，咁樣出餐擺盤好靚，同埋都好方便我一個一個咁食，令到我胃口大增👍🏻

有次同家姐經過呢間餐廳，睇左佢地menu 幾吸引就想試吓🤤不過嗰日咁啱約咗人唔得閒，見今日同家姐晏晝冇嘢做就黎依度試吓先😍好彩晏晝嚟試吓，因為原來晏晝係抵好多，就好似我叫咗嘅豬仔脾配黑松露野菌意大利飯，我上次睇都好似要130幾蚊，但係依家$78就食到，黑松露飯好香，啲飯好有咬口好煙韌，豬仔脾好淋，燒得好香同時都入味😋然後家姐叫咗蟹鉗菠菜煙肉意大利粉，不過不失，但份量好足夠，性價比都幾高，都係$58姐，雖然有炸蟹鉗但同時都有菠菜粉解油膩，都算健康✌🏻而且見到佢有唔同嘅啤酒，不過都係夜晚先嚟飲下，我唔係甘鍾意晏晝飲啤酒🙈

咁啱睇到附近有間德國菜就走去試下，本來想叫德國咸豬手但係媽咪唔係好肚餓。我地2母女叫左1個拼盤再一個豬脾骨佩蕃薯條雜菜。拼盤有啲失望，因為其中一款係串燒係個啲爛鬼雪裝"梅"既雞肉串燒。不過佢個三文魚多士好欣賞，其次就係雞翼有點過火帶深啡，而蕃薯條正常。至於個豬脾骨不過不失。唔知係米"慢煮"關係所以係微溫而唔係熱。整體10分，我會比5分。睇到其他人既post, 其他菜式既評價都好好，可能會比較出色。有機會可能會試其他款菜式!

今日同女朋友嘅拍拖紀念日，下午時間去咗中環Wine & Dine飲完酒，去到見到一間酒商派緊夏娃嘅現金卷，原來佢哋合作緊做德國啤酒，所以當晚就去咗夏娃度食，因為又有折，又有我地係wine & dine飲開既啤酒🍻估唔到係一個唔錯嘅新嘗試！去到嘅時候侍應嘅態度都唔錯，好快就有位坐，咁我就見到而家叫一個主菜就會送一碗湯，所以就叫咗兩個主菜，佢係送南瓜忌廉湯，入口好夠味，好滑身，好鮮甜！因為見到隔離枱叫咗豬仔脾配番薯條，我就諗住叫黎試吓，因為其他地方都係配薯條嘅， 又估唔到呢度會咁特別，夠脆亦有番薯味，番薯條應該都比較健康😝😝另外嘅主菜就叫咗女朋友想食既豬手🐖分量好足夠，肥瘦適中，算得上係一個出色之作，幾時都話我女朋友識揀！下次再嚟試吓其他嘢先！

今日食lunch嘅時候又唔知食乜好，就係OpenRice度睇下有咩食🤔就見到夏娃呢間餐廳，睇落又唔錯，價錢又好似合理就試吓啦～去咗之後叫咗一個set餐，仲有湯❤甘筍忌廉湯🤩甘筍味好重，上面有啲甘筍絲，好清新好開胃，另外有漢堡包，佢係手打牛肉漢堡嚟㗎，仲配咗蜜糖芥末，我見佢咁大份，就叫咗侍應幫我切開兩份，服務態度真係幾好，切開咗見到好多材料，好豐富，仲有好多肉汁流出黎🤤仲有沙律同薯條添，一個perfect 嘅午餐，又唔貴喎👍🏻杯嘢飲都好抵讚，好似叫lemon tree 🍹好酸好酸但同時間又解到食漢堡包嘅油膩感，好適合晏晝飲，仲可以食多啲嘢食添😝😝

今日好開心一家四口去食飯👨‍👩‍👧‍👦因為弟弟生日，係openrice見到好似幾好食又唔貴，就book咗呢間夏娃，大約7點左右去到，左諗右諗，叫咗個西班牙海鮮焗飯🍛表面充滿著海鮮，份量好大，我諗三四個人都夠食，入口係濃濃既海鮮味🌊加埋啲有咬口既飯，就連我媽咪咁嘴刁嘅人都食多咗幾啖， 算係一個正宗嘅西班牙飯，另外就叫左一個海鮮拼盤，我覺得好抵食👍🏻因為有好多選擇，有我最鍾意食嘅炸蟹鉗😝仲有炸蝦、炸蠔、炸蟹卷，super豐富，我同老豆仲飲左麥啤添，真係爽歪歪🤤總括嚟架，無論係環境同嘢食我都會同屋企人再黎，哈😎

補 02/11同上一間餐廳同一條街。大約1310左右到，入面已經爆左人，等左5分鐘左右先有位。價錢有平有貴。落單：L05 （西班牙香腸秘製醬汁炒意粉）+ 餐湯個湯好快就上抬，正常味道。樓面得一個人負責晒，落單，收銀，執抬，但講緊間餐廳有二十幾人食飯。所經常見到佢執執下抬又要去收銀。等左近30分鐘左右，個餐都未到，同時又聽到隔離都開始催單（ 佢哋早過我入坐 ）。我就都同樓面講我個餐未到，然後我見到佢係收銀機到拎張單入廚房。即係冇幫我落單啦。果然隔咗唔洗10分鐘個餐就上抬。其實已經心情麻麻，好死唔死個意粉又唔係好食過人。個秘製醬汁係咩？食唔出，因為個意粉係極多蒜頭，多到’乸喉’。香腸，瘦臘腸質地但更乾，味道仲衰，可能我唔識食西班牙嘢。拿拿臨食飽個肚就走左人。總結：體驗極差，味道亦是。不去也罷。

第一次嚟夏娃，都系一種緣份！！原本系諗住去食中菜嘅，不過因為full晒，無位，但又好肚餓所以就到隔離夏娃，都系貪佢哋無洗排隊🙈嘢食嚟得都好快😊。咁我哋就叫咗北海道刺身帯子配黑松露野菌意大利飯同香腸拼盤。個黑松露好好香，野菌都落得好足，食落口多汁且不油膩😋 同埋想讚下佢哋個意大利米煮得好好，軟硬適中，好正宗。因為平時自己都會系屋企煮risotto，真系唔易煮，水準好高👍🏻 仲有個煎到半熟嘅刺身帶子，又鮮甜大粒，入口即溶嘅感覺。另外個香腸拼盘，就系德國香腸嚟，份量超足，十分抵食，配埋d薯蓉同菜，又好食又抵wor. 估唔到可以咁偶然食到咁好食嘅嘢，真系多謝夏娃比到我咁好嘅味覺體驗！！😙

話說上回就同朋友系open rice 度 book咗位嚟 北角呢度食夏娃嘅，因為見到好多朋友話好食，值佢得一試。咁我哋就叫咗個豬仔髀同牛護心，個豬仔髀啲用好彈牙，好q，一啲都吾鞋，仲好入味😋😋😋。豬仔髀配埋d蕃薯條好大一份，份量好足，同埋蕃薯條都好好味，好新鮮。另外個牛護心性价比好高，好大一盘肉質嫩滑，真系幾大一份都唔夠食！！我哋因為原本系open rice book 咗位，仲有埋九折優惠，抵到不得了😊😊

放假多數都係北角食，夏娃之前已經食過兩次，宜家有d變左假期飯堂之一weekend有12種set lunch是日餐湯係南瓜湯濃濃南瓜味，份量岩岩好👍🏻主菜點左幾款。雞扒飯唔錯，淨係睇賣相都知大大塊仲煎得香脆，又夠汁，仲有少少配菜三文魚長通粉d菠菜芝士忌廉汁幾香濃，幾惹味D三文魚煮得岩岩好，唔會太熟👍🏻我突登走左茄子，覺得唔夾餐飲加左$10要呢杯特濃朱古力，睇個樣都知唔會好濃，只係杯朱古力不過味道👌🏻既，只係個名令人誤會係好濃好肥果種朱古力。仲叫左杯cappuccino, 味道唔錯，不過咖啡味唔係甘重。