每日

Open Now

Now Closed

之前行過經過幾次，一直都想試，今日放假過去食中午，入面都好多嘢，超過三十幾款。由前菜、主菜、甜品、沙律、水果、湯，應有盡有，薑醋蛋我都食咗幾隻，另外佢啲味道都做得唔錯，我最鍾意食佢個煎豆腐，全部嘢食都好好味。

經 Youtuber 和老師的介紹, 約埋朋友去'每日'試下. 知道受歡迎,特地早些去排隊,下午2:30 開始下午茶素食, 中午1:40開始排隊, 排第6😅. 雖然話下午2:30開始, 最終進入餐廳取了檯取和第一碟食物已2:40. 素食種類眾多, 小食, 沙律, 炸物, 菜類, 飯麵, 甜品, 水果茶, 湯等.小食方面,:酸羌, 酸瓜, 酸蘿蔔酸甜度恰好, 好好味😋! 花生醬蘋果片得意新奇, 但非我杯茶😅. 蓮藕餅同椒鹽豆腐好好食!必食! 炸身方面:推介炸芋頭條, 椒鹽豆腐和炸鮮奶!蔬菜煮得剛好! 糯米飯都唔錯!湯: 今日的蘿蔔味菜胡椒湯一流! 頂級! 連隔離檯的伯伯亦大讚 😘👏蒸糕方面:  紅棗糕和薑汁糕沒什麼特別, 都是利苑好食d 🤣埋單不需加一, 每人 $78, 抵! 飽肚離開餐廳😚😚😚😚😚!

好味呀！個素湯好好飲，陳皮紅豆沙也超正甜度適中！個人好喜歡蓮藕餅同糖心蛋，椒鹽豆腐也超級滑！素食款式足夠多，甜品選擇比預期多，有pancakes 和雪糕，又有煎堆仔同芝麻卷, 好滿意！如果日後有湯丸和豆腐花更好😋座位是有些許迫，也沒有其他空間放包，不過大家都好合作自律自助取食物和收餐具，好似回到學生時代嘅感覺。另一唔好係限時90分鐘，同朋友飯聚聊天要睇住手錶夠鐘埋單走，大概又係租金土地問題，有些少壓力😅

果日15:00到餐廳，等左大約15分鐘就到了。我拎第一輪果陣仲有好多款，但拎第二三輪就開始有食物無fill，所以淨係食到一隻薑醋蛋乍，下次再早d黎更好。樣樣我都好鍾意，如果有encore再夾嘅係蘋果加花生醬果個，上面有少少granola脆脆，好好味！其他會encore嘅係果個綠豆餅、薯仔粒、燕麥咖啡、紅豆沙、紫薯球、雲耳、粒粒炸豆腐、芋頭南瓜、紅棗糕、炸芋頭波，當然如果有薑醋蛋都會再夾。下次早放工又再黎，因為真係好抵食😋

之前食過其他素食自助餐，第一次試每日，食物質素有驚喜！😋當日平日晚市去，大約7點半去到，可能平日比較少人，店員話唔限時可以食都到10pm閂門🤣飲品事左麥茶，食自助餐飲茶解膩啲☕️第一碟：試左沙律bar,有唔同salad dressing 揀，我最鐘意麻醬。推介沙律bar嘅豆腐，好滑～ 泡菜黑豆都係健康創意之選～ 最鐘意係椒鹽豆腐，之後都不斷encore!!第二碟：想飽肚有欖菜炒飯同生炒糯米飯。椒鹽粟米有好多炸蒜喺面，好惹味👍🏻 涼拌青瓜同木耳少少酸辣好開胃第三碟： 紅油抄手，茄子都好食。推薦西蘭花，個汁好有鮮味🥦第四碟：encore 我鐘意嘅炒飯，西蘭花，椒鹽粟米，素咕嚕肉。仲有多款甜品同雪糕，但我飽到食唔落！現場都有唔少男士，所以食素唔代表食唔飽架～ 同行朋友有位唔鐘意食菜嘅人，都覺得好食同有驚喜！必定會再食！！！

佐敦清新派蔬食放題@每日=================人均約$150 (星期一至四夜晚)一個價錢已包括了沙律、炸物、新鮮水果、前菜、燉煮物、湯品和素甜品，可能是食店人流絡繹不絕的原因之一。另一個賣點是餐廳標榜不賣素肉，主張以原型食物為主，吃的時候比去一般時下的素食店放心，沒有特別計算卡路里。這裡我也只會寫一些自己喜愛而在其他素食餐廳較少見的菜式。================❤️Encore 了兩次的前菜類：1) 紫薯球軟糯的紫薯不漿口，混了合微軟的果仁2) 眉豆芝士蕃茄 這個中西混合的配搭意外地相襯3) 合桃蘋果是必食❤️素薄餅夠薄身，芝士不算多但亦香口❤️沙律吧勝在夠多選擇，而且有店家自己烤焗的果仁，喜歡羽衣甘藍的朋可以試試搭配不同沙律醬和果仁來吃❤️ 甜品類：1) 意大利雪糕有不同口味，個人喜歡荔枝味微甜而清新，雪糕拿上手一會兒便是剛好放入口的溫度2) 試著學朋友把杏仁豆腐加入密瓜西米露，不得了#香港自助餐 #素食#香港美食 

星期三下午茶時段去，本身都知道店內唔大但原來入到去坐位之間都好逼客人都好急攞好多野食，好逼，冇乜幾多時間可以望真有咩食物，淨係見到salad 果部分都多選擇。飲品係桂園水果茶但冇咩味，似擺左好多冰，溝淡左；另外有龍眼冬瓜茶，有飲到冬瓜甜味。碗仔翅ok、pizza 一拎出黎已經唔熱唔暖、糯米飯ok、避風塘粟米同椒鹽豆腐係全場最有味，椒鹽豆腐喺下午茶時段頭30分鐘出左兩round已經好快比人攞哂就冇再refill 過。蛋散係lunch 時段淨返1/3碎碎，由14:30-16:00都冇refill過。至於餐具方面，有部分碗碟杯都未洗得乾淨，碟上有乾左嘅食物積、杯都有食死左嘅唇膏印洗唔甩。

今晚14/1/2024 約咗朋友們去位於尖沙咀山林道12號這間有提供素食自助餐的　《每日Everyday》晚餐聚聚🙂90分鐘任飲任食素食自助餐當中都好多款式選擇，其中一個特色美食係《芝士眉豆焗蕃茄》😋😋👍👍 都encore食多兩次到，另外encore食嘅有菠蘿，紅油抄手，羽衣甘藍，豉油王炒麵😋😋 飲品方面有羅漢果茶，菊花茶，麥茶😃😃👍👍有雪糕食😍😍 香港製造的意大利雪糕：選了食朱古力雪糕杯，及綠茶雪糕球😋環境及座位都採用木系風格，清新感覺😃食咗幾碟都好飽😋😋 客人用餐需要自行執拾餐具返指定位置分類歸還

「每日」店員超級nice幫我地雪住蛋糕仲話喺度食埋唔收切餅費走的時候熱情同我講Happy Birthday仲送左個🥕比我好得意😆食物方面，以原形食物製作為主，不用仿肉，正是我喜歡。星期五晚$178，限時一個半小時，但我們7:30pm入座，之後沒有下一輪，都沒趕人走。特別喜歡炒蘿蔔糕、椒鹽豆腐、芝士炬蕃茄、煎蓮藕餅、溏心蛋、炒青瓜苗、炸芋波、紫薯泥、南乳粉絲雜菜、炒菜，每樣都煮得剛好，調味適當不會太重手，也不油膩。同行朋友就專攻碗仔翅同雪糕，不斷添食。食素即使食到好飽，都唔會有頂住唔舒服嘅感覺，每日健康又好食，店員好有熱情，支持！

平日午餐食，人數都唔少，但一個人食都唔洗等位。食物種類非常多。沙律、熱食、冷盤前茶、炸野、甜品糖水、pizza應有盡有。一路食都一路見keep住fill返d野食同會出新款。速度都好快。沙侓吧都有好多配料選擇沙律菜、羽衣甘藍、水蜜桃、etc紫薯球好食，甜薯味，中間有馬蹄，口感唔錯，但食多一粒就太飽咕嚕合桃個咪係唔錯，但口感一般。炸鮮奶夠熱好香口蜜瓜西米露味道普通每樣拎d拎d 拎左幾轉都未試哂d野。椒鹽豆腐、黑椒薯仔粒都好好食，拍得住出面d小炒質素，不過如果果盤放得耐質素應該會差好多。漢堡就一般，留肚食其他野好d。食物牌會寫明蛋素、奶素、五辛，令各類素食者好易睇到岩唔岩食。環境舒適，唔會坐到好逼，同夾野食都好流暢，空間好足夠。

知道呢度一向好多人排隊，終於搵到一日平日得閒冇咁多人嚟食！午餐$98一位75分鐘任食，所以大家都好忙一坐低即刻夾嘢食！第一轉有椒鹽豆腐、蘿蔔糕、芋頭千層酥、黑椒薯仔、花生醬蘋果片、蕃茄、香蒜粟米、芋頭、手拍青瓜椒鹽豆腐不錯，外脆內軟！花生醬蘋果片，估唔到味道好夾喎！我自己覺得好好食～第二轉茄子、炒青菜、豆腐、咕嚕合桃、南瓜、羅漢齋、糯米飯推介必食，咕嚕合桃！酸酸甜甜合桃有口感，呢個我添咗幾次！會上癮！第三轉水果、沙律、薑醋蛋、炒飯、炒麵水果好甜，炒麵炒飯，一般冇咩特別第四轉Pizza 、芝麻糕、黃金糕、炸牛奶、牛角沙律包食到呢度其實已經好飽，不過仲有好多嘢未試😂仲有好多甜品呀、湯啊、糖水、涼茶、飲品⋯鍾意食素菜唔好錯過～當我食到下午茶時段，見到出邊已經排晒長龍，下午茶70幾蚊有幾抵食嘅～

很久沒有食素自助餐了，突然間好想食，第一時間就想起「每日」🤣，因為方便我這位路痴食完之後去shopping 及影相😁😁我book 咗11:30-13:00，但在11:20am便到達，然後在門口排隊等候，我要求坐在角落位（因為方便影相🤓）！我第一時間就食我的至愛，紫薯波波😁😁+南瓜+凍豆腐，然後去攞嘢飲！今日有龍眼冬瓜茶及桂圓水果茶，本人覺得龍眼冬瓜茶好飲啲😎第二round 才食蔬菜及糯米飯😁第三及第四round 食曬所有的甜品😂

首先昨天初一每人貴$30， 每人$178 不算便宜。我們一行四行都劣評，連最簡單的㺅頭菇古咾肉都欠奉，大部份都是炸東西，炒菜，飽的東西。款色非常少，我還在期望有壽司，素鰻魚等， 但可惜什出嚟都沒有，等很久的pizza 都是難吃吃。 地方亦非常淺窄，服務都是自己收搭，可來有服務可言。 真不明白讚點從可得來，揾了一次笨就算。 最後我們四人食完後都感覺異常口渴，不知道是否下了味精。這間算是本人吃最差的素倉buffet，一點都不便宜。

餐廳的食物非常之好食、乾淨、用心製作。職員對客人的態度和服務十分之好。❤️大愛❤️喜歡或想嘗試素食的朋友不要錯過哦。從來未寫過食評，都想推薦俾大家💓，真心有感而發。

 candied banana                                This dish combines the sweetness of candied bananas with the satisfying crunch of peanut crisp apples creating a harmonious blend of flavors and textures. crispy peanut apple                           The contrast between the softness of the bananas and the crunch of the apples was incredibly satisfying, creating a delightful dance of textures