魚眾不同酸菜魚

Open Now

Now Closed

事源今日lunch落去公司附近嘅魚眾不同叫咗個花膠雞薯粉外賣 $82 號碼為K9為免影響人流 我喺店外等由K3一路等 見K13都拎埋係冇K9??望吓個錶已經等咗二十分鐘忍唔住問下門口姐姐我明白佢好忙但係佢眼尾望下入面就話包緊俾我好 見你咁講 我就睇吓係咪出緊再等….點知出嚟幾袋全部都係網上外賣單跟著真係忍唔住走入去同入面樓面問先有人跟返啲外賣自取單卡住幾個外賣喺入面 一嘢就出到幾個係唔拎出嚟 由啲客喺外面企喺度等其實網上單啲人又未落嚟拎你係咪正路都出咗 個客現場嚟買 個人喺度等緊先呀？大佬今日仲得果15º度好啦 返到去一打開認真 見到啲雞呢個長相已經唔開胃食落口件件雞都嚡霎霎公平講 湯底係ok的但你咁做嘢 啲雞咁難食湯底造到識飛都搞唔掂啦…..呢間及旗下同名不再考慮 冇下次

每次都係晚夜七點幾兩個人嚟食，仲要食親都係烤魚， 一係黃金蒜香（食到中後段會開始覺得好咸），一係就麻辣。首先價錢平過之前去西環尾，芫茜洋蔥配料又多；其次個人就好鍾意食脆口野，條魚本身就炸到啲魚鰭都脆卜卜，所以就十分都變十一分响等魚上枱之前就再加外個口水雞，又一推薦小食嚟環境都幾乾淨，光線又光猛，可能新開冇耐同啲人叫外賣多啦，啲姐姐服務都還算可以唯獨好可惜就係依加乜年代喇，仲用緊明火氣瓶爐，一陣食食下冇氣要換瓶就影響晒成個氣氛

今晚同好姐妹一齊食辣嘢放鬆一下。理間位於上還既酸菜魚餐廳價錢算OK，合理，環境清潔乾淨，服務員很禮貌，食物及味道也算OK。碗大腸麵D大腸份量就少咗D。不過味道就不錯。酸菜魚都好味。下次要試一下Came to try out this spicy restaurant. Their noodles were ok, you do get to choose your preferred spicy level. I ordered the baby spicy level but my bowl of noodles looked like hell. Portions were ok, could be a bit more generous, especially with the toppings. Overall, it was a good dinner and will definitely revisit.

魚眾不同 中環店  地址：香港中環永和街23-27號俊和商業中心地下 1號舖我同朋友食菜多過食肉，朋友推薦呢間，試下味道出奇的好，青花椒湯底清的來又夠味道，清爽的麻辣味 配菜任選，魚多到我未食曬，魚爽口；蕃茄鱸魚就濃味啲魚又夠鮮甜，南瓜餅成個都係南瓜咁，外脆內香甜。紅糖糍粑同其他家差唔多。