F.C.K

Open Now

Now Closed

開瓶費：暫免WhatsApp訂座時峰師傅已經問我地有冇興趣試M7牛扒，所以今次就帶牛魔王朋友去飲酒食牛扒！Keep收據 7天內全單8折，14天內全單85折套餐：生牛肉他他質素保持一貫水準，當然牛肉總會有筋，我都食到兩粒筋。味道上可能可以再加酸少少同埋Tabasco調味，整體好味好滑煎鵝肝 $ 78算係厚切果類，外皮煎得香脆，內裏軟滑，冇內臟羶味套餐：粟米濃湯峰師傅幫我地二開三碗，人人有份🙇‍♂️ 非常香甜，打得夠爛冇乜渣套餐：煎鱸魚柳配辣肉腸意大利飯鱸魚柳肉質細滑，唔會乾柴，有種比目魚嘅質感。而意大利飯就同峰師傅提過，調味過份輕手，變咗個飯唔夠味，好淡套餐：煎封門柳肉味極濃，冇內臟味鐵銹味，而且肉質接近牛柳一樣軟嫩重點係師傅手勢太好，太粉紅，太吸睛M7 Waygu Flat Iron $ 300 / 150g呢個價錢相信冇乜地方做到，M7級數嘅和牛起碼$500起。牛魔王朋友都大讚M7有肉味，有油份，外層煎到脆身，內裏仲保持到四成👏 150g非常夠分享，多食會好膩滯。套餐：巴斯克芝士餅比上次有提升！多咗軟滑感，少咗水份，但仲有進步空間。有改善代表自家製作欣賞

開瓶費：暫FREE搵餐廳食飯之際，發現主廚嘅廣告介紹，主要係$428/2位 Set Dinner，居然可以係豪宅商場做到呢個價位，真係難得，仲要觀塘市中心$428 包頭盤、湯、主菜、甜品同飲品😱煙三文魚凱撒沙律雖然跟餐，份量都唔細，所有材料都有落足煙三文魚亦冇省手生牛肉他他伴多士好靚、好粉嫩嘅生牛肉他他，不過調味上可以重手啲，再加返隻蛋黃就靚晒喇多士非常薄、脆，兩者好夾甘荀湯好濃稠，睇得出甘荀使用比例好高，好滑傳統卡邦尼意粉先講汁，正宗黃色兼且濃稠，用上Pancetta切細粒炸油製作，非常香口惹起意粉熟度剛剛好，Al Dente西班牙黑毛豬上肩肉呢個可能乾少少，但外層煎得份外香脆，醃料亦都提升到豬肉本身，最好加少少水果茸或者汁就完美巴斯克芝士餅自家製！？呢個太濕，唔夠軟滑，可能冇加忌廉、牛油入芝士漿？最後多謝峰師傅請我地試試佢嘅馬頭魚立鱗燒，魚肉好滑好多汁，調味好輕手，食返魚嘅原味，魚鱗直頭係完美炸到豎起晒脆卜卜隱世高手餐廳面向比較入，同埋本身舖位太畸形，餐廳座位有限，約14個位左右偏細，所以建議訂枱

❣️觀塘食野總會有驚喜，呢間應該係裕民坊最抵食西餐，但質素好高！❣️每道菜都好有心思，有d耹貴菜記得要預訂❣️小店形式，位置有限，記得book位！擺設其貌不揚，所以本來無咩期望下，竟然超驚喜❣️每道菜都係老闆親自下廚，有心思又有水準🐟立鱗燒配柚子珠珠$70件 （需預訂）- 係好有心思前菜，外皮煎到好脆口，魚肉厚身，肉質juicy嫩滑。最特別係柚子珠珠， 酸酸地開胃，配搭上更能突出魚肉鮮味。配菜沙律菜都好新鮮✨鵝肝配多士$88/件（需預訂）- 鵝肝肥美厚身，煎到脆香，食落去口感juicy，好滿足！- 一定要問佢地要沙律醋，酸香好開胃🐷香煎西班牙伊比利黑毛豬上肩肉$178 （套餐連前菜、湯價錢）- 必食！無expect過呢個價錢食到呢個水準黑毛豬肉！用上慢煮方法，入面好軟嫩juicy得來有嚼勁，啖啖好香豬肉味，來貨都有水準- 外層煎香有辣調味，肥瘦均勻，而且肥係入口即融 - 值得一讚係配菜都用心，asparagus爽口、薯仔皮都好香口🦐西班牙紅蝦扁意大利麵$380- 超大隻紅蝦，好高質！紅蝦煎香後好鮮甜，肉質彈口，記得要撈勻個底精華先食個意粉，係好濃香嘅紅蝦膏配海鮮汁，好滋味。- 配菜都好豐富，有

年初三去咗觀塘裕民坊一間西餐廳食飯，雖然地方唔算大，但食物質素真係高，而且廚師仲會親自出嚟同客人溝通，感覺好貼心～🙌 我哋嗌咗兩set，份量剛剛好，款式仲幾多元化！ 🍽 **小食**： - **意式蕃茄燴自家製豬肉丸**豬肉丸嫩滑多汁，配上濃郁蕃茄醬，超開胃🍅 - **意大利牛肉他他**牛肉新鮮細緻，配料調味一流，令人一試難忘🐄✨ - **炒雜蘑菇**香氣十足，蘑菇煮得啱啱好，簡單又出色🍄 🍲**湯**： - **香濃雜菌忌廉湯**口感幼滑，菌香濃郁，每一啖都暖心又滿足🫶 🍴 **主食**： - **紅酒燴牛面頰**牛面頰燉得又軟又入味，紅酒醬汁濃郁🍷🐄 - **香煎海鱸魚柳配西班牙辣肉腸蕃茄意大利飯**魚柳煎得皮脆肉嫩，配上微辣嘅意大利飯，味道層次豐富🐟🍚 ✨ **Daily Special**： - **Parma Ham with Burrata Cheese**鹹香嘅Parma火腿配上一大球滑溜嘅Burrata Cheese，清新又好味🧀💖 -**煎馬頭魚** :馬頭魚煎到外脆內嫩，魚肉鮮甜細膩。旁邊嘅透明珠珠帶有柚子味，酸甜清新。

觀塘新開一間西餐廳真心有驚喜，應是裕民坊最抵食性價比最高的西餐，價錢公道又質素好高！老闆好有心所以每道菜都好有心思我自己特別喜歡其中：鵝肝配多士鵝肝肥美而且煎到脆香，配上多士口感豐富西班牙🇪🇸紅蝦扁意大利麵超大條紅蝦，鮮甜多汁，濃香紅蝦膏配海鮮汁，再配有有蒜、帶子粒粒、番茄🍅等極滋味聽老闆講遲啲會轉新傢俬坐椅， 應該下次來幫襯時更舒服寫意🤗F.c.k香港觀塘協和街33號裕民坊YM² 3樓307號舖

前菜的牛肉他他，搭配麵包的酥脆質地，帶來完美的口感平衡。接下來的立鱗燒馬頭魚，外皮香脆，內裡鮮嫩，令人食指大動。主菜部分令人印象深刻，特別是那碗海鮮湯，蛤蜊和扇貝的鮮味在湯汁中完美融合，讓人不禁感嘆食材的鮮美。而意大利麵配上大蝦，每啖麵掛上濃濃嘅蝦汁，是一場味蕾的享受。最後配以M7和牛，為這頓美味畫上完美句點。整個用餐過程，主廚會不時過來招呼客人，無論是菜品的設計，還是服務的細膩，都讓人感受到餐廳對細節的用心。

呢間餐廳既食物質素都幾高嫁，廚師係五星級主廚黎嫁，所以用料上乘，制作需時要俾少少耐性，同埋餐廳都幾多人食記得預約呀～。我地叫左一份意大利牛肉他他，生牛肉他他小編最愛，牛肉配多士又幾夾，生牛肉肉味濃郁。另外伊比利亞豚肉好好味切好晒一啖一口，熟成度岩岩好安格斯牛扒，大大份，軟熟口感，肉味juicy。黑松露湯好有驚喜，入面係左即刨黑松露片飲落更creamy。小食必食：炸單骨雞翼好惹味脆卜卜甘，雞翼肉質嫩。

屋企附近新開了兩個多月的小餐廳，今晚決定和朋友一起去試吓。非常友善、笑容可掬的女侍應邀請我哋Follow 店家社交平台, 則可獲贈鵝肝多士，我哋心想此舉無傷大雅，於是答應。鵝肝多士上枱，廚師非常慷慨，厚切且軟嫰，夾多士吃令人回味。我哋點了三文魚沙律、牛肉他他、海鱸魚意大利飯及黑毛豬上肩肉。餐湯是蘑菇忌廉湯，Creamy 且有菇香。牛肉他他非常出色，屬水準之作；意大利飯正宗，口感彈牙，飯中還有辣肉腸粒粒，鹹鹹香香十分惹味；豬肩上肉煎得嫰滑而富肉香，令人滿意。跟餐的咖啡，更是比一般隨餐附送的好飲得多，驚喜。藏於民居中的小餐廳，用心製作、食材優質，值得支持。值得一提的是，女侍應細心周到且面帶笑容，予人賓至如歸的感覺。

由以往在升級米芝蓮餐廳做大廚，現在出嚟開自己嘅隱世小廚、非常好味，好有驚喜，精選海鮮意大利飯紅蝦意大利粉，炆牛肉面、黑松露蘑菇湯、炆羊膝、意大利他他，價錢非常合理

收工約左朋友去觀塘食dinner，中意食西餐既我上open rice search下，就搵到呢間係裕民坊既隱世小店💕🌟 ⭐️人均💲3️⃣0️⃣0️⃣ 性價比高質西餐廳⭐️🌟🩵頭盤：意大利牛肉他他牛肉由意大利進口，食落鮮味質感軟滑，配上脆餅，口感非常豐富🫰🏻🩵頭盤：凱撒沙律配煙三文魚沙律菜爽口新鮮，配上煙燻三文魚，脂肪條紋分布平均，入口甘香嫩滑先😚🩵餐湯：蘑菇忌廉湯蘑菇忌廉湯用新鮮蘑菇打成嘅濃湯，入口香滑濃郁，飲完個人即刻暖笠笠🫶🏻🩵小食：燴牛肉雜菌香烤法包燴牛肉加雜菌放在法包上，燴牛肉軟腍，肉汁豐富，配上雜菌粒，非常出色👍🏻🩵小食：藍青口配蒜香蕃茄汁青口配上蒜香蕃茄汁，咬落鮮嫩多汁，吾似出面整到好乾身🤭🩵主食：紅酒燴牛面頰牛面頰超軟熟，加上紅酒融入牛肉，好juicy，真正既入口即溶👍🏻🩵主食：紅酒燴羊膝羊膝肉質嫩滑柔軟，利用餐刀輕輕切開，好快就將肉與骨分離，賣相仲好吸引😍🩵飲品：凍檸檬茶茶底唔會太濃太苦澀，配上檸檬香，酸酸甜甜，好適合食大餐飲🍋

今天本想和老公在樓下食個快靚正的lunch, 看完門外餐牌，便決定試吓！驚喜一：$58包沙律，主菜和餐飲驚喜二：Cesar Salad 味道超好，菜新鮮甜脆，D dressing 好正宗又toss 得好勻循。驚喜三：老公點的卡邦尼意粉，廚師放了一些煎香左的豬面肉，又鹹又香，味道非常特別！這裡的食物用料非常高質，廚師用心煮理，真的可以說是「隱世小店」！日後WFH 多了一個好撰擇。

Set Dinner 可選沙律🥗或湯🥣，配main course另可加配小食，CP 值高雜菇忌廉湯好好味，夠濃🤤，沒有味精肉醬意大利麵有自家製的感覺🇮🇹🍝意大利麵軟硬度適中紅酒燴羊膝，大份抵食，羊膝軟綿入味Beef Cheek 軟滑，剛剛好不會太生或太熟配菜的薯蓉亦好滑🥔最欣賞是廚師會出來同人客傾計，了解人客的喜好同要求，有一種親切的感覺，這也是小店吸引我的原因吧！一定會再次光顧同介紹給朋友啊👍🏻

觀塘裕民坊 新店😉第一次食紅酒燴牛臉肉 牛味濃🐮肉質好林好好食☺️墊底的薯蓉味道好好😋肉醬意粉麵質爽 味道都好好食👍🏻紅酒燴羊膝 👍🏻👍🏻👍🏻 羊膝配汁出色 肉質嫩滑 完全唔會有騷味😊價錢超級性價比 呢個價錢食到咁嘅質素 絕對值得再黎👍🏻👍🏻👍🏻自家製肉丸 🥰 春雞細細隻好嫩滑 ❤️❤️美國豬鞍 香草味奄得剛剛好 推介👍🏻仲有個自家製凱撒沙律😋😋😋老闆服務週到 🫶🏻🫶🏻🫶🏻