每日

Open Now

Now Closed

作為食肉獸嘅我實在食得太多啦表妹相約我去食素食自助餐 喺公司附近食呢一間「每日」⋯今次係我第二次食素食嘅自助餐喺我嘅記憶上次嗰間款式唔係好多～～～所以我今次都冇乜期待…去到門口佢係一間感覺好簡約風小清新嘅風格～感覺相當舒服大家都好有秩序，咁樣排隊入座一入到去見到款式十分之多 我都好好奇原來素食自助餐，可以有咁多好嘢食味道亦相當之唔錯！好多都模仿得好像樣！～而且味道來講，我覺得每一款都好好食調味相當恰當 而且仲有好多甜品水果選擇甜品，我自己就覺得一般 但係熟食方面相當之高水準

Trying out this veggie buffet for my vegetarian friend, in short, IT' WAS SURPRISINGLY GOOD! 🤩🤩🤩 The vegetarian foods outside are mostly using the boring cooking ways with similar seasoning, which made the taste keep repeating, but here is not the case! From appetizers, main to dessert, there are all sorts of basic and creative dishes, while most of them were delicious and made it such a good deal. Also appreciate how they are not using imitation meat, yet actually using the fresh whole foods' o

感覺很不錯，菜式豐富，而且費了心思整個造型出嚟的，已經不止一次去食；比較其他算經濟實惠的餐廳，至鐘意佢果間整得淮山超正，非常贊，還會再幫襯的甜品方面也不錯，但未算最愛

第一次食素食自助餐🙈本身對素食既印象好舊派，覺得係芋頭魚、酸齋個d，今次黎到《每日》，有d大開眼界既感覺第一Round拎左個蘋果紫薯蓉，感覺好新奇，食落有小小蘋果粒，增加口感有個素既pizza都幾好食😋跟住有炸香蕉，外脆內軟紫薯波波推薦👍🏻好味椒鹽豆腐、黑椒署仔、炒麵都有水準幾好食其實仲有好多唔同類形既熟食，但我唔記得影相而鹹食同甜食既比例差唔多係1:1都幾岩我呢d鍾意食甜食既人☺️環境都幾舒服，座位闊落整體黎講，雖然食物質素同環境都好唔錯，不過要$178一個人，個人覺得偏貴左了小小，CP值唔夠高。

-午餐:平日$98 75分鐘，假期/前夕/初一十五 $118 90分鐘下午茶: 平日$78 75分鐘，假期/前夕/初一十五 $98 75分鐘晚飯 平日$148 90分鐘，假期/前夕/初一十五 $178 90分鐘又係🐷好鍾意嘅簡約木系餐廳，牆身仲有乾花，營造出大自然嘅感覺🌿同以前舊式齋舖嘅裝修截然不同。店員態度非常好，會主動收集食客意見。好多素食自助餐都有仿肉，呢間難得冇。菜式繁多，等🐷重點介紹啦！🍌拔絲香蕉必須首先介紹，因為太太太好食😍螞蟻人唔可以錯過。一個用糖絲製成嘅金色塔，下面放住少少炸物，唔需要懷疑，果啲炸物真係香蕉😂剛出爐香蕉輕輕炸過，配搭糖絲又香又甜又脆😋見到要把握機會拎，因為一出場就好快俾人搶哂，店員仲講過製作時間比較耐，所以出得慢啲。🍤炸物全部都香脆，🐷唔太食炸野都要俾個like👍🏻🥠錦滷雲吞雲吞皮超脆口，餡料係磨菇🍄，份量略少。💜金絲香芋卷 好香芋頭味，外皮炸過所以整體口感豐富，略為飽肚。🥛炸鮮奶新產品，外脆內軟，香濃鮮奶味又唔會太甜😍🥔黑椒薯仔超香濃黑椒味，薯仔口感鬆軟，略為飽肚。💜紫薯球淡淡紫薯蓉香味，混雜粟米、馬蹄，口感豐富，唔太甜但飽肚。🥒青瓜苗比較少地方有得食

別以為素食不會吃胖人，抱歉，試過幾間素食自助餐，質素普遍不錯，食物選擇又多，個肚「埋單」其實同食傳統自助餐無分別。首次到訪位於尖沙咀的每日，白色裝修配上木系餐桌，感覺舒適放鬆。沙律冷盤、熱食、炸物、甜品、飲料及生果被整齊放置於兩張 T 字長枱上，琳瑯滿目，一時間不知應從何入手。最後試了餐廳大部分食物，想法與朋友大多一致：手拍青瓜（超正！！！）、芋頭春卷、黑椒薯仔、花生脆蘋果糯米飯、奶油南瓜、椒鹽豆腐、脆炸鮮奶、各類炆／炒時蔬、中湯綠豆餅、Pizza、溏心蛋（兩次都有酸味…）可惜其他人大推的薑醋蛋已沽清…全晚未見有 Refill…

從朋友口中得知很多食客對這店評價不錯，平日多是我就葷食朋友，今次恃著自己生日要求往素食店🤪初次光觀，感覺很好。用餐後不會感覺飽飽濟濟消化不良。食物清淡不油膩，環境亦很舒適。最欣賞冷盤，pizza, 合桃咕嚕肉，caramel biscuit ice-cream, coffee， 自家烤焗果仁。除了食物質素值得讚賞，最surprise 是店員親切有禮。用餐期間有一名後生男仕，疑似店主🤭的人士到各枱向客人問好，問客人食物是否充足，如不夠請通知職員再添。這位店員更友善地向客人介紹內部裝修的樹是真樹，介紹純素咖啡等。平日甚少發表意見的我被他的誠意打動了而發言。我反映雪櫃不夠凍雪糕都變軟了。這位店員立即前往了解，原來開關制意外被人關上。就是店員的親切態度救了整個雪柜的雪糕不致浪費。唯一有點不足就是食物溫度⋯或許我是第二輪（即晚上 19:45）入座，大部份熱盤都是微暖，炸物更開始變林。雖然如此，但味道還是惹味的。

呢間嘅素食唔油膩😋，間中會有新鮮感🤗🔸煎蓮藕餅🤎（惹味）🔸椒鹽豆腐🤍（外脆內滑，炸粉唔厚）🔸青瓜苗🥒（爽脆，面有好香嘅芝麻同埋芝麻油）🔸薑醋蛋🥚（雞蛋好入味，冇咗隻豬腳，薑醋汁底反而清清地幾好味）🔹火箭菜☘️（新鮮，好有獨特火箭菜味，唔苦）🔸南瓜🧡（入口軟綿，清甜）🔸黑椒薯仔🥔（都幾好味）🔸蘿蔔味胡椒湯🥣（胡椒味好正）🔸咕嚕核桃（一如以往味道）🔸炒雜菇🍄（朋友話好食）🔸腐皮卷（配酸酸地嘅汁，味道覺得唔係咁match）🔸支竹花生炆蓮藕（正常）🔸蘿蔔糕🤍（冇乜蘿蔔味）🔹紅豆糕（都幾多紅豆）🔹桂花馬蹄杞子糕（都好多食材，清甜）🔹芝麻卷（普通，冇乜芝麻味）🔹綠茶芋泥餅💚（今次外層口感有d腍）🔹薄餅🍕（普通，冇特別）

因為疫情，一班素食朋友已經很久沒有在外試新餐廳了。這一次，適逢是十一月朋友的生日聚會，咁就有藉口約晒一班人出街食飯了。這一次，我們選中了這一間位於山林道的《每日》。這是一間人氣的素食自助餐店，經過門口多次，都是人龍不絕的。而我們就趁這一個生日 event，大家來開心吃，開心茹素。安排好座位後，當然先去巡一巡，看看有甚麼好食啦。在香港食過咁多次素食自助餐，這是少數餐廳可以令我感覺有 "花多眼亂" 的感覺。熟食有很多，而且不是那些滿是炸點及飽肚點的選擇。更開心的是，連沙律吧同甜品吧都同樣選擇豐富，能吸引我們去多吃幾轉。有沙律吧的話，我的自助餐開場，就會是一碟自製的沙律。沙律的選擇豐富，蔬菜同豆類食品都非常之新鮮。因為選擇夠多，令我可以好開心地堆到成座山咁高。太太的開場，就由一些炸點及冷盤小食開始，炸雲吞同春卷都很香口，素咕嚕肉夠甜，幾樣野都夠香口，夠可口。之後便來點輕輕的，枝竹炆蓮藕可以說是熱食的精選，而煙燻蛋，就有好香的 smoky 香氣，而蛋黃亦保持到溏心，很有水準。再一上飽一點的，就是炒麵為主的一碟。基本上，我們在主食類都是重覆吃果幾樣東西，因為這兒的炸點實在是太吸引，而且餡料是以蔬

因為有屋企人食素食，所以閒時會陪去素食餐廳，減少殺生又可以健康d依間新派素食餐廳都光顧過幾次，差不多每次都大排長龍入座，每個時段都full house~最大原因是價錢相宜，不收加一服務費，仲係任食。(下午茶時段低至$78元)環境以木質為主，簡約大自然風～食物分幾個區域:冷盤:雜果薯仔沙律/沙律菜/配料醬/生果熱盤:十多款的熱食,pizza/椰香南瓜/素香茄子/炒飯/炒麵/炒菜/薑醋蛋/豆腐/雜菌菇等..炸物： 蘿蔔糕/炸椒鹽豆腐/春卷..(建議有香脆薯條haha..)甜品：椰汁/貴花糕、蛋糕仔、熱香餅..飲品：湯品、甜糖水綠豆沙、 水果茶、冬瓜茶..餐廳内置乾淨洗手間，以價錢而言，選擇算多，味道都不錯,好抵食!甜品味道有待提升，和會好多人同少少迫。注意需自行收理碗筷

從不喜歡吃素，但嫲嫲早排初一去試咗大讚，於是和朋友去試試。店舖寫明不用仿肉，即沒有素雞素鴨那些 ，很欣賞。可以訂位：6點或7:45時段。星期一晚上都算多人。$148 晚市。尖沙咀來說好抵。前菜： 款式很多，味道也很好。子薑皮蛋、涼拌、沙律、生果。主菜： 偶爾會出下新餸，款式多，味道好，特別推介椒鹽豆腐。甜品： 個人口味，拔絲香蕉好得， 其他例如密瓜西米露不合我們口味。但非常多款式。還有幾款飲品、湯、粥粉麵飯。略嫌90 分鐘有點趕。另需要自行執拾餐盤。總括來說80 分。

素食餐廳繼續搵，因為當日去睇子華神所以係山林道搵食。素食放題緊係要試啦！因為午市冇預訂，睇完食評有提及要排隊，所以就預早少少到，去到都已經有隊了，午市開始前有職員mark人頭，之後都好快可以入座，佢係一輪咁入，冇咩派籌等位既野，基本入第一輪就坐滿。食物款式都算多，一輪先夾少少，芋頭紫薯控既應該會好開心，有好靚好吸晴既紫薯球，微微甜紫薯味其實唔係太食得出，有芋球同芋頭馬蹄既東東，我覺得好好好好食，可惜第2輪出去拎時已經冇晒，第三輪拎水果甜點先見到但都食唔落冇拎嚕。蔬菜類都好多款可以揀，西蘭花，菜心，椰菜花等等，個椰菜花小小辣好好食！仲有炒麵炒飯，麵咸左少少，滷水蛋好味，入口微微甜，好味要食。第一輪錦滷雲吞幾好食，第二輪refill個餡太少食唔太到餡，而且冇汁醬就失左少少色。咕嚕合桃，開初以為係麵根之類既食材混合桃，冇意識到主角係合核，因不喜合桃唔啱食小食甜點有芝麻餡煎堆正呀！仲有芝麻卷，紅棗糕，綠豆沙，碗仔翅，菜蔬饅頭等等，碗仔翅睇佢稀流流但都唔失禮，夠味之餘口感都唔錯。饅頭仔涼左皮就un，就中包味不太特別，夾主要黎影相靚d🤣整體都幾好，款式唔算少，雖然大部份味道唔算太出，清清淡淡幾健康

環境乾淨開揚，現代化文青的設計，突破傳統保守古舊的齋舖裝修，食得放心，平日也坐冇虚席。食物品種也定時轉換自助餐分午餐，下午茶，晚餐時段,分別由90-120分鐘，價錢也有不同，但CP值高，建議打去餐廳預先訂位和check清楚價錢和用餐時間以作核實。食物種類多源化，有傳統味道，亦有新奇配搭，味雷大測試。感覺店主/廚司用心的製作。食物味道整體也非常好，而且非常新鲜--飲品區----甜品區--甜品種類有傳統的紅豆沙，也有拔絲香蕉，蛋散，迷李pancake,中西混雜的小糕點--水果沙律區--蜜瓜，西瓜起沙，很甜。沙律菜選擇也很多，食物品質經過嚴選才推出--孰食炸物區--選擇超多，芝土香草焗蕃茄。蘋果切片加花生醬，薄脆，果仁，味道非常獨特，涼拌青瓜苗，炒茄子。南瓜蓉也很好味，炒麵，炒飯也很乾身，口感分明，味道適中，非常到位，反沙芋頭，也非好味，㕑司一定係調味高手。

#20221226 🤍📍 每日 尖沙咀山林道10-12號山林閣地舖———————————————————#蔬食自助餐 $168🥢 #前菜💭每人食素都有啲原因，有人為宗教，有人為健康，🐷純粹為貪玩🤪因為覺得食素有好多驚喜，有時驚，有時喜😅呢間素食自助餐係🐷覺得少伏既，有啲素食會用好多化學素肉🧪而呢間係無素肉呢樣野，用好多原材料，同埋🐷欣賞佢地有好多平時出街就算唔係食素既餐廳都會食到既野，記住佢就會發現平時偶爾想食下素都唔係咁難🤭例如前菜就有 #溏心蛋 #麻辣青瓜 #酸薑皮蛋 #涼拌藕尖 等等，全部都夠味好開胃，太多野食🐷都不能盡錄，好多都只係舉下例.🥢 #主食💭#糯米飯 無咁啲臘味始終都係差啲，不過都好好味😋個#豉油皇炒麵 就真係同出面食無分別，因為平時出面食都無落肉😅#欖菜炒飯 直頭炒得靚過出面，粒粒分明又夠味.🥢 #小菜💭就咁炒菜都有4款，有#蕃薯苗 同#皇帝菜 好驚喜，就咁蒜蓉炒已經好好味🤗仲有#避風塘粟米 好惹味，特別想提有個#咕嚕合桃 ，係咕嚕肉既做法，用合桃取代左肉，又變左另一番口感，新鮮得尼又幾夾，熱愛芫荽既🐷唯獨對#芫荽腐皮卷 有少少失望，實在太少太少芫荽味喇，但如果唔食

聖誕節唔知食乜好，最後就揀左呢間冇收節日價同想試好耐嘅素食自助餐-每日。我地十一點三去到，已經見到有人排緊隊。有book 枱嘅人會優先入去。下次黎我地都會book 枱先lu!入到去，店員就簡單講吓岀去拎野食要戴口罩同手套。我個人覺得呢個做法幾好。因為嚟之前我都有啲擔心宜家咁多單仲食自助餐會唔會唔係咁好。但店家有依啲衞生措施，的確令人安心左。講番食物，都有幾多款式同埋啲款式幾特別。入面最有印象嘅係青蘋果紫薯泥，糖心蛋同pizza. 大部分野食都很不錯！會再嚟食！