嚐綠

Open Now

Now Closed

這間店舖是九龍灣很少有，純賣沙律的食店，間中都有幫襯，都幾好食。可惜今日讓我大失所望，不是食物質素，而是店員操手。今日店員成日咳，Kam kam 聲，無戴口罩，仲要負責收銀、整食物、通知客人取餐，加添沙律……。我坐左20分鐘，見到佢喉嚨痕咳得幾密下，我真係唔安心食眼前的食物。離開時同佢直接對話，叫佢病就要戴口罩處理食物，Covid/流感如此嚴重，要顧及衞生和食客安全，點知他說「我哋係咁架，一直都係咁…..」嘩，真係不顧別人的食店，我唔會再幫襯的了。

健康自選沙律，每日都唔同款，所以未必日日都啱口味，個人最愛星期三的華都夫沙律。細沙律都可以揀1-3款，食完個刻都飽，不過只食沙律就會好快肚餓。薯蓉最愛蕃茄肉醬同蜜糖芥末。

九龍灣找素係有少許難度既，今次食this this rice 沙律版。不過材料已加了醬汁，也沒多問了，反正出街食「無肉便是素」。有大和細兩個份量，我選了大。可選四餸。本身已有沙律菜菜底。不過其實大都唔係好大，所以選了一些carbs - 南瓜沙律（香茅柚子醬南瓜配青瓜）紫薯沙律（有紫薯、青蘋果、西芹、粟米）、雙色彩花沙律（即係西蘭花椰菜花，呢個配搭兩餸飯都常見。呢個仲加左蘿蔔絲）和紅酒醬鮮果。呢個沙律差唔多eat the rainbow，白、紅、黃、橙、綠、紫都食曬，綠色仲要深綠淺綠都有。

做完gym見到樓上有沙律，諗住試下新嘢，點知就中伏，原來佢啲沙律淨係得澱粉同菜，肉要用放大鏡先睇到，少得過份因為趕時間，所以焗住買味道係唔錯，但作為沙律，連蛋都冇隻，啲肉根本係肉碎嚟，蛋白質完全唔夠唔適合減肥/健身人士

嚐綠 Evergreen (九龍灣)好食度： 😋😋😋😋/5性價比： 😌😌😌😌/5回頭率： 🚶🏻🚶🏽🚶🏿🚶🏼/5價錢：HKD48，一個主食配飲品港男之前經過見到開咗間沙律餐廳時都好想試下㗎啦，而且個價錢又唔太貴咁喎，所以今次終於去咗試下啦。咁港男就叫咗個招牌芝士啦，咁就會送一杯廿蚊樓下嘅嘢飲嘅，基本上凍熱奶茶嗰啲都包㗎啦，咁但係港男就想扮下健康咁，就嗌咗啲特色茶飲，叫咗杯迷你胎菊飲下咁。至於其他飲品，例如鮮搾果汁同冷泡茶都只係加三蚊就可以㗎啦。咁講返個招牌芝士先，入面都真係幾多芝士，重有薯蓉同通粉，食落都會飽嘅，不過唔算太大份，比較大食嘅可能加多少少先夠啦。而其實呢度重有得自選沙律嘅，就按份量大細嘅不同而收費嘅，星期一至六嘅項目會有少少不同，但港男都影低咗，方便想知道有咩食先去嘅人睇下先。Btw呢度就自助收盤嘅，如果食完可以成個盤拎返去比職員處理嘅👍🏻———-//////————地址：九龍灣常悅道21號Eastmark2樓4號舖電話：63090943～～～～～～～～～#堂食 #kongerguy #kongercouple #搵食 #情侶 #港侶 #couple #foodie #foo

之前同同事食lunch, 無乜idea,經過呢個新餐廳，膽粗粗入去試吓，點知竟然有驚喜。價錢合理，坐得舒服，而且堂食嘅人唔多，雖然食物選擇唔算多，但係新鮮，小店真係要支持💪🏼近排想食得清啲，呢間真係啱晒我，講真九龍灣食健康嘅選擇真係唔算多，大家一齊支持下💪🏼沙律菜選擇有幾款，價錢可配雞胸/Bago（限量）食材新鮮，服務非常之好，抵讚如果定期搞下套票優惠，我一定再支持多啲！希望之後食物選擇再多啲，加油！