每日

Open Now

Now Closed

這間店舖我非常欣賞，幫襯過很多次，首先環境衛生清潔，食物款式多，價錢合理，有湯，飯，餸，Pizza，生果，甜品。每次去吃都很滿足，所以一有時間就會去幫襯，店員有禮貌，最喜歡吃薑醋蛋，蘿白糕，紅棗糕，糯米飯，還有紅豆沙⋯等等。值得推薦！

本人並非第一次光顧，問心，食物環境都唔錯，但今日去食個lunch真係背脊骨落！話說本人以午餐收費入座，未開始食已發現隔離枱遲本人少少入座，收費竟然是下午茶價錢，再看自己張單，入座時間顯示1:58:33，我心諗，如果係2點開始下午茶，差一分半鐘都唔同我講？於是去問下收銀個個，下午茶幾點開始，她答我14:30，於是我問點解隔離枱已經收下午茶價？開頭她話打錯隔離枱張單，於是收返隔離枱張單，本來我都算，點知，係我夾緊菜時，發現周圍未夠2點半入座的人都係收緊下午餐價，真係火都黎，再去問收銀，她話有d黎食下午茶既人提早左比他們入座，我入黎時又無問，有d人遲過我入黎都係收緊午餐價，what?！即係鍾意點收費就點收費啦！態度仲要勁串，咁講咩打錯單姐！根本身有屎！亂收費仲要唔認賬！無良食店！

聽講呢度素食自助餐價廉物美，特地請左半天假同食素的家人嚟試吓。佢有幾個價錢，晚餐都只係180幾。聽說佢下午茶同午餐質素一樣，但平$20。咁就試下午茶啦。2：30開始下午茶時段，2：10已有約10多人的人龍。店子裝修有點日系風，如果人少少，在呢度食啲優質素食飲杯黑咖啡，望吓山林道的人來人往應該幾寫意。 瞄到收銀旁掛住一個牌寫住「開業以來，堅持不用仿肉」，不禁產生更大期望。店的防疫衛生做得不錯。每人要戴手套和口罩才可出去取食物。一開閘，90幾個人衝出去搶食。食物拎到返嚟，卻令人非常失望。 第一round出去，很多食物都明顯地是午餐的剩菜殘羹。很多都是凍的。炒豆苗太油膩。個素burger的餡是甜的不明物體，很難食。其他熱食也乏善可陳。本身有點期待的椒鹽粟米， 等左好耐都仲係無refill,到差唔多3：45，問個廚幾時會refill, 佢話呢個時間唔會refill了。 成餐我覺得個椒鹽豆腐，薑醋蛋同羽衣甘藍不錯，其他的，學我家人的講法「似食下欄」。我問心極不想寫衰呢間餐廳，因為我覺得佢尚算是良心經營，食物是不新鮮但也不是食到人滿口味精。不用仿肉的堅持我也是欣賞的。佢地已做好左基本，點解要在下午

近排母親大人想食素菜 ，而我咁啱上網見到呢間素食餐廳有香蕉拔絲，個賣相好吸引，所以就和母親大人去試試依間素食自助餐。餐廳環境方面:整潔，光猛，唔迫。但有點嘈吵。 食物補充方面都算快食物方面選擇豐富，中西菜式都有:熟食，甜品， 冷盤 ，湯，果汁，沙律等等……但我當日我食咗90分鐘都唔見佢有出香蕉拔絲，所以有點失望，但慶幸食物質素高，都令我開心番。花生醬脆蘋果: 花生醬和蘋果出奇地夾再配上一些脆脆的穀物口感豐富，但美中不足是如果放奈了蘋果會變淋。合桃古嚕肉: 外型神似，食落又唔覺油膩，健康之選。錦鹵雲吞: 炸得脆口再配上甜酸醬，味道一流，我都食左好幾粒。反沙芋:外邊比較少見外脆內軟 ，可以一試。餐廳的食物和環境整體來說都想令人再次幫襯。

環境方面：大致整潔、桌面好寬闊，可以放到每人三碟食物。在疫情期間，餐廳用咗透明膠板隔開座位，不過本人認為仍然比較擠迫，攞野食既空間都略為擠迫。食物好多種類，但可能空間有限，以長枱展現食物的方式營造西式自助餐風格🍽，同朋友、家人一齊夾食物覺得好溫馨。😍😊食物方面：沙津吧有豐富嘅水果例如菠蘿🍍、西瓜、蜜桃、蕃茄仔🍅、各種沙津菜，仲有羽衣甘藍！拌醬都有成5種，最後我地夾咗好多水果🍉，🥗沙津都可以食到半飽😋熟食嘅部分，中西意式的菜式都有，我試左個胡椒咸菜湯、炒麵、紅豆沙、津白粉絲煮豆卜、蕃茄焗大菇，仲有獨有小食👉🏻香蕉拔絲🍌，呢個帶有香蕉嘅香甜、炸過嘅咸香互相配合，好味、值得試下👅。總結而言，素食餐廳嚟講EVERYDAY的菜式算幾新奇又多種類，有興趣嘗試創意素食既你快d嚟試下！👍🏻👍🏻

可能真係人大左，漸漸都唔係想食咁多肉，真係會多菜少肉，就多咗留意齋，以前細細個見到齋都好驚，因為覺得冇肉食， 但越來越多新派齋菜，整得好靚，睇見都好想食，就漸漸越嚟越留意齋。今個星期問元祖師奶想食乜嘢，佢竟然想出街食，仲話想食齋嘅自助餐，即刻就諗起呢間，起碼食過知道一定好食，但係佢去食就唔使一齊中伏，一早就打電話去book咗位，安排好晒，咁就可以放心去食。其實我上次都食過，覺得呢間小店真係高質，所以今次帶元祖師奶過嚟食都好有信心，有我最鍾意嘅花生脆蘋果，反沙芋，咕嚕合桃，仲有好多菜，款款都好味，最緊要係，價錢又唔係太貴，假期嘅晚餐＄168 ，食自助餐呢個價都OK啦。元祖師奶首先去攞第一輪，好多嘢都啱佢食，我都放心啲， 佢話啲嘢食都OK，咁就安樂晒，最緊要係佢啱食 😌。嘢食嘅款式好多，有冷盤、沙律、小食、湯、小炒、糕點、甜品、炒粉麵飯等等，都真係好多嘢食，最緊要係見到每一樣個賣相都幾好，都想試咁，好似上次咁，我打算每樣試一舊都未試晒，真係大部份都好食，小食類的話佢都不斷會添加，所以都不斷有即炸、新鮮既野食。今次試多咗好多上次未試過嘅嘢食，胡椒味菜湯、綠茶芋餅、麻醬菠菜、都好食！而元祖師奶

試過不少嘅素食自助餐，但係每日係我覺得比較好食嘅一間。有時候素食自助餐嘅選擇並不多，而且味道比較淡，但係每日唔單止有一啲特色嘅菜式，例如香蕉拔絲，或者係紫薯波波，而且總括嚟講口味都比較近大眾嘅口味。甜品種類都幾多，有全素雪糕，楊枝甘露，同埋紅豆沙，仲有角色嘅糕點。熱食方面都有好多選擇，至於沙律啦，唯一比較少嘅就係新鮮水果嘅種類，但係都算驚喜係有比較少有既羽衣甘藍,同埋紅菜頭沙律鋸開職員refill都比較頻密，去到九點幾都仲有refill。

以素食自助餐来说，每日的价钱是稍贵百分之二十左右。今天经过时看到店内客人不多，就进去吃一顿健康的晚餐。平日的价格是138元，比周五、六、日便宜30元，但仍然比德兴街的无肉食贵28元。自助食物枱上放了不少东西，单是炸物已经有十多款。沙律吧也很丰富还有糕点和糖水，要一次全部吃一遍是十分困难的。时间限制是一个半小时，其实吃了一个小时已经肚子涨到不能再吃。食物的种类十分丰富，没有吃过的下次再继续。另外，他们还有素雪糕，但由于太饱，只能留待下次。

Satisfying vegetarian buffet💚趁平日放假去了吃素食自助餐🌱食物總類都算多 而且添加速度快個人最喜歡冷盤和甜品區冷盤的涼拌竹筍帶麻香卻又不辣 超級上癮話梅涼瓜片用了白色涼瓜 夾雜酸甜甘味幾好食平常比較難買得到的天貝這裡也有 烤到外層微脆媽媽覺得這裡的咕嚕肉好似真咕嚕肉但一直想不到是用什麼素食材料製作 一問之下才恍然大悟 原來是核桃！甜品有不同糕點 推薦QQ的紅棗糕和花生醬蘋果片🍎最後還吃到新鮮出爐的綠茶芋泥餅 😋

好友上星期牛一，近年被高血糖困擾我打聽吓有長輩同事介紹嚟呢度素菜自助餐。看食評知此較受歡迎我特意早點到等位。唔知店員定老闆招呼我 入去先坐非常體貼。餐廳裝修光猛雅致緻係新派健康素食。好評!

上星期六去咗呢間餐廳食下午茶時段既素食buffet每位88蚊，唔知同疫情有無關係，一人派一隻手套比你挾食物時用食物既調味唔錯，唔會因為係食齋會覺得好無聊。尤其佢個胡椒咸菜湯，雖然無豬肚，但飲落口都非常似出面平時食既胡椒豬肚湯。另外我最鍾意係佢個炒麵，炒得唔會太乾又唔會太濕，味道十分香口有啲鑊氣，鹹味岩岩好！除左一般比較常見既齋例如豆腐，菜之外，佢仲有個漢堡包同pizza，望落去幾吸引。我食過個burger，但都唔知中間菜之外既係乜野，都唔錯。我朋友食過佢個鮮果pizza話好好味，但我真係太飽啦，好多野都試唔哂！

其實成日大魚大肉，週末都會想食下菜清腸胃，突然醒起依間素食，「每日」出名新穎啲嘅素食餐廳，而以往經驗呢依間餐廳一定會排長龍，所以我今日呢喺前一日已經book位，12點，食90分鐘。不過可惜我哋遲咗，12:15先到，職員都同我哋講1:30要交位喇，咁我哋都體諒嘅。依間素食餐廳俾我以往食（大約半年前）嘅水平仍能保持的，雖然質素無變但食物種類亦都冇變。熱菜依然以羅漢齋、菜心、西蘭花、雞髀菇、茄子、蘆筍、蘿蔔、豆腐、節瓜為主。熱盤有炒飯、炒麵、黑糯米飯、亦都有四至五款湯類（胡椒豬肚湯、花生眉豆湯、紅豆沙等等）清得黎有味道好好飲必飲！另外我最推介就係豬腳薑嘅雞蛋同薑好入味，雞蛋好彈口唔會太實！冷盤當然係沙律但今次冇羽衣甘藍，不過平時嘅配料有齊。甜品，依間餐廳放切甜品好仔細，將甜品都cut成小塊，令客人每一個甜品都可以嘗試下，最鍾意佢嘅薑糕夠彈牙、香蕉糕夠香蕉味！依間餐廳特別嘅地方，有（唔知芋頭定蓮藕）漢堡包、用合桃整嘅生炒骨、十足十似胡椒豬肚湯嘅湯。唔好嘥胃位食物有：芋頭春卷（炸到好硬無特別）

在這相機📷食先的年代，這間食店是蠃了的。是勝利的。林羅品種的食材吸引了我的味雷。在這不屬於正常人吃的（我們會和朋友一邊吃一邊傾談的啊）75分鐘我只是影了二張照片。其他用來品嚐他的炸物和甜品🍮。75分鐘本來就是沒有時間的啊。😪 是友人介紹我的。多謝🙏🏻Frankie 。它的洗手間🚻是我最愛的。有Jazzy音樂做背景音樂🎵。香噴噴的Incense Wood Stick 和 香薰精油。愛。

食過幾次，今次第一次寫食評！之前同朋友食，三大一小，勿勿忙忙75分鐘食完交台，食就食到飽，但連傾計都唔夠時間。 今次閒日放假，打算一個人慢慢食。我理解呢個價錢（$88/lunch) 的buffet, 係香港地搭台是必然。但台與台之間真係好逼，加上餐廳唔大、樓底唔高，當有成台人大聲傾計，成間餐廳就會變得好嘈。所以無論上次同朋友來定今次自己來，都有一d唔太滿意的地方。講返野食先，性價比的確係高！不得不讚其中三樣，我係有encore再食！ 1/ 椒鹽炸豆腐，外脆內滑，好好食2/ 椒鹽香辣栗米，好惹味，同埋係一小枝一小枝，唔係粒3/ “咕嚕肉” 係用合桃代替肉，good choice, 好香！煎炸野似乎係重點，又有春卷、炸雲吞、煎藕餅等等仲有好多不過我都怕熱氣冇試哂咁多款。我仲好欣賞佢地既薑醋蛋，my favourite! 至於甜品我就試得好少，淨係食左個”楊枝甘露”, 用左d黃色蒟蒻絲代替芒果，呢個價錢可以理解。至於其他沙律我就冇食過，唔太吸引。$88我一共食左三個盤野，飲左湯同羅漢果水，飽到上心口。不過由於個環境唔算舒服，食完都係拿拿聲走人。如果重點係CP值而唔係要食得舒服或者可以同朋友慢

今晚專程帶媽咪到尖沙咀試呢間素食自助餐，我哋6:30到達，應該係剛剛開始晚市，所有食物都好新鮮熱辣👍🏻😋，非常多元化，炸物很好味，飲品湯類都有選擇，很值得推介給朋友嘗試，會令朋友改變吃素的想法😃