每日

Open Now

Now Closed

蔬菜很新鮮，款式很多，有唔同的炒，煮，燴等煮法，有pizza 味道不錯。有楊枝甘露，但味道一般，沒有什麼芒果成份。這裡的沙律挺好味，店舖很光猛，所有東西都自助，食淨要自己分渣同汁倒去，同分開餐具處理。

呢排經常出街食飯好heavy，朋友問我生日飯想食咩我已經諗唔到😅反正呢個朋友成日話要減肥，就決定同佢試下呢間好出名既素食buffet～好彩預先book左位，平日六點半去到已經差唔多成場full晒，果然西利！😯疫情關係每次出去拎食物都要換新碗碟同帶新手套，衛生OＫ～食物都幾多選擇，有炸物區，沙律區，水果區，熟食區，甜品區，飲品區～廚房有員工keep住出黎望住有咩食物無晒就會refill，唔錯👍🏻由於turnover高所以炸物都好新鮮熱辣👏我自己無乜食沙律，水果同甜品，我食過既就比較推薦以下幾款：蓮藕餅：非常有口感～椒鹽豆腐：皮薄，椒鹽好香，豆腐夠滑～黑椒薯仔：乾身夠淋，外層香脆，黑椒味重，微微甜甜地蜜糖味😋涼拌青瓜仔：好得意爽口，好少見青瓜仔，涼拌岩晒呢啲天氣～蒜蓉粉絲蒸冬菇：幾惹味，冬菇juicy😋檸檬薄荷水：薄荷味幾突出，清新👍朋友試左眉豆湯話幾好飲，佢仲試左cocoberry奶素雪糕既沖繩海鹽味，咖啡味同玄米茶味，竟然三款都話好食，我超surprised！因為呢個朋友對野食要求都幾高😂整體黎講我覺得炸物最出色，熟食同甜品反而唔太特別，款式幾多，refill得快，值得試👍

同學生日，要求吃最近流行的素食自助餐，反正我對肉類可吃不吃，就上網找了一家近，在尖沙咀山林道。地點對我是方便至極，馬上訂位。 餐廳名稱「每日」，名字跟店內裝潢都是走文青路線，有種和諧、有種溫暖。場內滿座，場外要排隊，食物區走一圈都看不完，是來對了地方。食物方面，冷盤、熱盤、中式、西式、煎的、炸的、焗的、烤的，甜的、咸的，全都有，看照片必定會找到合你胃口的心水。款式太多，根本無法全部菜都試過。我推薦幾道菜必吃美食。 1)自助沙律吧 - 蔬菜新鮮，水果香甜美，有很多菠蘿、蜜桃、椰果、粟米等等，總之我最喜歡的配料都有。2)焗芝士蕃茄 - 焦香的芝士和厚厚的蕃茄，感受到蕃茄汁大爆發。3)薑醋雞蛋 - 沒有加豬腳反而令薑醋有清爽的口感，雞蛋入味，手入全晚最後的一顆，幸運！4)麻辣雪榚，有花椒味，非筆墨能形容，奇妙但又不錯吃。

咁啱行過山林道 知道附近開咗好多Cafe諗住扮吓chill~ 🥰🥰.見到有間日系喺裝修 行簡樸路線比佢裝修吸引左 行近一睇😯😯😦原來係素食自助餐😍🥰有驚喜～ 試試先.先付款 再自助取食物店舖都好注重衛生 取食物時要帶返手套🧤我地假日下午茶 $88一位價錢都可以😎對得住食物質素同埋有好多選擇😜.水果：西瓜🍉、哈密瓜🍈甜品：紅棗糕、薑汁糕、班蘭蛋糕、綠豆沙飲品：雪梨水、蘋果水（飲品味道偏淡）湯🥣：黑椒豬肚湯 （黑椒味好濃）.仲有好多熱食 當中最仲意黑椒薯仔🥔同炒蘆筍可能我哋未得比較晏 所以食物都得返好少但都係夠食既～ 只係唔太夠熱下次會再早啲去 清清腸胃🤪

➡️位於尖沙咀山林道嘅 素食餐廳 長期都好多人幫襯👨‍👩‍👦‍👦 要提早訂枱👍餐廳比較少座位 會坐得有少少逼  當時係星期日午市限時90分鐘  因比較多人等位  好多人都喺門口排長龍 超時的話 店員會過嚟提你食物款式繁多🍆🥬🍄🍰 有前菜 熟食 炸物 沙律🥗 炒粉麵飯🍚 翠綠時蔬🥬  糕點 🍰飲品🍹脆炸椒鹽豆腐 好惹味🥰 外脆內軟 炸春卷 好脆口 🍆茄子好濃郁  撈飯一流 🍚自家製糕點好健康 👏低糖不太甜 😋出面食唔到 👍最鍾意食斑蘭蛋糕💚 好鬆軟😀會Encore❣

友人推介呢間素食自助餐好食，搞到我好想試下有幾好食！今日一行三人～6點去到入座，用餐時間90分鐘$138人唔算特別多，拎野食既時候都係舒服嘅！食物種類真係算多，而且幾特別！味道都令我十分滿意！好多樣野都令到我有驚喜呀！平時食齋食完感覺會有啲油膩嘅感覺，而呢度反而係食完覺得幾清新～由於唔係太肚餓，有啲野我係未試架～唔緊要啦，試唔晒先會有下次呀嘛！下次，想食素食既某一天，一個人就好。整體評分：⭐️⭐️⭐️⭐️最新最快既食評請follow👉🏼IG: f.nbreak

平日晚市素食自助餐90分鐘$138/位安排入座時店員有溫馨提示取食物時要戴口罩及使用手套，另外亦請客人每次換新碟。食物選擇好多樣化，有沙律，前菜小食，炸物，熟食小炒，湯，糖水，糕點，水果，粉麵飯及冷熱飲，當中西式餐點，飲品及甜點有唔少選擇。首先要推介水餃，配埋個餃子汁好好食！我諗我食左十隻！之後我覺得椒鹽豆腐都唔錯，但要趁新鮮出爐去夾，因為熱辣辣內軟又滑，正！食物選擇有幾款挺特別的，例如涼伴青瓜苗，外表似秋葵，但口感有少少爽脆。酸辣泡蓮藕帶亦是第一次見，酸酸地幾開胃。花生脆蘋果是薄片蘋果塗上花生醬及花生碎，幾新鮮的配搭。反沙芋這種潮式功夫甜點亦不常見，不過一咬就成塊糖掉離芋頭...其他食物唔算特別出色，但楊枝甘露，香蕉拔絲，Pizza等都唔係素食自助餐常見食物。食物選擇有近百款之多，難免有些不合自己口味，我覺得碗仔翅太稀，漢堡包的芋泥有點怪，糕點味道唔係好夠味，口感亦一般。至於本土製造的素雪糕，培茶味不錯，沖繩海鹽味真的太鹹！麻辣味淡淡定滲出來，幾正！

🇭🇰每日·之前我有朋友推介呢間既齋buffet好好味 所以我地就黎左😎·素食自助餐$138佢呢度野食既選擇真係好多 不過就唔係樣樣野都咁出色咁🤔·炸物 l 前菜我自己覺得佢炸物最出色 就算擺喺出邊都仲係超脆 尤其係佢個春卷勁有口感 之後炸蓮藕餅都好好食 佢中間個蓮藕蓉超級軟糯☺️佢啲前菜就麻麻哋啦 佢味道其實係好嘅 但係佢呢啲冷盤全部都唔凍 麻醬菠菜啊 涼拌木耳 青瓜 呢啲全部都仲係微熱🤔🤔·熱食 l 湯品佢熱食都幾多選擇嘅 最鍾意係佢個茄子 超送飯 菜心同露筍都好味 但係就冇一個特別有記憶點既送🤭同埋佢好多送都係豆乾 支竹嗰啲 食物種類就比較少😂😂佢個湯係胡椒豬肚湯黎既 個味超似 不過就偏辣少少·甜品佢呢度甜品選擇勁多 所以我本身滿心歡喜 但係我覺得佢啲甜品都唔係好啱我口味🙊佢最好食就係個拔絲香蕉 個香蕉好軟糯 個外皮都好好食 另外佢仲有純素雪糕 我地試左豆腐味 我覺得個豆腥味太濃 我唔係好接受到 之後佢其他糕點個味道都有少少奇怪 最後佢啲水果真係麻麻 佢個橙酸到完全食唔落 之後蜜瓜同西瓜都無味😂😂··📍尖沙咀山林道10-12號山林閣地舖

好好食呀~~~~~~~(淚奔)真係好食到爆,之前已經聽過屋企人對呢間餐廳讚不絕口,今日終於夾到時間嚟食,嗚嗚,真係好好食呀,我地一行三人2030到達,有預約,但唔馳等,食足90分鐘,然後發現自己重咗...(掩面)但值得的!!餐廳超有創意,完全顛覆食客對食物的想像,例如「咕嚕肉」,外表一如普通豬肉咕嚕肉,但一咬落去,原來是合桃!!!(老闆娘說是貴價合桃!),完全估唔到,好有驚喜,完全超乎想像;仲有「蘋果花生醬」,嗚哇,點解諗到呢種配搭??! 夾到暈!!好有創意!竟然有反沙芋!!!哇哇哇! 以為是鹹,放入口先知係甜,哇哇,好突破,好驚喜,每一啖都係surprise!!眉豆湯也很好喝~所有滷菜也很好食~ 黃芽白好甜好入味~~~酸菜類也很好吃~皮蛋酸薑又辣又酸,卻很balance,好好食~~蓮藕餅,椒鹽豆腐好食~沙律吧有個小小白白通窿的東西,不知何名,原來超辣!!今日先發現,原來五味甜酸苦辣鹹皆來自植物,肉本無味,又一個顛覆,一直的普遍印象是肉食較素食濃味,但還原基本步,素食才是至味!!!花茶/龍眼茶也很好喝,薄荷水就免了(個人不喜歡而已)香蕉糕好香好好食~(但朋友說太甜)旁邊的綠色餅也好吃,

一個人6點入座 ,職員話一個人就簡張雙人枱,ok 咁就簡左張雙人台, 之後出去拎野食, 番到位見到自己既私人物品同背囊比職員移左去第二張枱, 到底職員有咩職權可以係未得到物主同意下移動人地既私人物品？ 食左咁多間餐廳 從未試過有咁既情況出現, 移走物品都算 但當時係唔爆場無人等位, 純粹就係將我既物品由一張雙人枱移去另一張雙人枱, 咁到底係為乜？ ***如果餐廳係想客人坐到指定位置 唔該叫企收銀果個順便帶埋位 而唔係問都無問就亂咁移走客人既物品***個收銀係長頭髮 操大陸口音 態度惡劣想客人回頭幫襯？難啲囉再講食野 食物味道不過不失 只可以講係雞肋 畢竟係尖沙咀區內少數既素食店 偶爾也會光顧 6點入場都可以有咁半成食物係凍 仲要有啲食物睇得出係上輪食淨既野 擺番出黎 其實呢啲野食已經放係出面好耐 容易受到污染 係食物保溫同衛生方面 餐廳既質素有待改進題外6點入座前見到職員無帶口罩係店內周圍走其實職員係咪唔知餐廳有部份食物係無蓋掩住？係職員培訓方面 餐廳真係仲有好大既進步空間***無帶口罩既職員又係收銀果位 長頭髮 操大陸口音既女人 真係無回頭 寧願行遠啲去食六榕或者無肉食

同同學在每日食素自助餐今日還在休假中，約咗中學同學食午餐，因疫情同我都比較忙無咩時間休息，所以已經有一年無見，呢2年疫情比之前更忙，之前放假就一定約她，年頭前入咗佛好開心同我分享而家話去讀佛學，而家食素日子多咗又要上堂，今日先約到咁啱剛初一所以就同她出去食素，呢間同學話幾好食，她都食過幾次，但時間就好短每個時段75分鐘，咁約咗食11：30-12：45分，搞掂完家中各人出門清潔一下，準備好晚餐部份餸等老公放工就返熱同煮菜咁就出去，因為都要成個鐘先到去到早咗些少已經好多人排哂隊，夠鐘啲人好急，我哋入到去，見啲人已急不及待出去攞嘢食，當坐底洗埋已經過咗15分鐘，而家好明白點解啲人有位就立即攞嘢食，我就行咗一圏影下相順便攞咗碗湯同碟菜就返位，真係幾急2-3轉就夠鐘，12點半就通知差唔多夠鐘叫清理埋後出去埋單，之前去洗手間見到有咖啡機諗住一試，最後都忘記了，原來有好多都無試，呢間無咩特別無加特色素肉去煮，全部真係以菜去煮唔同味，我哋食11點半88蚊無加一，其它時段聽同學話有啲時間收費貴些少就會多15分鐘，我覺得有2個鐘會舒服啲，75分鐘實在太急，糖水，甜品同生果都無食，同學就諗尾好急攞些少比我一

一講食素食自助餐，我會去每日。試過好多間，都係呢間值得推薦。佢有好多涼拌菜，最愛是涼拌竹筍，可惜今日沒有。今日有拍青瓜，雲耳，酸蘿蔔，麻醬波菜，酸薑皮蛋。然後又有d好特別既小食，好似紫薯蓉波，花生脆蘋果，焗蕃茄。呢d都係d好有心思既素食，餐廳唔係求其煮就算，都有意思。好睇又好食啦。漢堡包，這個都幾好食。沙律牛角包，這款第一次見。好好食，又好睇。仲有呢度d煎炸物都好好食，唔會好油益。有炸芋頭春卷，炸雲吞，椒鹽粟米，炸豆腐，蘿蔔糕，黑椒薯仔，炸藕餅（唯一唔好食）沙律吧都有好多款式，仲有不同醬。有藕尖，有驚喜。甜品都好多款式，有綠茶豆沙餅，黑芝麻卷，斑蘭蛋糕，紅豆糕，楊枝金露，紅棗糕，薑汁糕，我最鍾意佢既香蕉糕。仲有綠豆沙，有湯，有胡椒枝竹咸菜湯，碗仔翅。其實仲有好多熱盤，不過我冇太大興趣，只係食左炒麵炒飯。，下午茶68蚊位。每日好在佢唔會刻意整d假肉去滿足素口唔素心既人。每款款式都係純素，冇假肉偽肉。唯一唔好既係位太迫，坐位同拎食物位置太近。

試過咁多間素食自助餐 最鍾意都係呢間上年已經食過兩次 今日下午茶時段再試下下午茶平日$68一位 用餐時間75分鐘 夠鐘會提你性價比超高食物選擇又多店內環境和諧 枱與枱之間有隔板 但都痴得埋一但人多 就好易撞到 但食過嘅素食自助餐 呢間出而夾野食空間算夠 款食又多佢有個位係自助回收區 比客人食完既碟要自行清理 所以無服務可言 我最鍾意佢沙律吧 夠多沙律配搭 今日就有水果就有西瓜 哈密瓜 新鮮 唔似浸過糖水 因為唔太甜仲有其他必食 椒鹽豆腐 真係做到外脆內軟黑椒薯仔 外皮香 食左超多花生脆蘋果 獨特嘅配搭 只可講花生醬配咩都好食炸雲吞 真心除左個餡唔同 應該係菇 比出面茶樓炸得好食 但可惜我入去 就夾左一次 無再見佢refill炒欖飯 做到粒粒分明 好香炒麵都唔油膩核桃咕嚕肉 真係勁似真既一樣 口感都差不多涼拌青瓜 茄子 南瓜 都整得好好食甜品比其他素食自助餐都多款 有楊枝甘露 綠茶餅 芝麻糕 紅棗糕 紅豆沙 薑汁糕 等等等 楊枝甘露就最好食最可惜既係 蘋果紫薯... 望落好正咁 但兩者唔夾 其他就普通正常 除咗紫薯外 都好食！下次想食素食 一定會再去

疫情下經巳有清晰的政策關於食客人數及枱與枱之間的距離，這店枱與枱之間只有大約 20厘米的距離，我們二人就坐在枱的左邊留下右邊避開在左邊的四人家庭，而我們的左手邊與鄰枱背著我們的食客有大約一尺的距離。吃到一半時四人枱中間放一塊比枱面長度小的膠板就安排搭枱而身邊有不少枱空著，向員工查問疫情下的政策時對方竟然說他們就是這樣的安排，另一個拿來藍子令我可以把放在身旁的袋放在枱下，我望一望枱下只有大大的枱腳時向對方查詢那裏還有空間放藍子，對方把藍掉在地上就走開了...... 隨便吃一點就走了！

我咁大個人，第一次食素嘅自助餐，位於尖沙咀的每日，好耐之前已經喺社交平台見到佢哋嘅廣告，廣告中相片非常吸引，一直都想去試，不過疫症下，不斷推遲。終於有機會去食啦，舖頭嘅環境好舒適，光線亦都好充足，俾人好有健康嘅感覺，不愧係食素嘅地方。六點一開始，食客蜂擁而上，佢哋嘅安全措施亦都好足夠，食物種類出奇地多，食材沒有重重複複的使用，調味料亦沒有重複。咁到驚訝的是，他們會有傳統嘅菜式出現但就走肉，味道同平時食嘅當然有分別啦，冇咗個肉香，不過亦都係好嘅嘗試。有一個例子，就是胡椒豬肚湯，沒有豬肚的湯，更能吃出胡椒嘅香味同埋酸菜仲有腐竹嘅豆味，仲可以配合油炸鬼同紫菜一齊進食，另類的享受。